ZLI VIRZI 50
50
Migaka vagay ngi Zakop
1Zozef a diɗ ng'ar vagay ngi cine, a bunaŋ ti tuwuy, yo a jaŋ kusom. 2Dar a ɓa mizli naŋhay misina slalakaya, ɓa a fukuɗaka vagay ngi cine ti urdi. Misina slalakay a fukuɗaka vagay ngi Zakopo. 3A gam hin kukur mufaɗ kaslsla mafukuɗam di vagay ngi mbur. Eziptehey a tuwakaŋ hin kukur tarnaˀa. 4Hin ngi vagay tuwa mikiɗ mi muduba na, Zozef a ɓa mizli ngi hay buy madiɗa ngi Ezipteheye: «Da kum ada ki wuɗikiy na, ambuh kum, ara ɓaka buy madiɗa ngi Ezipte na: 5‹Baha a hudumiy le zleˀe, a ɓiy: Y'ani i wuɗ i mucu. Ki sa ra dikikiy ar vigiɗ ya mila da ya, a hirwuy Kanaˀan. Yi wuɗ wurenna, i ra dika baha, a dirba nah, i sa mawa.›» 6Buy Ezipte a mbiɗaŋ di: «A ra dika bunuko kaɓa naŋ muhudumuw na.» 7Joˀ Zozef aru nga dika cine. Gawla ngi buy Eziptehey gar, mizli micawwa ngi hay naŋhay ati mizli micawwa ngi ruwuy Ezipte gar, a ram bummoˀ ati naŋ, 8waɗ mizli ngi hay Zozefey gar, sukum naŋhay ati mizli ngi hay cineheye. A pulam a ruwuy Goseŋ sey ziri taŋhay, tumuŋhoy, ˀaway waɗ slahay. 9Misi mota ngi pilisey waɗ misi pilisey a ram aseˀeŋ. I zigiduw taˀ kuy kuy wãˀ. 10A ndilam ar papala, a Mǝlaŋ ngi ruwuy Goreŋ-Ataɗ, ti dubazaw Zurdeŋ. A gaka mezegwel ngi dika vu hiliɓ hiliɓ, a zli ta wãˀ. Zozef a tuwa vagay ngi cine hin tarnaˀ. 11Mizli Kanaˀanay misi angi hirwuy nah, taŋ micinaka tuwuy taŋ ar papala angi hirwuy Goreŋ-Atat na, a ɓam: «Vagay hana, ara ga bonoy kuyta wãˀ da Ezipteheye!» A caka slimiɗ da li ngi dubazaw Zurdeŋ nah: ‹Abel-Misrayim›, a mbiɗiˀvra ‹tuwuy ngi Ezipte!› 12Ziri ngi Zakopoy, a gaka gwata kaɓa cine taŋ miɓa taŋ di. 13A zuɓaka vagay ngi cine taŋ nga hirwuy Kanaˀan, a dikakaŋ angi butum ngir guva ngi Makpela, Abraham mi hiɗika avu Efroŋ mbur Hiti, ɓa a ndir i vigiɗ nga naŋ wãˀ ngi dika vu, naŋ gweˀ avu Mamre. 14Zozefe, a dirba naŋ midika cine na, a mawa nga Ezipte, naŋ ati sukum naŋhay waɗ mizli miram bummoˀ ati naŋ nga dika cine.
