Hechos 17
17
Ri Pablo kopon Tesalónica
1Ri Pablo, ri Silas y ri Timoteo xeb'ik'ow pa taq ri tinamit Anfípolis y Apolonia, y xeb'opon k'u pa ri tinamit Tesalónica. Chiri' k'u ri' k'o jun sinagoga ke raj judi'ab'. 2Ek'u ri Pablo jela' pacha' xex ku'an wi, xe'ek pa ri sinagoga; oxib' semana k'ut e ri' xopon chila' chupa taq ri q'ij re uxlanib'al y xch'a't kuk' puwi ri Cristo, Rucha'o'n lo ri Dios. Lik k'ut xuq'alajisaj ri tz'ib'ital kan chupa Ruch'a'tem ri Dios 3pa kub'i'ij wi lik chirajawaxik wi ri Cristo xutij k'ax, xkamisaxik y xk'astaj lo chikixo'l ri ekaminaq. Y xub'i'ij k'u chike: «Ri Jesús, wa kantzijoj che alaq, wa' e ri Cristo, Rucha'o'n lo ri Dios» xcha'.
4E k'o k'u jujun chike wa aj judi'ab' xkikoj rub'i' ri Cristo y xeb'u'an e kuk'il ri Pablo y ri Silas. Jek'ula', lik e k'i chike ri e aj Grecia ri kakiloq'oj uq'ij ri Dios, xkikoj rub'i' ri Cristo; yey e k'i chike wa' e ixoqib' lik k'o kiwach.
5Ruma wa' xok retzelal k'u'x pa kanima' raj judi'ab' na kikojom ta rub'i' ri Cristo. Xekiriq k'u jujun achijab' itzel kik'u'x xa eq'e'kotel pa taq b'e, y kuk' wa' xekimol uk'iyal winaq y xekich'u'jerisaj k'u ri tinamit. Xe'kimina k'u kib' pa rocho ri Jasón, kekitzukuj ri Pablo y ri Silas cha' kekesaj loq y kekiya pakiq'ab' ri tinamit. 6Pero na xekiriq taj. Xekik'am k'u lo ri Jasón y jujun chike ri kikojom rub'i' ri Cristo, y xe'kiya'a chikiwach ri e aj wach re ri tinamit. Kesik'in k'u ri', kakib'i'ij: «¡Wa' wa'chijab' e kisachom kina'oj konoje ri tikawex che ruwachulew ruk' ri kik'utunik, yey wo'ora e k'uninaq wara! 7Ri Jasón eb'uk'ulum chirocho. Yey rike na e ta kaki'an janipa ri taqanik re ri nimalaj taqanel re Roma, ma kakib'i'ij k'o jun chik rey, Jesús rub'i'» kecha'.
8Echiri' ri winaq y ri e aj wach re ri tinamit xkita wa', xkijeq lik ketukukik. 9Ek'u ri Jasón y taq ri rachb'i'il xkiya chike ri e aj wach jun tojonik chirajawaxik ka'anik cha' ketzoqopix b'i, y jek'ula' xetzoqopix b'i.
Ri Pablo kopon Berea
10Ewi ri hermanos na jampatana chaq'ab' xekitaq b'i ri Pablo y ri Silas pa ri tinamit Berea. Echiri' rike xeb'oponik, xeb'ek pa ri sinagoga ke raj judi'ab'. 11Yey wa aj judi'ab' e k'o Berea na tz'apil ta ri kina'oj pacha' ri e k'o pa ri sinagoga re Tesalónica, ma xkiya kixikin che ri xtzijox chike y lik xkik'ulu. Ronoje q'ij k'ut lik kakiya kina'oj chwi Ruch'a'tem ri Dios tz'ib'ital kanoq, ma e kakaj kakimaj usuk' we qatzij janipa ri tzijom chike. 12Lik e k'i chike wa' xkikoj rub'i' ri Cristo. Yey chike ri e aj Grecia, e k'i xkikoj rub'i' ri Cristo, na xew ta achijab' ma chikixo'l e k'o ixoqib' lik k'o kiwach.
13Echiri' raj judi'ab' e k'o Tesalónica xketa'maj katajin ri Pablo che utzijoxik ri Utzilaj Tzij re ri Dios pa ri tinamit Berea, xeb'ek chila' y jela' xe'ki'ana chike ruk'iyal winaq pacha' ri ki'anom Tesalónica, xeb'ekich'i'o cha' kakijeq ketukukik.
