Maarkɩ 14
14
Cɔjɔnaa sɔsaa tam Yesu yɔɔ nɔɔ
(Mat 26.1-5; Luk 22.1-2; Yoh 11.45-53)
1Pɩkazɩ kɩyakɩŋ naalɛ se pɔtɔɔ Izrɛɛlɩ ñɩma Paska Kazandʋ nɛ ndʋ́ tɩ-yɔɔ pɔtɔkɩ tindine nɖɩ́ ɖɩ-taa fɛyɩ sɔsɔɔna yɔ. Pʋ-yɔɔ Yuda ñɩma cɔjɔnaa sɔsaa nɛ pa-paɣtʋ wɩlɩyaa pañɩnaɣ ɛzɩma paala nɛ pakpa Yesu hɛɛɛ nɛ pakʋ-ɩ nɛ nɔɔyʋ ɛtaana yɔ. 2Peeɖe pɔyɔɔdɩnɩ ɖama se: «Đɩtaakpa-ɩ kazandʋ alɩwaatʋ, pɩtɛkɛ ḿbʋ́, ɛyáa kʋyʋʋ ɖɔ-yɔɔ.»
Halʋ nɔɔyʋ ɖʋ tɩlaaɖɩ Yesu ñʋʋ taa
(Mat 26.6-13; Yoh 12.1-8)
3Yesu kowobi Betaanii tɛtʋ cikpetu taa nɛ ɛsʋʋ Siimɔɔ weyi ɛɛkɛ canaɣ yɔ ɛ-ɖɩɣa taa. Pɔtɔkaɣ tɔɔnaɣ lɛ, halʋ nɔɔyʋ sʋʋ pɔ-cɔlɔ, ɛɖɔkɩ tɩlaaɖɩ ŋgʋ́ petesidi kɩ-taa pʋyʋ yɔ fiɣa kɩñɩlɩsaɣ nakɛyɛ taa. Kʋwɛ liidiye pɩtɩɩfɛyɩ. Pɩkɛdaa lɛ, ɛkpalɩ fiɣa ŋ́gá kɔ-nɔɔ nɛ ɛpɩyɩ-kʋ Yesu ñʋʋ taa waaa. 4Ɛlɛ́, mbá pacaɣ peeɖe yɔ, pa-taa lɛlaa taa wɩɩnɩ halʋ ɛnʋ nɛ pɔyɔɔdʋʋ pa-taa pe-ɖeke se: «Halʋ ɛnɛ, ɛwɛɛkʋʋ tɩlaaɖɩ ŋ́gʋ́ nɛ ɛlɔ yem yɔ, pɩwazɩɣ-ɩ we? 5Yee paapɛdɩ-kʋ, kɩtaaɖɛɛ ɛzɩ kɩyakɩŋ nasidozo tʋmɩyɛ liidiye yɔ nɛ patayɩ kʋñɔndɩnaa naa we?» Ɛlɛ́, pɛwɛɛ pakʋʋ halʋ ɛnʋ ɛ-tɔm. 6Peeɖe Yesu heyi-wɛ se: «Iyele halʋ ɛnʋ ɖiɣ ɖiɣ. Ɛbɛ yɔɔ ɩcɛyɩɣ-ɩ ḿbʋ́? Mbʋ́ ɛlabɩ-m yɔ, pʋwɛ ɖeu. 7Mɩ nɛ kʋñɔndɩnaa ɩwɛna tam. Paa alɩwaatʋ ndʋ́ʋ́ ɩsɔɔlaa yɔ, ɩpɩzɩɣ ɩsɩnɩ-wɛ. Ma lɛ, maawɛɣ mɩ-cɔlɔ ḿbʋ́. 8Mbʋ́ halʋ ɛnɛ ɛpɩzaa yɔ, ḿbʋ́ ɛlaba. Ɛɖʋ tɩlaaɖɩ mon-tomnaɣ yɔɔ kpaagbaa se ɛñɔɔzɩ-kɛ nɛ pʋcɔ pepim-m. 9Toovenim lɛ, meheyiɣ-mɩ se paa le posusuu Laŋhɛzɩyɛ Tɔm yɔ, pɔkɔŋ kɛdʋʋ mbʋ́ halʋ ɛnɛ ɛlabɩ mɔ-yɔɔ yɔ pʋ-tɔm nɛ ɛyáa ɛtaasɔɔ ɛ-yɔɔ kaʋ.»
Yudaasɩ laba tamaɣ se ɛɖʋzʋʋ Yesu cɔjɔnaa sɔsaa nesi taa
(Mat 26.14-16; Luk 22.3-6)
10Pʋwayɩ lɛ, Yesu tɔmkpɛlɩkɩyaa hiu nɛ naalɛ taa weyi payaɣ-ɩ se Yudaasɩ Iskarɩyɔɔtɩ yɔ, ewolo eheyi Yuda ñɩma cɔjɔnaa sɔsaa se ɛcaɣ ɛkpa Yesu nɛ ɛ́ɖʋzɩ pe-nesi taa. 11Panɩ ḿbʋ́ lɛ, pɩlabɩ-wɛ leleŋ pɩŋŋ nɛ paɖʋ se pɛcɛlɩɣ-ɩ liidiye. Peeɖe ɛpazɩ ñɩnʋʋ nʋmɔʋ ŋgʋ́ ɛɛtɩŋ nɛ ɛkpa Yesu nɛ ɛ́ɖʋzɩ pe-nesi taa yɔ.
Yesu pɔzaa se patɩzɩ Paska Kazandʋ tɔɔnaɣ
(Mat 26.17-25; Luk 22.7-14,21-23; Yoh 13.21-30)
12Kazandʋ ndʋ́ tɩ-yɔɔ pɔtɔkɩ tindine nɖɩ́ ɖɩ-taa fɛyɩ sɔsɔɔna yɔ, tɩ-kajalaɣ kɩyakʋ wiye Yuda ñɩma laɣ heɣsi nzɩ́ pɔtɔkɩnɩ Paska Kazandʋ yɔ. Kɩyakʋ ŋ́gʋ́ kɩtalaa lɛ, Yesu tɔmkpɛlɩkɩyaa pɔzɩ-ɩ se: «Ɖɩlakɩ-ŋ Paska Kazandʋ tɔɔnaɣ. Le ŋcaɣ ŋtɔɔ-kɛ?» 13Peeɖe etiyi pa-taa ɛyáa naalɛ se: «Iwolo tɛtʋ taa, isuluuni abalʋ nɔɔyʋ, ɛsɩɣlɩ lɩm nɛ peɣa. Isuluni-i lɛ, ɩtɩŋ-ɩ. 14Ɛsʋ ɖenɖe lɛ, ɩtɩŋ-ɩ nɛ iheyi ɖɩɣa tʋ se: ‹Wɩlɩyʋ tiyini-ɖʋ se ɖɩkɔɔ ŋwɩlɩ-ɖʋ kuduyuu ŋgʋ́ kɩ-taa ɛ nɛ ɛ-tɔmkpɛlɩkɩyaa pacakɩ nɛ pɔtɔɔ Yuda ñɩma Paska Kazandʋ yɔ.› 15Đɩɣa tʋ ɛnʋ ɛwɩlɩɣ-mɩ ɛsɔdaa kuduyuu sɔsɔʋ nakʋyʋ, paɖaɣnɩ-kʋ camɩyɛ. Kɩ-taa wɛ wondu ndʋ́ palakɩnɩ kazandʋ yɔ tɩtɩŋa payɩ, peeɖe ɩlakɩ-ɖʋ tɔɔnaɣ.» 16Ɛ-tɔmkpɛlɩkɩyaa ɖɛwa nɛ powolo tɛtʋ taa lɛ, pamaɣna ɛzɩ eeheyuu-wɛ yɔ nɛ patɩzɩ kazandʋ tɔɔnaɣ peeɖe.
