2. Mose 19
19
Daut Volkj moakt sikj reed
1Aun däm 1. Dach von de 3. Moonat, no däm daut see Ägipten veloten hauden, kjeemen de Israeliten en de Sinai Wiltnis aun. 2See veleeten Refidim, un trocken no de Sinai Wiltnis. Doa loagad Israel sikj ver däm Boajch.
3Doa jinkj Moses nopp no Gott. Un de Har roopt am vom Boajch un säd: Saj de Israeliten, dee waut von Jakob aufstaumen: 4Jie haben jeseenen, waut ekj en Ägipten jedonen hab, un woo ekj junt oppe Flichten von een Odla druach, un junt hab no mie jebrocht. #5Mo 32,11 5Wan jie nu horchen woaren, no daut waut ekj saj, un jie mien Bunt hoolen woaren, dan woa jie von aule Velkja oppe Ieed mien ieejnet Volkj sennen. Wan doch de gaunze Ieed mie jehieet, #5Mo 5,2; 7,6 6jie em besondren woaren fa mie een Rikj sennen, wua een jiedra een Priesta es, un jie woaren een heiljet Volkj sennen. Dit saust du de Israeliten sajen. #3Mo 19,2; Jes 61,6; 1Pet 2,9; Opb 1,6
7Moses jinkj trigj un roopt de Leidasch vom Volkj toop un läd an dit aula väa, waut de Har am jesajcht haud. 8Un daut gaunze Volkj toop, jeef de Auntwuat trigj nom Harn: Aules waut de Har jesajcht haft, woa wie doonen. Un Moses brocht däm Harn de Auntwuat. #2Mo 24,3-8 9Un de Har säd to Moses: Horch emol. Ekj woa no die komen en eene dichte Wolkj, soo daut daut Volkj mie hieren woat, wan ekj met die räd. Derch dit woaren see onen Enj vetruen en die haben. #2Mo 14,31; 16,10; 34,5; Psa 18,12
Un Moses säd däm Harn, waut daut Volkj jesajcht haud.
10De Har säd to Moses: Go no daut Volkj un reinj an un wei an Gott vondoag un morjen, un lot see sikj de Kjleeda wauschen. #3Mo 11,44; Jos 3,5; Hiob 1,5 11Aun däm dredden Dach sellen see reed sennen, wiels aun dän Dach woat de Har opp däm Sinai Boajch rauf komen, soo daut daut gaunze Volkj daut seenen woat. 12Un sat eene Jrens fa daut Volkj, un schoap dee opp, daut wan eena sull opp däm Boajch nopp gonen, ooda uk mau de Jrens aunschieren, dee saul doafäa stoawen. #(12-19) 2Mo 34,3 13Schieet dämjanjen nich aun. Jie sellen däm entwäda steenjen, ooda met Feilen scheeten. Eendoont auf daut een Mensch ooda Vee es, dee saul nich läwen. Bloos wan de Posaun ieescht jeblost haft, derw jie doa nopp gonen #Heb 12,18-20 14Aus Moses vom Boajch rauf kjeem, reinjd hee daut Volkj un weid dee en, un see woschen sikj de Kjleeda. 15Hee säd to daut Volkj: Seet daut jie aum dredden Dach reed sent. Kjeena doaf sikj met siene Fru aufjäwen. #1Sam 21,4-5; 1Kor 7,5
Gott kjemt opp dän Boajch
16Un zemorjes, aun däm dredden Dach, funk daut en de dunkle Wolkj oppem Boajch aun to rummlen un to blitzen. Un eene Posaun blosd jewaultich, daut een jiedra em Loaga zettad. 17Dan leid Moses daut Volkj vom Loaga no Gott opptoo. Un see neemen äare Städ aum Boajch. Runtom däm Boajch wia Ruak, un de Har kjeem en Flaumen rauf opp Sinai. 18Aus de Har dan en Flaumen opp däm Boajch Sinai rauf kjeem, kwaulemd daut, aus ut eenen grooten Owen, un de gaunza Boajch bebbad sea. #1Mo 15,17 19De Posaun blosd eegol luda un luda, soo daut dee meist nich to vedroagen wia. Moses räd to Gott, un Gott auntwuad aus em Rummel. #2Mo 33,11; Apost 7,38 20De Har kjeem rauf bat opp de Spetz von däm Boajch Sinai. Un de Har roopt Moses, daut hee bat de Spetz komen sull, un Moses jinkj nopp. 21De Har säd to Moses: Go rauf no daut Volkj un woarn an daut see nich derchdrenjen sellen, daut see däm Harn seenen kjennen, wiels dan wudden väle von an stoawen. 22Soogoa de Priesta, dee ver däm Harn komen, sellen sikj rein moaken, aundasch woat de Har jäajen an utbräakjen. 23Un Moses säd to däm Harn: Daut Volkj kaun nich opp däm Boajch Sinai komen, wäajen du hast ons aul jesajcht, daut wie sellen eene Jrens saten un däm Boajch heilich hoolen. 24Un de Har säd to am: Go rauf, un komm trigj met Aaron. Oba de Priesta un daut Volkj sellen sikj nich derchdrenjen no mie to komen, daut ekj nich jäajen an utfoa. #2Mo 24,9-11 25Moses jinkj rauf, un säd daut toom Volkj.
Currently Selected:
2. Mose 19: PB
Highlight
Share
Compare
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.
