ZLI VIRZI 47
47
1Zozef ara ɓa ɗaˀ le da buy madiɗa ngi Ezipte, a ɓaŋ: «Baha ati sukum ɗuwoy, a soko le baɗ a ruwuy Kanaˀana, ti tumuŋ taŋhay, ˀaw taŋhay, sla taŋhay a haŋ, waɗ gwat taŋhay gar, a roko a ruwuy Goseŋ.» 2Dar a hil mizli zlum a wuzla sukum naŋhaya, a biga taŋ da buy madiɗa ngi Ezipte. 3Buy madiɗa ngi Ezipte a ɓa sukum ngi Zozefey tuwa: «Slra kum i mike?» A mbiɗakaŋ di: «Ndra gawla ɗikey i mijiginey, ndr'i mijiginey kaɓa dideˀ ndrahay zleˀe.» 4A ɓaka buy madiɗa ngi Ezipte na: «I soko ɓa i zikam neˀ aka, asi may ara bul vu asi ruwuy Kanaˀana, yo gwat ngi zum ngi ginewey anta mata. Pula jiviɗ da ndra gawla ɗikeye, ɓa a cifam wurenna a Goseŋ.» 5Buy madiɗa ngi Ezipte a ɓa Zozefe: «Bunuk ati sukum ɗikey a soko le ng'avi ka. 6Hirwuy Ezipte naŋ asi haŋ ɗiki, cifa ti bunuk ati sukum ɗikeye ar li mezleŋ wãˀ. Anja a cifam a Goseŋ. Da ki sin mizli mindilaka le ngi gi gwata a wuzla taŋ na, cifa taŋ i buyɓi ngi ginew ɗuwoy.» 7Zozef a so ti cine naŋ Zakopo, a biga da buy madiɗa ngi Ezipte, Zakop a ɗuwula mi da buy Ezipte. 8Buy Ezipte a ɓaŋ: «Ka ti vi kite ka?» 9Zakop a mbiɗaŋ di: «Ya maru ti slikiɗ aka akaka na, vi ɗu ani skat ti kukur makir. Vi ɗu a cuh kutum, yo i vi mutuwaˀhay ma, a ndila vi ngi dideˀ ɗuwoy mizikam ar li slikiɗ aka akaka na ta.» 10A dirba Zakop muɗuwula mi da buy Ezipte na, a cuh gwat naŋ. 11Zozef a vula li cifi da cine ati sukum naŋhaya, a vula taŋ li mimezleŋ muwãˀ ngi ruwuy Ezipte, tir vay Ramses, kaɓa buy Ezipte miɓaŋ di. 12Zozef a vula gwat ngi zum da cine ati sukum naŋhaya, waɗ da mizli ngi hay cineheye gar, weˀe avu hay ngi mburo ngi mburo.
Gwat Zozef miga ar vi ngi may
13May a bul vu le asi ruwuy gar, gwat ngi zum anta mata. Hirwuy Ezipte ati Kanaˀana, a sinaka a gam kini avu may nah mata. 14Dala ngisi ruwuy Ezipte ati ngi Kanaˀan gar na, a ci le ng'asi haŋ Zozef ti taŋ mahiɗikam daw ava tuwa. A co ti dala le cek ng'ar mugum ngi buy Ezipte. 15Dala a kiɗ hilfa le wãˀ angi hirwuy Ezipte ati Kanaˀana. Mizli Eziptehey gar a soko ngavi Zozefe, a ɓakaŋ: «Vula ndra gwat ngi zum. Anja mbak i micam vur dala anta avu ndra ta si sukwa?» 16Zozef a mbiɗa taŋ di: «Da dala anta avu kumo mata na, vulikiy ginew kumoy na, i sa vulukum gwat ngi zumo weˀe avu cikili ngi ginew kumoyo.» 17Dar a soko ti ginew taŋhaya: Pilisey, tumuŋhoy, ˀaway, slahay ati zunguhoyo, nga mbiɗi di gwat ngi zum avu Zozefe. Zozef a vula taŋ gwat ngi zum ngi vi nah, weˀe avu cikili ngi ginew taŋhay gar. 18Vi nah a cuh, vi mekelem ma na, a sa lumaka Zozefe, a ɓakaŋ: «Dala anta mata, yo ginewey ati gwat misãmihey i ngi ɗikey buy. Ndr'anta ɗumoko a mbuŋ ɗike ta, mindira ndra sey dumvu ndra ati guva ndrahay tewle. 