ZLI VIRZI 49
49
Zakop muɗuwula mi da ziri naŋ mizilehey mukuruˀ nga cuw
1Zakop a zila ziri naŋhaya, a ɓa taŋ: «Cikilam hirnga ɓa yi ɓukum ɓi ngi gwat masa gi avu kum tumbuŋ.
2Ziri mizile ngi Zakopoy, kusom, cinam.
Cinam ɓi ngi cine kum Israyel.
3Ruben, ki modogom ɗu,
ya muyuw dumbuŋ ti ya misi gidaŋ gidaŋ aruŋ,
ka wirwir haɗa, yo ka ti gidaŋ haɗa fineˀ sukum ɗikey.
4Ka kaɓa yam maɓul ar gidaŋ.
Amma ki modogom mata.
Asi ki hirya kitihin ɗu le,
ti ka mihin ti ngwas pal a wuzla ngwas ɗuwoy na. 5Simeyoŋ ati Levi i ziri ngi mumuŋ purlahay,
jumoˀay nga taŋ sey ngi gi moˀore.
6Y'anta wuɗ ci ar gidiɓi taŋ ta,
y'anta ci ar ngilawuy taŋ ta,
asi mevel mija taŋ na, a kiɗam mizli le vagay vagay,
yo a ngumam zlambar ngi gusoŋoy waˀwaˀ. 7Yi nisa moˀore taŋ mufõh fõh waɗ zuɓa himaˀ taŋ migurjik na.
I sa waha dideˀ taŋhay pal pal asi ruwuy Israyele,
i sa zliɗa hirnga taŋ asi ruwuy Israyele. 8Ka Zuda, sukum ɗikey a sa hunumukuw.
Ki sa tikaˀay da mesene ɗikey a hurukom a mbuŋ ɗike,
yo ziri ngi bunukoy a sa dilkam a mbuŋ ɗike. 9Aw Zuda ɗu, aw mangal ɗu,
ka kaɓa zingaˀ ngi mobor, ki mo le tir li ji useˀhey!
Da mobor a musla sara le, a hin le tup na,
matikaŋ ˀay ngi slikiɗ i waka? 10Ganday ngi buyo naŋ anta lih asi haŋ ngi Zuda ta,
yo ganday ngi jigina mizli, naŋ anta lih asi sar naŋ ta,
sey tapas buy ngi ganday vuna misa so le,
i mbur misi mizli gar masa cinakaŋ mi. 11Gudubun a sa gi haɗi,
a sa juwa zungu naŋ a raŋ,
yo a sa juwa zingaˀ naŋ avu sar ngi gudubuno.
A sa buna zana naŋ ti mbaazla ngi gudubun vuna,
yo a sa buna jibe naŋ ti mindezze naŋ ka pumbusu. 12Mbaazla a sa nduvaŋ hiri ɗuw ɗuw,
yo ɗuwa a sa pusluɗaŋ sliŋ babara nderere. 13Zabuloŋ a sa pa hay naŋ a mi mubuliyey.
Palalam ngi yamay a sa pam sar a diga,
hirwuy naŋ a sa ndih hã sesẽŋ a Sidoŋ. 14Isakara, naŋ kaɓa zungu migidaŋ,
mahin angi gezleŋ mugun gun makaw cuw. 15A pura na, li musuka vu naŋ kuy,
yo hirwuy a ciraŋ hiri le.
A guɓo gagalaˀaya, ɓa a jijir gwatay,
naŋ mezle ngi gi slra ngi bekehey. 16Daŋ a sa zum buy ar mizli naŋhaya,
kaɓa sukwi ngi Israyel mekelemey na. 17Daŋ, naŋ kaɓa kaw ar bohol,
kaɓa kwecesl a jiviɗi,
a kiɗa pilise avu ndala sar,
joˀ mbur ngir pilise a diɗ mirkendel. 18Aw Bumbulvuŋ, i njih hiri le njah, kisa lihiy! 19Gata, mufuyvuhoy a sa zlakaŋ, amma, a sa guduk ti taŋ,
a ɓula taŋ mber mber. 20Hirwuy ngi Aser, a sa gaŋ gwat ngi migamay haɗi,
a sa gaŋ gwat mindila le da buyoy. 21Neftali, i muuni maliˀi ka naŋ mawuɗo,
a sa yi ziri mezlehey. 22Zozefe, i widis magil kutum,
naŋ kaˀ a ciki miviɗiviɗi ngi yam,
a ki haŋ cay cay tuwaɗ moholo. 23Gaway a gakaŋ gwat ngi ji mevel le,
a lahakaŋ luvut, a sipakaŋ hirdam hirdam. 24Amma a ja lek naŋ kpak kpak,
hirbazla ati haŋ naŋhay a roko wirwir.
