1 KORINTENA 5
5
Sa ma li joota gum goy jargi pa
1 Tim 1:19-20
1Numa'a ka hum kay zlata-bulota tara'a ta ka li jargiya, kayni ir zlata-bulota ta jar sa waan kaw sa fa'ɗi. Kayn ala sa kep jargiya vi cata vi bulumu. 2Nigi sli yigiyawa kulo'o, may ŋaat kayni nigi ma yora, kay sa ma li slen kayni ma gumis goy jargi pa. 3Kan nanu, nan may jargi zawɗi, may hay ŋusta nan ka jargi zaw, sa ma li lawt ki kay nalana, nan ka kitatawa kalamu ki nan ka jargi zaw nala. 4Hay semda vi Bum-Sumuna vaya Yesu Kristu, nigiya hiɗi nanu fi dak tuwaya hay donota vi Bum-Sumuna vaya Yesu, 5a vul san kayni goy mi Satan kay sliw tuwam ma ɓulak goyo, may ŋusta valamu fi suɗ goyo hay buur (ma kitata) vi Bum-Sumuna vaya Yesu.
6Subur-tuwta vigi kuɗ kayni may ŋaaɗi. A kuf ma kiɗay ɦawa fok futuwn kulo kufa kafe nigi may wi kaynɗi su? 7Kay na'ta cukgi kuf ma busayn goyo, kay nigi ma muɗ wuliya, ki futuw ma kuf hayɗin nala. Kay goor ɦu-dimi paskana vaya ŋatawa, kayni mi Kristu. 8Kay na'ta lay yuldeta hiɗi kuf ma busaynɗi, hiɗi kufna vi jootɗi, vi jiw-zlatɗi kaw, may hiɗi fun-bay-kufna ma peldetna, ma gasina.
9nan ɗo'awa tigiya hay ɗerwelda vanu a nigi ma tap hiɗi sa zlata-bulonɗi. 10Nan di tigi kayn may kay sa zlata-bulona sa waana sa kay nagat taniɗi, kay sa niŋa slena vi nagatɗi, kay sa coŋcoloŋŋaɗi, kay vi kuɗ lawayn waanɗi kaw. La ki kayn nala nigi ɗawn ma lak hay nagat tan loɗi. 11May sum sa nan ɗo tigi ala nigi tap hiɗi nisiɗin kayni, si sum sa nigi yisi ala «ɓosiyayna»,#5:11 Ɓosiyayna Sa viyna hay liyn ma jewna yi tuwsi jar-tuwsi ala «Ɓasunna». may la nisi li zlata-bulo'o, la nisi niŋa slena vi nagata, la nisi viy kuɗ lawayn ma waana, la nisi di va ma joo'o kay sana, la nisi ɦoyay kuɗ dolayna, la nisi coŋcoloŋo; sum sa ki kayn nalana, nigi ma tap hiɗi nisiɗi, ti fun hiɗi nisiɗi kaw.
12Kay lawta vanu ka kay ka kitat kay sa goy jiyna arige? Nigi ka kitat kayni may kay sum sa jarginɗi su? 13May nisi sa goy jiyna Lawn ma ka kitat kisi mi namu. Nigiya, digiɗgi sum sa joona goy jargiya.
Currently Selected:
1 KORINTENA 5: Massana
Highlight
Share
Compare
Copy
Want to have your highlights saved across all your devices? Sign up or sign in
BIBALDA TA PELDETTA © L'Alliance Biblique du Cameroun, 2001