Hechos 15
15
Raj wach re riglesia kakimol kib' Jerusalem
1Chupa taq ri' la' la q'ij xeb'opon Antioquía jujun achijab' e petinaq Judea y xkijeq kek'utun chikiwach ri kikojom rub'i' ri Cristo, jewa' kakib'i'ij: «We na kakoj ta ri retalil re circuncisión che alaq jela' pacha' rutaqanik kan ri Moisés, ri' na kakolob'etaj ta alaq» kecha'.
2Ek'u ri Pablo y ri Bernabé lik xeb'ek chunimal puwi wa k'utunik kuk' wa'chijab'. K'isb'al re, konoje xkich'ob' raqan sa' ri kaki'ano; e ketaq b'i ri Pablo y ri Bernabé kuk' jujun chik cha' keb'ek Jerusalem re keb'e'ch'a't chwi wa' kuk' ri e taqo'n re ri Jesús y jujun chik e aj wach re riglesia.
3E taq k'u ri etaqom b'i kuma riglesia re Antioquía, xeb'ik'ow pa taq ri tinamit re Fenicia y re Samaria, y chujujunal luwar xkitzijoj su'anik ri na e ta aj judi'ab' kiya'om kan ri kib'inik re ojertan cha' e kakitaqej ri Dios. Ruma k'u ri' wa', konoje ri hermanos xetaw re, lik xeki'kot che.
4Echiri' xeb'opon Jerusalem, xek'ul kuma taq ri hermanos, ri e taqo'n y jujun chik e aj wach re riglesia. Xkitzijoj k'u chike ronoje ri u'anom ri Dios kuk'. 5Pero e k'o jujun chike ri kikojom rub'i' ri Cristo e kuk'il ri aj fariseos, rike xeyaktajik y jewa' xkib'i'ij:
—Lik chirajawaxik kakoj ri retalil re circuncisión chike taq ri na e ta aj judi'ab' kakikoj rub'i' ri Dios yey ketaq che kaki'an janipa ri kub'i'ij ri Tzij Pixab' re ri Moisés —xecha'.
6Xkimol k'u kib' ri e taqo'n y jujun chik e aj wach re riglesia cha' kech'a't chwi wa'. 7Lik naj k'ut xkichapala' kib' chikiwach puwi wa'. Tek'uchiri', ri Pedro xyaktajik y xub'i'ij chike:
—Hermanos achijab', ralaq eta'am alaq jampa chi lo q'ij wa' ik'owinaq chwi xinucha' lo ri Dios cha' chi nuchi' ri'in, ri na e ta aj judi'ab' kakita ri Utzilaj Tzij y kakikoj k'u rub'i' ri Cristo. 8Ri Dios, ri reta'am sa' ri k'o chupa ri kanima' ri tikawex, e xk'uluw ke ri na e ta aj judi'ab' kikojom rub'i' ri Cristo. Yey xuk'ut wa' echiri' xuya lo ri Santowilaj Ruxlab'ixel chike rike jela' pacha' xu'an quk' ri'oj. 9Y junam xeril rike quk' ri'oj, ma xujosq'ij ri kanima' che ri mak ruma ri kub'ulib'al kik'u'x.
10»Ek'u wo'ora, ¿su'chak kapetisaj alaq royowal ri Dios ruma ri keya alaq chuxe' uk'iyal taqanik ri na e ta aj judi'ab' kikojom rub'i' ri Cristo? Wa' e pacha' eqa'n kakoj alaq chikiqul. Yey wa eqa'n, na xkich'ij tane ruk'axik ri qati'-qamam ojertan y na qach'ijom tane ruk'axik ri'oj. 11No'j k'u ri'oj e kaqajikib'a' uwach wa': Xa ne ruma ri unimal rutzil uk'u'x ri Qanimajawal Jesús kojkolob'etaj ri'oj#15:11 Na jinta junoq kuriq ri kolob'etajik xa ruma kutaqej taqanik. Ef. 2:8-9 jela' pacha' rike —xcha'.