2. Mose 19
19
Daut Volkj moakt sikj reed
1Aun däm 1. Dach von de 3. Moonat, no däm daut see Ägipten veloten hauden, kjeemen de Israeliten en de Sinai Wiltnis aun. 2See veleeten Refidim, un trocken no de Sinai Wiltnis. Doa loagad Israel sikj ver däm Boajch.
3Doa jinkj Moses nopp no Gott. Un de Har roopt am vom Boajch un säd: Saj de Israeliten, dee waut von Jakob aufstaumen: 4Jie haben jeseenen, waut ekj en Ägipten jedonen hab, un woo ekj junt oppe Flichten von een Odla druach, un junt hab no mie jebrocht. #5Mo 32,11 5Wan jie nu horchen woaren, no daut waut ekj saj, un jie mien Bunt hoolen woaren, dan woa jie von aule Velkja oppe Ieed mien ieejnet Volkj sennen. Wan doch de gaunze Ieed mie jehieet, #5Mo 5,2; 7,6 6jie em besondren woaren fa mie een Rikj sennen, wua een jiedra een Priesta es, un jie woaren een heiljet Volkj sennen. Dit saust du de Israeliten sajen. #3Mo 19,2; Jes 61,6; 1Pet 2,9; Opb 1,6
7Moses jinkj trigj un roopt de Leidasch vom Volkj toop un läd an dit aula väa, waut de Har am jesajcht haud. 8Un daut gaunze Volkj toop, jeef de Auntwuat trigj nom Harn: Aules waut de Har jesajcht haft, woa wie doonen. Un Moses brocht däm Harn de Auntwuat. #2Mo 24,3-8 9Un de Har säd to Moses: Horch emol. Ekj woa no die komen en eene dichte Wolkj, soo daut daut Volkj mie hieren woat, wan ekj met die räd. Derch dit woaren see onen Enj vetruen en die haben. #2Mo 14,31; 16,10; 34,5; Psa 18,12
Un Moses säd däm Harn, waut daut Volkj jesajcht haud.
10De Har säd to Moses: Go no daut Volkj un reinj an un wei an Gott vondoag un morjen, un lot see sikj de Kjleeda wauschen. #3Mo 11,44; Jos 3,5; Hiob 1,5 11Aun däm dredden Dach sellen see reed sennen, wiels aun dän Dach woat de Har opp däm Sinai Boajch rauf komen, soo daut daut gaunze Volkj daut seenen woat. 12Un sat eene Jrens fa daut Volkj, un schoap dee opp, daut wan eena sull opp däm Boajch nopp gonen, ooda uk mau de Jrens aunschieren, dee saul doafäa stoawen. #(12-19) 2Mo 34,3 13Schieet dämjanjen nich aun. Jie sellen däm entwäda steenjen, ooda met Feilen scheeten. Eendoont auf daut een Mensch ooda Vee es, dee saul nich läwen. Bloos wan de Posaun ieescht jeblost haft, derw jie doa nopp gonen #Heb 12,18-20 14Aus Moses vom Boajch rauf kjeem, reinjd hee daut Volkj un weid dee en, un see woschen sikj de Kjleeda. 15Hee säd to daut Volkj: Seet daut jie aum dredden Dach reed sent. Kjeena doaf sikj met siene Fru aufjäwen. #1Sam 21,4-5; 1Kor 7,5
Gott kjemt opp dän Boajch
16Un zemorjes, aun däm dredden Dach, funk daut en de dunkle Wolkj oppem Boajch aun to rummlen un to blitzen. Un eene Posaun blosd jewaultich, daut een jiedra em Loaga zettad. 17Dan leid Moses daut Volkj vom Loaga no Gott opptoo. Un see neemen äare Städ aum Boajch. Runtom däm Boajch wia Ruak, un de Har kjeem en Flaumen rauf opp Sinai. 18Aus de Har dan en Flaumen opp däm Boajch Sinai rauf kjeem, kwaulemd daut, aus ut eenen grooten Owen, un de gaunza Boajch bebbad sea. #1Mo 15,17 19De Posaun blosd eegol luda un luda, soo daut dee meist nich to vedroagen wia. Moses räd to Gott, un Gott auntwuad aus em Rummel. #2Mo 33,11; Apost 7,38 20De Har kjeem rauf bat opp de Spetz von däm Boajch Sinai. Un de Har roopt Moses, daut hee bat de Spetz komen sull, un Moses jinkj nopp. 21De Har säd to Moses: Go rauf no daut Volkj un woarn an daut see nich derchdrenjen sellen, daut see däm Harn seenen kjennen, wiels dan wudden väle von an stoawen. 22Soogoa de Priesta, dee ver däm Harn komen, sellen sikj rein moaken, aundasch woat de Har jäajen an utbräakjen. 23Un Moses säd to däm Harn: Daut Volkj kaun nich opp däm Boajch Sinai komen, wäajen du hast ons aul jesajcht, daut wie sellen eene Jrens saten un däm Boajch heilich hoolen. 24Un de Har säd to am: Go rauf, un komm trigj met Aaron. Oba de Priesta un daut Volkj sellen sikj nich derchdrenjen no mie to komen, daut ekj nich jäajen an utfoa. #2Mo 24,9-11 25Moses jinkj rauf, un säd daut toom Volkj.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.