Yesu yɔɔdaa se ɛ-tɔmkpɛlɩkɩyaa taa nɔɔyʋ kɔŋ-ɩ kpaʋ nɛ ɛ́ɖʋzɩ koyindinaa nesi taa
17Pɩlɛdaa lɛ, Yesu nɛ ɛ-tɔmkpɛlɩkɩyaa ḿbá patalaa lɛ. 18Pacaɣaɣ se pɔtɔkɩ lɛ, Yesu heyi-wɛ se: «Toovenim lɛ, meheyiɣ mɩ se mbá mɩ ma nɛ mɩ ɖɩcaɣaɣ nɛ ɖɩtɔkɩ ɛzʋnɔ yɔ, mɩ-taa nɔɔyʋ kɔŋ-m kpaʋ nɛ ɛ́ɖʋzɩ koyindinaa nesi taa.» 19Peeɖe pɩtala ɛ-tɔmkpɛlɩkɩyaa leleŋ nɛ pɔpɔzʋʋ-ɩ kʋɖʋm kʋɖʋm se: «Ma na?» Ɛnɛ se: «Ma na?» 20Ɛlɛ́, Yesu cosi-wɛ se: «Mi-hiu nɛ naalɛ mɩ-taa weyi ma nɛ ɩ ɖɩtɔkɩ ñanaɣ kʋɖʋmaɣ taa yɔ.» 21«Ɛyʋ Pɩyalʋ kɔŋ kʋyʋʋ kedeŋa yɔɔ cɩnɛ ɛzɩ pamaʋ ɛ-tɔm Ɛsɔtɔm Takayaɣ taa yɔ. Ɛlɛ́, pʋtɔɔ weyi ɛɖʋzʋʋ-ɩ koyindinaa nesi taa yɔ! Yee pataalʋlɩ pʋdʋ yɔ, pɩɩkɩlɩ-ɩ sɛʋ.»
Kɩpaɣlʋ tɔɔnaɣ tɔm
(Mat 26.26-30; Luk 22.15-20; 1 Kɔr 11.23-25)
22Yesu nɛ ɛ-tɔmkpɛlɩkɩyaa pɔtɔkaɣ tɔɔnaɣ lɛ, ɛkpaɣ tindine nɛ ɛsɛɛ ɖɩ-yɔɔ Ɛsɔ nɛ ɛcɩyɩ-ɖɩ nɛ ɛcɛlɩ-wɛ se: «Ɩmʋ nɛ ɩtɔɔ, pʋnɛ lɛ mon-tomnaɣ.» 23Pʋwayɩ lɛ, ɛkpaɣ sʋlʋm nɛ caɖaɣ nɛ ɛsɛɛ pʋ-yɔɔ Ɛsɔ nɛ ɛcɛlɩ-wɛ nɛ pɔñɔɔ patɩŋa payɩ. 24Ɛlɛ́, eheyi-wɛ se: «Sʋlʋm pʋnɛ lɛ man-calɩm mbʋ́ pɩkpɛdɩ ɛyáa sakɩyɛ yɔɔ yɔ. Pʋ-yɔɔ Ɛsɔ tɩŋɩɣna nɛ ɛɖʋ nɔɔ haʋ.» 25Yesu tasɩ-wɛ heyuu se: «Toovenim lɛ, meheyiɣ-mɩ se maatasɩɣ sʋlʋm ñɔʋ nɛ pʋkɔɔ pɩsɩɩnɩ kɩyakʋ ŋgʋ́ mɔñɔ kɩfam Ɛsɔ Kewiyaɣ taa yɔ.»
Yesu yɔɔdaa se Pɩyɛ kɔŋ kpɛzʋʋ se ɛtasɩm-ɩ
(Mat 26.31-35; Luk 22.31-34; Yoh 13.36-38)
26Ɛtɛm-wɛ heyuu ḿbʋ́ lɛ, petee kazandʋ hendu nɛ pɛɖɛɛ pakpa Somiŋ Pʋʋ yɔɔ. 27Yesu nɛ ɛ-tɔmkpɛlɩkɩyaa pakpa peeɖe lɛ, eheyi-wɛ se: «Iseɣ mɩtɩŋa payɩ nɛ iyebi-m ɖoó anɛ a-taa maɣmaɣ. Mbʋ́ pʋyɔɔ yɔ, Ɛsɔ yɔɔdaa nɛ pama ɛ-Tɔm Takayaɣ taa se:
‹Mamakɩ ninɖiɣyu sɩbʋ yɔɔ sɩbʋ yɔɔ
nɛ piyele heŋ mɩzɩ ɖama.›
28Yesu tasɩ yɔɔdʋʋ se: «Ɛlɛ́, alɩwaatʋ ndʋ́ menfeŋ yɔ, mowoki manɖaŋ-mɩ Galilee.» 29Peeɖe Pɩyɛ heyi-i se: ‹Paa lɛlaa eseɣ patɩŋa se peyebi-ŋ yɔ, ma maalakɩ ḿbʋ́.› » 30Yesu heyi-i se: «Toovenim lɛ, meheyiɣ-ŋ se ɖoó anɛ a-taa maɣmaɣ, pʋcɔ kalɩmɔʋ koo nɛ kɩlɛlɩ lɛ, ŋkpɛzɩɣ tam naadozo se ŋtasɩm-m.» 31Peeɖe Pɩyɛ tasɩ yɔɔdʋʋ nɛ ɛsɛ ñɩŋɩyɛ se: «Paa sɩm yɔ, ma nɛ ŋ ɖɩsɩ, maakpɛzɩɣ kaʋ se mantasɩm-ŋ.» Ɛ-tɔmkpɛlɩkɩyaa lɛlaa yɔɔdɩ patɩŋa ḿbʋ́ ɖɔɖɔ.
Yesu sɛɣ Ɛsɔ Jesemaanɩ
(Mat 26.36-46; Luk 22.39-46)
32Pʋwayɩ lɛ, Yesu nɛ ɛ-tɔmkpɛlɩkɩyaa patalɩ ɖenɖe payaɣ se Jesemaanɩ yɔ. Peeɖe eheyi ɛ-tɔmkpɛlɩkɩyaa se: «Ɩcaɣ cɩnɛ nɛ mowolo mɛnsɛɛ Ɛsɔ nɛ mɔnkɔɔ.» 33Ɛɖɛɣaɣ lɛ, ɛ́yáa Pɩyɛ nɛ Yakubu nɛ Yohanɛɛsɩ. Pɛɖɛ tɔmkpɛlɩkɩyaa lɛlaa yɔɔ pazɩ lɛ, pɩkpɛyɩ ɛ-yɔɔ nɛ sɔɔndʋ kpa-ɩ 34nɛ eheyi-wɛ se: «Mɛ-ɛsɛ ñɩŋaa pɩtɩɩfɛyɩ. Ɩcaɣ cɩnɛ ɩɖaŋ-m, ɩcaɣnɩ mɩ-ɛsɛ, ɩtaaɖoo.» 35Ɛlɛ́, etuzi ɛ-tɩ ɛsɩndaa pazɩ nɛ eluŋ nɛ etendi Ɛsɔ se: «Man-Caa! Yee ŋtisiɣ nɛ yee pɩsaŋ yɔ, taayele nɛ kʋñɔŋ ŋ́gʋ́ kɩtalɩ-m.» 36Ɛtasɩ yɔɔdʋʋ se: «manawa se ŋpɩzɩɣ ŋla pɩtɩŋa payɩ. Mentendiɣ-ŋ se ŋla ña-tʋmɩyɛ nɛ mantaasʋʋ kʋñɔŋ ŋ́gʋ́ kɩ-taa. Ɛlɛ́, la mbʋ́ ñe-liu wɛɛ yɔ, taala mbʋ́ me-liu wɛɛ yɔ.»