14Ewi ri hermanos na jampatana xkitaq b'i ri Pablo cha' ke'ek chuchi' ri mar y kukoj b'i juna barco; yey ri Silas y ri Timoteo xekanaj chiri' Berea. 15E k'o k'u jujun xkachb'ilaj b'i ri Pablo y xkik'am b'i chupa ri tinamit Atenas. Chila' ri Pablo xub'i'ij chike ri aj Berea: «Chib'i'ij chike ri Silas y ri Timoteo kakilij loq cha' kakiriq kib' wuk' wara.» Y echiri' xetzelej Berea, xkib'i'ij wa' chike ri Silas y ri Timoteo.
Ri Pablo kopon Atenas
16Xaloq' k'u ri Pablo eroye'em ri Silas y ri Timoteo pa ri tinamit Atenas, rire lik xu'an k'ax ranima' che echiri' xrilo kiya'om kib' ri tinamit che kiloq'nimaxik uk'iyal tiox. 17Ewi pa ri sinagoga xujeq kach'a't kuk' ri e aj judi'ab' y ri na e ta aj judi'ab', ri lik kakiloq'oj uq'ij ri Dios. Yey jela' xu'an ronoje q'ij chwa ri k'ayb'al kuk' konoje ri kakimol kib' chiri'.
18Chikixo'l rike e k'o jujun achijab' kab'i'x chike “e aj na'oj”, wa' e kuk'il raj epicúreos y raj estóicos. Rike xkichapala' kib' ruk' ri Pablo puwi ri kuk'utu. Jujun kakib'i'ij: «¿Sa' ri karaj kub'i'ij wa werewotel re ch'a'tem?» kecha'. Yey jujun chik kakib'i'ij: «Wa' wa'chi pacha' tzijonel ke jujun chik dios e aj naj» kecha'. Xkib'i'ij wa' ma ri Pablo kutzijoj ri Utzilaj Tzij re ri Jesús chike y katzijon puwi ri k'astajib'al.
19Xkik'am k'u b'i ri Pablo y xe'kiya'a pa ri luwar Areópago kecha che, pa kakimol wi kib' rachijab' lik k'o kina'oj. Y jewa' xkib'i'ij che: «Ri'oj kaqaj kaqeta'maj sa' wa k'ak' k'utunik ka'an rilal, 20ma lik junwi ri k'utunik katzijoj la chiqawach ri'oj. Kaqaj k'ut kaqamaj usuk' sa' ke'elawi ri kak'ut la» xecha'. 21Jela' xkib'i'ij ma konoje raj Atenas y ri e aj naj ejeqel chiri', xew b'enaq kik'u'x che taq ri kakito y kech'a't chwi taq k'ak' na'oj katajin utayik.
22Ewi ri Pablo, xtak'i' chikixo'l pa ri Areópago y jewa' xub'i'ij:
«Alaq achijab' aj Atenas, che ronoje ri ka'an alaq, kanwilo e lik b'enaq k'u'x alaq kuk' taq ri tiox alaq. 23Ma xaloq' xinmalakat pa wa tinamit alaq, xinwil taq ri luwar pa keloq'nimaj taq wi ri tiox alaq, yey xine'tzaq ne chwi jun altar pa tz'ib'ital wi wa': «che ri dios na eta'matal ta uwach.» Ek'u ri' wa jun kaloq'nimaj alaq uq'ij tob' na eta'am ta alaq uwach, e wa' Rire ri kantzijoj che alaq. 24Rire e Dios x'anaw ruwachulew y ronoje taq ri k'o chwach yey e Rajaw ruwa kaj y ruwachulew. Na jeqel ta k'u pa juna ja 'anom xa kuma achijab'. 25Na kajawax ta che Rire ri oj tikawex kaqato'o; ma e ne Rire ri kaya'w lo chiqe qonoje ri qak'aslem, ri quxlab' y ronoje ri kajawax chiqe.
26»Yey xa k'u che jun tikawex, ri Dios xuk'iyarisaj kiwach konoje ri tikawex cha' kejeqi' che ronoje ruwachulew. Yey e Rire ch'ob'oyom loq pa taq keb'e'jeqela wi chujujunal tinamit y janipa taq ri kiq'ijol che ruwachulew. 27Xu'an wa' cha' kakitzukuj Rire, yey tob' ne pacha' kemalal pa q'equ'm, kakiriq na. Pero paqatzij wi, ri Qaqaw na naj ta k'o wi chiqe chiqajujunal. 28Ma ruma ri Dios oj k'aslik, kojsilab'ik y oj jeqel che ruwachulew; e pacha' ri kib'i'im kan jujun aj tz'ib'anel re ri tinamit alaq: “Ri'oj oj ralk'o'al ri Dios.”
