ዬሱሲ ኪቴዳዋንቱ ኦሱዋ 7
7
ኢስፂፋኖሳ ሃሳያ
1ቄሳቱዋ ኡባቱዋ ካፑ ኢስፂፋኖሳ፥ «ሃዌ ቱሜ?» ያጊዴ ኦቼዳ።
2ኢስፂፋኖሲ «ታናዳን ኣማኒያዋንቶ፥ ታ ኣዋቶ፥ ሲሲቴ! ኑ ኣዉዋ ኣብራሃሞ ቢሮ ካራኔ ባናፔ ካሴ ማሲጴፆሚያን ዴዒሺን፥ ቦንቾ ፆሳይ ኣው ቤቲዴ፥ #ዶም 12፡1 3‹ኔ ቢታፔኔ ኔ ዳባቱዋፔ ሻኬታዴ፥ ታኒ ኔና ቤሲያ ጋዲያ ባ› ያጌዳ። 4ሄ ዎዴ ኣብራሃሞ ካላዳዋቱ ጋዲያፔ ኬሲዴ፥ ካራኔን ዴዓናው ቤዳ። ኣ ኣቡ ሃይቄዳዋፔ ጉዪያን፥ ፆሳይ ኣ ሃ ጋዴ ሂንቴ ሃዒ ዴዒያሳ ኣሄዳ። #ዶም 11፡31፤ 12፡4 5ኢ ሃ ጋዲያፔ ሃራይ ኣቶ፥ ጌዲያን ዬያ ሳዓካ ኣብራሃሞሲ ኢሚቤና፤ ሺን ኣው ናዓይ ዮፔካ፥ ፆሳይ ኣ፥ ‹ታኒ ኔዉኔ ኔፔ ጉዪያን፥ ኔ ዜሬው ሃ ጋዲያ ላታ ኦዴ ኢማና› ያጌዳ። #ዶም 12፡7፤ 13፡15፤ 15፡18፤ 17፡8 6ፆሳይ ኣብራሃሞሲ፥ ‹ኔ ዛራቱ ሃራ ጋዲያን ዴዓና፤ ያኒ ኦይዱ ፄቱ ላይው ኡንቱንቱ ኣይሌታናኔ ናቄታና። #ዶም 15፡13-14 7ሺን ታኒ ኔ ዜሬ ሞዲያ ኣሳ ቦላ ፒርዳና፤ ሄዋፔ ጉዪያን፥ ኡንቱንቱ ሄ ጋዲያፔ ኬሲዴ፥ ሃዋን ታው ጎዪናና› ያጌዳ። #ኬስ 3፡12 8ፆሳይ ኣብራሃሜ ዜሬይ ቃፃሬታና ማላ ኣናና ጫቂና፥ ዪሳቃ ኢ ዬሊዴ፥ ሆስፑን ጋላሲ ቃፃሬዳ፤ ዪሳቂ ያዪቆባ ቃፃሪና፥ ቃሲ ያዪቆቢ ታማኔ ላዑ ኣዋቱዋ ካፓቱዋ ቃፃሬዳ። #ዶም 17፡10-14፤ 21፡2-4፤ 25፡26፤ 29፡31-35፡18
9«ኣዋቱዋ ካፓቱ ዮሴፋ ቃናቲዴ፥ ጊብፄ ጋዲያሲ ኣይሌታናዳን፥ ኣ ዛሊዔዲኖ፤ ሺን ፆሳይ ኣናና ኢቲፔ ዴዔ። #ዶም 37፡11፣ 28፤ 39፡2፣ 21 10ፆሳይ ዋዪያ ኡባፔካ ኣ ኬሴዳ፤ ቃሲ ጊብፄ ካቲያ ሲንንካ ናሹዋኔ ኣ ኤራቴ ኣው ኢሜዳ፤ ጊብፄ ካቲ ዮሴፎሲ ጊብፄ ጋዲያኔ ባሬ ጎሊያ ኡባ ሞዳናዳን፥ ሱንቴ ኢሜዳ። #ዶም 41፡39-41