37Ɛtɛm Ɛsɔ sɛʋ ḿbʋ́ lɛ, ɛpɩsɩ ɛ-tɔmkpɛlɩkɩyaa naadozo ḿbá pɔ-cɔlɔ nɛ ɛmaɣna pɔɖɔŋ ɖou. Peeɖe ɛpɔzɩ Pɩyɛ se: «Siimɔɔ, ŋwɛɛ ŋɖou! Ŋtapɩzɩ ŋcaɣnɩ ñɛ-ɛsɛ paa ñɩɩɩ! 38Ɩcaɣnɩ mɩ-ɛsɛ nɛ ɩsɛɛ Ɛsɔ, pɩtɛkɛ ḿbʋ́, ɩkɔŋ ɩsʋʋ takʋʋ taa. Ɛyáa liu wɛɛ se pala mbʋ́ pʋwɛ ɖeu yɔ, ɛlɛ́, pɛwɛnɩ kaapɩzɩtʋ.»
39Ɛtasɩ ɛ-tɩ tuzuu lɛ, etendi Ɛsɔ nɛ ɛtasɩ tɔm kʋɖʋmtʋ ńdʋ́ yɔɔdʋʋ. 40Ɛtasɩ pɩsʋʋ ɛ-tɔmkpɛlɩkɩyaa cɔlɔ lɛ, ɛmaɣnɩ-wɛ pɔɖɔŋ ɖou ɖɔɖɔ. Patapɩzɩ pacaɣnɩ pɛ-ɛsɛ nɛ paanaɣ se peheyi-i se we.
41Ɛpɩsɩ tozo ɖeɖe lɛ, ɛpɔzɩ-wɛ se: «Ɩwɛ ɖom yɔɔ tam ḿbʋ́? Tɔɔ, pɩmaɣaɣ! Lɛɛlɛɛyɔ alɩwaatʋ talaa se paɖʋzɩ Ɛyʋ Pɩyalʋ kɩwɛɛkɩm laɖaa nesi taa. 42Ɩkʋyɩ ɖɩkatɩ weyi ɛkpaɣ-m se ɛɖʋzɩ pe-nesi taa yɔ! Ɛkɔŋ naɣ yɔ!»
Pakpa Yesu
(Mat 26.47-56; Luk 22.47-53; Yoh 18.3-12)
43Yesu yɔɔdaɣ ḿbʋ́ lɛ, ɛ-tɔmkpɛlɩkɩyaa hiu nɛ naalɛ taa lɛlʋ weyi payaɣ se Yudaasɩ yɔ nɛ ɛyáa samaɣ nakɛyɛ patalɩ kpaagbaa. Pɔɖɔkɩ sɛsɩ kɩɖaɣlɩsɩ nɛ pɔla. Cɔjɔnaa sɔsaa nɛ paɣtʋ wɩlɩyaa nɛ Yuda ñɩma ŋgbɛyɛ taa sɔsaa petiyini-wɛ. 44Yudaasɩ ɛnʋ ɛkpaɣnɩ Yesu se ɛɖʋzɩ kɩwɛɛkɩm laɖaa nesi taa. Ɛɛtɛm kɛdʋʋ ɛyáa samaɣ ŋ́gá ɛzɩma mbʋ́ ɛlakɩ nɛ pasɩm-ɩ nɛ pakpa-ɩ yɔ. Eheyi-wɛ se: «Yee mowobi mɛnsɛɛ nɔɔyʋ nɛ mamʋzɩ ɛ-laɣzaɣ yɔɔ lɛ, ɛnʋ lɛ. Ɩkpa-ɩ ɩɖɔkɩ-ɩ ɖeu nɛ ɩɖɛnɩ-ɩ.» 45Ɛtɩtalaa lɛ, ewolo Yesu cɔlɔ nɛ eheyi-i se: «Wɩlɩyʋ, sɛɛ ɖeu!» Ɛlɛ́, ɛmʋzɩ ɛ-laɣzaɣ yɔɔ. 46Peeɖe ɛyáa ḿbá pakpa Yesu. 47Ɛlɛ́, ɛ-tɔmkpɛlɩkɩyaa taa lɛlʋ kpɛɛ sɩɣa kɩɖaɣlaɣ nɛ ɛsɛtɩ cɔjɔnaa ñʋʋdʋ tʋmlaɖʋ nɩŋgbaŋʋʋ. 48Peeɖe Yesu pɔzɩ ɛyáa ḿbá se: «Ɩkɔm ma-wayɩ nɛ sɛsɩ kɩɖaɣlɩsɩ nɛ pɔla yɔ, mɛnkɛ mɩ́lʋ́ naa we? 49Ma nɛ mɩ ɖɩɩwɛ Ɛsɔ ɖɩɣa taa kɩyakɩŋ tɩŋa nɛ mawɩlɩɣ Ɛsɔtɔm, ɛlɛ́, ɩtakpa-m. Pɩlabɩ ḿbʋ́ se pɩla ɛzɩ pamaʋ Ɛsɔtɔm Takayaɣ taa yɔ.» 50Peeɖe ɛ-tɔmkpɛlɩkɩyaa tɩŋa mɩzɩ ɖama nɛ peyebi-i. 51Ɛlɛ́, pɩsɛɣ evebu nɔɔyʋ ɖeke nɛ ɛtɩŋɩɣ ɛ-wayɩ, eehu pɩsaʋ. Pesezaa se pakpaɣ-ɩ lɛ, ɛ-pɩsaʋ cɛ nɛ 52eyebi-kʋ nɛ ese ndaakpeɖe nɛ ɛɖɛɛ.
Yuda ñɩma cɔjɔnaa hʋʋ Yesu tɔm
(Mat 26.57-68; Luk 22.54-55, 63-71; Yoh 18.13-14, 19-24)
53Pʋwayɩ lɛ, pakpa Yesu se powokini-i Yuda ñɩma cɔjɔnaa ñʋʋdʋ tɛ ɖenɖe cɔjɔnaa sɔsaa nɛ pɛ-ŋgbɛyɛ taa sɔsaa nɛ pa-paɣtʋ wɩlɩyaa pekpeɣlaa yɔ. 54Pɛɖɛɣaɣnɩ-ɩ lɛ, Pɩyɛ wɛɛ mɛlʋʋ taa mɛlʋʋ taa nɛ ɛtɩŋɩɣ ɛ-wayɩ. Ɛtalɩ cɔjɔnaa ñʋʋdʋ ɛnʋ ɛ-taɣ yɔɔ lɛ, ɛ nɛ Ɛsɔ ɖɩɣa yɔɔ ɖaŋɩyaa pacaɣ nɛ pohoyuu miŋ.
