Maarkɩ 13
13
Yesu yɔɔdaa se Ɛsɔ ɖɩɣa kɔŋ yɔɔkʋʋ
(Mat 24.1-13; Luk 21.5-19)
1Yesu lɩɣaɣ Ɛsɔ ɖɩɣa taa lɛ, ɛ-tɔmkpɛlɩkɩyaa taa lɛlʋ heyi-i se: «Wɩlɩyʋ, cɔnɩ ŋna pɛɛ kɩbana wena pamanɩ ɖɩɣa sɔsɔɔ kanɛ nɛ kɛwɛɛ ɖeu pɩtɩɩfɛyɩ yɔ.» 2Peeɖe ecosi-i se: «Ŋnaɣʋ-kɛ ɛzʋnɔ yɔ, pɔkɔŋ tuzuu pɩtɩŋa payɩ nɛ pɛpɛɖɩ. Pɩɩkazɩɣ pɩyɛ naɖɩyɛ lɛɛɖɛ yɔɔ.»
Mbʋ́ pɩkaɣ labʋ nɛ pʋcɔ ɛjaɖɛ tɛ yɔ
3Yesu yɔɔdɩ ḿbʋ́ nɛ ɛlɩɩ Yeruusalɛm lɛ, ewolo ɛkpa Somiŋ Pʋʋ yɔɔ nɛ ɛcaɣ nɛ ɛha-kɛ nɛ ɛsɛ. Puwiye ńɖɩ́ lɛ, Pɩyɛ nɛ Yakubu nɛ Yohanɛɛsɩ nɛ Andree pa-naanza paawɛnɩ ɛ-cɔlɔ. Pɛwɛ pe-ɖeke ḿbʋ́ lɛ, pɔpɔzɩ-ɩ se: 4«Heyi-ɖʋ alɩwaatʋ ndʋ́ pɩkaɣ labʋ ḿbʋ́ yɔ nɛ mbʋ́ pʋkɔŋ wɩlʋʋ alɩwaatʋ ndʋ́ pɩtɩŋa payɩ pɩlakɩ ḿbʋ́ yɔ.» 5Ɛlɛ́, Yesu paɣ́-wɛ se: «Ɩkpa mɩ-tɩ camɩyɛ, ɩtaayele nɛ nɔɔyʋ cɛtɩ-mɩ yem. 6Mbʋ́ pʋyɔɔ yɔ, ɛyáa sakɩyɛ kɔŋ kʋɖʋm kʋɖʋm nɛ peheyi-mɩ se: ‹Ma lɛ Weyi Ɛsɔ Lɩzaa nɛ etiyini-mɩ› yɔ: ḿbʋ́ palakɩ nɛ peyili ɛyáa sakɩyɛ. 7Yee ɩnɩ you taŋ mɩ-cɔlɔ nɛ peheyiɣ-mɩ poliŋ taa ñɩŋgʋ tɔm lɛ, sɔɔndʋ ɛtaakpa-mɩ. Mbʋ́ pʋyɔɔ yɔ, pʋwɛɛ se pɩla ḿbʋ́. Ɛlɛ́, alɩwaatʋ tatalɩda. 8Pʋwɛɣ ɛzɩ halʋ wɩzʋʋ lʋlʋʋ nɛ pɩɣa wɩɣ-ɩ yɔ. Ɛjaɖɛ lɛɛɖɛ kʋyʋʋ lɛɛɖɛ yɔɔ, kewiyaɣ lɛɛka ñakʋyɩ lɛɛka yɔɔ nɛ tɛtʋ ñamsɩ hɔɔlɩŋ ndɩ ndɩ taa nɛ ñɔɔsɩ lɩɩ.