12Konoje k'u ri' ruk'iyal tikawex xetz'inka'nik y xkiya kixikin chike ri Bernabé y ri Pablo, ma kakitzijoj ri nimaq taq k'utub'al re chuq'ab' u'anom ri Dios kuma rike chikixo'l ri na e ta aj judi'ab'.
13Echiri' xkik'is kech'a't rike, ri Jacobo jewa' xub'i'ij:
—Hermanos, chinta na pe alaq: 14Ri Simón xutzijoj puwi ri nab'e laj echiri' ri Dios xuq'alajisaj rib' chikiwach ri na e ta aj judi'ab'#15:14 Ri nab'e laj echiri' ri Dios xutaq lo ri Ruxlab'ixel pakiwi ri na e ta aj Israel e pa rocho ri Cornelio. Hch. 10:24-48 cha' chikixo'l rike keb'ucha' janipa ri keb'u'ana utinamit. 15Y wa' ku'ana xaqi jun ruk' ri kitz'ib'am kan ri q'alajisanelab' puwi ri ub'i'im lo ri Dios:
16Ik'owinaq k'u wa', kintzelej loq
y kanyak tanchi ri rocho ri rey David wuluwub'inaq b'i,#15:16 Wa' e jun k'amb'al na'oj. Ke'elawi ri Dios kukoj jun nimalaj taqanel puk'axel ri rey David, wa' e ri Qanimajawal Jesucristo.
kank'ojoj k'u ri tzaqinaq b'i che y kan'an k'ak' che.
17Kan'an wa' cha' ri nik'aj chik tikawex kakitzukuj ri Dios,
wa' e taq ri tinamit na e ta aj judi'ab',
konoje ri e nu'anom nutinamit chike ma kikojom ri nub'i'.
18E wa' ri xub'i'ij ri Dios Qajawxel, yey e ri uq'alajisam chi lo ojertan. Am. 9:11-12
19Ruma k'u la', chinuwach ri'in na utz taj we kaqasachisaj kina'oj ri na e ta aj judi'ab' kikojom rub'i' ri Qanimajawal. 20Ri qa'ana' e chojtz'ib'an pan chike y qaya'a pan kina'oj cha' kakesaj kib' che taq ri kach'ulan re junoq pacha' taq ri ik'owisam chwa juna tiox, cha' na kaketz'ab'ej ta uwa kiq'ij kuk' jujun chik na kik'ulel taj, cha' na kakitij ta ti'ij ke awaj xa ejitz'am y cha' na kakitij ta kik'. 21Ma xex wi chwi lo ojertan, ronoje q'ij re uxlanib'al pa taq sinagogas e k'o ri keb'ajilan re y ketzijon puwi ri Tzij Pixab' tz'ib'ital kan ruma ri Moisés —xcha ri Jacobo.
Ri carta re pixab'anik chike ri na e ta aj judi'ab'
22E taq ri e taqo'n y ri jujun chik e aj wach re riglesia kuk' konoje ri hermanos, xuk'ul kik'u'x ri kecha' jujun achijab' chikixo'lib'al re ketaq b'i pa ri tinamit Antioquía ruk' ri Pablo y ri Bernabé cha' kakik'am b'i jun carta re pixab'anik chike ri na e ta aj judi'ab' kikojom rub'i' ri Cristo. Ek'u xekicha' ri Judas ri kab'i'x Barsabás che y ri Silas, ma lik chom ilitajinaq ri kib'inik kisilab'ik chikiwach ri hermanos. 23Xya' k'u b'i ri carta pakiq'ab', jewa' kub'i'ij:
E ri'oj oj taqo'n re ri Cristo kuk' ri e aj wach re riglesia y konoje ri hermanos wara Jerusalem, kaqaya pan rutzil wach alaq hermanos, ri k'o alaq chupa ri tinamit Antioquía y pa taq ri tinamit re Siria y re Cilicia. Kaqatz'ib'aj k'u che ralaq, ri na alaq ta aj judi'ab' yey kojom alaq rub'i' ri Cristo.