55Peeɖe cɔjɔnaa sɔsaa nɛ tɔm hʋyaa lɛlaa tɩŋa pañɩnaɣ aseɣɖe tɩnaa se pɔkɔɔ pɛcɛtɩnɩ Yesu taa nɛ pehiɣ-i pakʋ-ɩ. Ɛlɛ́, petehiɣ nɔɔyʋ. 56Ɛyáa sakɩyɛ woba pɛcɛtɩnɩ ɛ-taa. Ɛlɛ́, pɔ-tɔm tɛkɛ kʋɖʋmtʋ. 57Pa-taa lɛlaa kʋyaa nɛ pɛcɛtɩnɩ ɛ-taa se: 58«Ɛyɔɔdaa se ɛyɔkʋʋ Ɛsɔ ɖɩɣa ŋgá ɛyáa mawa yɔ nɛ ɛɖaɣnɩ maʋ kɩfalaɣ ŋgá ɛyáa ɩɩpɩzɩɣ pama yɔ nɛ kɩyakɩŋ naadozo.» 59Halɩ tɔm ńdʋ́ tɩ-yɔɔ, pa-aseɣɖe tɛkɛ kʋɖʋmɖɩyɛ ɖɔɖɔ.
60Pʋwayɩ lɛ, cɔjɔnaa ñʋʋdʋ kʋyɩ ɛsɩŋ patɩŋa pɛ-ɛsɩndaa nɛ ɛpɔzɩ Yesu se:
«Tɔm ndʋ́ tɩtɩŋa payɩ ɛyáa panɛ pɔtɔŋ se ŋyɔɔdaa yɔ, ŋfɛyɩnɩ natʋyʋ se ŋcosuu yaa we?» 61Ɛlɛ́, Yesu suma, etocosi natʋyʋ kaʋ. Peeɖe cɔjɔnaa ñʋʋdʋ ɛnʋ, ɛtasɩ-ɩ pɔzʋʋ se: «Ña lɛ Weyi Ɛsɔ Lɩzaa Yɔ yaa we? Ña lɛ Ɛsɔ weyi pasaŋ-ɩ yɔ ɛ-Pɩyalʋ yaa we?» 62Yesu cosi-i se: «Ɛɛɛ! Đɔɖɔ lɛ, mɩtɩŋa payɩ ɩkɔŋ naʋ Ɛyʋ Pɩyalʋ, ɛcaɣ Ɛsɔ Đoŋ Tɩŋa Tʋ cɔlɔ lone kɩbanɖɛ taa. Ɩkɔŋ-ɩ naʋ ɖɔɖɔ ɛsɔmɩndʋ yɔɔ, ɛɖɔŋ kɔm.»
63Cɔjɔnaa ñʋʋdʋ nɩ Yesu yɔɔdɩ ḿbʋ́ lɛ, ɛkʋyɩ ɛcɩyɩ ɛ-cɔjɔtʋ toko#14.63 Ɛcɩyɩ ɛ-cɔjɔtʋ toko: Yuda ñɩma tɛ lɛ, lakasɩ nzɩ sɩwɩlɩɣ se pʋdʋ caɣ leɣa. se pɩwɩlɩ se pɩwɩzɩ-ɩ pɩŋŋ nɛ ɛpɔzɩ ɛyáa lɛlaa se: «Ɛbɛ yɔɔ pʋwɛɛ se ɖɩtasɩ ñɩnʋʋ aseɣɖe tɩnaa yɔ? 64Mɩ-maɣmaɣ ɩnɩ ɛzɩma mbʋ́ ɛwɛɛkɩ Ɛsɔ hɩɖɛ yɔ. Ɩmaɣzɩɣ se we?» Patɩŋa pocosi-i se: «Ɛ-tɔm sɩba, pʋwɛɛ se pakʋ-ɩ!»
65Peeɖe pa-taa lɛlaa pazɩ Yesu yɔɔ tɔʋ ndaatʋ nɛ pohuuzuu ɛ-ɛsɛ yɔɔ nɛ pamakɩ-ɩ ŋguluma nɛ pɔpɔzʋʋ-ɩ se: «Kpeɣ se amabɩ-ŋ.» Pʋwayɩ lɛ, Ɛsɔ ɖɩɣa yɔɔ ɖaŋɩyaa tem-i kadanzɩ.
Pɩyɛ kpɛzɩ nabudozo se ɛtasɩ Yesu
(Mat 26.69-75; Luk 22.56-62; Yoh 18.15-18, 25-27)
66Alɩwaatʋ ndʋ́ Pɩyɛ wɛ taɣ yɔɔ yɔ, tɩ-taa cɔjɔnaa ñʋʋdʋ tʋmlaɖʋ halʋ ñɩnʋ nɔɔyʋ lɩwa 67nɛ ɛmaɣnɩ-ɩ, ehoyaɣ miŋ. Ɛcɔnɩ-ɩ pɩŋŋ lɛ, eheyi-i se: «Ña ɖɔɖɔ, ŋtɩŋaɣ Nazarɛɛtɩ tʋ Yesu wayɩ.» 68Peeɖe Pɩyɛ kpɛzaa se: «Mantana, maanɩɣ ndʋ́ ŋcaɣ yɔɔdʋʋ yɔ.» Pʋwayɩ lɛ, ɛlɩɩ ewolo kɩjaŋ taa. Ɛlɛ́, kalɩmɔʋ nakʋyʋ koo. 69Peeɖe tʋmlaɖʋ halʋ ñɩnʋ ɛnʋ, ɛɖaɣnɩ-ɩ naʋ nɛ eheyi mbá paawɛ ɛ-cɔlɔ yɔ se: «Pa-taa lɛlʋ lɛ abalʋ ɛnɛ.» 70Ɛlɛ́, Pɩyɛ tasɩ kpɛzʋʋ.
Pɩlabɩ fele lɛ, ɛyáa mbá paawɛ peeɖe yɔ, patasɩ-ɩ heyuu se: «Toovenim! Ŋkɛ pa-taa lɛlʋ, mbʋ́ pʋyɔɔ yɔ, ŋkɛ Galilee tʋ.» 71Peeɖe Pɩyɛ kpɛzɩ laɣ laɣ nɛ eɖuu se: «Nɛ Ɛsɔ! Mantasɩ abalʋ weyi ɩyɔɔdʋʋ ɛ-tɔm ɛzʋnɔ yɔ!» 72Ɛtɩyɔɔdɩ ḿbʋ́ lɛ, kalɩmɔʋ tasɩ kou. Ɛlɛ́, Pɩyɛ tɔzɩ tɔm ndʋ́ Yesu keheyi-i se: «Pʋcɔ kalɩmɔʋ koo nɛ kɩlɛlɩ lɛ, ŋkpɛzɩɣ tam naadozo se ŋtasɩm-m» yɔ tɩ-yɔɔ, peeɖe ɛtʋlɩ nɔɔ wooo.