Mbʋ́ pɩkaɣ talʋʋ Yesu tiyiyaa yɔ
9«Mɩ lɛ, ɩkpa mɩ-tɩ camɩyɛ. Pɔkɔŋ-mɩ luu agbazɛɛ Ɛsɔ ɖɩsɛyɛ ndɩ ndɩ taa nɛ powoni-mɩ tɔm ɖɩhʋyɛ. Payaɣ-mɩ ajɛya ñʋndɩnaa nɛ awiya sɔsɔna pɔ-cɔlɔ mɔ-yɔɔ nɛ ɩkɛ ma-aseɣɖe tɩnaa pɔ-cɔlɔ. 10Pʋcɔ alɩwaatʋ ńdʋ́ tɩtalɩ lɛ, pʋwɛɛ se posusi Laŋhɛzɩyɛ Tɔm ajɛya tɩŋa taa. 11Yee pakpa-mɩ nɛ powoni tɔm ɖɩhʋyɛ lɛ, ɩtaanɩɣzɩ se ɩɩyɔɔdɩ se we. Yee pɩtalaa lɛ, ɩyɔɔdɩ ndʋ́ tɩkpa mɩ-taa yɔ. Mbʋ́ pʋyɔɔ yɔ, Fezuu Kiɖeɖeu ɖʋʋnɩ-tʋ mɩ-taa, pɩtɛkɛ mɩ-cɔlɔ tɩlɩɣna. 12Alɩwaatʋ ńdʋ́ lɛ, ɛyáa kʋyʋʋ nɛ pawɩlɩ pa-ɖalaa yaa pe-newaa maɣmaɣ se pakʋ-wɛ. Caanaa ñalakɩ pe-piya ḿbʋ́ ɖɔɖɔ. Piya ńzɩ́, sɩsɩ kʋyɩ sɩ-ñɩma yɔɔ nɛ sɩla nɛ pakʋ-wɛ. 13Mɔ-yɔɔ ɛyáa tɩŋa kɔŋ-mɩ paɖʋʋ. Ɛlɛ́, weyi ɛɖɔkʋʋ ɛ-tɩ camɩyɛ nɛ pʋkɔɔ pɩtalɩ kɛtɛzaɣ kɩyakʋ wiye yɔ, Ɛsɔ yakɩ ɛ-ñʋʋ.»
Ɛyáa kɔŋ kʋñɔŋ labʋ siŋŋ
(Mat 24.15-28; Luk 21.20-24)
14Pʋwayɩ lɛ, Yesu tasɩ-wɛ heyuu se: «Alɩwaatʋ natʋyʋ ɩkɔŋ naʋ tɛyɔkɩyʋ weyi ɛtatʋʋzɩ Ɛsɔ ɛsɩndaa kpem yɔ, ɛsɩŋ ɖenɖe pɩtamʋnɩ se ɛsɩŋ yɔ. Weyi ɛkalɩɣ tɔm ńdʋ́ yɔ, pʋwɛɛ se ɛmaɣzɩ nɛ ɛnɩɩ tɩ-tɔbʋʋ camɩyɛ. Alɩwaatʋ ńdʋ́ tɩtalaa lɛ, mbá pɛwɛ Yudee egeetiye taa yɔ, pese pakpanɩ pʋŋ taa. 15Yee nɔɔyʋ ɛwɛ e-kuduyuu ñʋʋ taa lɛ, ese kpaagbaa. Pɩtaacɩbɩ-ɩ se etiki ɛsʋʋ kɩ-tɛɛ nɛ ɛkpaɣ pʋyʋ nɛ ɛkpɛndɩna. 16Weyi ɛwɛ hayɩm taa lɛ, ese kpaagbaa. Pɩtaacɩbɩ-ɩ se ekpeŋ ɛ-tɛ nɛ ɛkpaɣ e-toko maɣmaɣ. 17Pʋkɔŋ tɔɔʋ halaa hosi tɩnaa nɛ asɔŋ alɩwaatʋ ńdʋ́. 18Itendi Ɛsɔ se alɩwaatʋ ńdʋ́ tɩtaakɛnɩ niŋkaɣ alɩwaatʋ. 