11«ጊብፄ ጋዲያኒኔ ካናኔ ጋዲያን ኡባን ኮሻይ ጌሊዴ፥ ጮራ ኣሳ ሜቶዳ፤ ሄ ጋሱዋን ኑ ኣዋቱ ቁማ ዴሚቤይኪኖ። #ዶም 42፡1-2 12ያዪቆቢ ጊብፄ ጋዲያን ካይ ዴዒያዋ ሲሲዴ፥ ኑ ኣዋቱዋ ኮይሮ ያ ዬዴዳ። 13ላዔዋ ቡሳን ዮሴፎ ባሬ ኢሻቱዋሲ ኤሬቴዳ፤ ቃሲ ጊብፄ ካቲካ ዮሴፎ ዛሪያ ኤሬዳ። #ዶም 45፡1፣ 16 14ዮሴፎ ባሬ ኣዉዋ ያዪቆቢኔ ባሬ ዳቡ ኡባይ ሙሌካ ላፑን ታማኔ ኢቼሹ ኣሳይ ባሬኮ ያና ማላ፥ ኪቲዴ ፄጊሴዳ። #ዶም 45፡9-10፣ 17-18፤ 46፡27 15ያዪቆቢ ጊብፄ ጋዲያ ዎዴ ሃይቄዳ፤ ኑ ኣዋቱካ ያኒ ሃይቄዲኖ። #ዶም 46፡1-7፤ 49፡33 16ኡንቱንቱ ኣኃይ ሄዋፔ ሴኬማ ጌቴቲያ ጋዲያ ቶኬቲዴ፥ ያኒ ኣብራሃሞ ሃሞራ ናናፔ ዳሮ ቢራን ሻሜዳ ዱፉዋን ሞጌቴዳ። #ዶም 23፡3-16፤ 33፡19፤ 50፡7-13፤ ኢያ 24፡32
17-18«ሺን ፆሳይ ኣብራሃሞሲ ኢማና ጌዳዌ ፖሌቲያ ዎዲ ጋካና ማቲና፥ ዮሴፋ ኤሬና ሃራ ካቲ ጊብፄ ጋዲያን ዴንዳና ጋካናሲ፥ ኣሳይ ዳሪ ዳሪ ቤዳ። #ኬስ 1፡7-8 19ሄ ካቲ ኑ ዛሪያ ጪሚዴ፥ ጉ ናናይ ሃይቃና ማላ፥ ካሬ ኡንቱንታ ኬሲ ኦላናዳን፥ ኑ ኣዋቱዋ ኡንዔዳ። #ኬስ 1፡10-11፣ 22
20«ሙሴ ዬሌቴዳዌ ሄ ዎዴ፤ ፆሳ ሲንን ኢ ዳሮ ሎዖ ናዓ ጊዴዳ፤ ባሬ ኣዉዋ ጎሊያን ሄዙ ኣጌና ጋካናሲ ዲጬዳ። #ኬስ 2፡2 21ሙሴ ዎራ ኦሌቴዳ ዎዴ፥ ጊብፄ ካቲያ ናታ ዴማዴ ባሬ ናዓዳን ኣ ዲቻዱ። #ኬስ 2፡3-10 22ሙሴ ጊብፃቱዋ ኣ ኤራቴ ኡባ ታማሪዴ፥ ቃላኒኔ ኦሱዋን ዎልቃማ ኣሳ ጊዴዳ።
23«ሺን ሙሴው ዬሌቶዴፔ ላይይ ኦይታሙዋ ኩሜዳ ዎዴ፥ ባሬ ኢሻቱዋ፥ ኢስራዔሊያ ኣሳቱዋ ቤዓናው ባሬ ዎዛናን ቆፔዳ። #ኬስ 2፡11-15 24ኢስራዔላቱዋፔ ኢቱዋ ጊብፄፔ ኢቱ ናቂሺን ቤዒዴ፥ ሄ ኢስራዔሊያ ማዴዳ፤ ሄ ናቄዳ ጊብፄ ቢታኒያ ዎዴ፥ ኣ ሃሉዋ ኬሴዳ። 25ሙሴ ባሬ ኢሻቱዋ ባሬ ባጋና ፆሳይ ኣሻና ሃኒያዋ ኡንቱንቱ ኣኬኬዲኖ ጊዴ ቆፔዳ፤ ሺን ኡንቱንቱ ኣኬኪቤይኪኖ።
