Gḭ-Néje 12
12
ABRAM
Ala ɓar Abram
1Njesigənea̰ ula Abram pana: Uba naŋg ḭ mee ɓee-kojii’g gə mbuna njénojije’g ləi ləm, gə mee kəi’g lə bɔbije ləm tɔ aw dɔ naŋg gə́ ma nja m’a gə tɔjii lé . 2M’a kari tel to ginkoji dəwje gə́ boo yaa̰ ləm, m’a tɔr ndum dɔi’g ləm tɔ. M’a kar rii ɓar ləm, i a tel to gin dɔkaisəgərə ləm tɔ. 3M’a tɔr ndum dɔ deḛ gə́ tɔr ndu dee dɔi’g ləm, m’a kila ndɔl dɔ deḛ gə́ d’ila ndɔl dɔi’g ləm tɔ. Ginkoji dəwje lai dɔ naŋg nee d’a kiŋga dɔkaisəgərə rɔi’g ya .
4Abram ḭ aw to gə́ Njesigənea̰ ulá lé, tɔɓəi Lɔt ḭ aw səa tɔ. Ləb Abram aḭ rɔ-siri-giree-mi (75) loo gə́ yeḛ ḭ Haran lé. 5Abram un Sarai gə́ to dené ləa gə ŋgolə ŋgokea̰ gə́ diŋgam gə́ Lɔt lé ar d’aw səa na̰’d, tɔɓəi yeḛ odo nékiŋgaje lə deḛ lai gə́ d’iŋga ləm, dəwje lai gə́ d’iŋga dee Haran kara d’ḭ d’aw sə dee na̰’d ləm tɔ. Deḛ d’ḭ gə mba kaw ɓee gə́ Kana̰ ndá deḛ teḛ mee ɓee gə́ Kana̰ lé ya tɔ.
6Abram njaa unda loo gaŋg aw saar teḛ loo gə́ ɓaree Sikem, saar teḛ loo gə́ kagje gə́ ɓar dee sɛnəje gə́ Moré d’aar keneŋ. Kana̰je d’isi mee ɓee’g neelé ɓəi.
7Njesigənea̰ teḛ dɔ Abram’g ulá pana: Ɓee neelé m’a kar ŋgakaije gə́ ka̰ dee-deḛ. Togə́bè Abram ra loo-nékinjaməs ar Njesigənea̰ gə́ teḛ dəa’g lé . 8Yeḛ sa rəa loo gə́ nee’g lé aw par gə́ dɔ mbal’d gə́ to par gə́ bər lə Betel ndá yeḛ la kəi-kubuje ləa keneŋ ar Betel to gə́ dɔ-gó ləm, Ai to par gə́ bər ləm tɔ. Yeḛ ra loo-nékinjaməs keneŋ ar Njesigənea̰, tɔɓəi yeḛ ɓar ri Njesigənea̰ keneŋ tɔ. 9Abram njaa kəmee gə́ kédé aw ne par gə́ dɔkɔl.
Abram si Ejiptə
10Ɓoo-boo oso mee ɓee’g ndá Abram ḭ aw Ejiptə gə mba kisi keneŋ waga ɓa mbata ɓoo-boo tɔl yaa̰ mee ɓee’g lé. 11Loo gə́ yeḛ unda dɔ ɓee gə́ Ejiptə dəb ndá yeḛ ula Sarai gə́ to dené ləa lé pana: Aa oo, ma m’gər gao, i lé to dené gə́ ma̰də yaa̰. 12Loo gə́ Ejiptəje d’a kila kəm dee dɔi’g ndá d’a pana: I to dené ləm! Togə́bè ɓa d’a tɔlm nɛ i ndá d’a kya̰’i kəmba ya. 13Ma m’ra ndòo rɔi’g gə mba kari ula dee pana: I to kɔnanəm ɓó gə mba kar mbɔl dɔi ɓa d’a kwam ne gə́ rɔ dee’g ləm, gə mba karm m’isi ne kəmba gə mbata ləi ləm tɔ .