19Mbʋ́ pʋyɔɔ yɔ, kʋñɔŋ ŋgʋ́ kʋkɔŋ alɩwaatʋ ńdʋ́ tɩ-taa yɔ, kɩkɩlɩɣ kʋñɔmɩŋ weyi ɛyáa laba ɖooo ɛzɩ Ɛsɔ labʋ kedeŋa nɛ pʋkɔɔ pɩsɩɩnɩ sɔnɔ yɔ ɩtɩŋa payɩ. Nakʋyʋ ɛɛtasɩɣ kɔm nɛ kɩkɩlɩ-kʋ. 20Yee Kɩpaɣlʋ ɛtaamaɣzɩ nɛ ɛpasɩ kʋñɔŋ kɩyakɩŋ ɩnʋ ɩ-yɔɔ ɛyáa mbá ɛlɩzɩ-wɛ se pɛkɛ ɛ-ñɩma yɔ pɔ-yɔɔ yɔ, nɔɔyʋ taawɛnɩ ɛ-ɛsɛ. 21«Pʋ-yɔɔ lɛ, yee nɔɔyʋ eheyi-mɩ se Weyi Ɛsɔ Lɩzaa nɛ etiyini-mɩ yɔ, ɛwɛ cɩnɛ yaa peeɖe yɔ yɔ, ɩtaatisi. 22Mbʋ́ pʋyɔɔ yɔ, cɛtɩyaa mbá peheyiɣ se ḿbá lɛ Mbá Ɛsɔ Lɩzaa Yɔ nɛ mbá paba ñɛcɛtɩɣ se pɛkɛ náyaa yɔ, pakaɣ kɔm kʋɖʋm kʋɖʋm nɛ pawɩlɩ kawɩlɩsɩ nɛ pala hama lakasɩ nɛ yee papɩzɩɣ yɔ, pɛcɛtɩ Ɛsɔ ñɩma. 23Mɩ lɛ, mɛntɛm-mɩ heyuu pɩtɩŋa nɛ pɩɖɛɛ. Ɩɖɔkɩ mɩ-tɩ camɩyɛ kpam.»
Ɛyʋ pɩyalʋ tasɩɣ kɔm
(Mat 24.29-35; Luk 21.25-33)
24Yesu tasɩ-wɛ heyuu se: «Kʋñɔmɩŋ ɩnʋ ɩ-wayɩ lɛ, kɩyakɩŋ weyi ɩkɔŋ yɔ, wɩsɩ ɛɛtasɩɣ ñaɣʋ, fenaɣ ɛɛtasɩɣ ñaɣʋ ɖɔɖɔ. 25Tɩɩnzɩ kpɛzɩɣnɩ ɛsɔdaa nɛ sɩtɔlɩ nɛ mbʋ́ pʋwɛ ɛsɔdaa yɔ, pɩñamsɩ. 26Peeɖe panaɣ Ɛyʋ Pɩyalʋ nɛ e-ɖoŋ sɔsɔŋ nɛ e-koboyaɣ ɛsɔmɩndʋ yɔɔ, ɛɖɔŋ kɔm. 27Etiyiɣ e-tiyiyaa kedeŋa kpeekpe yɔɔ se pekpeɣli mbá Ɛsɔ lɩzaa se pɛkɛ ɛ-ñɩma yɔ.
Hiyuú eduuye
28«Iwelesi camɩyɛ nɛ ɩnɩɩ mbʋ́ hiyuú wɩlɩɣ-mɩ yɔ: alɩwaatʋ ndʋ́ kɩnɛɣdɩɣ yɔ, ɩsɩm kpaagbaa se tɛsoŋiye wɩzaa. 29Ḿbʋ́ ɖɔɖɔ pʋwɛɛ. Yee ɩkɔm ɩnaɣ lakasɩ ndɩ ndɩ ńzɩ́ ḿbʋ́ lɛ, ɩtɩlɩ kpaagbaa se Ɛyʋ Pɩyalʋ talɩ mɩ-cɔlɔ kpam. 30Toovenim lɛ, meheyiɣ-mɩ se: ɛyáa mbá pɛwɛnɩ pɛ-ɛsɛ ɛzʋnɔ yɔ, paasɩkɩ patɩŋa nɛ pʋcɔ pɩtɩŋa payɩ pɩla ḿbʋ́. 31Ɛsɔdaa nɛ tɛtʋ pamʋkɩ, ɛlɛ́, mɔn-tɔm ñaamʋkɩ kaʋ.»