26«ዎንቴ ጋላሲ ላዑ ኢስራዔሊያ ኣሳቱ ኢቱ ኢቱዋና ዋቲያዋንታ ዴሚዴ፥ ኡንቱንታ ሲጌናው ኮዪዴ፥ ‹ኣሳቶ፥ ኢሻቱ ሂንቴንቱ ኣዪሲ ኢቱ ኢቱዋ ናቂቴ?› ያጌዳ።
27«ሺን ሄ ባሬ ሾሩዋ ናቂያዌ ሙሳ፥ ‹ኔና ኑ ቦላ ሞዲያዋኔ ዳና ኡዲዴ፥ ሱንዳዌ ኦኔ? 28ኔኒ ዚኖ ጊብፄ ቢታኒያ ዎዳዋዳን፥ ታናካ ዎናው ኮያይ?› ያጊዴ፥ ሙሳ ካሬው ሱጊ ዬጌዳ። 29ሙሴ ሄዋ ሲሴዳ ዎዴ ጊብፄፔ ኬሲዴ፥ ሚዲያማ ጋዲያን ቤቴ ጊዲ ዴዒዴ፥ ላዑ ኣቱማ ናና ያኒ ዬሌዳ። #ኬስ 18፡3-4
30«ጎዳ ኪታንቻይ ኦይታሙ ላይፔ ጉዪያን፥ ሲና ዴሪያ ማታን ዴዒያ ባዙዋ ቡራን ኤፂያ ታማ ላጩዋ ጊዶን ሙሴው ቤቴዳ። #ኬስ 3፡1-10 31-32ሙሴ ባሬ ቤዔዳዎ ማላሌቲዴ፥ ኣኬኪ ፄላናው ቡራ ማታን ኢ ሺቂዴዒሺን፥ ጎዳ ቃላይ፥ ‹ታኒ ኔ ኣዋቱዋ ፆሳ፥ ኣብራሃሜ ፆሳ፥ ዪሳቃ ፆሳ፥ ያዪቆባ ፆሳ› ያጊዴ ሙሴኮ ዬዳ። ሙሴ ያሻ ኮኮሪዴ፥ ፄላናው ፃሊቤና።
33«ጎዳይ ሙሳ፥ ‹ኔኒ ኤቄዳ ቢታይ ጌሻ ጊዲያ ዲራው፥ ኔ ጌዲያን ዴዒያ ጫማካ ኬሳ። 34ታኒ ጊብፄን ዴዒያ ታ ኣሳ ዋዪያ ጌሻ ቤዓዴ፥ ቃሲ ኡንቱንቱ ኦሊያካ ሲሳዴ፥ ኡንቱንታ ኣሻናው ዎዲ። ሃዒ ሃ ያ። ታኒ ኔና ጊብፄ ኪታና› ያጌዳ።
35«ሄ ሙሳ ኢስራዔላቱ፤ ‹ኔና ኑና ሞዲያዋኔ ዳና ኡዲዴ ሱንዳዌ ኦኔ?› ያጊዴ ኢፄዲኖ፤ ቡራ ጊዶን ኣው ቤቴዳ ኪታንቻን ሞዲያዋኔ ኣሺያዋ ጊዳና ማላ፥ ፆሳይ ኣ ኪቴዳ። #ኬስ 2፡14 36ሄ ሙሴ ኢስራዔላቱዋ ጊብፄ ጋዲያን ዞዖ ኣባኒኔ ሜላ ቢታን፥ ኦይታሙ ላይው ኦራባኔ ማላታ ኦዴ፥ ጊብፄፔ ካሌዳ። #ኬስ 7፡5፤ 14፡21፤ ፓይ 14፡33