29»Ruma k'u oj ralk'o'al ri Dios, maqach'ob' k'u ri' we Rire junam uwach kuk' ri tiox xa e 'anom ruk' oro, ruk' plata o ruk' ab'aj, xa yijb'italik y no'jital kuma rachijab'. 30Ojertan lo ri' jela' ri kina'oj taq ri winaq puwi ri Dios, no'j ya k'u xik'ow ruq'ijol wa'. Ma wo'ora ri Dios keb'utaq konoje ri tikawex che ronoje luwar cha' kakitzelej kitzij chwach. 31Ma Rire uq'atom chi jun q'ij echiri' ku'an ri jusuk' q'atb'al tzij pakiwi konoje ri tikawex che ruwachulew. Ku'ana k'u wa' ruma ri Jun Achi Ucha'om loq. Yey echiri' ri Dios xuk'astajisaj lo ri Jesús chikixo'l ri ekaminaq, e xujikib'a' uwach Rire e ri Jun ucha'om loq cha' ku'an wa'» xcha'.
32Ek'uchiri' xkita puwi ri k'astajib'al ke ri ekaminaq, jujun chike xkijeq kakich'amij wa'. No'j jujun chik xkib'i'ij: «Kaqata tanchi la puwi wa k'utunik juna chik q'ij» xecha'.
33Tek'uchiri', xel b'i ri Pablo chikixo'l ri kimolom kib'. 34No'j jujun k'u chike wa tikawex xeb'u'an e kuk'il ruk' ri Pablo, ma xkikoj rub'i' ri Cristo. Chikixo'l wa' k'o ri Dionisio (rire e kuk'il rachijab' lik k'o kina'oj, ri kakimol kib' pa ri Areópago), yey k'o jun ixoq Dámaris rub'i' y jujun chik.
Currently Selected:
Hechos 17: acrN
Highlight
Share
Copy
Want to have your highlights saved across all your devices? Sign up or sign in
© 2009, Wycliffe Bible Translators, Inc. All rights reserved.
Hechos 17
17
Ri Pablo kopon Tesalónica
1Ri Pablo, ri Silas y ri Timoteo xeb'ik'ow pa taq ri tinamit Anfípolis y Apolonia, y xeb'opon k'u pa ri tinamit Tesalónica. Chiri' k'u ri' k'o jun sinagoga ke raj judi'ab'. 2Ek'u ri Pablo jela' pacha' xex ku'an wi, xe'ek pa ri sinagoga; oxib' semana k'ut e ri' xopon chila' chupa taq ri q'ij re uxlanib'al y xch'a't kuk' puwi ri Cristo, Rucha'o'n lo ri Dios. Lik k'ut xuq'alajisaj ri tz'ib'ital kan chupa Ruch'a'tem ri Dios 3pa kub'i'ij wi lik chirajawaxik wi ri Cristo xutij k'ax, xkamisaxik y xk'astaj lo chikixo'l ri ekaminaq. Y xub'i'ij k'u chike: «Ri Jesús, wa kantzijoj che alaq, wa' e ri Cristo, Rucha'o'n lo ri Dios» xcha'.
4E k'o k'u jujun chike wa aj judi'ab' xkikoj rub'i' ri Cristo y xeb'u'an e kuk'il ri Pablo y ri Silas. Jek'ula', lik e k'i chike ri e aj Grecia ri kakiloq'oj uq'ij ri Dios, xkikoj rub'i' ri Cristo; yey e k'i chike wa' e ixoqib' lik k'o kiwach.
5Ruma wa' xok retzelal k'u'x pa kanima' raj judi'ab' na kikojom ta rub'i' ri Cristo. Xekiriq k'u jujun achijab' itzel kik'u'x xa eq'e'kotel pa taq b'e, y kuk' wa' xekimol uk'iyal winaq y xekich'u'jerisaj k'u ri tinamit. Xe'kimina k'u kib' pa rocho ri Jasón, kekitzukuj ri Pablo y ri Silas cha' kekesaj loq y kekiya pakiq'ab' ri tinamit. 6Pero na xekiriq taj. Xekik'am k'u lo ri Jasón y jujun chike ri kikojom rub'i' ri Cristo, y xe'kiya'a chikiwach ri e aj wach re ri tinamit. Kesik'in k'u ri', kakib'i'ij: «¡Wa' wa'chijab' e kisachom kina'oj konoje ri tikawex che ruwachulew ruk' ri kik'utunik, yey wo'ora e k'uninaq wara! 7Ri Jasón eb'uk'ulum chirocho. Yey rike na e ta kaki'an janipa ri taqanik re ri nimalaj taqanel re Roma, ma kakib'i'ij k'o jun chik rey, Jesús rub'i'» kecha'.