24Ri'oj qatom e k'o jujun eb'elinaq chiqaxo'l ri'oj, tob' na oj ta xojtaqaw b'i ke; yey rike ketajin che ukojik ri na utz taj pa jolom alaq ruk' ri kich'a'tem y jek'ula' kisachisam ri na'oj alaq.#15:24 E k'o jujun eb'elinaq b'i Jerusalem, xeb'opon k'u pa taq riglesias ke taq ri na e ta aj judi'ab' yey xeb'ekitaq che ukojik ri retalil re circuncisión y che utaqexik ri kojob'al ke raj judi'ab'.
25Ruma k'u la', xojch'a't ri'oj chiqawach puwi wa', y ri xojkanaj wi e keqacha' achijab' y keqataq b'i uk' alaq junam kuk' ri hermanos lik k'ax keqana'o, wa' e ri Bernabé y ri Pablo. 26Wa' wa'chijab' kiya'om kanima' tob' ne kekam ruma ri kakitzijoj rub'i' ri Qanimajawal Jesucristo. 27Yey keqataq b'i ri Judas y ri Silas. Chikichi' k'u rike kaq'alajin wi chiwach alaq ronoje wa xqataq ub'i'xikil che alaq.
28Ma chwach ri Santowilaj Ruxlab'ixel ri Dios y chiqawach ri'oj, na utz taj kaqakoj juna chik eqa'n pawi' alaq, xew k'u chirajawaxik taq wa':#15:28 K'o más pixab'anik taqal chiqe qonoje ri qakojom rub'i' ri Cristo, pacha' mojkamisanik, mojeleq'ik, maqa'an raq'ub'al chirij junoq, qaloq'oj kiq'ij qachu-qaqaw, k'ax cheqana'a ri jujun chik. 29Matij alaq ri ik'owisam chi chikiwach ri tiox;#1 Co. 10:7, 14-18, 21 matij alaq kik',#Gn. 9:4; Lv. 17:10-16 matij alaq ti'ij ke awaj xa ejitz'am;#15:29 We xa jitz'am juna awaj, ri' k'a k'o kik' chupa. y metz'ab'ej ne uwa q'ij alaq kuk' jujun chik na alaq ta k'ulan kuk'.#15:29 Pa kocho taq ri tiox e k'o tikawex kakib'i'tisij kib' chike ri e aj tioxab' cha' kemakun kuk', ma chikiwach rike wa' kuk'ul kik'u'x taq ri tiox. We kesaj k'u ib' alaq che ronoje wa',#15:29 Xya' taq wa pixab'anik cha' ri k'ak' hermanos na e ta aj judi'ab' kakesaj kib' che taq ri kiloq'nimaxik ri tiox. Jek'ula' raj judi'ab' junam kuk' ri na e ta aj judi'ab' kek'oji' chi utzil chomal pa riglesia. katajin alaq ri' che u'anik ri jusuk'.
Chila k'u ib' alaq.
30Ek'u ri echa'talik xkimaj b'i kib'e pa ri tinamit Antioquía. Ek'uchiri' kimolom chi kichi' ri kikojom rub'i' ri Cristo, xkiya ri carta chike.
31Echiri' ri hermanos e k'o Antioquía xkajilaj wa carta, lik xeki'kotik ma ri tz'ib'ital chupa xukub'a' kik'u'x. 32Ek'u ri Judas y ri Silas, ruma e eq'alajisay runa'oj ri Dios, lik naj xech'a't kuk' ri hermanos, xekipixab'aj cha' lik kakichuq'ub'ej kib' y jela' xkinimarisaj kik'u'x. 33Xkik'owib'ej k'u jujun q'ij chiri'.
Tek'uchiri', xetaq b'i chi utzil chomal kuma ri hermanos chila', cha' jela' ketzelej tanchi kuk' ri etaqayom lo ke. 34No'j ri Silas xuch'ob'o utz kakanaj kan chiri'. 35Ek'u ri Pablo y ri Bernabé xek'oji' pa ri tinamit Antioquía. Y junam kuk' uk'iyal kachb'i'il, xek'utun chwi Ruch'a'tem ri Dios y ri Utzilaj Tzij puwi ri Qanimajawal.
