ሉቃሳ 21

ኣምዓቲ ኢሞታ

(ማር 12፡41-44)

1ዬሱሲ ቁ ጊዴ ፄሊያ ዎዴ፥ ዱሬ ኣሳይ ጌሻ ጎሊያን ኢሞታ ሺሺያ ሚሻ ጊዶን ባሬንቶ ዴዒያዋፔ ኡንቱንቱ ዬጊያ ዎዴ ቤዔዳ። 2ቃሲካ ኢቲ ሂዬሳ ኣምዔ ሚሺራታ ላዑ ሴምቤሪያ ሄዋን ዬጊያ ዎዴ ቤዒዴ፥ 3«ታ ሂንቴው ቱሙዋ ጋይ፥ ሃ ሂዬሳ ኣምዔ ሚሺራታ፥ ኦፔኔ ዳሩዋ ኢማዱ። 4ሃ ኣሳይ ኡባይ ባሬንቶ ፓላሆዋፔ ኢሜዲኖ፤ ሺን ኢዛ ባሬ ሂዬሳቴ ዎልቃን ባሬው ዴዒያዋ ኡባ ኢማዱ» ያጌዳ።

ጌሻ ጎሊ ኮሌታናዋ ዬሱሲ ካሴቲዴ ኦዴዳ

(ማት 24፡1-2፤ ማር 13፡1-2)

5ኣ ካሊያዋንቱፔ ኢቱ ኢቱ፥ «ጌሻ ጎሊ ሎዖ ሹቻኒኔ ባላ ሺቁዋ ኢሞታን ሎዔዳዋ» ያጊ ሃሳዪያ ዎዴ ዬሱሲ፥ 6«ሃዌ ሂንቴንቱ ቤዒያዌ ኡባይ ኮሌቴናን፥ ሹቻይ ሹቻ ቦላን ኬሌቲዴ ኣቴና ዎዲ ያናዋ» ያጌዳ። 7ኡንቱንቱካ፥ «ታማሪሲያዎ፥ ሲሚ ሃዌ ሃናናዌ ኣዉዴ? ቃሲካ ሃዌ ሃናናው ማላይ ኣዬ?» ያጊዲ ኦቼዲኖ።

ዬሱሲ ሜቱዋ ዎዲኔ ናሼቻ ዎዲ ያናዋ ኦዴዳ

(ማት 24፡3-13፤ ማር 13፡3-13)

8ኢካ፥ «ኦኒኔ ባሌናዳን ናጌቲቴ፤ ጮራ ኣሳይ፥ ‹ታኒ ኪሪስቶሳ› ያጊዴ ቃሲካ፥ ‹ዎዲ ማቴዳ› ያጊዴ ታ ሱንን ያናዋንታ፤ ሂንቴንቱ ቃሲ ኡንቱንታ ካሎፒቴ። 9ኦላ ዬዉዋኔ ኣሳ ማካላባ ሲሲያ ዎዴ ዳጋሞፒቴ፤ ሃዌ ኮይሮ ሃናናው ቤሲያዋ ጊዶ ዲራፔ ኣቲን ዉርሴይ ቢራ» ያጌዳ።

10ሄዋፔ ካሊዴ ኣሳው፥ «ኣሳይ ኣሳ ቦላ፥ ካዉቴይካ ካዉቴ ቦላ፥ ዴንዳናዋ፤ 11ዎልቃማ ቢታ ቃይ ሃናናዋ፤ ኮሻይኔ ሃርጊ፥ ዱማ ዱማሳን ሜታናዋ፤ ያሺያ ዬዉኔ ኡባካ ዎልቃማ ማላታይ ሳሉዋፔ ሃናናዋ።

12«ሃዌ ኡባይ ሃናናፔ ካሲያን ቃሲ ኣሳይ ሂንቴንታ ኦይቃናዋንታ፥ ሜቶናዋንታ፤ ሂኒ ኣዪሁዳቱዋ ዎሳ ጎሌ ኣሳው ኣ ኢማናዋንታ፤ ቃሾ ጎሌካ ጌሊሳናዋንታ፤ ካታቱዋ ሲንኒኔ ሞዲያዋንቱ ሲንን ሺሻናዋንታ፤ ሃዌ ኡባይ ታ ሱን ጋሱዋን ሂንቴንታ ጋካናዋ። 13ሃዌካ ማርካታናው ሂንቴው ሎዖ ቃዳ ጊዳናዋ። 14ሃዋ ጊዲያ ዲራው፥ ኣይ ዛሩዋ ኢማኔ ጊዴ ኮይሮቲዴ ሂንቴንቱ ኡንዔቴና ማላ ሃዋ ዎዛና ኣቴ። 15ኤቄቲያዋንቱ ኡባይ፥ ኤቄታናዉኔ ላካናው ዳንዳዬና ቃላኔ ኣ ጪንጫቴ ታኒ ሂንቴንቶ ኢማና።#ሉቅ 12፡11-12 16ሂንቴንታ ዬሌዳዋንቱኔ ሂንቴንቱ ኢሻቱ፥ ሂንቴንቱ ዳባቱኔ ሂንቴንቱ ላጌቱካ ኣቴናን ሂንቴንታ ኣ ኢማናዋንታ፤ ሂንቴንቱፔካ ኢቱዋ ኢቱዋ ዎናዋንታ። 17ታ ሱን ዲራው ኣሳ ኡባ ማታን ኢፄቴዳዋንታ ጊዳኒታ። 18ዬዉዋን ቃሲ ሂንቴንቱ ሁጲያ ቢናናፔካ ኢቲናኔ ባዩኩ። 19ሚኒ ኤቂዴ ሂንቴንቱ ሼምፑዋ ኣሺታ።

