Hechos 18
18
Ri Pablo kopon Corinto
1Ik'owinaq chi taq wa', ri Pablo xel b'i pa ri tinamit Atenas y xe'ek Corinto. 2Chila' xuriq jun achi e kuk'il raj judi'ab', Aquila rub'i'. Wa' wa'chi alaxinaq pa ri luwar re Ponto. Ri Aquila ruk' ri rixoqil Priscila k'ak' e petinaq pa ri luwar re Italia, ma ri taqanel Claudio xtaqan che keb'el b'i pa ri tinamit Roma konoje raj judi'ab'. Ek'u ri' ri Pablo xe'b'ina kuk'. 3Ri kichak rike e xaqi junam ruk' ri kuriq ri Pablo, wa' e kaki'an carpas. E uwari'che xkanaj ri Pablo kuk' y junam kechakunik. 4Yey ronoje q'ij re uxlanib'al xtzijon pa ri sinagoga, kach'a't kuk' ri e aj judi'ab' y ri na e ta aj judi'ab' y kukoj ri lik usuk' pa kijolom.
5Echiri' ri Silas y ri Timoteo xepe pa ri luwar re Macedonia y xeb'opon Corinto, ri Pablo xa jumul xuya rib' che utzijoxik ri Utzilaj Tzij, kuq'alajisaj wa' chikiwach raj judi'ab': Ri Jesús e ri Cristo, Rucha'o'n lo ri Dios.
6Pero raj judi'ab' xkijeq kakiq'atej ri Pablo y kakib'i'ij itzel taq ch'a'tem chirij. Ek'u ri Pablo xujab'aja' ruq'u' chikiwach, k'utub'al re na utz ta ri kaki'ano, y jewa' xub'i'ij chike: «Chi'ij k'u alaq kel wi ri kakam alaq pa mak; na numak ta chi ri'in che alaq. Chwi k'u wo'ora ki'ntzijoj ri Utzilaj Tzij chike ri na e ta aj judi'ab'» xcha'.
7Xel k'u b'i pa ri sinagoga y xe'ek chirocho jun achi Justo rub'i'. Rire lik k'o xi'in ib' pa ranima' chwach ri Dios, yey ri rocho xa putzal ri sinagoga k'o wi. 8Ek'u raj wach re ri sinagoga, jun achi Crispo rub'i', xukoj rub'i' ri Qanimajawal kuk' konoje ri e k'o pa rocho. Y lik e k'i chike raj Corinto xkita ri Utzilaj Tzij, xkikoj rub'i' ri Cristo y xkik'ul ri bautismo.
9K'o k'u jun aq'ab' ri Qanimajawal xuq'alajisaj jun k'utub'al chwach ri Pablo, jewa' xub'i'ij che: «Maxi'ij awib'; e chatzijoj ri Utzilaj Tzij y matanab'a' ub'i'xikil. 10Ma Ri'in in k'o awuk' y na jinta k'o ka'anaw ri na utz taj chawe; ma lik e k'i ri e nutinamit e k'o chupa wa tinamit» xcha'.
11Ek'u ri Pablo xkanaj chiri' pa ri tinamit Corinto jun junab' ruk' waqib' ik'; ewi kak'utun chwi ri Utzilaj Tzij re ri Dios chikiwach ri tikawex.
12Yey xu'ana chupa taq ri q'ij echiri' ri Galión kataqan puwi taq ri luwar re Acaya, raj judi'ab' xki'an tzij chikiwach cha' keyaktaj chirij ri Pablo. Xkik'am k'u b'i pa q'atb'al tzij 13y jewa' xkib'i'ij:
—Wa' wa'chi katajin che ukojik pa kijolom ri tikawex cha' kakiloq'oj uq'ij ri Dios ruk' junwi chi k'utunik, na e ta pacha' ri kub'i'ij taq ri tzijpixab' qe ri'oj —xecha'.
14Yey echiri' ri Pablo xraj kach'a'tik, ri taqanel Galión jewa' xub'i'ij chike:
—Alaq aj judi'ab', we u'anom ri na usuk' taj o juna mak lik nim chirij ri q'atb'al tzij, ri' lik ub'e kanto sa' ri kab'i'ij alaq y kanq'at k'u tzij puwi'. 15No'j we xa e petowinaq chwi taq ch'a'tem, chwi taq b'i'aj y chwi taq ri tzijpixab' e alaq, yijb'a' k'u ri' alaq chiwach ralaq. Ma na kuaj taj kinu'an aj q'atal tzij ri'in puwi taq wa' —xcha'. 16Y ruk' wa' xeb'eresaj lo chupa ri q'atb'al tzij.
