Gḭ-Néje 13
13
1Abram ḭ Ejiptə aw par gə́ dɔkɔl, yeḛ gə dené ləa, gə néje ləa lai ləm, Lɔt kara aw səa na̰’d ləm tɔ.
Abram gə Lɔt d’ya̰ na̰ d’aw loo lə dee lə dee
2Abram lé to bao-nékulje ləm, gə bao-larnda ləma, gə bao-larlɔr ləm tɔ. 3Yeḛ ḭ par gə́ dɔkɔl njaa gə loo-loo saar teḛ Betel, saar teḛ loo gə́ yeḛ la kəi-kubu ləa keneŋ dɔtar, mbuna Betel gə Ai’g, 4to loo gə́ loo-nékinjaməs gə́ yeḛ ra kédé lé to keneŋ. Lée neelé ɓa Abram ɓar ri Njesigənea̰ keneŋ tɔ.
5Lɔt gə́ aw gə Abram na̰’d lé kara badje ləa, gə maŋgje ləa, gə kəi-kubuje ləa to keneŋ tɔ. 6Ndá gad loo neelé as kar dee d’isi na̰’d keneŋ el mbata néje lə dee to yaa̰ ar dee d’askəm kisi na̰’d loo kára ba el. 7Njéŋgəm nékulje lə Abram gə njéŋgəm nékulje lə Lɔt lé deḛ kɔl na̰. Tɔɓəi Kana̰je gə Peresje d’isi loo gə́ neelé ɓəi tɔ. 8Abram ula Lɔt pana: M’ra ndòo rɔi’g, maji kar ta tḭ-na̰ oso mbuna sí-jeḛ səi’g el ləm, mbuna njéŋgəm nékulje ləm gə njéŋgəm nékulje ləi’g el ləm tɔ, mbata jeḛ n’to ŋgako̰ na̰je. 9See loo ɓa lai to nɔḭ’g nee el wa. Maji kari ɔr rɔi rɔm’g. Ɓó lé i aw par gə́ dɔgel ndá m’a kaw gə́ dɔkɔl. Ɓó lé i aw par gə́ dɔkɔl ndá m’a kaw gə́ dɔgel tɔ.
10Lɔt un kəmee gə́ tar ndá yeḛ oo loo gə́ təb mee ndag-loo gə́ Jurdɛ̰ lai gə́ mu idi keneŋ lururu. Kédé gə́ Ala tuji Sɔdɔm gə Gɔmɔr el ɓəi lé, un kudee lé gə́ neelé saar teḛ Soar lé to asəna gə loo-ndɔ lə Njesigənea̰, asəna gə ɓee gə́ Ejiptə bèe . 11Lɔt lé unda kəm loo mee ndag-loo gə́ Jurdɛ̰ lai gə́ kea̰-yeḛ ndá yeḛ aw par gə́ bər. Togə́bè ɓa deḛ d’ya̰ ne goo na̰. 12Abram si mee ɓee gə́ Kana̰ ndá Lɔt ɓa si mee ɓee-booje gə́ to mee ndag-loo’g tɔɓəi yeḛ la kəi-kubuje ləa keneŋ saar teḛ Sɔdɔm. 13Dəwje gə́ Sɔdɔm lé to njémeeyèrje ləm, gə bao-kaiyaje no̰ Njesigənea̰’g ləm tɔ.
14Loo gə́ Lɔt uba Abram yá̰ mba̰ ndá Njesigənea̰ ula Abram pana: Un kəmi gə́ tar loo gə́ i aar keneŋ nee ya, aa ne loo oo par gə́ dɔgel gə dɔkɔl ləm, gə par gə́ bər gə dɔ-gó ləm tɔ. 15Mbata dɔ naŋgje lai gə́ i oo lé m’a kari gə́ kaḭ ya doŋgɔ doi ləm, gə ka̰ ŋgakaije saar-saar gə no̰ ləm tɔ . 16M’a kar ŋgakaije bula d’asəna gə nduji naŋg mba kar ɓó lé dəw askəm tura nduji naŋg ndá ŋgakaije kara a tura bula lə dee bèe ya tɔ. 17Uba naŋg ḭta, njaa mee ɓee’g neelé gə looje lai-lai, ŋgalee ləm, gə tadee ləm tɔ mbata m’a gə kari gə́ kaḭ ya.
18Abram tɔr kəi-kubuje ləa aw si mbuna kag-sɛnəje’d gə́ Mamré gə́ to mbɔr Ebro̰’g dəb. Ndá yeḛ ra loo-nékinjaməs keneŋ ar Njesigənea̰.
Currently Selected:
Gḭ-Néje 13: SBA2015
Highlight
Share
Copy
Want to have your highlights saved across all your devices? Sign up or sign in
Ngambai Bible © Alliance Biblique du Tchad 1989, 2015.