Rukalaj ub'enam ri Pablo che utzijoxik ri Utzilaj Tzij
36Ik'owinaq chi k'u jujun q'ij, ri Pablo xub'i'ij che ri Bernabé: «Chojtzelej tanchi kuk' ri kikojom rub'i' ri Cristo pa taq ronoje ri tinamit pa qatzijom wi ri Utzilaj Tzij re ri Qanimajawal, cha' keb'e'qila' sa' ri ki'anom» xcha'.
37Yey ri Bernabé xraj kuk'am b'i ri Juan kuk', wa' e ri kab'i'x Marcos che. 38No'j ri Pablo na xuk'ul ta uk'u'x ke'ek ri Marcos kuk', ma ri Marcos xeroq'otaj kan pa taq ri luwar re Panfilia y na erachb'ilam ta chi lo che ri chak.#Hch. 13:13 39Xeb'ek k'u chunimal puwi wa' yey na jinta xe'ela wi ri kich'a'tem chikiwach. Ruma k'u ri', ri Pablo y ri Bernabé xkijach b'i kib'. Ri Bernabé xuk'am b'i ri Marcos ruk'. Xeb'ek k'u pa barco y xeb'opon pa ri isla Chipre.
40Yey ri Pablo xucha' b'i ri Silas cha' karachb'ilaj b'i che rub'enam. Ek'u ri hermanos e k'o Antioquía xki'an orar y xkitz'onoj b'i ri unimal rutzil uk'u'x ri Dios pakiwi'; tek'uchiri', xkimaj b'i kib'e. 41Xeb'ik'ow k'u pa taq ri luwar re Siria y re Cilicia, kakinimarisaj kan kik'u'x ri kakimol kib' pa rub'i' ri Cristo pa taq ri tinamit.
Currently Selected:
Hechos 15: acrN
Highlight
Share
Copy
Want to have your highlights saved across all your devices? Sign up or sign in
© 2009, Wycliffe Bible Translators, Inc. All rights reserved.
Hechos 15
15
Raj wach re riglesia kakimol kib' Jerusalem
1Chupa taq ri' la' la q'ij xeb'opon Antioquía jujun achijab' e petinaq Judea y xkijeq kek'utun chikiwach ri kikojom rub'i' ri Cristo, jewa' kakib'i'ij: «We na kakoj ta ri retalil re circuncisión che alaq jela' pacha' rutaqanik kan ri Moisés, ri' na kakolob'etaj ta alaq» kecha'.
2Ek'u ri Pablo y ri Bernabé lik xeb'ek chunimal puwi wa k'utunik kuk' wa'chijab'. K'isb'al re, konoje xkich'ob' raqan sa' ri kaki'ano; e ketaq b'i ri Pablo y ri Bernabé kuk' jujun chik cha' keb'ek Jerusalem re keb'e'ch'a't chwi wa' kuk' ri e taqo'n re ri Jesús y jujun chik e aj wach re riglesia.
3E taq k'u ri etaqom b'i kuma riglesia re Antioquía, xeb'ik'ow pa taq ri tinamit re Fenicia y re Samaria, y chujujunal luwar xkitzijoj su'anik ri na e ta aj judi'ab' kiya'om kan ri kib'inik re ojertan cha' e kakitaqej ri Dios. Ruma k'u ri' wa', konoje ri hermanos xetaw re, lik xeki'kot che.
4Echiri' xeb'opon Jerusalem, xek'ul kuma taq ri hermanos, ri e taqo'n y jujun chik e aj wach re riglesia. Xkitzijoj k'u chike ronoje ri u'anom ri Dios kuk'. 5Pero e k'o jujun chike ri kikojom rub'i' ri Cristo e kuk'il ri aj fariseos, rike xeyaktajik y jewa' xkib'i'ij:
—Lik chirajawaxik kakoj ri retalil re circuncisión chike taq ri na e ta aj judi'ab' kakikoj rub'i' ri Dios yey ketaq che kaki'an janipa ri kub'i'ij ri Tzij Pixab' re ri Moisés —xecha'.