19Anja mbak i micam a mihiri ɗike si sukwa? Da ndr' anta na, guva ndrahay a ndiram ngatara lambaˀ. Hiɗika ndra jom ati guva ndraˀahaya ti gwat ngi zum, ɓa i gam gawla ngi buy madiɗa ngi Ezipte. Vula ndra hilfa daw, ɓa i ngiram, i micam ta, ɓa guva ndrahay a ndiram ngatara lambaˀ ta.» 20Dar Zozef a hiɗika guva ngisi ruwuy Ezipte gar da buy Ezipte, asi mbur Ezipte gar na, a hiɗika guva naŋ avra, vur may a bul vu le a vi taŋ. Naŋ kine, ruwuy Ezipte gar, a tiri i ngi buy Ezipte. 21Zozef a gi beke ti mizli, a slikiɗa taŋ baɗ akẽh, nga mivay ngi ruwuy wãˀ wãˀ. 22Zozef a hiɗik ta na, sey guva ngi masayay, asi buy madiɗa ngi Ezipte a tuh ɓi le toh toh hĩˀĩ vur taŋ. A hiɗika guva taŋhay avra ta, asi a ngiram ti gwat ngi buy Ezipte mavula taŋ di. 23Zozef a ɓa mizli na: «Wurenna i huɗukukum le jom ati guva kumoyo da buy Ezipte so, i sa vulukum hilfa daw, ɓa ki ra zligaka guva kumoyo. 24Amma ti hin ngi sifi, ar gwat zlum gar na, ki zuɓam pal da buy Ezipte, a sa ndirukum mufaɗ, ngi zliga guva kumoy, ngi zum ati mizli ngi hay kumoy waɗ ziri kumoyo.» 25Mizli a mbiɗakaŋ di: «Ki laha ndra hutuŋ le. Ani i lumam gi mezle le a mbuŋ buy ndra, yo i cifam beke ngi buy Ezipte le so.» 26Zozef a tuh ɓi toh toh vurˀe, ɓi nah naŋ ti gidaŋ hã dana aruŋ, angi hirwuy Ezipte, gwat migi le zlum gar na, i tika ˀay, sey ki vul pal da buy Ezipte. Guva misi i ngi buy Ezipte ta na, sey ngi masayay tewle.
Gwat ngi dirba wãˀ Zakop muwuɗ ɓa a sa gakaŋ di
27Israyeley a cifam asi ruwuy Ezipte, kini tir vay Goseŋ, a tiram di nga taŋ wãˀ, a yam a diga hã a sikam haɗi. 28Zakop a gi vi kuruˀ nga tarnaˀ a Ezipte, vi ngi Zakop a gi jom gar na, vi skat ti kukur mufaɗ nga tarnaˀa. 29Ti Zakop misina avu vu naŋ, a sa muc gweˀ na, a zila mangal naŋ Zozefe, a ɓaŋ: «Da ki wuɗ ya le gisiŋ na, ca haŋ asi tuwal ɗu, ɓa ki bigiy di ki wuɗ ya le, yo da ka teŋteŋ avu ya na, ki dikiy angi hirwuy Ezipte ta. 30Ti ya misa jum le ng'avi dideˀ ɗu mumucahay na, kisa bi ti vagay ɗu tir Ezipte avra, ki ra dikiy ar zivi ngi dideˀ ɗuwoy.» Zozef a mbiɗaŋ di: «I sa ga kaɓa ka miɓiy na.» 31Zakop a maŋ di ma, a ɓaŋ: «Hudum a mbuŋ ɗu.» Zozef a hudum, dar Zakop a ginisl ginasl nga dudurum hirnga naŋ.
Currently Selected:
ZLI VIRZI 47: BEGDC
Highlight
Share
Copy
Want to have your highlights saved across all your devices? Sign up or sign in
Bible en Langue Guiziga © L’Alliance Biblique du Cameroun, 2011.