14Loo gə́ Abram teḛ Ejiptə mba̰ ndá Ejiptəje d’oo dené ləa lé ma̰də yaa̰ ya tɔ. 15Dəwje gə́ boo lə Parao̰ kara d’ée tɔ ndá d’ɔr ta gə́ wɔji dɔ ma̰də ləa d’ar Parao̰ oo. Togə́bè ɓa deḛ d’aw gə dené neelé kəi lə Parao̰ tɔ. 16Parao̰ lé ra gə Abram meemaji gə mbata ləa. Togə́bè Abram iŋga badje ləm, gə maŋgje ləm, gə mulayḛ̀je-je ləm, gə ŋganjélookisije gə́ diŋgam gə njé gə́ dené ləm, gə ko̰-mulayḛ̀je-je ləma, gə jambalje ləm tɔ. 17Nɛ Njesigənea̰ ar némeekonje gə́ to ɓəl kədəm-kədəm teḛ dɔ Parao̰ gə njémeekəije’g ləa gə mbata lə Sarai, dené lə Abram lé. 18Yen ŋga Parao̰ ɓar Abram dəjee pana: See ɗi ɓa i ra səm bèe wa. See ban ɓa i ulam təsərə to gə́ yeḛ to dené ləi el wa. 19See gə mba ɗi ɓa i pa pana: Yeḛ to kɔnani ɓa am ma m’təa ne gə́ dené ləm lé wa. Ɓasinè aa oo dené ləi ya aa’n, wá gə́ rɔi’g ndá ɔd aw loo ləi ŋga!
20Bèe ɓa Parao̰ un ndia ar dəwje ləa mba kar dee tɔbee, yeḛ gə dené ləa gə néje ləa lai.
Currently Selected:
Gḭ-Néje 12: SBA2015
Highlight
Share
Copy
Want to have your highlights saved across all your devices? Sign up or sign in
Ngambai Bible © Alliance Biblique du Tchad 1989, 2015.
Gḭ-Néje 12
12
ABRAM
Ala ɓar Abram
1Njesigənea̰ ula Abram pana: Uba naŋg ḭ mee ɓee-kojii’g gə mbuna njénojije’g ləi ləm, gə mee kəi’g lə bɔbije ləm tɔ aw dɔ naŋg gə́ ma nja m’a gə tɔjii lé . 2M’a kari tel to ginkoji dəwje gə́ boo yaa̰ ləm, m’a tɔr ndum dɔi’g ləm tɔ. M’a kar rii ɓar ləm, i a tel to gin dɔkaisəgərə ləm tɔ. 3M’a tɔr ndum dɔ deḛ gə́ tɔr ndu dee dɔi’g ləm, m’a kila ndɔl dɔ deḛ gə́ d’ila ndɔl dɔi’g ləm tɔ. Ginkoji dəwje lai dɔ naŋg nee d’a kiŋga dɔkaisəgərə rɔi’g ya .
4Abram ḭ aw to gə́ Njesigənea̰ ulá lé, tɔɓəi Lɔt ḭ aw səa tɔ. Ləb Abram aḭ rɔ-siri-giree-mi (75) loo gə́ yeḛ ḭ Haran lé. 5Abram un Sarai gə́ to dené ləa gə ŋgolə ŋgokea̰ gə́ diŋgam gə́ Lɔt lé ar d’aw səa na̰’d, tɔɓəi yeḛ odo nékiŋgaje lə deḛ lai gə́ d’iŋga ləm, dəwje lai gə́ d’iŋga dee Haran kara d’ḭ d’aw sə dee na̰’d ləm tɔ. Deḛ d’ḭ gə mba kaw ɓee gə́ Kana̰ ndá deḛ teḛ mee ɓee gə́ Kana̰ lé ya tɔ.