6Xkimol k'u kib' ri e taqo'n y jujun chik e aj wach re riglesia cha' kech'a't chwi wa'. 7Lik naj k'ut xkichapala' kib' chikiwach puwi wa'. Tek'uchiri', ri Pedro xyaktajik y xub'i'ij chike:
—Hermanos achijab', ralaq eta'am alaq jampa chi lo q'ij wa' ik'owinaq chwi xinucha' lo ri Dios cha' chi nuchi' ri'in, ri na e ta aj judi'ab' kakita ri Utzilaj Tzij y kakikoj k'u rub'i' ri Cristo. 8Ri Dios, ri reta'am sa' ri k'o chupa ri kanima' ri tikawex, e xk'uluw ke ri na e ta aj judi'ab' kikojom rub'i' ri Cristo. Yey xuk'ut wa' echiri' xuya lo ri Santowilaj Ruxlab'ixel chike rike jela' pacha' xu'an quk' ri'oj. 9Y junam xeril rike quk' ri'oj, ma xujosq'ij ri kanima' che ri mak ruma ri kub'ulib'al kik'u'x.
10»Ek'u wo'ora, ¿su'chak kapetisaj alaq royowal ri Dios ruma ri keya alaq chuxe' uk'iyal taqanik ri na e ta aj judi'ab' kikojom rub'i' ri Cristo? Wa' e pacha' eqa'n kakoj alaq chikiqul. Yey wa eqa'n, na xkich'ij tane ruk'axik ri qati'-qamam ojertan y na qach'ijom tane ruk'axik ri'oj. 11No'j k'u ri'oj e kaqajikib'a' uwach wa': Xa ne ruma ri unimal rutzil uk'u'x ri Qanimajawal Jesús kojkolob'etaj ri'oj#15:11 Na jinta junoq kuriq ri kolob'etajik xa ruma kutaqej taqanik. Ef. 2:8-9 jela' pacha' rike —xcha'.
12Konoje k'u ri' ruk'iyal tikawex xetz'inka'nik y xkiya kixikin chike ri Bernabé y ri Pablo, ma kakitzijoj ri nimaq taq k'utub'al re chuq'ab' u'anom ri Dios kuma rike chikixo'l ri na e ta aj judi'ab'.
13Echiri' xkik'is kech'a't rike, ri Jacobo jewa' xub'i'ij:
—Hermanos, chinta na pe alaq: 14Ri Simón xutzijoj puwi ri nab'e laj echiri' ri Dios xuq'alajisaj rib' chikiwach ri na e ta aj judi'ab'#15:14 Ri nab'e laj echiri' ri Dios xutaq lo ri Ruxlab'ixel pakiwi ri na e ta aj Israel e pa rocho ri Cornelio. Hch. 10:24-48 cha' chikixo'l rike keb'ucha' janipa ri keb'u'ana utinamit. 15Y wa' ku'ana xaqi jun ruk' ri kitz'ib'am kan ri q'alajisanelab' puwi ri ub'i'im lo ri Dios:
16Ik'owinaq k'u wa', kintzelej loq
y kanyak tanchi ri rocho ri rey David wuluwub'inaq b'i,#15:16 Wa' e jun k'amb'al na'oj. Ke'elawi ri Dios kukoj jun nimalaj taqanel puk'axel ri rey David, wa' e ri Qanimajawal Jesucristo.
kank'ojoj k'u ri tzaqinaq b'i che y kan'an k'ak' che.
17Kan'an wa' cha' ri nik'aj chik tikawex kakitzukuj ri Dios,
wa' e taq ri tinamit na e ta aj judi'ab',
konoje ri e nu'anom nutinamit chike ma kikojom ri nub'i'.