Currently Selected:
Maarkɩ 14: KABI
Highlight
Share
Copy
Want to have your highlights saved across all your devices? Sign up or sign in
Maarkɩ 14
14
Cɔjɔnaa sɔsaa tam Yesu yɔɔ nɔɔ
(Mat 26.1-5; Luk 22.1-2; Yoh 11.45-53)
1Pɩkazɩ kɩyakɩŋ naalɛ se pɔtɔɔ Izrɛɛlɩ ñɩma Paska Kazandʋ nɛ ndʋ́ tɩ-yɔɔ pɔtɔkɩ tindine nɖɩ́ ɖɩ-taa fɛyɩ sɔsɔɔna yɔ. Pʋ-yɔɔ Yuda ñɩma cɔjɔnaa sɔsaa nɛ pa-paɣtʋ wɩlɩyaa pañɩnaɣ ɛzɩma paala nɛ pakpa Yesu hɛɛɛ nɛ pakʋ-ɩ nɛ nɔɔyʋ ɛtaana yɔ. 2Peeɖe pɔyɔɔdɩnɩ ɖama se: «Đɩtaakpa-ɩ kazandʋ alɩwaatʋ, pɩtɛkɛ ḿbʋ́, ɛyáa kʋyʋʋ ɖɔ-yɔɔ.»
Halʋ nɔɔyʋ ɖʋ tɩlaaɖɩ Yesu ñʋʋ taa
(Mat 26.6-13; Yoh 12.1-8)
3Yesu kowobi Betaanii tɛtʋ cikpetu taa nɛ ɛsʋʋ Siimɔɔ weyi ɛɛkɛ canaɣ yɔ ɛ-ɖɩɣa taa. Pɔtɔkaɣ tɔɔnaɣ lɛ, halʋ nɔɔyʋ sʋʋ pɔ-cɔlɔ, ɛɖɔkɩ tɩlaaɖɩ ŋgʋ́ petesidi kɩ-taa pʋyʋ yɔ fiɣa kɩñɩlɩsaɣ nakɛyɛ taa. Kʋwɛ liidiye pɩtɩɩfɛyɩ. Pɩkɛdaa lɛ, ɛkpalɩ fiɣa ŋ́gá kɔ-nɔɔ nɛ ɛpɩyɩ-kʋ Yesu ñʋʋ taa waaa. 4Ɛlɛ́, mbá pacaɣ peeɖe yɔ, pa-taa lɛlaa taa wɩɩnɩ halʋ ɛnʋ nɛ pɔyɔɔdʋʋ pa-taa pe-ɖeke se: «Halʋ ɛnɛ, ɛwɛɛkʋʋ tɩlaaɖɩ ŋ́gʋ́ nɛ ɛlɔ yem yɔ, pɩwazɩɣ-ɩ we? 5Yee paapɛdɩ-kʋ, kɩtaaɖɛɛ ɛzɩ kɩyakɩŋ nasidozo tʋmɩyɛ liidiye yɔ nɛ patayɩ kʋñɔndɩnaa naa we?» Ɛlɛ́, pɛwɛɛ pakʋʋ halʋ ɛnʋ ɛ-tɔm. 6Peeɖe Yesu heyi-wɛ se: «Iyele halʋ ɛnʋ ɖiɣ ɖiɣ. Ɛbɛ yɔɔ ɩcɛyɩɣ-ɩ ḿbʋ́? Mbʋ́ ɛlabɩ-m yɔ, pʋwɛ ɖeu. 7Mɩ nɛ kʋñɔndɩnaa ɩwɛna tam. Paa alɩwaatʋ ndʋ́ʋ́ ɩsɔɔlaa yɔ, ɩpɩzɩɣ ɩsɩnɩ-wɛ. Ma lɛ, maawɛɣ mɩ-cɔlɔ ḿbʋ́. 8Mbʋ́ halʋ ɛnɛ ɛpɩzaa yɔ, ḿbʋ́ ɛlaba. Ɛɖʋ tɩlaaɖɩ mon-tomnaɣ yɔɔ kpaagbaa se ɛñɔɔzɩ-kɛ nɛ pʋcɔ pepim-m. 9Toovenim lɛ, meheyiɣ-mɩ se paa le posusuu Laŋhɛzɩyɛ Tɔm yɔ, pɔkɔŋ kɛdʋʋ mbʋ́ halʋ ɛnɛ ɛlabɩ mɔ-yɔɔ yɔ pʋ-tɔm nɛ ɛyáa ɛtaasɔɔ ɛ-yɔɔ kaʋ.»
Yudaasɩ laba tamaɣ se ɛɖʋzʋʋ Yesu cɔjɔnaa sɔsaa nesi taa
(Mat 26.14-16; Luk 22.3-6)
10Pʋwayɩ lɛ, Yesu tɔmkpɛlɩkɩyaa hiu nɛ naalɛ taa weyi payaɣ-ɩ se Yudaasɩ Iskarɩyɔɔtɩ yɔ, ewolo eheyi Yuda ñɩma cɔjɔnaa sɔsaa se ɛcaɣ ɛkpa Yesu nɛ ɛ́ɖʋzɩ pe-nesi taa. 11Panɩ ḿbʋ́ lɛ, pɩlabɩ-wɛ leleŋ pɩŋŋ nɛ paɖʋ se pɛcɛlɩɣ-ɩ liidiye. Peeɖe ɛpazɩ ñɩnʋʋ nʋmɔʋ ŋgʋ́ ɛɛtɩŋ nɛ ɛkpa Yesu nɛ ɛ́ɖʋzɩ pe-nesi taa yɔ.
Yesu pɔzaa se patɩzɩ Paska Kazandʋ tɔɔnaɣ
(Mat 26.17-25; Luk 22.7-14,21-23; Yoh 13.21-30)
12Kazandʋ ndʋ́ tɩ-yɔɔ pɔtɔkɩ tindine nɖɩ́ ɖɩ-taa fɛyɩ sɔsɔɔna yɔ, tɩ-kajalaɣ kɩyakʋ wiye Yuda ñɩma laɣ heɣsi nzɩ́ pɔtɔkɩnɩ Paska Kazandʋ yɔ. Kɩyakʋ ŋ́gʋ́ kɩtalaa lɛ, Yesu tɔmkpɛlɩkɩyaa pɔzɩ-ɩ se: «Ɖɩlakɩ-ŋ Paska Kazandʋ tɔɔnaɣ. Le ŋcaɣ ŋtɔɔ-kɛ?» 13Peeɖe etiyi pa-taa ɛyáa naalɛ se: «Iwolo tɛtʋ taa, isuluuni abalʋ nɔɔyʋ, ɛsɩɣlɩ lɩm nɛ peɣa. Isuluni-i lɛ, ɩtɩŋ-ɩ. 14Ɛsʋ ɖenɖe lɛ, ɩtɩŋ-ɩ nɛ iheyi ɖɩɣa tʋ se: ‹Wɩlɩyʋ tiyini-ɖʋ se ɖɩkɔɔ ŋwɩlɩ-ɖʋ kuduyuu ŋgʋ́ kɩ-taa ɛ nɛ ɛ-tɔmkpɛlɩkɩyaa pacakɩ nɛ pɔtɔɔ Yuda ñɩma Paska Kazandʋ yɔ.› 15Đɩɣa tʋ ɛnʋ ɛwɩlɩɣ-mɩ ɛsɔdaa kuduyuu sɔsɔʋ nakʋyʋ, paɖaɣnɩ-kʋ camɩyɛ. Kɩ-taa wɛ wondu ndʋ́ palakɩnɩ kazandʋ yɔ tɩtɩŋa payɩ, peeɖe ɩlakɩ-ɖʋ tɔɔnaɣ.» 16Ɛ-tɔmkpɛlɩkɩyaa ɖɛwa nɛ powolo tɛtʋ taa lɛ, pamaɣna ɛzɩ eeheyuu-wɛ yɔ nɛ patɩzɩ kazandʋ tɔɔnaɣ peeɖe.