Nɔɔyʋ ɛɛsɩŋ alɩwaatʋ ndʋ́ Kɩpaɣlʋ kitiɣ kɔm yɔ
(Mat 24.36-44)
32Yesu tasɩ-wɛ heyuu se: «Nɔɔyʋ ɛɛsɩŋ kɩyakʋ ŋ́gʋ́ yaa alɩwaatʋ ńdʋ́. Paa Ɛsɔ tiyiyaa yaa ɛ-Pɩyalʋ maɣmaɣ. Ɛlɛ́, Caa Ɛsɔ ɖeke koŋ sɩmna. 33Pʋ-yɔɔ lɛ, ɩɖɔkɩ mɩ-tɩ camɩyɛ, ɩtaaɖoo. Mbʋ́ pʋyɔɔ yɔ, ɩtasɩ alɩwaatʋ ńdʋ́. 34Tɩwɛ ɛzɩ ɛyʋ nɔɔyʋ ɖɛɣʋ nʋmɔʋ nɛ ɛ́yáa ɛ-tʋmlaɖaa nɛ ɛɖʋ paa weyi tʋmɩyɛ yɔ. Pʋwayɩ lɛ, eheyi ɖɩɣa yɔɔ ɖaŋɩyʋ se ɛɖaŋ kpam.» 35Yesu tɛm yɔɔdʋʋ ḿbʋ́ lɛ, eheyi ɛ-tɔmkpɛlɩkɩyaa se: «Ɩtaaɖoo mɩ-tʋma yɔɔ. Mbʋ́ pʋyɔɔ yɔ, ɩtatɩlɩ se tanaŋ naa ɖanaɣ naa ɖoó hɛkʋ taa yaa kalɩmaŋ kou ɖɩɣa tʋ kitiɣ ɛkɔɔ. 36Pʋ-yɔɔ lɛ, ɩtaayele nɛ ɛkɔɔ etudi-mɩ nɛ ɩɖɔŋ ɖou. 37Ndʋ́ meheyiɣ-mɩ yɔ, ɛyáa tɩŋa meheyiɣ-tʋ. Ɩcaɣnɩ mɩ-ɛsɛ.»
Currently Selected:
Maarkɩ 13: KABI
Highlight
Share
Copy
Want to have your highlights saved across all your devices? Sign up or sign in
Maarkɩ 13
13
Yesu yɔɔdaa se Ɛsɔ ɖɩɣa kɔŋ yɔɔkʋʋ
(Mat 24.1-13; Luk 21.5-19)
1Yesu lɩɣaɣ Ɛsɔ ɖɩɣa taa lɛ, ɛ-tɔmkpɛlɩkɩyaa taa lɛlʋ heyi-i se: «Wɩlɩyʋ, cɔnɩ ŋna pɛɛ kɩbana wena pamanɩ ɖɩɣa sɔsɔɔ kanɛ nɛ kɛwɛɛ ɖeu pɩtɩɩfɛyɩ yɔ.» 2Peeɖe ecosi-i se: «Ŋnaɣʋ-kɛ ɛzʋnɔ yɔ, pɔkɔŋ tuzuu pɩtɩŋa payɩ nɛ pɛpɛɖɩ. Pɩɩkazɩɣ pɩyɛ naɖɩyɛ lɛɛɖɛ yɔɔ.»