17Ek'uchiri', konoje ri e aj Grecia xkichap ri Sóstenes,#18:17 “Sóstenes”: Laj e ri xkanaj kan puk'axel ri Crispo. Hch. 18:8; 1 Co. 1:1 ri aj wach re ri sinagoga. E la' chwach ri q'atb'al tzij xkijeq kaki'an k'ax che; pero ri taqanel Galión na xok ta k'ana il che wa'.
18Ek'u ri Pablo lik uk'iyal q'ij xu'an chiri' kuk' ri hermanos. Tek'uchiri' xuya kan ri k'isb'al uch'a'tem chike, xok pa barco y xe'ek pa ri luwar re Siria, junam kuk' ri Priscila y ri Aquila. Echiri' xeb'ik'ow chupa ri tinamit Cencrea, ri Pablo xusokaj b'i ruwi' ruma u'anom jun b'i'tisinik che ri Dios.
19Chwi k'u ri' xeb'opon pa ri tinamit Éfeso y chiri' xekanaj kan ri Priscila y ri Aquila. Xok k'u ri Pablo chupa ri sinagoga y xujeq katzijon chikiwach raj judi'ab'. 20Wa' lik xeb'elaj che cha' kakanaj kan uk'iyal q'ij chiri' kuk'; no'j rire xub'i'ij na utz taj kakanajik. 21Xew k'u xuya kan ri k'isb'al uch'a'tem chike, jewa' xub'i'ij: «Lik chirajawaxik in k'o Jerusalem chupa wa nimaq'ij katajin loq; yey kink'un tanchi uk' alaq we ri Dios kuya luwar chwe kintzelej loq» xcha'.
Xok k'u chupa jun barco y xel b'i Éfeso.
Ri Pablo katzelej Antioquía y kujeq ri urox ub'enam che utzijoxik ri Utzilaj Tzij
22Echiri' xopon pa ri tinamit Cesarea, xumaj b'i ub'e Jerusalem cha' ku'ya'a rutzil kiwach ri kikojom rub'i' ri Cristo chila'. Tek'uchiri', xqaj pa ri tinamit Antioquía 23y xk'oji' jujun q'ij chiri'. Tek'uchiri', xel tanchi ub'i y xik'ow tanchi pa taq ri luwar re Galacia y re Frigia cha' ku'nimarisaj kan kik'u'x konoje ri kikojom rub'i' ri Cristo.
Ri Apolos kutzijoj Ruch'a'tem ri Dios pa ri tinamit Éfeso
24Xopon k'u jun achi pa ri tinamit Éfeso, Apolos rub'i'. Wa' e kuk'il raj judi'ab' yey alaxinaq pa ri tinamit Alejandría. E jun achi lik kuriqo katzijonik y lik k'o reta'am puwi ri tz'ib'ital kan chupa Ruch'a'tem ri Dios. 25Wa' wa'chi tijotal lo chupa rub'e ri Qanimajawal. Ruma k'u lik kacha uk'u'x che taq ri ku'ano, uya'om rib' che katzijonik y kak'utun chwi janipa ri reta'am chwi ri Qanimajawal, tob' xew reta'am ri xuk'ut kan ri Juan puwi ri bautismo. 26Ruk' k'u ronoje ruchuq'ab', ri Apolos xujeq kak'utun pa ri sinagoga. Pero echiri' ri Priscila y ri Aquila xkita ruk'utunik, xkisik'ij b'i kuk' utukel y xkiq'alajisaj rusuk'likil ri b'e re ri Dios che.
27Echiri' ri Apolos xraj kaq'ax pan pa taq ri luwar re Acaya, ri hermanos xkinimarisaj b'i uk'u'x y xkitz'ib'aj b'i jun carta chike rutinamit ri Dios chila' cha' kakik'ul chi utz. Ek'uchiri' xopon chila', ri Apolos lik xu'ana to'b'el chike ri kikojom rub'i' ri Cristo ruma ri unimal rutzil uk'u'x ri Dios. 28Ma na kuxi'ij ta k'ana rib', e la' chiwachil kuk'utu lik qatzij ri kub'i'ij rire y na je ta la' pacha' ri kakib'i'ij raj judi'ab'. E kuchapab'ej ri tz'ib'ital kan pa Ruch'a'tem ri Dios re kuq'alajisaj: Ri Jesús e ri Cristo, Rucha'o'n lo ri Dios.
Currently Selected:
Hechos 18: acrN
Highlight
Share
Copy
Want to have your highlights saved across all your devices? Sign up or sign in
© 2009, Wycliffe Bible Translators, Inc. All rights reserved.