Yesu yɔɔdaa se ɛ-tɔmkpɛlɩkɩyaa taa nɔɔyʋ kɔŋ-ɩ kpaʋ nɛ ɛ́ɖʋzɩ koyindinaa nesi taa
17Pɩlɛdaa lɛ, Yesu nɛ ɛ-tɔmkpɛlɩkɩyaa ḿbá patalaa lɛ. 18Pacaɣaɣ se pɔtɔkɩ lɛ, Yesu heyi-wɛ se: «Toovenim lɛ, meheyiɣ mɩ se mbá mɩ ma nɛ mɩ ɖɩcaɣaɣ nɛ ɖɩtɔkɩ ɛzʋnɔ yɔ, mɩ-taa nɔɔyʋ kɔŋ-m kpaʋ nɛ ɛ́ɖʋzɩ koyindinaa nesi taa.» 19Peeɖe pɩtala ɛ-tɔmkpɛlɩkɩyaa leleŋ nɛ pɔpɔzʋʋ-ɩ kʋɖʋm kʋɖʋm se: «Ma na?» Ɛnɛ se: «Ma na?» 20Ɛlɛ́, Yesu cosi-wɛ se: «Mi-hiu nɛ naalɛ mɩ-taa weyi ma nɛ ɩ ɖɩtɔkɩ ñanaɣ kʋɖʋmaɣ taa yɔ.» 21«Ɛyʋ Pɩyalʋ kɔŋ kʋyʋʋ kedeŋa yɔɔ cɩnɛ ɛzɩ pamaʋ ɛ-tɔm Ɛsɔtɔm Takayaɣ taa yɔ. Ɛlɛ́, pʋtɔɔ weyi ɛɖʋzʋʋ-ɩ koyindinaa nesi taa yɔ! Yee pataalʋlɩ pʋdʋ yɔ, pɩɩkɩlɩ-ɩ sɛʋ.»
Kɩpaɣlʋ tɔɔnaɣ tɔm
(Mat 26.26-30; Luk 22.15-20; 1 Kɔr 11.23-25)
22Yesu nɛ ɛ-tɔmkpɛlɩkɩyaa pɔtɔkaɣ tɔɔnaɣ lɛ, ɛkpaɣ tindine nɛ ɛsɛɛ ɖɩ-yɔɔ Ɛsɔ nɛ ɛcɩyɩ-ɖɩ nɛ ɛcɛlɩ-wɛ se: «Ɩmʋ nɛ ɩtɔɔ, pʋnɛ lɛ mon-tomnaɣ.» 23Pʋwayɩ lɛ, ɛkpaɣ sʋlʋm nɛ caɖaɣ nɛ ɛsɛɛ pʋ-yɔɔ Ɛsɔ nɛ ɛcɛlɩ-wɛ nɛ pɔñɔɔ patɩŋa payɩ. 24Ɛlɛ́, eheyi-wɛ se: «Sʋlʋm pʋnɛ lɛ man-calɩm mbʋ́ pɩkpɛdɩ ɛyáa sakɩyɛ yɔɔ yɔ. Pʋ-yɔɔ Ɛsɔ tɩŋɩɣna nɛ ɛɖʋ nɔɔ haʋ.» 25Yesu tasɩ-wɛ heyuu se: «Toovenim lɛ, meheyiɣ-mɩ se maatasɩɣ sʋlʋm ñɔʋ nɛ pʋkɔɔ pɩsɩɩnɩ kɩyakʋ ŋgʋ́ mɔñɔ kɩfam Ɛsɔ Kewiyaɣ taa yɔ.»
Yesu yɔɔdaa se Pɩyɛ kɔŋ kpɛzʋʋ se ɛtasɩm-ɩ
(Mat 26.31-35; Luk 22.31-34; Yoh 13.36-38)
26Ɛtɛm-wɛ heyuu ḿbʋ́ lɛ, petee kazandʋ hendu nɛ pɛɖɛɛ pakpa Somiŋ Pʋʋ yɔɔ. 27Yesu nɛ ɛ-tɔmkpɛlɩkɩyaa pakpa peeɖe lɛ, eheyi-wɛ se: «Iseɣ mɩtɩŋa payɩ nɛ iyebi-m ɖoó anɛ a-taa maɣmaɣ. Mbʋ́ pʋyɔɔ yɔ, Ɛsɔ yɔɔdaa nɛ pama ɛ-Tɔm Takayaɣ taa se:
‹Mamakɩ ninɖiɣyu sɩbʋ yɔɔ sɩbʋ yɔɔ
nɛ piyele heŋ mɩzɩ ɖama.›
28Yesu tasɩ yɔɔdʋʋ se: «Ɛlɛ́, alɩwaatʋ ndʋ́ menfeŋ yɔ, mowoki manɖaŋ-mɩ Galilee.» 29Peeɖe Pɩyɛ heyi-i se: ‹Paa lɛlaa eseɣ patɩŋa se peyebi-ŋ yɔ, ma maalakɩ ḿbʋ́.› » 30Yesu heyi-i se: «Toovenim lɛ, meheyiɣ-ŋ se ɖoó anɛ a-taa maɣmaɣ, pʋcɔ kalɩmɔʋ koo nɛ kɩlɛlɩ lɛ, ŋkpɛzɩɣ tam naadozo se ŋtasɩm-m.» 31Peeɖe Pɩyɛ tasɩ yɔɔdʋʋ nɛ ɛsɛ ñɩŋɩyɛ se: «Paa sɩm yɔ, ma nɛ ŋ ɖɩsɩ, maakpɛzɩɣ kaʋ se mantasɩm-ŋ.» Ɛ-tɔmkpɛlɩkɩyaa lɛlaa yɔɔdɩ patɩŋa ḿbʋ́ ɖɔɖɔ.
Yesu sɛɣ Ɛsɔ Jesemaanɩ
(Mat 26.36-46; Luk 22.39-46)
32Pʋwayɩ lɛ, Yesu nɛ ɛ-tɔmkpɛlɩkɩyaa patalɩ ɖenɖe payaɣ se Jesemaanɩ yɔ. Peeɖe eheyi ɛ-tɔmkpɛlɩkɩyaa se: «Ɩcaɣ cɩnɛ nɛ mowolo mɛnsɛɛ Ɛsɔ nɛ mɔnkɔɔ.» 33Ɛɖɛɣaɣ lɛ, ɛ́yáa Pɩyɛ nɛ Yakubu nɛ Yohanɛɛsɩ. Pɛɖɛ tɔmkpɛlɩkɩyaa lɛlaa yɔɔ pazɩ lɛ, pɩkpɛyɩ ɛ-yɔɔ nɛ sɔɔndʋ kpa-ɩ 34nɛ eheyi-wɛ se: «Mɛ-ɛsɛ ñɩŋaa pɩtɩɩfɛyɩ. Ɩcaɣ cɩnɛ ɩɖaŋ-m, ɩcaɣnɩ mɩ-ɛsɛ, ɩtaaɖoo.» 35Ɛlɛ́, etuzi ɛ-tɩ ɛsɩndaa pazɩ nɛ eluŋ nɛ etendi Ɛsɔ se: «Man-Caa! Yee ŋtisiɣ nɛ yee pɩsaŋ yɔ, taayele nɛ kʋñɔŋ ŋ́gʋ́ kɩtalɩ-m.» 36Ɛtasɩ yɔɔdʋʋ se: «manawa se ŋpɩzɩɣ ŋla pɩtɩŋa payɩ. Mentendiɣ-ŋ se ŋla ña-tʋmɩyɛ nɛ mantaasʋʋ kʋñɔŋ ŋ́gʋ́ kɩ-taa. Ɛlɛ́, la mbʋ́ ñe-liu wɛɛ yɔ, taala mbʋ́ me-liu wɛɛ yɔ.»