Mbʋ́ pɩkaɣ labʋ nɛ pʋcɔ ɛjaɖɛ tɛ yɔ
3Yesu yɔɔdɩ ḿbʋ́ nɛ ɛlɩɩ Yeruusalɛm lɛ, ewolo ɛkpa Somiŋ Pʋʋ yɔɔ nɛ ɛcaɣ nɛ ɛha-kɛ nɛ ɛsɛ. Puwiye ńɖɩ́ lɛ, Pɩyɛ nɛ Yakubu nɛ Yohanɛɛsɩ nɛ Andree pa-naanza paawɛnɩ ɛ-cɔlɔ. Pɛwɛ pe-ɖeke ḿbʋ́ lɛ, pɔpɔzɩ-ɩ se: 4«Heyi-ɖʋ alɩwaatʋ ndʋ́ pɩkaɣ labʋ ḿbʋ́ yɔ nɛ mbʋ́ pʋkɔŋ wɩlʋʋ alɩwaatʋ ndʋ́ pɩtɩŋa payɩ pɩlakɩ ḿbʋ́ yɔ.» 5Ɛlɛ́, Yesu paɣ́-wɛ se: «Ɩkpa mɩ-tɩ camɩyɛ, ɩtaayele nɛ nɔɔyʋ cɛtɩ-mɩ yem. 6Mbʋ́ pʋyɔɔ yɔ, ɛyáa sakɩyɛ kɔŋ kʋɖʋm kʋɖʋm nɛ peheyi-mɩ se: ‹Ma lɛ Weyi Ɛsɔ Lɩzaa nɛ etiyini-mɩ› yɔ: ḿbʋ́ palakɩ nɛ peyili ɛyáa sakɩyɛ. 7Yee ɩnɩ you taŋ mɩ-cɔlɔ nɛ peheyiɣ-mɩ poliŋ taa ñɩŋgʋ tɔm lɛ, sɔɔndʋ ɛtaakpa-mɩ. Mbʋ́ pʋyɔɔ yɔ, pʋwɛɛ se pɩla ḿbʋ́. Ɛlɛ́, alɩwaatʋ tatalɩda. 8Pʋwɛɣ ɛzɩ halʋ wɩzʋʋ lʋlʋʋ nɛ pɩɣa wɩɣ-ɩ yɔ. Ɛjaɖɛ lɛɛɖɛ kʋyʋʋ lɛɛɖɛ yɔɔ, kewiyaɣ lɛɛka ñakʋyɩ lɛɛka yɔɔ nɛ tɛtʋ ñamsɩ hɔɔlɩŋ ndɩ ndɩ taa nɛ ñɔɔsɩ lɩɩ.
Mbʋ́ pɩkaɣ talʋʋ Yesu tiyiyaa yɔ
9«Mɩ lɛ, ɩkpa mɩ-tɩ camɩyɛ. Pɔkɔŋ-mɩ luu agbazɛɛ Ɛsɔ ɖɩsɛyɛ ndɩ ndɩ taa nɛ powoni-mɩ tɔm ɖɩhʋyɛ. Payaɣ-mɩ ajɛya ñʋndɩnaa nɛ awiya sɔsɔna pɔ-cɔlɔ mɔ-yɔɔ nɛ ɩkɛ ma-aseɣɖe tɩnaa pɔ-cɔlɔ. 10Pʋcɔ alɩwaatʋ ńdʋ́ tɩtalɩ lɛ, pʋwɛɛ se posusi Laŋhɛzɩyɛ Tɔm ajɛya tɩŋa taa. 11Yee pakpa-mɩ nɛ powoni tɔm ɖɩhʋyɛ lɛ, ɩtaanɩɣzɩ se ɩɩyɔɔdɩ se we. Yee pɩtalaa lɛ, ɩyɔɔdɩ ndʋ́ tɩkpa mɩ-taa yɔ. Mbʋ́ pʋyɔɔ yɔ, Fezuu Kiɖeɖeu ɖʋʋnɩ-tʋ mɩ-taa, pɩtɛkɛ mɩ-cɔlɔ tɩlɩɣna. 12Alɩwaatʋ ńdʋ́ lɛ, ɛyáa kʋyʋʋ nɛ pawɩlɩ pa-ɖalaa yaa pe-newaa maɣmaɣ se pakʋ-wɛ. Caanaa ñalakɩ pe-piya ḿbʋ́ ɖɔɖɔ. Piya ńzɩ́, sɩsɩ kʋyɩ sɩ-ñɩma yɔɔ nɛ sɩla nɛ pakʋ-wɛ. 13Mɔ-yɔɔ ɛyáa tɩŋa kɔŋ-mɩ paɖʋʋ. Ɛlɛ́, weyi ɛɖɔkʋʋ ɛ-tɩ camɩyɛ nɛ pʋkɔɔ pɩtalɩ kɛtɛzaɣ kɩyakʋ wiye yɔ, Ɛsɔ yakɩ ɛ-ñʋʋ.»