6Abram njaa unda loo gaŋg aw saar teḛ loo gə́ ɓaree Sikem, saar teḛ loo gə́ kagje gə́ ɓar dee sɛnəje gə́ Moré d’aar keneŋ. Kana̰je d’isi mee ɓee’g neelé ɓəi.
7Njesigənea̰ teḛ dɔ Abram’g ulá pana: Ɓee neelé m’a kar ŋgakaije gə́ ka̰ dee-deḛ. Togə́bè Abram ra loo-nékinjaməs ar Njesigənea̰ gə́ teḛ dəa’g lé . 8Yeḛ sa rəa loo gə́ nee’g lé aw par gə́ dɔ mbal’d gə́ to par gə́ bər lə Betel ndá yeḛ la kəi-kubuje ləa keneŋ ar Betel to gə́ dɔ-gó ləm, Ai to par gə́ bər ləm tɔ. Yeḛ ra loo-nékinjaməs keneŋ ar Njesigənea̰, tɔɓəi yeḛ ɓar ri Njesigənea̰ keneŋ tɔ. 9Abram njaa kəmee gə́ kédé aw ne par gə́ dɔkɔl.
Abram si Ejiptə
10Ɓoo-boo oso mee ɓee’g ndá Abram ḭ aw Ejiptə gə mba kisi keneŋ waga ɓa mbata ɓoo-boo tɔl yaa̰ mee ɓee’g lé. 11Loo gə́ yeḛ unda dɔ ɓee gə́ Ejiptə dəb ndá yeḛ ula Sarai gə́ to dené ləa lé pana: Aa oo, ma m’gər gao, i lé to dené gə́ ma̰də yaa̰. 12Loo gə́ Ejiptəje d’a kila kəm dee dɔi’g ndá d’a pana: I to dené ləm! Togə́bè ɓa d’a tɔlm nɛ i ndá d’a kya̰’i kəmba ya. 13Ma m’ra ndòo rɔi’g gə mba kari ula dee pana: I to kɔnanəm ɓó gə mba kar mbɔl dɔi ɓa d’a kwam ne gə́ rɔ dee’g ləm, gə mba karm m’isi ne kəmba gə mbata ləi ləm tɔ .
14Loo gə́ Abram teḛ Ejiptə mba̰ ndá Ejiptəje d’oo dené ləa lé ma̰də yaa̰ ya tɔ. 15Dəwje gə́ boo lə Parao̰ kara d’ée tɔ ndá d’ɔr ta gə́ wɔji dɔ ma̰də ləa d’ar Parao̰ oo. Togə́bè ɓa deḛ d’aw gə dené neelé kəi lə Parao̰ tɔ. 16Parao̰ lé ra gə Abram meemaji gə mbata ləa. Togə́bè Abram iŋga badje ləm, gə maŋgje ləm, gə mulayḛ̀je-je ləm, gə ŋganjélookisije gə́ diŋgam gə njé gə́ dené ləm, gə ko̰-mulayḛ̀je-je ləma, gə jambalje ləm tɔ. 17Nɛ Njesigənea̰ ar némeekonje gə́ to ɓəl kədəm-kədəm teḛ dɔ Parao̰ gə njémeekəije’g ləa gə mbata lə Sarai, dené lə Abram lé. 18Yen ŋga Parao̰ ɓar Abram dəjee pana: See ɗi ɓa i ra səm bèe wa. See ban ɓa i ulam təsərə to gə́ yeḛ to dené ləi el wa. 19See gə mba ɗi ɓa i pa pana: Yeḛ to kɔnani ɓa am ma m’təa ne gə́ dené ləm lé wa. Ɓasinè aa oo dené ləi ya aa’n, wá gə́ rɔi’g ndá ɔd aw loo ləi ŋga!
20Bèe ɓa Parao̰ un ndia ar dəwje ləa mba kar dee tɔbee, yeḛ gə dené ləa gə néje ləa lai.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ngambai Bible © Alliance Biblique du Tchad 1989, 2015.