Zozef ati sukum naŋhay a dirba muc ngi Zakop
15Sukum ngi Zozefey a puraka na, cine taŋ a muc le, a ɓam ar wala taŋ na: «Da ani Zozefe a ɓi le a gi ti ndra mesene, yo ɓa a pula cuwal ngi malambaˀ ndra migakaŋ di na, mbrike?» 16A slinam ng'avi Zozefe, a ɓakaŋ: «Ti bunuk mawuɗ a muc na, a ɓi: 17‹Ki sa ɓaka Zozefe na: ambuh, malambaˀ ati mungra sukum ɗikey mugukuw di gar na, pula teˀe.›» A gukuw malambaˀ le gisiŋ ɓula, amma wurenna ambuh ndr'i gawla ngi Buymisemuŋhoy, Buymisemuŋ ngi bunuku, pula mungra taŋ mugukuw di na teˀe. Ti taŋ maɓakaŋ kahana na, Zozef a tuwuy. 18Dar sukum naŋhay a ram ti haŋ taŋ, a hurukom a mbuŋ naŋ, a ɓakaŋ: «Ndr'ani, ndra beke ɗikeye!» 19Zozef a mbiɗa taŋ di: «Ki zluwunam neˀ ta, yi ci ar li ngi Buymisemuŋ gu kwa? 20Kumo, ki wuɗam le zleˀe, ɓa ki gikiy malambaˀa, amma Buymisemuŋ a mbiɗa, a tiri di ɓi mezleŋ: a wuɗ na, ɓa ngi laha siifa ngi mizli haɗi, kaɓa kum mapuraka dana ani na. 21Zle dana na, ki zluwunam ta, i sa vulukum gwat ɓa ki ngiram di, kum ati ziri kumoyo.» A vula taŋ gidaŋ ti mingiɓi ngisi mevel taŋ. 22Zozef a cifi ti hay naŋ a Ezipte, naŋ ati mizli ngi hay cineheye. Zozef a gi vi skat ti kuruˀu. 23A pura ziri ngi Efrayimeye, dideˀ dideˀ hã makir. Wãˀ naŋ ma na, ziri ngi Makirey, mangal ngi Manase, a yam hã a cifa taŋ ar sar naŋ. 24Ngi pas mekeleme, Zozef a ɓa sukum naŋhaya na: «Yi wuɗ i mucu. Buymisemuŋ a sa cik vu ar kumo, a sa bi ti kum tisi ruwuy misenna, nga ruwuy naŋ miɓa ɗaˀ le da Abraham, da Izak waɗ Zakop na.» 25Dar Zozef a ɓa taŋ, ɓa a hudumom a mbuŋ naŋ: «Tapas Buymisemuŋ masa cik vu a hirnga kum na, kisa ram ti tesl ɗuwoy a haŋ.» 26Zozef a muc ti vi skat ti kuruˀu. A fukuɗaka vagay naŋ ti urdi, a kaka ar akoti ngi dika vu angi hirwuy Ezipte.
Currently Selected:
ZLI VIRZI 50: BEGDC
Highlight
Share
Copy
Want to have your highlights saved across all your devices? Sign up or sign in
Bible en Langue Guiziga © L’Alliance Biblique du Cameroun, 2011.
ZLI VIRZI 50
50
Migaka vagay ngi Zakop
1Zozef a diɗ ng'ar vagay ngi cine, a bunaŋ ti tuwuy, yo a jaŋ kusom. 2Dar a ɓa mizli naŋhay misina slalakaya, ɓa a fukuɗaka vagay ngi cine ti urdi. Misina slalakay a fukuɗaka vagay ngi Zakopo. 3A gam hin kukur mufaɗ kaslsla mafukuɗam di vagay ngi mbur. Eziptehey a tuwakaŋ hin kukur tarnaˀa. 4Hin ngi vagay tuwa mikiɗ mi muduba na, Zozef a ɓa mizli ngi hay buy madiɗa ngi Ezipteheye: «Da kum ada ki wuɗikiy na, ambuh kum, ara ɓaka buy madiɗa ngi Ezipte na: 5‹Baha a hudumiy le zleˀe, a ɓiy: Y'ani i wuɗ i mucu. Ki sa ra dikikiy ar vigiɗ ya mila da ya, a hirwuy Kanaˀan. Yi wuɗ wurenna, i ra dika baha, a dirba nah, i sa mawa.›» 6Buy Ezipte a mbiɗaŋ di: «A ra dika bunuko kaɓa naŋ muhudumuw na.» 7Joˀ Zozef aru nga dika cine. Gawla ngi buy Eziptehey gar, mizli micawwa ngi hay naŋhay ati mizli micawwa ngi ruwuy Ezipte gar, a ram bummoˀ ati naŋ, 8waɗ mizli ngi hay Zozefey gar, sukum naŋhay ati mizli ngi hay cineheye. A pulam a ruwuy Goseŋ sey ziri taŋhay, tumuŋhoy, ˀaway waɗ slahay. 9Misi mota ngi pilisey waɗ misi pilisey a ram aseˀeŋ. I zigiduw taˀ kuy kuy wãˀ. 10A ndilam ar papala, a Mǝlaŋ ngi ruwuy Goreŋ-Ataɗ, ti dubazaw Zurdeŋ. A gaka mezegwel ngi dika vu hiliɓ hiliɓ, a zli ta wãˀ. Zozef a tuwa vagay ngi cine hin tarnaˀ. 11Mizli Kanaˀanay misi angi hirwuy nah, taŋ micinaka tuwuy taŋ ar papala angi hirwuy Goreŋ-Atat na, a ɓam: «Vagay hana, ara ga bonoy kuyta wãˀ da Ezipteheye!» A caka slimiɗ da li ngi dubazaw Zurdeŋ nah: ‹Abel-Misrayim›, a mbiɗiˀvra ‹tuwuy ngi Ezipte!› 12Ziri ngi Zakopoy, a gaka gwata kaɓa cine taŋ miɓa taŋ di. 13A zuɓaka vagay ngi cine taŋ nga hirwuy Kanaˀan, a dikakaŋ angi butum ngir guva ngi Makpela, Abraham mi hiɗika avu Efroŋ mbur Hiti, ɓa a ndir i vigiɗ nga naŋ wãˀ ngi dika vu, naŋ gweˀ avu Mamre. 14Zozefe, a dirba naŋ midika cine na, a mawa nga Ezipte, naŋ ati sukum naŋhay waɗ mizli miram bummoˀ ati naŋ nga dika cine.