37«ኢስራዔሊያ ኣሳሲ፥ ‹ፆሳይ ታና ዴንዳዋዳን፥ ሂንቴ ዛሪያ ጊዶፔ ታ ማላ ናቢያ ሂንቴንቶ ዴንናዋ› ያጌዳዌ ሄ ሙሳ። #ዛር 18፡15፣ 18 38ኢ ኢስራዔሊያ ኣሳ ማባራና ኢቲፔ ሜላ ቢታን ዴዔዳዋ፤ ኢ ኑ ኣዋቱዋናኔ ሲና ዴሪያ ቦላን ባሬው ሃሳዬዳ ኪታንቻና ኢቲፔ ዴዔዳ። ያቲዴ ፆሳፔ ዴዑዋ ቃላ ኑሲ ኢማናው ኣኬዳ። #ኬስ 19፡1-20፡17፤ ዛር 5፡1-33
39«ሙሴው ኑ ኣዋቱ ኣዛዜታናው ዶሲቤይኪኖ፤ ሺን ጌዴ ኣ ሱጊ ኦሊዴ፥ ጉዬ ጊብፄ ሲማናው ኣሞቴዲኖ። 40ቃሲ ኣሮና፥ ‹ኑና ካሌያ ፆሳቱዋ ኑሲ ሜ፤ ኣዪሲ ጎፔ፥ ሃ ኑና ጊብፄፔ ኣሄዳ ሙሴ ዋኔዴንቶ ኑኒ ኤሮኮ› ያጌዲኖ። #ኬስ 32፡1 41ሚዛ ማራ ማላቲሲዴ፥ ሄ ዎዴ ኤቃ ኦዲኖ፤ ሄ ኤቃሲ ያርሹዋ ያርሺዴ፥ ባሬንቱ ኩሺ ኦዳ ኦሱዋን ናሼቴዲኖ። #ኬስ 32፡2-6 42ሺን ፆሳይ ኡንቱንቶ ዞኪያ ዛሬዳ፤ ኡንቱንቱ ሳሉዋ ፆሊንቲያሲ ጎዪናናዳን፥ ኡንቱንታ ኣጌዳ፤ ናባቱዋ ማፃፋን፥
‹ኢስራዔሊያ ኣሳቶ፥ ኦይታሙ ላይ
ኣሳይ ባይና ሳን ሹኬዳ ሜሂያኔ ያርሹዋ
ታው ያርሼዲቴ?
43ሂንቴንቱ ሂንቴንቶ ጎዪናናው
ኦዳ ኤቃቱዋ፥ ሞሎካ ዱንካኒያኔ
ሬፋና ጊያ ሂንቴ ፆሳ ፆሊንቲያ ቶኬዲታ።
ታኒ ሂንቴንታ ባቢሎኔፔ
ሂኒ ባጋ ዬዳና›
ጌቴቲዴ ፃፌቴዳ።#ኣሞ 5፡25-27
44«ሙሴ ባሬ ቤዔዳዋ ማላቲሲዴ፥ ጎዳይ ኣው ኦዴዳዋዳን ሜዳ ማርካ ዱንካኒ ኑ ኣዋቱዋሲ ሜላ ቢታን ዴዔ። #ኬስ 25፡9፣ 40 45ቃሲ ኑ ኣዋቱ ዱንካኒያ ባሬንቱ ኣዋቱዋፔ ካላን ኣኪዴ፥ ፆሳይ ካሴ ዬዴርሴዳ ኣዪሁዳ ጊዴና ኣሳ ቢታ ኦይቄዳ ዎዴ፥ ኢያሱና ጌሊሴዲኖ፤ ሄ ዱንካኒ ዳዊቴ ዴዒያ ዎዲ ጋካናዉካ ሄዋን ዴዔዳ። #ኢያ 3፡14-17 46ዳዊቴ ፆሳን ሳቤቴዳ፤ ቃሲ ያዪቆባ፥ ጎዳይ ዴዓና ጎሊያ ኬፃናው ፆሳ ዎሴዳ። #2ሳም 7፡1-16፤ 1ኦድ 17፡1-14 47ሺን ኣው ጎሊያ ኬፄዳዌ ሶሎሞና። #1ካት 6፡1-38፤ 2ኦድ 3፡1-17
48-50«ሺን ናቢ፥
‹ጎዳይ፥ «ሳሉ ታ ካዉቴ ኦይዲያ፤
ሳዓይካ ታ ጌዲ ዬያሳ።
ያቲና፥ ታው ኣያ ማላ ጎሊያ ኬፃኒቴ?
