Hch 6
6
Ke'xaqab'aak li Wuqub'
1Sa'eb' li kutan a'an eb' laj paab'anel ke'k'ihank rajlankil, ut eb' laj paab'anel griego raatinob'aaleb' ke'ok chi xwech'inkil rix eb' li neke'aatinak sa' hebreo xb'aan naq eb' li xmalka'an ink'a' sa neke'k'ule'k naq najek'imank li wa rajlal kutan. 2Toja' naq eb' li Kab'laju ke'xch'utub' li xk'ihaleb' laj paab'anel ut ke'xye:
—Moko us ta naq tqakanab' xpuktesinkil li Raatin li Yos xb'aan li jek'ink tzekemq. 3Ex was wiitz'in, sik'omaq sa' eeyanq wuqub'aq chi winq li chaab'il nayeemank chirixeb', nujenaqaqeb' chi Musiq'ej ut chi chaab'il na'leb', ut eb' a'an te'qaxaqab' chi xb'aanunkil li k'anjel a'in. 4A'ut laa'o tqak'e qach'ool chi tijok ut chi k'anjelak chirix Raatin li Yos.
5Chixjunil li jo'k'ihaleb' wankeb' aran, ke'xk'ulub'an xch'ool li na'leb' a'in, ut ke'xsik' ru laj Esteban, jun li winq nim xpaab'aal ut nujenaq chi Santil Musiq'ej, jo'wi' laj Felipe, laj Prókoro, laj Nikanor, laj Timón, laj Pármenas ut laj Nikolás aj Antiokía, a' li ki'ok sa' xyanqeb' laj Judiiy. 6Chirix chik a'an ke'xaqab'aak chiruheb' li apóstol, ut eb' a'in ke'tijok ut ke'xk'e li ruq' sa' xb'eeneb'.#6,6 Li xk'eeb'al li ruq' sa' xb'eeneb' a'an naraj naxye naq eb' li Wuqub' ke'xaqab'aak cho'q aj k'anjel sa' li komonil.
7Li Raatin li Yos yo chi puktaak; li xk'ihaleb' laj paab'anel k'ajo' naq yo chi k'ihank aran Jerusalén. Jo'kan ajwi' naab'aleb' laj tij ke'xk'ul xch'ool li paab'ank.
Kichape'k laj Esteban
8Li Qaawa' wank rik'in laj Esteban ut naxk'e xwankil chi xb'aanunkil xninqal ru eetalil ut sachb'ach'oolej sa' li tenamit. 9Sa' jun kutan ke'xaqliik xkomoneb' laj ch'utleb'aal kab'l reheb' laj Liberto#6,9 Eb' laj Liberto a'aneb' aj Judiiy li ke'wank chi munil ut ach'ab'anb'ileb' chik anaqwan. jo' nayeemank re; wankeb' ajwi' aj Sirene, aj Alejandría, aj Silisia ut aj Asia, ut ke'ok chi xwech'inkil laj Esteban. 10Ab'anan ink'a' neke'xkuy xsumenkil li xnimal xk'a'uxl ut li Musiq'ej na'aatinak wi'. 11Toja' naq wankeb' winq ke'tuminaak ru chi xyeeb'al: “Xqab'i li winq a'in chi xmajewankil laj Moisés ut li Yos”. 12Chi jo'kan ke'xpoqoqi li tenamit, eb' li cheekel winq ut eb' laj tz'iib'; ke'xkut rib' sa' xb'een, ke'xchap ut ke'xk'am sa' li raqleb'aal aatin. 13Toja' naq ke'xxaqab' aniheb' te'tik'ti'iq chirix:
—Li winq a'in ink'a' naxkanab' xyeeb'al yib'ru chirix li santil na'ajej ut li Chaq'rab'. 14Xb'aan naq xqab'i chi xyeeb'al naq li Jesus, a' laj Nazaret neke'xye, tixjuk' li na'ajej a'in ut tixjal ru li xe'toonil na'leb' kooxchaq'rab'i wi' laj Moisés, chankeb'.
15Naq chixjunileb' li k'ojk'ookeb' sa' li raqleb'aal aatin ke'xka'ya laj Esteban, chanchan xnaq' ru junaq ánjel naq ke'ril.
Currently Selected:
Hch 6: QQC
Highlight
Share
Copy
Want to have your highlights saved across all your devices? Sign up or sign in
Q'eqchi DC Bible © Bible Society in Guatemala, 2005.