Ɛyáa kɔŋ kʋñɔŋ labʋ siŋŋ
(Mat 24.15-28; Luk 21.20-24)
14Pʋwayɩ lɛ, Yesu tasɩ-wɛ heyuu se: «Alɩwaatʋ natʋyʋ ɩkɔŋ naʋ tɛyɔkɩyʋ weyi ɛtatʋʋzɩ Ɛsɔ ɛsɩndaa kpem yɔ, ɛsɩŋ ɖenɖe pɩtamʋnɩ se ɛsɩŋ yɔ. Weyi ɛkalɩɣ tɔm ńdʋ́ yɔ, pʋwɛɛ se ɛmaɣzɩ nɛ ɛnɩɩ tɩ-tɔbʋʋ camɩyɛ. Alɩwaatʋ ńdʋ́ tɩtalaa lɛ, mbá pɛwɛ Yudee egeetiye taa yɔ, pese pakpanɩ pʋŋ taa. 15Yee nɔɔyʋ ɛwɛ e-kuduyuu ñʋʋ taa lɛ, ese kpaagbaa. Pɩtaacɩbɩ-ɩ se etiki ɛsʋʋ kɩ-tɛɛ nɛ ɛkpaɣ pʋyʋ nɛ ɛkpɛndɩna. 16Weyi ɛwɛ hayɩm taa lɛ, ese kpaagbaa. Pɩtaacɩbɩ-ɩ se ekpeŋ ɛ-tɛ nɛ ɛkpaɣ e-toko maɣmaɣ. 17Pʋkɔŋ tɔɔʋ halaa hosi tɩnaa nɛ asɔŋ alɩwaatʋ ńdʋ́. 18Itendi Ɛsɔ se alɩwaatʋ ńdʋ́ tɩtaakɛnɩ niŋkaɣ alɩwaatʋ. 19Mbʋ́ pʋyɔɔ yɔ, kʋñɔŋ ŋgʋ́ kʋkɔŋ alɩwaatʋ ńdʋ́ tɩ-taa yɔ, kɩkɩlɩɣ kʋñɔmɩŋ weyi ɛyáa laba ɖooo ɛzɩ Ɛsɔ labʋ kedeŋa nɛ pʋkɔɔ pɩsɩɩnɩ sɔnɔ yɔ ɩtɩŋa payɩ. Nakʋyʋ ɛɛtasɩɣ kɔm nɛ kɩkɩlɩ-kʋ. 20Yee Kɩpaɣlʋ ɛtaamaɣzɩ nɛ ɛpasɩ kʋñɔŋ kɩyakɩŋ ɩnʋ ɩ-yɔɔ ɛyáa mbá ɛlɩzɩ-wɛ se pɛkɛ ɛ-ñɩma yɔ pɔ-yɔɔ yɔ, nɔɔyʋ taawɛnɩ ɛ-ɛsɛ. 21«Pʋ-yɔɔ lɛ, yee nɔɔyʋ eheyi-mɩ se Weyi Ɛsɔ Lɩzaa nɛ etiyini-mɩ yɔ, ɛwɛ cɩnɛ yaa peeɖe yɔ yɔ, ɩtaatisi. 22Mbʋ́ pʋyɔɔ yɔ, cɛtɩyaa mbá peheyiɣ se ḿbá lɛ Mbá Ɛsɔ Lɩzaa Yɔ nɛ mbá paba ñɛcɛtɩɣ se pɛkɛ náyaa yɔ, pakaɣ kɔm kʋɖʋm kʋɖʋm nɛ pawɩlɩ kawɩlɩsɩ nɛ pala hama lakasɩ nɛ yee papɩzɩɣ yɔ, pɛcɛtɩ Ɛsɔ ñɩma. 23Mɩ lɛ, mɛntɛm-mɩ heyuu pɩtɩŋa nɛ pɩɖɛɛ. Ɩɖɔkɩ mɩ-tɩ camɩyɛ kpam.»