18E wa' ri xub'i'ij ri Dios Qajawxel, yey e ri uq'alajisam chi lo ojertan. Am. 9:11-12
19Ruma k'u la', chinuwach ri'in na utz taj we kaqasachisaj kina'oj ri na e ta aj judi'ab' kikojom rub'i' ri Qanimajawal. 20Ri qa'ana' e chojtz'ib'an pan chike y qaya'a pan kina'oj cha' kakesaj kib' che taq ri kach'ulan re junoq pacha' taq ri ik'owisam chwa juna tiox, cha' na kaketz'ab'ej ta uwa kiq'ij kuk' jujun chik na kik'ulel taj, cha' na kakitij ta ti'ij ke awaj xa ejitz'am y cha' na kakitij ta kik'. 21Ma xex wi chwi lo ojertan, ronoje q'ij re uxlanib'al pa taq sinagogas e k'o ri keb'ajilan re y ketzijon puwi ri Tzij Pixab' tz'ib'ital kan ruma ri Moisés —xcha ri Jacobo.
Ri carta re pixab'anik chike ri na e ta aj judi'ab'
22E taq ri e taqo'n y ri jujun chik e aj wach re riglesia kuk' konoje ri hermanos, xuk'ul kik'u'x ri kecha' jujun achijab' chikixo'lib'al re ketaq b'i pa ri tinamit Antioquía ruk' ri Pablo y ri Bernabé cha' kakik'am b'i jun carta re pixab'anik chike ri na e ta aj judi'ab' kikojom rub'i' ri Cristo. Ek'u xekicha' ri Judas ri kab'i'x Barsabás che y ri Silas, ma lik chom ilitajinaq ri kib'inik kisilab'ik chikiwach ri hermanos. 23Xya' k'u b'i ri carta pakiq'ab', jewa' kub'i'ij:
E ri'oj oj taqo'n re ri Cristo kuk' ri e aj wach re riglesia y konoje ri hermanos wara Jerusalem, kaqaya pan rutzil wach alaq hermanos, ri k'o alaq chupa ri tinamit Antioquía y pa taq ri tinamit re Siria y re Cilicia. Kaqatz'ib'aj k'u che ralaq, ri na alaq ta aj judi'ab' yey kojom alaq rub'i' ri Cristo.
24Ri'oj qatom e k'o jujun eb'elinaq chiqaxo'l ri'oj, tob' na oj ta xojtaqaw b'i ke; yey rike ketajin che ukojik ri na utz taj pa jolom alaq ruk' ri kich'a'tem y jek'ula' kisachisam ri na'oj alaq.#15:24 E k'o jujun eb'elinaq b'i Jerusalem, xeb'opon k'u pa taq riglesias ke taq ri na e ta aj judi'ab' yey xeb'ekitaq che ukojik ri retalil re circuncisión y che utaqexik ri kojob'al ke raj judi'ab'.
25Ruma k'u la', xojch'a't ri'oj chiqawach puwi wa', y ri xojkanaj wi e keqacha' achijab' y keqataq b'i uk' alaq junam kuk' ri hermanos lik k'ax keqana'o, wa' e ri Bernabé y ri Pablo. 26Wa' wa'chijab' kiya'om kanima' tob' ne kekam ruma ri kakitzijoj rub'i' ri Qanimajawal Jesucristo. 27Yey keqataq b'i ri Judas y ri Silas. Chikichi' k'u rike kaq'alajin wi chiwach alaq ronoje wa xqataq ub'i'xikil che alaq.