8Echiri' ri winaq y ri e aj wach re ri tinamit xkita wa', xkijeq lik ketukukik. 9Ek'u ri Jasón y taq ri rachb'i'il xkiya chike ri e aj wach jun tojonik chirajawaxik ka'anik cha' ketzoqopix b'i, y jek'ula' xetzoqopix b'i.
Ri Pablo kopon Berea
10Ewi ri hermanos na jampatana chaq'ab' xekitaq b'i ri Pablo y ri Silas pa ri tinamit Berea. Echiri' rike xeb'oponik, xeb'ek pa ri sinagoga ke raj judi'ab'. 11Yey wa aj judi'ab' e k'o Berea na tz'apil ta ri kina'oj pacha' ri e k'o pa ri sinagoga re Tesalónica, ma xkiya kixikin che ri xtzijox chike y lik xkik'ulu. Ronoje q'ij k'ut lik kakiya kina'oj chwi Ruch'a'tem ri Dios tz'ib'ital kanoq, ma e kakaj kakimaj usuk' we qatzij janipa ri tzijom chike. 12Lik e k'i chike wa' xkikoj rub'i' ri Cristo. Yey chike ri e aj Grecia, e k'i xkikoj rub'i' ri Cristo, na xew ta achijab' ma chikixo'l e k'o ixoqib' lik k'o kiwach.
13Echiri' raj judi'ab' e k'o Tesalónica xketa'maj katajin ri Pablo che utzijoxik ri Utzilaj Tzij re ri Dios pa ri tinamit Berea, xeb'ek chila' y jela' xe'ki'ana chike ruk'iyal winaq pacha' ri ki'anom Tesalónica, xeb'ekich'i'o cha' kakijeq ketukukik.
14Ewi ri hermanos na jampatana xkitaq b'i ri Pablo cha' ke'ek chuchi' ri mar y kukoj b'i juna barco; yey ri Silas y ri Timoteo xekanaj chiri' Berea. 15E k'o k'u jujun xkachb'ilaj b'i ri Pablo y xkik'am b'i chupa ri tinamit Atenas. Chila' ri Pablo xub'i'ij chike ri aj Berea: «Chib'i'ij chike ri Silas y ri Timoteo kakilij loq cha' kakiriq kib' wuk' wara.» Y echiri' xetzelej Berea, xkib'i'ij wa' chike ri Silas y ri Timoteo.
Ri Pablo kopon Atenas
16Xaloq' k'u ri Pablo eroye'em ri Silas y ri Timoteo pa ri tinamit Atenas, rire lik xu'an k'ax ranima' che echiri' xrilo kiya'om kib' ri tinamit che kiloq'nimaxik uk'iyal tiox. 17Ewi pa ri sinagoga xujeq kach'a't kuk' ri e aj judi'ab' y ri na e ta aj judi'ab', ri lik kakiloq'oj uq'ij ri Dios. Yey jela' xu'an ronoje q'ij chwa ri k'ayb'al kuk' konoje ri kakimol kib' chiri'.
18Chikixo'l rike e k'o jujun achijab' kab'i'x chike “e aj na'oj”, wa' e kuk'il raj epicúreos y raj estóicos. Rike xkichapala' kib' ruk' ri Pablo puwi ri kuk'utu. Jujun kakib'i'ij: «¿Sa' ri karaj kub'i'ij wa werewotel re ch'a'tem?» kecha'. Yey jujun chik kakib'i'ij: «Wa' wa'chi pacha' tzijonel ke jujun chik dios e aj naj» kecha'. Xkib'i'ij wa' ma ri Pablo kutzijoj ri Utzilaj Tzij re ri Jesús chike y katzijon puwi ri k'astajib'al.