ZLI VIRZI 47
47
1Zozef ara ɓa ɗaˀ le da buy madiɗa ngi Ezipte, a ɓaŋ: «Baha ati sukum ɗuwoy, a soko le baɗ a ruwuy Kanaˀana, ti tumuŋ taŋhay, ˀaw taŋhay, sla taŋhay a haŋ, waɗ gwat taŋhay gar, a roko a ruwuy Goseŋ.» 2Dar a hil mizli zlum a wuzla sukum naŋhaya, a biga taŋ da buy madiɗa ngi Ezipte. 3Buy madiɗa ngi Ezipte a ɓa sukum ngi Zozefey tuwa: «Slra kum i mike?» A mbiɗakaŋ di: «Ndra gawla ɗikey i mijiginey, ndr'i mijiginey kaɓa dideˀ ndrahay zleˀe.» 4A ɓaka buy madiɗa ngi Ezipte na: «I soko ɓa i zikam neˀ aka, asi may ara bul vu asi ruwuy Kanaˀana, yo gwat ngi zum ngi ginewey anta mata. Pula jiviɗ da ndra gawla ɗikeye, ɓa a cifam wurenna a Goseŋ.» 5Buy madiɗa ngi Ezipte a ɓa Zozefe: «Bunuk ati sukum ɗikey a soko le ng'avi ka. 6Hirwuy Ezipte naŋ asi haŋ ɗiki, cifa ti bunuk ati sukum ɗikeye ar li mezleŋ wãˀ. Anja a cifam a Goseŋ. Da ki sin mizli mindilaka le ngi gi gwata a wuzla taŋ na, cifa taŋ i buyɓi ngi ginew ɗuwoy.» 7Zozef a so ti cine naŋ Zakopo, a biga da buy madiɗa ngi Ezipte, Zakop a ɗuwula mi da buy Ezipte. 8Buy Ezipte a ɓaŋ: «Ka ti vi kite ka?» 9Zakop a mbiɗaŋ di: «Ya maru ti slikiɗ aka akaka na, vi ɗu ani skat ti kukur makir. Vi ɗu a cuh kutum, yo i vi mutuwaˀhay ma, a ndila vi ngi dideˀ ɗuwoy mizikam ar li slikiɗ aka akaka na ta.» 10A dirba Zakop muɗuwula mi da buy Ezipte na, a cuh gwat naŋ. 11Zozef a vula li cifi da cine ati sukum naŋhaya, a vula taŋ li mimezleŋ muwãˀ ngi ruwuy Ezipte, tir vay Ramses, kaɓa buy Ezipte miɓaŋ di. 12Zozef a vula gwat ngi zum da cine ati sukum naŋhaya, waɗ da mizli ngi hay cineheye gar, weˀe avu hay ngi mburo ngi mburo.
Gwat Zozef miga ar vi ngi may
13May a bul vu le asi ruwuy gar, gwat ngi zum anta mata. Hirwuy Ezipte ati Kanaˀana, a sinaka a gam kini avu may nah mata. 14Dala ngisi ruwuy Ezipte ati ngi Kanaˀan gar na, a ci le ng'asi haŋ Zozef ti taŋ mahiɗikam daw ava tuwa. A co ti dala le cek ng'ar mugum ngi buy Ezipte. 15Dala a kiɗ hilfa le wãˀ angi hirwuy Ezipte ati Kanaˀana. Mizli Eziptehey gar a soko ngavi Zozefe, a ɓakaŋ: «Vula ndra gwat ngi zum. Anja mbak i micam vur dala anta avu ndra ta si sukwa?» 16Zozef a mbiɗa taŋ di: «Da dala anta avu kumo mata na, vulikiy ginew kumoy na, i sa vulukum gwat ngi zumo weˀe avu cikili ngi ginew kumoyo.» 17Dar a soko ti ginew taŋhaya: Pilisey, tumuŋhoy, ˀaway, slahay ati zunguhoyo, nga mbiɗi di gwat ngi zum avu Zozefe. Zozef a vula taŋ gwat ngi zum ngi vi nah, weˀe avu cikili ngi ginew taŋhay gar. 18Vi nah a cuh, vi mekelem ma na, a sa lumaka Zozefe, a ɓakaŋ: «Dala anta mata, yo ginewey ati gwat misãmihey i ngi ɗikey buy. Ndr'anta ɗumoko a mbuŋ ɗike ta, mindira ndra sey dumvu ndra ati guva ndrahay tewle. 