ዎይ ታኒ ሼምፓናሳይ ሃቃኔ?
ሃ ኡባባ ታ ኩሺያን ሜቤይኪታ?» ያጌ›
ጌዳዋዳን፥ ኡባፔ ቦላ ፆሳይ ኣሳይ ኬፄዳ ጎሊያን ዴዔና። #ኢሳ 66፡1-2
51«ሂንቴንቱ ኣይቤ ሞርጊ ሚኖ ኣሴ? ሂንቴንቱ ዎዛናይ ፆሳ ቃላ ኣካናው ኣይቤ ዳሜዳዌ? ሂንቴንቱ ሃይይካ ዋኒ ቱሌዴ? ኡባ ዎዴ ጌሻ ኣያናሲ ኣዛዜቴናን ኢፂታ። #ኢሳ 63፡10 52-53ናባቱዋን ሂንቴንቱ ኣዋቱ ዬዴርሲቤናዌ ኦኔ? ፆሳ ናዓይ ፂሉ ያናዋ ካሴቲዴ ኦዴዳዋንታካ ዎዲኖ። ሃዒ ሂንቴንቱካ ኪታንቻቱዋ ኩሺያፔ ፆሳ ሂጊያ ኣኪዴ ኣዛዜቲቤናዋንቱ፥ ፂሉዋ ኣ ኢሚዴ ዎዲታ» ያጌዳ።
ኢስፂፋኖሳ ሹቻን ዴቺዴ ዎዲኖ
54ኡንቱንቱ ሄዋ ሲሴዳ ዎዴ፥ ባሬንቱ ዎዛናን ኢስፂፋኖሳሲ ዳሮ ዪሎቲዴ፥ ባሬንቱ ሜንቴርሻ ሳዒዴ ናሴዲኖ። 55ሺን ኢስፂፋኖሲ ባሬናን ጌሻ ኣያናይ ኩሚና፥ ሳሉዋ ፑዴ ጫዲ ፄሊዴ፥ ፆሳ ቦንቹዋኔ ዬሱሲ ፆሳፔ ኡሼቻ ባጋን ኤቄዳዋ ቤዔዳ። 56ያቲዴ፥ «ፄሊቴ፥ ታኒ ሳሉ ዶዬቲና፥ ኣሳ ናዓይ ፆሳፔ ኡሼቻ ባጋን ኤቄዳዋ ቤዓይ» ያጌዳ።
57ኮሻ ቁ ኦ ዋሲዴ፥ ባሬንቱ ሃይ ቱጪዴ፥ ኢቲፔ ጊዲ ኣኮ ዎፄዲኖ። 58ካታማፔ ጋፃ ኣ ኬሲዴ፥ ሹቻን ጫዴዲኖ። ማርካቱካ ባሬንቱ ማዩዋ ኬሲዴ፥ ኢቲ ሳዖላ ጌቴቲያ ዎዳላ ማታን ዎዲኖ።
59ኢስፂፋኖሲ፥ «ታ ጎዳ ዬሱሳ፥ ታ ሼምፑዋ ኣካ» ያጊዴ ፄጊሺን፥ ኡንቱንቱ ሹቻን ኣ ዴቺኖ። 60ሄ ዎዴ ኢ ጉልባቲዴ፥ ባሬ ኮሻ ቁ ኦዴ፥ «ታ ጎዳው፥ ሃ ናጋራ ኡንቱንቶ ኣቶ ጋ» ያጌዳ። ሄዋ ጊኔ ሃይቂ ኣጌዳ።
Currently Selected:
ዬሱሲ ኪቴዳዋንቱ ኦሱዋ 7: dwrENT
Highlight
Share
Copy
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
Learn More About Ooratha Caaquwaa