Gḭ-Néje 13
13
1Abram ḭ Ejiptə aw par gə́ dɔkɔl, yeḛ gə dené ləa, gə néje ləa lai ləm, Lɔt kara aw səa na̰’d ləm tɔ.
Abram gə Lɔt d’ya̰ na̰ d’aw loo lə dee lə dee
2Abram lé to bao-nékulje ləm, gə bao-larnda ləma, gə bao-larlɔr ləm tɔ. 3Yeḛ ḭ par gə́ dɔkɔl njaa gə loo-loo saar teḛ Betel, saar teḛ loo gə́ yeḛ la kəi-kubu ləa keneŋ dɔtar, mbuna Betel gə Ai’g, 4to loo gə́ loo-nékinjaməs gə́ yeḛ ra kédé lé to keneŋ. Lée neelé ɓa Abram ɓar ri Njesigənea̰ keneŋ tɔ.
5Lɔt gə́ aw gə Abram na̰’d lé kara badje ləa, gə maŋgje ləa, gə kəi-kubuje ləa to keneŋ tɔ. 6Ndá gad loo neelé as kar dee d’isi na̰’d keneŋ el mbata néje lə dee to yaa̰ ar dee d’askəm kisi na̰’d loo kára ba el. 7Njéŋgəm nékulje lə Abram gə njéŋgəm nékulje lə Lɔt lé deḛ kɔl na̰. Tɔɓəi Kana̰je gə Peresje d’isi loo gə́ neelé ɓəi tɔ. 8Abram ula Lɔt pana: M’ra ndòo rɔi’g, maji kar ta tḭ-na̰ oso mbuna sí-jeḛ səi’g el ləm, mbuna njéŋgəm nékulje ləm gə njéŋgəm nékulje ləi’g el ləm tɔ, mbata jeḛ n’to ŋgako̰ na̰je. 9See loo ɓa lai to nɔḭ’g nee el wa. Maji kari ɔr rɔi rɔm’g. Ɓó lé i aw par gə́ dɔgel ndá m’a kaw gə́ dɔkɔl. Ɓó lé i aw par gə́ dɔkɔl ndá m’a kaw gə́ dɔgel tɔ.
10Lɔt un kəmee gə́ tar ndá yeḛ oo loo gə́ təb mee ndag-loo gə́ Jurdɛ̰ lai gə́ mu idi keneŋ lururu. Kédé gə́ Ala tuji Sɔdɔm gə Gɔmɔr el ɓəi lé, un kudee lé gə́ neelé saar teḛ Soar lé to asəna gə loo-ndɔ lə Njesigənea̰, asəna gə ɓee gə́ Ejiptə bèe . 11Lɔt lé unda kəm loo mee ndag-loo gə́ Jurdɛ̰ lai gə́ kea̰-yeḛ ndá yeḛ aw par gə́ bər. Togə́bè ɓa deḛ d’ya̰ ne goo na̰. 12Abram si mee ɓee gə́ Kana̰ ndá Lɔt ɓa si mee ɓee-booje gə́ to mee ndag-loo’g tɔɓəi yeḛ la kəi-kubuje ləa keneŋ saar teḛ Sɔdɔm. 13Dəwje gə́ Sɔdɔm lé to njémeeyèrje ləm, gə bao-kaiyaje no̰ Njesigənea̰’g ləm tɔ.
14Loo gə́ Lɔt uba Abram yá̰ mba̰ ndá Njesigənea̰ ula Abram pana: Un kəmi gə́ tar loo gə́ i aar keneŋ nee ya, aa ne loo oo par gə́ dɔgel gə dɔkɔl ləm, gə par gə́ bər gə dɔ-gó ləm tɔ. 15Mbata dɔ naŋgje lai gə́ i oo lé m’a kari gə́ kaḭ ya doŋgɔ doi ləm, gə ka̰ ŋgakaije saar-saar gə no̰ ləm tɔ . 16M’a kar ŋgakaije bula d’asəna gə nduji naŋg mba kar ɓó lé dəw askəm tura nduji naŋg ndá ŋgakaije kara a tura bula lə dee bèe ya tɔ. 17Uba naŋg ḭta, njaa mee ɓee’g neelé gə looje lai-lai, ŋgalee ləm, gə tadee ləm tɔ mbata m’a gə kari gə́ kaḭ ya.
18Abram tɔr kəi-kubuje ləa aw si mbuna kag-sɛnəje’d gə́ Mamré gə́ to mbɔr Ebro̰’g dəb. Ndá yeḛ ra loo-nékinjaməs keneŋ ar Njesigənea̰.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ngambai Bible © Alliance Biblique du Tchad 1989, 2015.