37Ɛtɛm Ɛsɔ sɛʋ ḿbʋ́ lɛ, ɛpɩsɩ ɛ-tɔmkpɛlɩkɩyaa naadozo ḿbá pɔ-cɔlɔ nɛ ɛmaɣna pɔɖɔŋ ɖou. Peeɖe ɛpɔzɩ Pɩyɛ se: «Siimɔɔ, ŋwɛɛ ŋɖou! Ŋtapɩzɩ ŋcaɣnɩ ñɛ-ɛsɛ paa ñɩɩɩ! 38Ɩcaɣnɩ mɩ-ɛsɛ nɛ ɩsɛɛ Ɛsɔ, pɩtɛkɛ ḿbʋ́, ɩkɔŋ ɩsʋʋ takʋʋ taa. Ɛyáa liu wɛɛ se pala mbʋ́ pʋwɛ ɖeu yɔ, ɛlɛ́, pɛwɛnɩ kaapɩzɩtʋ.»
39Ɛtasɩ ɛ-tɩ tuzuu lɛ, etendi Ɛsɔ nɛ ɛtasɩ tɔm kʋɖʋmtʋ ńdʋ́ yɔɔdʋʋ. 40Ɛtasɩ pɩsʋʋ ɛ-tɔmkpɛlɩkɩyaa cɔlɔ lɛ, ɛmaɣnɩ-wɛ pɔɖɔŋ ɖou ɖɔɖɔ. Patapɩzɩ pacaɣnɩ pɛ-ɛsɛ nɛ paanaɣ se peheyi-i se we.
41Ɛpɩsɩ tozo ɖeɖe lɛ, ɛpɔzɩ-wɛ se: «Ɩwɛ ɖom yɔɔ tam ḿbʋ́? Tɔɔ, pɩmaɣaɣ! Lɛɛlɛɛyɔ alɩwaatʋ talaa se paɖʋzɩ Ɛyʋ Pɩyalʋ kɩwɛɛkɩm laɖaa nesi taa. 42Ɩkʋyɩ ɖɩkatɩ weyi ɛkpaɣ-m se ɛɖʋzɩ pe-nesi taa yɔ! Ɛkɔŋ naɣ yɔ!»
Pakpa Yesu
(Mat 26.47-56; Luk 22.47-53; Yoh 18.3-12)
43Yesu yɔɔdaɣ ḿbʋ́ lɛ, ɛ-tɔmkpɛlɩkɩyaa hiu nɛ naalɛ taa lɛlʋ weyi payaɣ se Yudaasɩ yɔ nɛ ɛyáa samaɣ nakɛyɛ patalɩ kpaagbaa. Pɔɖɔkɩ sɛsɩ kɩɖaɣlɩsɩ nɛ pɔla. Cɔjɔnaa sɔsaa nɛ paɣtʋ wɩlɩyaa nɛ Yuda ñɩma ŋgbɛyɛ taa sɔsaa petiyini-wɛ. 44Yudaasɩ ɛnʋ ɛkpaɣnɩ Yesu se ɛɖʋzɩ kɩwɛɛkɩm laɖaa nesi taa. Ɛɛtɛm kɛdʋʋ ɛyáa samaɣ ŋ́gá ɛzɩma mbʋ́ ɛlakɩ nɛ pasɩm-ɩ nɛ pakpa-ɩ yɔ. Eheyi-wɛ se: «Yee mowobi mɛnsɛɛ nɔɔyʋ nɛ mamʋzɩ ɛ-laɣzaɣ yɔɔ lɛ, ɛnʋ lɛ. Ɩkpa-ɩ ɩɖɔkɩ-ɩ ɖeu nɛ ɩɖɛnɩ-ɩ.» 45Ɛtɩtalaa lɛ, ewolo Yesu cɔlɔ nɛ eheyi-i se: «Wɩlɩyʋ, sɛɛ ɖeu!» Ɛlɛ́, ɛmʋzɩ ɛ-laɣzaɣ yɔɔ. 46Peeɖe ɛyáa ḿbá pakpa Yesu. 47Ɛlɛ́, ɛ-tɔmkpɛlɩkɩyaa taa lɛlʋ kpɛɛ sɩɣa kɩɖaɣlaɣ nɛ ɛsɛtɩ cɔjɔnaa ñʋʋdʋ tʋmlaɖʋ nɩŋgbaŋʋʋ. 48Peeɖe Yesu pɔzɩ ɛyáa ḿbá se: «Ɩkɔm ma-wayɩ nɛ sɛsɩ kɩɖaɣlɩsɩ nɛ pɔla yɔ, mɛnkɛ mɩ́lʋ́ naa we? 49Ma nɛ mɩ ɖɩɩwɛ Ɛsɔ ɖɩɣa taa kɩyakɩŋ tɩŋa nɛ mawɩlɩɣ Ɛsɔtɔm, ɛlɛ́, ɩtakpa-m. Pɩlabɩ ḿbʋ́ se pɩla ɛzɩ pamaʋ Ɛsɔtɔm Takayaɣ taa yɔ.» 50Peeɖe ɛ-tɔmkpɛlɩkɩyaa tɩŋa mɩzɩ ɖama nɛ peyebi-i. 51Ɛlɛ́, pɩsɛɣ evebu nɔɔyʋ ɖeke nɛ ɛtɩŋɩɣ ɛ-wayɩ, eehu pɩsaʋ. Pesezaa se pakpaɣ-ɩ lɛ, ɛ-pɩsaʋ cɛ nɛ 52eyebi-kʋ nɛ ese ndaakpeɖe nɛ ɛɖɛɛ.
Yuda ñɩma cɔjɔnaa hʋʋ Yesu tɔm
(Mat 26.57-68; Luk 22.54-55, 63-71; Yoh 18.13-14, 19-24)
53Pʋwayɩ lɛ, pakpa Yesu se powokini-i Yuda ñɩma cɔjɔnaa ñʋʋdʋ tɛ ɖenɖe cɔjɔnaa sɔsaa nɛ pɛ-ŋgbɛyɛ taa sɔsaa nɛ pa-paɣtʋ wɩlɩyaa pekpeɣlaa yɔ. 54Pɛɖɛɣaɣnɩ-ɩ lɛ, Pɩyɛ wɛɛ mɛlʋʋ taa mɛlʋʋ taa nɛ ɛtɩŋɩɣ ɛ-wayɩ. Ɛtalɩ cɔjɔnaa ñʋʋdʋ ɛnʋ ɛ-taɣ yɔɔ lɛ, ɛ nɛ Ɛsɔ ɖɩɣa yɔɔ ɖaŋɩyaa pacaɣ nɛ pohoyuu miŋ.
