Amos 7
7
Eemol Graushoppa, eemol Fia un dan een Bliejewicht
1Gott de Har wees mie waut hee doonen wull. Hee muak sea väl Graushoppa. Dit wia jrod aus de Flekja wada waussen wullen, no däm daut de Kjennich dee haud heiwen loten. 2Un ekj sach daut de Graushoppa aul daut Jreens em Launt oppfreeten. Un ekj säd: Har Gott, lot daut doch nich too. Woo saul Jakob wada oppe Been komen? Dee es je soo schwak! 3Un de Har haud Metlieden un säd: Ekj woa daut nich tooloten.
4Un Gott de Har wees mie waut hee em Senn haud. Gott de Har wull de Menschen bestrofen met een grootet Fia, waut hee äwadäl roopt. Daut Fia freet daut Mäa opp un wull uk aules, waut opp daut Launt wia, vebrennen. #1Mo 7,11 5Dan säd ekj: Oba Gott, ons Har, horch emol. Hool daut opp! Woo sellen Jakob siene Nokomen wada oppe Been komen? Dee sent je soo schwak! 6Un de Har haud wada Metlieden. Dit woat uk nich woaren, säd Gott de Har.
7De Har wees mie daut hee biesied eene Waunt stunt, un hee haud een Bliejewicht aun eenen Baunt henjen. 8Un de Har säd: Waut es dit waut ekj hia hab? Un ekj säd: Daut es een Bliejewicht. Dan säd de Har: Kjikj emol. Ekj woa dit Bliejewicht mank de Israeliten saten, un woa nuscht mea äwaseenen loten. #Jes 34,11; Amos 8,2 9De Städa wua Isaak siene Nokomen aunbäden, woaren to nuscht woaren, un de huage Opfastäden en Israel, woaren Schunthupes woaren. Un ekj woa daut Schwieet loten opp Jerobeam sien Rikj komen.
Amos un Amazja
10Dan kjeem daut, daut Amazja, de Priesta en Betel, eene Norecht no däm Kjennich Jerobeam schekjt. Dee säd, daut Amos mank de Menschen en Israel wia, un doa daut Volkj jäajen daut Rikj opprieed. Hee leet däm Kjennich weeten, daut et jefäadlich fa daut Launt wia. #(10 un 11) Jer 38,4 11Hee säd uk daut Amos jesajcht haud, daut Jerobeam wudd met daut Schwieet dootjemoakt woaren, un daut Israel wudd von äa Launt veschlapt woaren. 12Un Amazja säd to Amos: Go wajch, du Profeet. See daut du no Juda kjemst. Du kaust doa dien Broot vedeenen, un doa sajen waut du to sajen hast! #1Sam 9,9 13Profezei nich mea en Betel, wiels daut es däm Kjennich siene huage Opfastäd un de Tempel fa daut Launt. #1Kjen 12,28-29 14Un Amos säd: Ekj sie nich een Profeet, un nich emol een Profeet sien Sän. Ekj sie mau een Hoad, un eena, dee Mulbäabeem besorjd. #Amos 1,1 15Oba de Har neem mie von miene Oabeit bie de Häad un säd, ekj sull sien Volkj Israel woarnen.
16Lot die dit vom Harn jesajcht sennen:
Du sajchst ekj saul de Israeliten nich woarnen,
daut ekj saul Isaak siene Nokomen nich belieren. #Amos 2,12
17Doatoo sajcht de Har:
Diene Fru woat enne Staut Schaund lieden,
diene Säns un Dajchta woaren met daut Schwieet omjebrocht woaren,
dien Flekj woat aundre toojemäten un enjedeelt woaren,
un du woascht en een aundret Launt stoawen.
Daut es secha daut daut Volkj Israel von dit Launt woat veschlapt woaren.
Currently Selected:
Amos 7: PB
Highlight
Copy
Compare
Share
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.
Amos 7
7
Eemol Graushoppa, eemol Fia un dan een Bliejewicht
1Gott de Har wees mie waut hee doonen wull. Hee muak sea väl Graushoppa. Dit wia jrod aus de Flekja wada waussen wullen, no däm daut de Kjennich dee haud heiwen loten. 2Un ekj sach daut de Graushoppa aul daut Jreens em Launt oppfreeten. Un ekj säd: Har Gott, lot daut doch nich too. Woo saul Jakob wada oppe Been komen? Dee es je soo schwak! 3Un de Har haud Metlieden un säd: Ekj woa daut nich tooloten.
4Un Gott de Har wees mie waut hee em Senn haud. Gott de Har wull de Menschen bestrofen met een grootet Fia, waut hee äwadäl roopt. Daut Fia freet daut Mäa opp un wull uk aules, waut opp daut Launt wia, vebrennen. #1Mo 7,11 5Dan säd ekj: Oba Gott, ons Har, horch emol. Hool daut opp! Woo sellen Jakob siene Nokomen wada oppe Been komen? Dee sent je soo schwak! 6Un de Har haud wada Metlieden. Dit woat uk nich woaren, säd Gott de Har.
7De Har wees mie daut hee biesied eene Waunt stunt, un hee haud een Bliejewicht aun eenen Baunt henjen. 8Un de Har säd: Waut es dit waut ekj hia hab? Un ekj säd: Daut es een Bliejewicht. Dan säd de Har: Kjikj emol. Ekj woa dit Bliejewicht mank de Israeliten saten, un woa nuscht mea äwaseenen loten. #Jes 34,11; Amos 8,2 9De Städa wua Isaak siene Nokomen aunbäden, woaren to nuscht woaren, un de huage Opfastäden en Israel, woaren Schunthupes woaren. Un ekj woa daut Schwieet loten opp Jerobeam sien Rikj komen.
Amos un Amazja
10Dan kjeem daut, daut Amazja, de Priesta en Betel, eene Norecht no däm Kjennich Jerobeam schekjt. Dee säd, daut Amos mank de Menschen en Israel wia, un doa daut Volkj jäajen daut Rikj opprieed. Hee leet däm Kjennich weeten, daut et jefäadlich fa daut Launt wia. #(10 un 11) Jer 38,4 11Hee säd uk daut Amos jesajcht haud, daut Jerobeam wudd met daut Schwieet dootjemoakt woaren, un daut Israel wudd von äa Launt veschlapt woaren. 12Un Amazja säd to Amos: Go wajch, du Profeet. See daut du no Juda kjemst. Du kaust doa dien Broot vedeenen, un doa sajen waut du to sajen hast! #1Sam 9,9 13Profezei nich mea en Betel, wiels daut es däm Kjennich siene huage Opfastäd un de Tempel fa daut Launt. #1Kjen 12,28-29 14Un Amos säd: Ekj sie nich een Profeet, un nich emol een Profeet sien Sän. Ekj sie mau een Hoad, un eena, dee Mulbäabeem besorjd. #Amos 1,1 15Oba de Har neem mie von miene Oabeit bie de Häad un säd, ekj sull sien Volkj Israel woarnen.
16Lot die dit vom Harn jesajcht sennen:
Du sajchst ekj saul de Israeliten nich woarnen,
daut ekj saul Isaak siene Nokomen nich belieren. #Amos 2,12
17Doatoo sajcht de Har:
Diene Fru woat enne Staut Schaund lieden,
diene Säns un Dajchta woaren met daut Schwieet omjebrocht woaren,
dien Flekj woat aundre toojemäten un enjedeelt woaren,
un du woascht en een aundret Launt stoawen.
Daut es secha daut daut Volkj Israel von dit Launt woat veschlapt woaren.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.