Hechos 18
18
Ri Pablo kopon Corinto
1Ik'owinaq chi taq wa', ri Pablo xel b'i pa ri tinamit Atenas y xe'ek Corinto. 2Chila' xuriq jun achi e kuk'il raj judi'ab', Aquila rub'i'. Wa' wa'chi alaxinaq pa ri luwar re Ponto. Ri Aquila ruk' ri rixoqil Priscila k'ak' e petinaq pa ri luwar re Italia, ma ri taqanel Claudio xtaqan che keb'el b'i pa ri tinamit Roma konoje raj judi'ab'. Ek'u ri' ri Pablo xe'b'ina kuk'. 3Ri kichak rike e xaqi junam ruk' ri kuriq ri Pablo, wa' e kaki'an carpas. E uwari'che xkanaj ri Pablo kuk' y junam kechakunik. 4Yey ronoje q'ij re uxlanib'al xtzijon pa ri sinagoga, kach'a't kuk' ri e aj judi'ab' y ri na e ta aj judi'ab' y kukoj ri lik usuk' pa kijolom.
5Echiri' ri Silas y ri Timoteo xepe pa ri luwar re Macedonia y xeb'opon Corinto, ri Pablo xa jumul xuya rib' che utzijoxik ri Utzilaj Tzij, kuq'alajisaj wa' chikiwach raj judi'ab': Ri Jesús e ri Cristo, Rucha'o'n lo ri Dios.
6Pero raj judi'ab' xkijeq kakiq'atej ri Pablo y kakib'i'ij itzel taq ch'a'tem chirij. Ek'u ri Pablo xujab'aja' ruq'u' chikiwach, k'utub'al re na utz ta ri kaki'ano, y jewa' xub'i'ij chike: «Chi'ij k'u alaq kel wi ri kakam alaq pa mak; na numak ta chi ri'in che alaq. Chwi k'u wo'ora ki'ntzijoj ri Utzilaj Tzij chike ri na e ta aj judi'ab'» xcha'.
7Xel k'u b'i pa ri sinagoga y xe'ek chirocho jun achi Justo rub'i'. Rire lik k'o xi'in ib' pa ranima' chwach ri Dios, yey ri rocho xa putzal ri sinagoga k'o wi. 8Ek'u raj wach re ri sinagoga, jun achi Crispo rub'i', xukoj rub'i' ri Qanimajawal kuk' konoje ri e k'o pa rocho. Y lik e k'i chike raj Corinto xkita ri Utzilaj Tzij, xkikoj rub'i' ri Cristo y xkik'ul ri bautismo.
9K'o k'u jun aq'ab' ri Qanimajawal xuq'alajisaj jun k'utub'al chwach ri Pablo, jewa' xub'i'ij che: «Maxi'ij awib'; e chatzijoj ri Utzilaj Tzij y matanab'a' ub'i'xikil. 10Ma Ri'in in k'o awuk' y na jinta k'o ka'anaw ri na utz taj chawe; ma lik e k'i ri e nutinamit e k'o chupa wa tinamit» xcha'.
11Ek'u ri Pablo xkanaj chiri' pa ri tinamit Corinto jun junab' ruk' waqib' ik'; ewi kak'utun chwi ri Utzilaj Tzij re ri Dios chikiwach ri tikawex.
12Yey xu'ana chupa taq ri q'ij echiri' ri Galión kataqan puwi taq ri luwar re Acaya, raj judi'ab' xki'an tzij chikiwach cha' keyaktaj chirij ri Pablo. Xkik'am k'u b'i pa q'atb'al tzij 13y jewa' xkib'i'ij:
—Wa' wa'chi katajin che ukojik pa kijolom ri tikawex cha' kakiloq'oj uq'ij ri Dios ruk' junwi chi k'utunik, na e ta pacha' ri kub'i'ij taq ri tzijpixab' qe ri'oj —xecha'.
14Yey echiri' ri Pablo xraj kach'a'tik, ri taqanel Galión jewa' xub'i'ij chike:
—Alaq aj judi'ab', we u'anom ri na usuk' taj o juna mak lik nim chirij ri q'atb'al tzij, ri' lik ub'e kanto sa' ri kab'i'ij alaq y kanq'at k'u tzij puwi'. 15No'j we xa e petowinaq chwi taq ch'a'tem, chwi taq b'i'aj y chwi taq ri tzijpixab' e alaq, yijb'a' k'u ri' alaq chiwach ralaq. Ma na kuaj taj kinu'an aj q'atal tzij ri'in puwi taq wa' —xcha'. 16Y ruk' wa' xeb'eresaj lo chupa ri q'atb'al tzij.