55Peeɖe cɔjɔnaa sɔsaa nɛ tɔm hʋyaa lɛlaa tɩŋa pañɩnaɣ aseɣɖe tɩnaa se pɔkɔɔ pɛcɛtɩnɩ Yesu taa nɛ pehiɣ-i pakʋ-ɩ. Ɛlɛ́, petehiɣ nɔɔyʋ. 56Ɛyáa sakɩyɛ woba pɛcɛtɩnɩ ɛ-taa. Ɛlɛ́, pɔ-tɔm tɛkɛ kʋɖʋmtʋ. 57Pa-taa lɛlaa kʋyaa nɛ pɛcɛtɩnɩ ɛ-taa se: 58«Ɛyɔɔdaa se ɛyɔkʋʋ Ɛsɔ ɖɩɣa ŋgá ɛyáa mawa yɔ nɛ ɛɖaɣnɩ maʋ kɩfalaɣ ŋgá ɛyáa ɩɩpɩzɩɣ pama yɔ nɛ kɩyakɩŋ naadozo.» 59Halɩ tɔm ńdʋ́ tɩ-yɔɔ, pa-aseɣɖe tɛkɛ kʋɖʋmɖɩyɛ ɖɔɖɔ.
60Pʋwayɩ lɛ, cɔjɔnaa ñʋʋdʋ kʋyɩ ɛsɩŋ patɩŋa pɛ-ɛsɩndaa nɛ ɛpɔzɩ Yesu se:
«Tɔm ndʋ́ tɩtɩŋa payɩ ɛyáa panɛ pɔtɔŋ se ŋyɔɔdaa yɔ, ŋfɛyɩnɩ natʋyʋ se ŋcosuu yaa we?» 61Ɛlɛ́, Yesu suma, etocosi natʋyʋ kaʋ. Peeɖe cɔjɔnaa ñʋʋdʋ ɛnʋ, ɛtasɩ-ɩ pɔzʋʋ se: «Ña lɛ Weyi Ɛsɔ Lɩzaa Yɔ yaa we? Ña lɛ Ɛsɔ weyi pasaŋ-ɩ yɔ ɛ-Pɩyalʋ yaa we?» 62Yesu cosi-i se: «Ɛɛɛ! Đɔɖɔ lɛ, mɩtɩŋa payɩ ɩkɔŋ naʋ Ɛyʋ Pɩyalʋ, ɛcaɣ Ɛsɔ Đoŋ Tɩŋa Tʋ cɔlɔ lone kɩbanɖɛ taa. Ɩkɔŋ-ɩ naʋ ɖɔɖɔ ɛsɔmɩndʋ yɔɔ, ɛɖɔŋ kɔm.»
63Cɔjɔnaa ñʋʋdʋ nɩ Yesu yɔɔdɩ ḿbʋ́ lɛ, ɛkʋyɩ ɛcɩyɩ ɛ-cɔjɔtʋ toko#14.63 Ɛcɩyɩ ɛ-cɔjɔtʋ toko: Yuda ñɩma tɛ lɛ, lakasɩ nzɩ sɩwɩlɩɣ se pʋdʋ caɣ leɣa. se pɩwɩlɩ se pɩwɩzɩ-ɩ pɩŋŋ nɛ ɛpɔzɩ ɛyáa lɛlaa se: «Ɛbɛ yɔɔ pʋwɛɛ se ɖɩtasɩ ñɩnʋʋ aseɣɖe tɩnaa yɔ? 64Mɩ-maɣmaɣ ɩnɩ ɛzɩma mbʋ́ ɛwɛɛkɩ Ɛsɔ hɩɖɛ yɔ. Ɩmaɣzɩɣ se we?» Patɩŋa pocosi-i se: «Ɛ-tɔm sɩba, pʋwɛɛ se pakʋ-ɩ!»
65Peeɖe pa-taa lɛlaa pazɩ Yesu yɔɔ tɔʋ ndaatʋ nɛ pohuuzuu ɛ-ɛsɛ yɔɔ nɛ pamakɩ-ɩ ŋguluma nɛ pɔpɔzʋʋ-ɩ se: «Kpeɣ se amabɩ-ŋ.» Pʋwayɩ lɛ, Ɛsɔ ɖɩɣa yɔɔ ɖaŋɩyaa tem-i kadanzɩ.
Pɩyɛ kpɛzɩ nabudozo se ɛtasɩ Yesu
(Mat 26.69-75; Luk 22.56-62; Yoh 18.15-18, 25-27)
66Alɩwaatʋ ndʋ́ Pɩyɛ wɛ taɣ yɔɔ yɔ, tɩ-taa cɔjɔnaa ñʋʋdʋ tʋmlaɖʋ halʋ ñɩnʋ nɔɔyʋ lɩwa 67nɛ ɛmaɣnɩ-ɩ, ehoyaɣ miŋ. Ɛcɔnɩ-ɩ pɩŋŋ lɛ, eheyi-i se: «Ña ɖɔɖɔ, ŋtɩŋaɣ Nazarɛɛtɩ tʋ Yesu wayɩ.» 68Peeɖe Pɩyɛ kpɛzaa se: «Mantana, maanɩɣ ndʋ́ ŋcaɣ yɔɔdʋʋ yɔ.» Pʋwayɩ lɛ, ɛlɩɩ ewolo kɩjaŋ taa. Ɛlɛ́, kalɩmɔʋ nakʋyʋ koo. 69Peeɖe tʋmlaɖʋ halʋ ñɩnʋ ɛnʋ, ɛɖaɣnɩ-ɩ naʋ nɛ eheyi mbá paawɛ ɛ-cɔlɔ yɔ se: «Pa-taa lɛlʋ lɛ abalʋ ɛnɛ.» 70Ɛlɛ́, Pɩyɛ tasɩ kpɛzʋʋ.
Pɩlabɩ fele lɛ, ɛyáa mbá paawɛ peeɖe yɔ, patasɩ-ɩ heyuu se: «Toovenim! Ŋkɛ pa-taa lɛlʋ, mbʋ́ pʋyɔɔ yɔ, ŋkɛ Galilee tʋ.» 71Peeɖe Pɩyɛ kpɛzɩ laɣ laɣ nɛ eɖuu se: «Nɛ Ɛsɔ! Mantasɩ abalʋ weyi ɩyɔɔdʋʋ ɛ-tɔm ɛzʋnɔ yɔ!» 72Ɛtɩyɔɔdɩ ḿbʋ́ lɛ, kalɩmɔʋ tasɩ kou. Ɛlɛ́, Pɩyɛ tɔzɩ tɔm ndʋ́ Yesu keheyi-i se: «Pʋcɔ kalɩmɔʋ koo nɛ kɩlɛlɩ lɛ, ŋkpɛzɩɣ tam naadozo se ŋtasɩm-m» yɔ tɩ-yɔɔ, peeɖe ɛtʋlɩ nɔɔ wooo.
Currently Selected:
:
Highlight
Share
Copy
Want to have your highlights saved across all your devices? Sign up or sign in