Ɛyʋ pɩyalʋ tasɩɣ kɔm
(Mat 24.29-35; Luk 21.25-33)
24Yesu tasɩ-wɛ heyuu se: «Kʋñɔmɩŋ ɩnʋ ɩ-wayɩ lɛ, kɩyakɩŋ weyi ɩkɔŋ yɔ, wɩsɩ ɛɛtasɩɣ ñaɣʋ, fenaɣ ɛɛtasɩɣ ñaɣʋ ɖɔɖɔ. 25Tɩɩnzɩ kpɛzɩɣnɩ ɛsɔdaa nɛ sɩtɔlɩ nɛ mbʋ́ pʋwɛ ɛsɔdaa yɔ, pɩñamsɩ. 26Peeɖe panaɣ Ɛyʋ Pɩyalʋ nɛ e-ɖoŋ sɔsɔŋ nɛ e-koboyaɣ ɛsɔmɩndʋ yɔɔ, ɛɖɔŋ kɔm. 27Etiyiɣ e-tiyiyaa kedeŋa kpeekpe yɔɔ se pekpeɣli mbá Ɛsɔ lɩzaa se pɛkɛ ɛ-ñɩma yɔ.
Hiyuú eduuye
28«Iwelesi camɩyɛ nɛ ɩnɩɩ mbʋ́ hiyuú wɩlɩɣ-mɩ yɔ: alɩwaatʋ ndʋ́ kɩnɛɣdɩɣ yɔ, ɩsɩm kpaagbaa se tɛsoŋiye wɩzaa. 29Ḿbʋ́ ɖɔɖɔ pʋwɛɛ. Yee ɩkɔm ɩnaɣ lakasɩ ndɩ ndɩ ńzɩ́ ḿbʋ́ lɛ, ɩtɩlɩ kpaagbaa se Ɛyʋ Pɩyalʋ talɩ mɩ-cɔlɔ kpam. 30Toovenim lɛ, meheyiɣ-mɩ se: ɛyáa mbá pɛwɛnɩ pɛ-ɛsɛ ɛzʋnɔ yɔ, paasɩkɩ patɩŋa nɛ pʋcɔ pɩtɩŋa payɩ pɩla ḿbʋ́. 31Ɛsɔdaa nɛ tɛtʋ pamʋkɩ, ɛlɛ́, mɔn-tɔm ñaamʋkɩ kaʋ.»
Nɔɔyʋ ɛɛsɩŋ alɩwaatʋ ndʋ́ Kɩpaɣlʋ kitiɣ kɔm yɔ
(Mat 24.36-44)
32Yesu tasɩ-wɛ heyuu se: «Nɔɔyʋ ɛɛsɩŋ kɩyakʋ ŋ́gʋ́ yaa alɩwaatʋ ńdʋ́. Paa Ɛsɔ tiyiyaa yaa ɛ-Pɩyalʋ maɣmaɣ. Ɛlɛ́, Caa Ɛsɔ ɖeke koŋ sɩmna. 33Pʋ-yɔɔ lɛ, ɩɖɔkɩ mɩ-tɩ camɩyɛ, ɩtaaɖoo. Mbʋ́ pʋyɔɔ yɔ, ɩtasɩ alɩwaatʋ ńdʋ́. 34Tɩwɛ ɛzɩ ɛyʋ nɔɔyʋ ɖɛɣʋ nʋmɔʋ nɛ ɛ́yáa ɛ-tʋmlaɖaa nɛ ɛɖʋ paa weyi tʋmɩyɛ yɔ. Pʋwayɩ lɛ, eheyi ɖɩɣa yɔɔ ɖaŋɩyʋ se ɛɖaŋ kpam.» 35Yesu tɛm yɔɔdʋʋ ḿbʋ́ lɛ, eheyi ɛ-tɔmkpɛlɩkɩyaa se: «Ɩtaaɖoo mɩ-tʋma yɔɔ. Mbʋ́ pʋyɔɔ yɔ, ɩtatɩlɩ se tanaŋ naa ɖanaɣ naa ɖoó hɛkʋ taa yaa kalɩmaŋ kou ɖɩɣa tʋ kitiɣ ɛkɔɔ. 36Pʋ-yɔɔ lɛ, ɩtaayele nɛ ɛkɔɔ etudi-mɩ nɛ ɩɖɔŋ ɖou. 37Ndʋ́ meheyiɣ-mɩ yɔ, ɛyáa tɩŋa meheyiɣ-tʋ. Ɩcaɣnɩ mɩ-ɛsɛ.»
Currently Selected:
:
Highlight
Share
Copy
Want to have your highlights saved across all your devices? Sign up or sign in