28Ma chwach ri Santowilaj Ruxlab'ixel ri Dios y chiqawach ri'oj, na utz taj kaqakoj juna chik eqa'n pawi' alaq, xew k'u chirajawaxik taq wa':#15:28 K'o más pixab'anik taqal chiqe qonoje ri qakojom rub'i' ri Cristo, pacha' mojkamisanik, mojeleq'ik, maqa'an raq'ub'al chirij junoq, qaloq'oj kiq'ij qachu-qaqaw, k'ax cheqana'a ri jujun chik. 29Matij alaq ri ik'owisam chi chikiwach ri tiox;#1 Co. 10:7, 14-18, 21 matij alaq kik',#Gn. 9:4; Lv. 17:10-16 matij alaq ti'ij ke awaj xa ejitz'am;#15:29 We xa jitz'am juna awaj, ri' k'a k'o kik' chupa. y metz'ab'ej ne uwa q'ij alaq kuk' jujun chik na alaq ta k'ulan kuk'.#15:29 Pa kocho taq ri tiox e k'o tikawex kakib'i'tisij kib' chike ri e aj tioxab' cha' kemakun kuk', ma chikiwach rike wa' kuk'ul kik'u'x taq ri tiox. We kesaj k'u ib' alaq che ronoje wa',#15:29 Xya' taq wa pixab'anik cha' ri k'ak' hermanos na e ta aj judi'ab' kakesaj kib' che taq ri kiloq'nimaxik ri tiox. Jek'ula' raj judi'ab' junam kuk' ri na e ta aj judi'ab' kek'oji' chi utzil chomal pa riglesia. katajin alaq ri' che u'anik ri jusuk'.
Chila k'u ib' alaq.
30Ek'u ri echa'talik xkimaj b'i kib'e pa ri tinamit Antioquía. Ek'uchiri' kimolom chi kichi' ri kikojom rub'i' ri Cristo, xkiya ri carta chike.
31Echiri' ri hermanos e k'o Antioquía xkajilaj wa carta, lik xeki'kotik ma ri tz'ib'ital chupa xukub'a' kik'u'x. 32Ek'u ri Judas y ri Silas, ruma e eq'alajisay runa'oj ri Dios, lik naj xech'a't kuk' ri hermanos, xekipixab'aj cha' lik kakichuq'ub'ej kib' y jela' xkinimarisaj kik'u'x. 33Xkik'owib'ej k'u jujun q'ij chiri'.
Tek'uchiri', xetaq b'i chi utzil chomal kuma ri hermanos chila', cha' jela' ketzelej tanchi kuk' ri etaqayom lo ke. 34No'j ri Silas xuch'ob'o utz kakanaj kan chiri'. 35Ek'u ri Pablo y ri Bernabé xek'oji' pa ri tinamit Antioquía. Y junam kuk' uk'iyal kachb'i'il, xek'utun chwi Ruch'a'tem ri Dios y ri Utzilaj Tzij puwi ri Qanimajawal.
Rukalaj ub'enam ri Pablo che utzijoxik ri Utzilaj Tzij
36Ik'owinaq chi k'u jujun q'ij, ri Pablo xub'i'ij che ri Bernabé: «Chojtzelej tanchi kuk' ri kikojom rub'i' ri Cristo pa taq ronoje ri tinamit pa qatzijom wi ri Utzilaj Tzij re ri Qanimajawal, cha' keb'e'qila' sa' ri ki'anom» xcha'.
37Yey ri Bernabé xraj kuk'am b'i ri Juan kuk', wa' e ri kab'i'x Marcos che. 38No'j ri Pablo na xuk'ul ta uk'u'x ke'ek ri Marcos kuk', ma ri Marcos xeroq'otaj kan pa taq ri luwar re Panfilia y na erachb'ilam ta chi lo che ri chak.#Hch. 13:13 39Xeb'ek k'u chunimal puwi wa' yey na jinta xe'ela wi ri kich'a'tem chikiwach. Ruma k'u ri', ri Pablo y ri Bernabé xkijach b'i kib'. Ri Bernabé xuk'am b'i ri Marcos ruk'. Xeb'ek k'u pa barco y xeb'opon pa ri isla Chipre.
40Yey ri Pablo xucha' b'i ri Silas cha' karachb'ilaj b'i che rub'enam. Ek'u ri hermanos e k'o Antioquía xki'an orar y xkitz'onoj b'i ri unimal rutzil uk'u'x ri Dios pakiwi'; tek'uchiri', xkimaj b'i kib'e. 41Xeb'ik'ow k'u pa taq ri luwar re Siria y re Cilicia, kakinimarisaj kan kik'u'x ri kakimol kib' pa rub'i' ri Cristo pa taq ri tinamit.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2009, Wycliffe Bible Translators, Inc. All rights reserved.