17Ek'uchiri', konoje ri e aj Grecia xkichap ri Sóstenes,#18:17 “Sóstenes”: Laj e ri xkanaj kan puk'axel ri Crispo. Hch. 18:8; 1 Co. 1:1 ri aj wach re ri sinagoga. E la' chwach ri q'atb'al tzij xkijeq kaki'an k'ax che; pero ri taqanel Galión na xok ta k'ana il che wa'.
18Ek'u ri Pablo lik uk'iyal q'ij xu'an chiri' kuk' ri hermanos. Tek'uchiri' xuya kan ri k'isb'al uch'a'tem chike, xok pa barco y xe'ek pa ri luwar re Siria, junam kuk' ri Priscila y ri Aquila. Echiri' xeb'ik'ow chupa ri tinamit Cencrea, ri Pablo xusokaj b'i ruwi' ruma u'anom jun b'i'tisinik che ri Dios.
19Chwi k'u ri' xeb'opon pa ri tinamit Éfeso y chiri' xekanaj kan ri Priscila y ri Aquila. Xok k'u ri Pablo chupa ri sinagoga y xujeq katzijon chikiwach raj judi'ab'. 20Wa' lik xeb'elaj che cha' kakanaj kan uk'iyal q'ij chiri' kuk'; no'j rire xub'i'ij na utz taj kakanajik. 21Xew k'u xuya kan ri k'isb'al uch'a'tem chike, jewa' xub'i'ij: «Lik chirajawaxik in k'o Jerusalem chupa wa nimaq'ij katajin loq; yey kink'un tanchi uk' alaq we ri Dios kuya luwar chwe kintzelej loq» xcha'.
Xok k'u chupa jun barco y xel b'i Éfeso.
Ri Pablo katzelej Antioquía y kujeq ri urox ub'enam che utzijoxik ri Utzilaj Tzij
22Echiri' xopon pa ri tinamit Cesarea, xumaj b'i ub'e Jerusalem cha' ku'ya'a rutzil kiwach ri kikojom rub'i' ri Cristo chila'. Tek'uchiri', xqaj pa ri tinamit Antioquía 23y xk'oji' jujun q'ij chiri'. Tek'uchiri', xel tanchi ub'i y xik'ow tanchi pa taq ri luwar re Galacia y re Frigia cha' ku'nimarisaj kan kik'u'x konoje ri kikojom rub'i' ri Cristo.
Ri Apolos kutzijoj Ruch'a'tem ri Dios pa ri tinamit Éfeso
24Xopon k'u jun achi pa ri tinamit Éfeso, Apolos rub'i'. Wa' e kuk'il raj judi'ab' yey alaxinaq pa ri tinamit Alejandría. E jun achi lik kuriqo katzijonik y lik k'o reta'am puwi ri tz'ib'ital kan chupa Ruch'a'tem ri Dios. 25Wa' wa'chi tijotal lo chupa rub'e ri Qanimajawal. Ruma k'u lik kacha uk'u'x che taq ri ku'ano, uya'om rib' che katzijonik y kak'utun chwi janipa ri reta'am chwi ri Qanimajawal, tob' xew reta'am ri xuk'ut kan ri Juan puwi ri bautismo. 26Ruk' k'u ronoje ruchuq'ab', ri Apolos xujeq kak'utun pa ri sinagoga. Pero echiri' ri Priscila y ri Aquila xkita ruk'utunik, xkisik'ij b'i kuk' utukel y xkiq'alajisaj rusuk'likil ri b'e re ri Dios che.
27Echiri' ri Apolos xraj kaq'ax pan pa taq ri luwar re Acaya, ri hermanos xkinimarisaj b'i uk'u'x y xkitz'ib'aj b'i jun carta chike rutinamit ri Dios chila' cha' kakik'ul chi utz. Ek'uchiri' xopon chila', ri Apolos lik xu'ana to'b'el chike ri kikojom rub'i' ri Cristo ruma ri unimal rutzil uk'u'x ri Dios. 28Ma na kuxi'ij ta k'ana rib', e la' chiwachil kuk'utu lik qatzij ri kub'i'ij rire y na je ta la' pacha' ri kakib'i'ij raj judi'ab'. E kuchapab'ej ri tz'ib'ital kan pa Ruch'a'tem ri Dios re kuq'alajisaj: Ri Jesús e ri Cristo, Rucha'o'n lo ri Dios.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2009, Wycliffe Bible Translators, Inc. All rights reserved.