Zozef ati sukum naŋhay a dirba muc ngi Zakop
15Sukum ngi Zozefey a puraka na, cine taŋ a muc le, a ɓam ar wala taŋ na: «Da ani Zozefe a ɓi le a gi ti ndra mesene, yo ɓa a pula cuwal ngi malambaˀ ndra migakaŋ di na, mbrike?» 16A slinam ng'avi Zozefe, a ɓakaŋ: «Ti bunuk mawuɗ a muc na, a ɓi: 17‹Ki sa ɓaka Zozefe na: ambuh, malambaˀ ati mungra sukum ɗikey mugukuw di gar na, pula teˀe.›» A gukuw malambaˀ le gisiŋ ɓula, amma wurenna ambuh ndr'i gawla ngi Buymisemuŋhoy, Buymisemuŋ ngi bunuku, pula mungra taŋ mugukuw di na teˀe. Ti taŋ maɓakaŋ kahana na, Zozef a tuwuy. 18Dar sukum naŋhay a ram ti haŋ taŋ, a hurukom a mbuŋ naŋ, a ɓakaŋ: «Ndr'ani, ndra beke ɗikeye!» 19Zozef a mbiɗa taŋ di: «Ki zluwunam neˀ ta, yi ci ar li ngi Buymisemuŋ gu kwa? 20Kumo, ki wuɗam le zleˀe, ɓa ki gikiy malambaˀa, amma Buymisemuŋ a mbiɗa, a tiri di ɓi mezleŋ: a wuɗ na, ɓa ngi laha siifa ngi mizli haɗi, kaɓa kum mapuraka dana ani na. 21Zle dana na, ki zluwunam ta, i sa vulukum gwat ɓa ki ngiram di, kum ati ziri kumoyo.» A vula taŋ gidaŋ ti mingiɓi ngisi mevel taŋ. 22Zozef a cifi ti hay naŋ a Ezipte, naŋ ati mizli ngi hay cineheye. Zozef a gi vi skat ti kuruˀu. 23A pura ziri ngi Efrayimeye, dideˀ dideˀ hã makir. Wãˀ naŋ ma na, ziri ngi Makirey, mangal ngi Manase, a yam hã a cifa taŋ ar sar naŋ. 24Ngi pas mekeleme, Zozef a ɓa sukum naŋhaya na: «Yi wuɗ i mucu. Buymisemuŋ a sa cik vu ar kumo, a sa bi ti kum tisi ruwuy misenna, nga ruwuy naŋ miɓa ɗaˀ le da Abraham, da Izak waɗ Zakop na.» 25Dar Zozef a ɓa taŋ, ɓa a hudumom a mbuŋ naŋ: «Tapas Buymisemuŋ masa cik vu a hirnga kum na, kisa ram ti tesl ɗuwoy a haŋ.» 26Zozef a muc ti vi skat ti kuruˀu. A fukuɗaka vagay naŋ ti urdi, a kaka ar akoti ngi dika vu angi hirwuy Ezipte.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible en Langue Guiziga © L’Alliance Biblique du Cameroun, 2011.