ዬሱሲ ዬሩሳላሜ ባዬባ ኦዴዳ

(ማት 24፡15-21፤ ማር 13፡14-19)

20«ዬሩሳላሜ ኦላ ኣሳን ዶዴቴዳ ዎዴ፥ ኢዚ ባዬይ ማቴዳዋ ኤሪቴ። 21ሄ ዎዴ ዪሁዳን ዴዒያዋንቱ ዴሪያኮ ባቃቲኖ፤ ካታማን ዴዒያዋንቱ ቃይ ሄዋፔ ኬሲኖ፤ ባላጋሪያን ዴዒያዋንቱካ ያ ካታማኮ ጌሎፒኖ፤ 22ፆሳ ቃላን ፃፌቴዳዌ ኡባይ ፖሌታናዳን ሃዌ ሃሉዋ ኬሲያ ዎዲያ። #ሆስ 9፡7 23ቢታ ቦላን ዎልቃማ ሜቱ ሃናናዋ፤ ሃዒ ዴዒያ ኣሳ ቦላን ሃንቁ ያናዋ፤ ሄዋ ዲራው ሄዎዲያን ሻሃሮዋንቶኔ ንያዋንቶ ኣዬ! 24ኣሳይ ኡባይ ማሻን ሃይቃናዋንታ፤ ፆሳ ኤሬና ጋዲያ ኡባቱካ ኦሞዱዋን ባናዋንታ፤ ዬሩሳላሜካ ኣዪሁዳ ጊዴናዋንቱ ዎዲ ፖሌታና ጋካናው፥ ኡንቱንቱን ዬቴዳዉኖ ጊዳናዉኑ።

ኪሪስቶሳ ላዔ ዩሳ

(ማት 24፡29-31፤ ማር 13፡24-27)

25«ኣዋ፥ ኣጌናኒኔ ፆሊንቲያ ቦላ ማላታይ ሃናናዋ፤ ኣባፔኔ ቤታ ኮሻፔ ዴንዶ ጋሱዋን ቢታ ቦላን ዴዒያ ኣሳይ ኡባይ ኡንዔታናዋንታ፤ ሂርጋናዋንታ። #ኢሳ 13፡10፤ ሂዝ 32፡7፤ ኢዩ 2፡31፤ ሳፅ 6፡12፣ 13 26ሳሉዋ ዎልቃይ ኡባይ ቃፂያ #21፡26 ሳሉዋ ዎልቃይ ኡባይ ቃፄ፡ ሃዋ ጉሳይ፥ ቤኒ ዎዴ ኣሳይ፥ ሳሉዋን ዴዒያ ፆሊንቲ ኡባይ ኣያና ዎልቃና ዴዔ ጊዴ ቆፔ። ዲራው ኣሳይ ያሻኒኔ ኣላሚያ ቦላ ኣዬ ያናዌሻ ያጊዴ ናጉዋን ዳቡራናዋንታ። 27ሄ ዎዴ ኣሳ ናዓይ ዎልቃኒኔ ዎልቃማ ቦንቹዋን ሻሪያን ዪያ ዎዴ ቤዓናዋንታ። #ዳን 7፡13፤ ሳፅ 1፡7 28ሂንቴንቱካ፥ ሃ ዬዉ ፖሌቱሳ ዶሚያ ዎዴ፥ ዎዙ ማቶ ዲራው ሲቲ ጊዴ ኤቂቴ፤ ፑዴ ቁ ጊዴ ፄሊቴ» ጌዳ።

ባላሲያ ጌቴቲያ ሚ ሌሚሱዋ

(ማት 24፡32-35፤ ማር 13፡28-31)

29ካሊዴካ፥ ሃዋ ያጊ ሌሚሱዋ ኦዴዳ፥ «ዎዴንፔኔ ሃራ ሚ ኡባፔ ፄሊቴ፤ 30ሃይይ ኣጪና ቤዒያ ዎዴ፥ ሄ ዎዴ ቦኒ ማቴዳዋ ሂንቴንቱ ኤሪታ። 31ሄዋዳንካ ቃሲ ዬዋቱ ፖሌቲያዋ ቤዒያ ዎዴ፥ ፆሳ ካዉቴታ ማቴዳዉኖ ኤሪቴ።

32«ታኒ ሂንቴው ቱሙዋ ጋይ፤ ሃዌ ኡባይ ፖሌታና ጋካናው ሃ ዬሌታይ ኣና። 33ሳሉኔ ሳዓይ ኣና፤ ሺን ታ ቃላይ ኣና። 34ሲሚ ዛዋይ ባይና ዴዑዋን፥ ኡሻ ዳሩዋኔ ዴዑዋባን ኡንዔቲሺን ሂንቴንቱ ዎዛናይ ሌፔናዳኒኔ ሄ ጋላሳይ ጲሪያዳን ቆፔናን ሂንቴና ጋኬናዳን ናጌቲቴ፤ 35ሃዌ ቢታ ኡባን ዴዒያዋንቱ ኡባቱዋ ቦላን ጋካናዋ። 36ሲሚ ዪያ ኢታባ ኡባፔ ሂንቴንቱ ኣታናዳኒኔ ኣሳ ናዓ ሲንንካ ኤቃናው ዳንዳያና ማላ፥ ኡባ ዎዴ ሚኒ ዎሲቴ» ያጌዳ።

37ዬሱሲ ጋላሲ ጋላሲ ጌሻ ጎሊያን ታማሪሲዴ፥ ቃማ ቃማ ዴብሬ ዛይቴ ያጌቲያ ዴሪያኮ ኬሲዴ ኣቄ። 38ኣሳይ ኡባይ ኣ ሲሳናው ጉራን ያ ጌሻ ጎሊያ ኣኮ ዪኖ።

Currently Selected:

ሉቃሳ 21: dwrENT

Highlight

Copy