Mbele gidaŋ ngi Buymisemuŋ matik ˀay ta ngi Zakop na,
ki mijigin, gidigil muwã ngi Israyel. 25Tisi Buymisemuŋ ngi bunuk majunuw,
tisi Buymisemuŋ misi gidaŋ wãˀ, maɗuwuluw mi na,
anja vuŋ a go ti muŋ,
anja yam a bo tir mijileŋ ngi ruwuyo,
yo anja ki lum ngwas miyihey ati ginewey majam haɗi. 26Ɗuwula mi, bunuk maɗuwuluw di,
a funa maɗuwulaka da muwã ngi seteheye le,
a funa gwat mezle ngi muwã misi zlezleheye le.
Anja ɗuwula mi ngi cine, a ɗuwul nga hirnga Zozef,
nga hirnga mbur muwuna a wuzla sukum naŋhaya. 27Benjameŋ i kiriɓuh mihimaˀ,
ti miprike, a humbuɗ gwat kwaɗay,
ti hiikuɗo, a wunka gwat naŋ mija.» 28Taŋ jom gar na, i sukwi mukuruˀ nga cuw ngi Israyel. Hana i mingiɓi cine taŋ miɓa taŋ di ti naŋ maɗuwula taŋ mi, da mburo da mburo na.
Muc ngi Zakop
29A dirba nah, Zakop a ɓa ziri naŋhaya ma: «Ti ya misa jum le ng'avi mizli ɗuwoy na, a sa dikikiy avu dideˀ ɗuwoy, ar butum misi ar guva ngi Efroŋ mbur Hiti, 30ar butum misi ar guva ngi Makpela, migweˀ avu Mamre, hirwuy Kanaˀan. Abraham a hiɗika guva nah na, avu Efroŋ mbur Hiti, ɓa vigiɗ ngi dika vu a ndir da naŋ. 31A dikaka Abraham ati ngwas naŋ Sara a diga, yo Izak ati ngwas naŋ Rebeka. Yo ya kwana i dika Leya a diga ya. 32Guva ati butum misi a diga, a hiɗikaka avu ziri ngi Hetey.» 33Ti Zakop mitika mingiɓi naŋ ngi dirba wãˀ da ziri naŋhaya na, a hila saraya ng'ar arngawo, a sla musuwuno, a jum ng'avi mizli naŋhay.
Currently Selected:
ZLI VIRZI 49: BEGDC
Highlight
Share
Copy
Want to have your highlights saved across all your devices? Sign up or sign in
Bible en Langue Guiziga © L’Alliance Biblique du Cameroun, 2011.
ZLI VIRZI 49
49
Zakop muɗuwula mi da ziri naŋ mizilehey mukuruˀ nga cuw
1Zakop a zila ziri naŋhaya, a ɓa taŋ: «Cikilam hirnga ɓa yi ɓukum ɓi ngi gwat masa gi avu kum tumbuŋ.
2Ziri mizile ngi Zakopoy, kusom, cinam.
Cinam ɓi ngi cine kum Israyel.
3Ruben, ki modogom ɗu,
ya muyuw dumbuŋ ti ya misi gidaŋ gidaŋ aruŋ,
ka wirwir haɗa, yo ka ti gidaŋ haɗa fineˀ sukum ɗikey.
4Ka kaɓa yam maɓul ar gidaŋ.
Amma ki modogom mata.
Asi ki hirya kitihin ɗu le,
ti ka mihin ti ngwas pal a wuzla ngwas ɗuwoy na. 5Simeyoŋ ati Levi i ziri ngi mumuŋ purlahay,
jumoˀay nga taŋ sey ngi gi moˀore.
6Y'anta wuɗ ci ar gidiɓi taŋ ta,
y'anta ci ar ngilawuy taŋ ta,
asi mevel mija taŋ na, a kiɗam mizli le vagay vagay,
yo a ngumam zlambar ngi gusoŋoy waˀwaˀ. 7Yi nisa moˀore taŋ mufõh fõh waɗ zuɓa himaˀ taŋ migurjik na.
I sa waha dideˀ taŋhay pal pal asi ruwuy Israyele,
i sa zliɗa hirnga taŋ asi ruwuy Israyele. 8Ka Zuda, sukum ɗikey a sa hunumukuw.
Ki sa tikaˀay da mesene ɗikey a hurukom a mbuŋ ɗike,
yo ziri ngi bunukoy a sa dilkam a mbuŋ ɗike. 9Aw Zuda ɗu, aw mangal ɗu,
ka kaɓa zingaˀ ngi mobor, ki mo le tir li ji useˀhey!
Da mobor a musla sara le, a hin le tup na,
matikaŋ ˀay ngi slikiɗ i waka? 10Ganday ngi buyo naŋ anta lih asi haŋ ngi Zuda ta,
yo ganday ngi jigina mizli, naŋ anta lih asi sar naŋ ta,
sey tapas buy ngi ganday vuna misa so le,
i mbur misi mizli gar masa cinakaŋ mi. 11Gudubun a sa gi haɗi,
a sa juwa zungu naŋ a raŋ,
yo a sa juwa zingaˀ naŋ avu sar ngi gudubuno.