19Anja mbak i micam a mihiri ɗike si sukwa? Da ndr' anta na, guva ndrahay a ndiram ngatara lambaˀ. Hiɗika ndra jom ati guva ndraˀahaya ti gwat ngi zum, ɓa i gam gawla ngi buy madiɗa ngi Ezipte. Vula ndra hilfa daw, ɓa i ngiram, i micam ta, ɓa guva ndrahay a ndiram ngatara lambaˀ ta.» 20Dar Zozef a hiɗika guva ngisi ruwuy Ezipte gar da buy Ezipte, asi mbur Ezipte gar na, a hiɗika guva naŋ avra, vur may a bul vu le a vi taŋ. Naŋ kine, ruwuy Ezipte gar, a tiri i ngi buy Ezipte. 21Zozef a gi beke ti mizli, a slikiɗa taŋ baɗ akẽh, nga mivay ngi ruwuy wãˀ wãˀ. 22Zozef a hiɗik ta na, sey guva ngi masayay, asi buy madiɗa ngi Ezipte a tuh ɓi le toh toh hĩˀĩ vur taŋ. A hiɗika guva taŋhay avra ta, asi a ngiram ti gwat ngi buy Ezipte mavula taŋ di. 23Zozef a ɓa mizli na: «Wurenna i huɗukukum le jom ati guva kumoyo da buy Ezipte so, i sa vulukum hilfa daw, ɓa ki ra zligaka guva kumoyo. 24Amma ti hin ngi sifi, ar gwat zlum gar na, ki zuɓam pal da buy Ezipte, a sa ndirukum mufaɗ, ngi zliga guva kumoy, ngi zum ati mizli ngi hay kumoy waɗ ziri kumoyo.» 25Mizli a mbiɗakaŋ di: «Ki laha ndra hutuŋ le. Ani i lumam gi mezle le a mbuŋ buy ndra, yo i cifam beke ngi buy Ezipte le so.» 26Zozef a tuh ɓi toh toh vurˀe, ɓi nah naŋ ti gidaŋ hã dana aruŋ, angi hirwuy Ezipte, gwat migi le zlum gar na, i tika ˀay, sey ki vul pal da buy Ezipte. Guva misi i ngi buy Ezipte ta na, sey ngi masayay tewle.
Gwat ngi dirba wãˀ Zakop muwuɗ ɓa a sa gakaŋ di
27Israyeley a cifam asi ruwuy Ezipte, kini tir vay Goseŋ, a tiram di nga taŋ wãˀ, a yam a diga hã a sikam haɗi. 28Zakop a gi vi kuruˀ nga tarnaˀ a Ezipte, vi ngi Zakop a gi jom gar na, vi skat ti kukur mufaɗ nga tarnaˀa. 29Ti Zakop misina avu vu naŋ, a sa muc gweˀ na, a zila mangal naŋ Zozefe, a ɓaŋ: «Da ki wuɗ ya le gisiŋ na, ca haŋ asi tuwal ɗu, ɓa ki bigiy di ki wuɗ ya le, yo da ka teŋteŋ avu ya na, ki dikiy angi hirwuy Ezipte ta. 30Ti ya misa jum le ng'avi dideˀ ɗu mumucahay na, kisa bi ti vagay ɗu tir Ezipte avra, ki ra dikiy ar zivi ngi dideˀ ɗuwoy.» Zozef a mbiɗaŋ di: «I sa ga kaɓa ka miɓiy na.» 31Zakop a maŋ di ma, a ɓaŋ: «Hudum a mbuŋ ɗu.» Zozef a hudum, dar Zakop a ginisl ginasl nga dudurum hirnga naŋ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible en Langue Guiziga © L’Alliance Biblique du Cameroun, 2011.