19Xkik'am k'u b'i ri Pablo y xe'kiya'a pa ri luwar Areópago kecha che, pa kakimol wi kib' rachijab' lik k'o kina'oj. Y jewa' xkib'i'ij che: «Ri'oj kaqaj kaqeta'maj sa' wa k'ak' k'utunik ka'an rilal, 20ma lik junwi ri k'utunik katzijoj la chiqawach ri'oj. Kaqaj k'ut kaqamaj usuk' sa' ke'elawi ri kak'ut la» xecha'. 21Jela' xkib'i'ij ma konoje raj Atenas y ri e aj naj ejeqel chiri', xew b'enaq kik'u'x che taq ri kakito y kech'a't chwi taq k'ak' na'oj katajin utayik.
22Ewi ri Pablo, xtak'i' chikixo'l pa ri Areópago y jewa' xub'i'ij:
«Alaq achijab' aj Atenas, che ronoje ri ka'an alaq, kanwilo e lik b'enaq k'u'x alaq kuk' taq ri tiox alaq. 23Ma xaloq' xinmalakat pa wa tinamit alaq, xinwil taq ri luwar pa keloq'nimaj taq wi ri tiox alaq, yey xine'tzaq ne chwi jun altar pa tz'ib'ital wi wa': «che ri dios na eta'matal ta uwach.» Ek'u ri' wa jun kaloq'nimaj alaq uq'ij tob' na eta'am ta alaq uwach, e wa' Rire ri kantzijoj che alaq. 24Rire e Dios x'anaw ruwachulew y ronoje taq ri k'o chwach yey e Rajaw ruwa kaj y ruwachulew. Na jeqel ta k'u pa juna ja 'anom xa kuma achijab'. 25Na kajawax ta che Rire ri oj tikawex kaqato'o; ma e ne Rire ri kaya'w lo chiqe qonoje ri qak'aslem, ri quxlab' y ronoje ri kajawax chiqe.
26»Yey xa k'u che jun tikawex, ri Dios xuk'iyarisaj kiwach konoje ri tikawex cha' kejeqi' che ronoje ruwachulew. Yey e Rire ch'ob'oyom loq pa taq keb'e'jeqela wi chujujunal tinamit y janipa taq ri kiq'ijol che ruwachulew. 27Xu'an wa' cha' kakitzukuj Rire, yey tob' ne pacha' kemalal pa q'equ'm, kakiriq na. Pero paqatzij wi, ri Qaqaw na naj ta k'o wi chiqe chiqajujunal. 28Ma ruma ri Dios oj k'aslik, kojsilab'ik y oj jeqel che ruwachulew; e pacha' ri kib'i'im kan jujun aj tz'ib'anel re ri tinamit alaq: “Ri'oj oj ralk'o'al ri Dios.”
29»Ruma k'u oj ralk'o'al ri Dios, maqach'ob' k'u ri' we Rire junam uwach kuk' ri tiox xa e 'anom ruk' oro, ruk' plata o ruk' ab'aj, xa yijb'italik y no'jital kuma rachijab'. 30Ojertan lo ri' jela' ri kina'oj taq ri winaq puwi ri Dios, no'j ya k'u xik'ow ruq'ijol wa'. Ma wo'ora ri Dios keb'utaq konoje ri tikawex che ronoje luwar cha' kakitzelej kitzij chwach. 31Ma Rire uq'atom chi jun q'ij echiri' ku'an ri jusuk' q'atb'al tzij pakiwi konoje ri tikawex che ruwachulew. Ku'ana k'u wa' ruma ri Jun Achi Ucha'om loq. Yey echiri' ri Dios xuk'astajisaj lo ri Jesús chikixo'l ri ekaminaq, e xujikib'a' uwach Rire e ri Jun ucha'om loq cha' ku'an wa'» xcha'.
32Ek'uchiri' xkita puwi ri k'astajib'al ke ri ekaminaq, jujun chike xkijeq kakich'amij wa'. No'j jujun chik xkib'i'ij: «Kaqata tanchi la puwi wa k'utunik juna chik q'ij» xecha'.
33Tek'uchiri', xel b'i ri Pablo chikixo'l ri kimolom kib'. 34No'j jujun k'u chike wa tikawex xeb'u'an e kuk'il ruk' ri Pablo, ma xkikoj rub'i' ri Cristo. Chikixo'l wa' k'o ri Dionisio (rire e kuk'il rachijab' lik k'o kina'oj, ri kakimol kib' pa ri Areópago), yey k'o jun ixoq Dámaris rub'i' y jujun chik.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2009, Wycliffe Bible Translators, Inc. All rights reserved.