A sa buna zana naŋ ti mbaazla ngi gudubun vuna,
yo a sa buna jibe naŋ ti mindezze naŋ ka pumbusu. 12Mbaazla a sa nduvaŋ hiri ɗuw ɗuw,
yo ɗuwa a sa pusluɗaŋ sliŋ babara nderere. 13Zabuloŋ a sa pa hay naŋ a mi mubuliyey.
Palalam ngi yamay a sa pam sar a diga,
hirwuy naŋ a sa ndih hã sesẽŋ a Sidoŋ. 14Isakara, naŋ kaɓa zungu migidaŋ,
mahin angi gezleŋ mugun gun makaw cuw. 15A pura na, li musuka vu naŋ kuy,
yo hirwuy a ciraŋ hiri le.
A guɓo gagalaˀaya, ɓa a jijir gwatay,
naŋ mezle ngi gi slra ngi bekehey. 16Daŋ a sa zum buy ar mizli naŋhaya,
kaɓa sukwi ngi Israyel mekelemey na. 17Daŋ, naŋ kaɓa kaw ar bohol,
kaɓa kwecesl a jiviɗi,
a kiɗa pilise avu ndala sar,
joˀ mbur ngir pilise a diɗ mirkendel. 18Aw Bumbulvuŋ, i njih hiri le njah, kisa lihiy! 19Gata, mufuyvuhoy a sa zlakaŋ, amma, a sa guduk ti taŋ,
a ɓula taŋ mber mber. 20Hirwuy ngi Aser, a sa gaŋ gwat ngi migamay haɗi,
a sa gaŋ gwat mindila le da buyoy. 21Neftali, i muuni maliˀi ka naŋ mawuɗo,
a sa yi ziri mezlehey. 22Zozefe, i widis magil kutum,
naŋ kaˀ a ciki miviɗiviɗi ngi yam,
a ki haŋ cay cay tuwaɗ moholo. 23Gaway a gakaŋ gwat ngi ji mevel le,
a lahakaŋ luvut, a sipakaŋ hirdam hirdam. 24Amma a ja lek naŋ kpak kpak,
hirbazla ati haŋ naŋhay a roko wirwir.
Mbele gidaŋ ngi Buymisemuŋ matik ˀay ta ngi Zakop na,
ki mijigin, gidigil muwã ngi Israyel. 25Tisi Buymisemuŋ ngi bunuk majunuw,
tisi Buymisemuŋ misi gidaŋ wãˀ, maɗuwuluw mi na,
anja vuŋ a go ti muŋ,
anja yam a bo tir mijileŋ ngi ruwuyo,
yo anja ki lum ngwas miyihey ati ginewey majam haɗi. 26Ɗuwula mi, bunuk maɗuwuluw di,
a funa maɗuwulaka da muwã ngi seteheye le,
a funa gwat mezle ngi muwã misi zlezleheye le.
Anja ɗuwula mi ngi cine, a ɗuwul nga hirnga Zozef,
nga hirnga mbur muwuna a wuzla sukum naŋhaya. 27Benjameŋ i kiriɓuh mihimaˀ,
ti miprike, a humbuɗ gwat kwaɗay,
ti hiikuɗo, a wunka gwat naŋ mija.» 28Taŋ jom gar na, i sukwi mukuruˀ nga cuw ngi Israyel. Hana i mingiɓi cine taŋ miɓa taŋ di ti naŋ maɗuwula taŋ mi, da mburo da mburo na.
Muc ngi Zakop
29A dirba nah, Zakop a ɓa ziri naŋhaya ma: «Ti ya misa jum le ng'avi mizli ɗuwoy na, a sa dikikiy avu dideˀ ɗuwoy, ar butum misi ar guva ngi Efroŋ mbur Hiti, 30ar butum misi ar guva ngi Makpela, migweˀ avu Mamre, hirwuy Kanaˀan. Abraham a hiɗika guva nah na, avu Efroŋ mbur Hiti, ɓa vigiɗ ngi dika vu a ndir da naŋ. 31A dikaka Abraham ati ngwas naŋ Sara a diga, yo Izak ati ngwas naŋ Rebeka. Yo ya kwana i dika Leya a diga ya. 32Guva ati butum misi a diga, a hiɗikaka avu ziri ngi Hetey.» 33Ti Zakop mitika mingiɓi naŋ ngi dirba wãˀ da ziri naŋhaya na, a hila saraya ng'ar arngawo, a sla musuwuno, a jum ng'avi mizli naŋhay.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible en Langue Guiziga © L’Alliance Biblique du Cameroun, 2011.