2. Mose 21
21
Äwa Sklowen
(5Mo 15,12-18)
1Dise Jesazen jäw ekj junt: 2Wan eena eenen hebräischen Sklow kjaft, doaf dee sas Joa deenen, oba aun daut säwende Joa saul hee frie sennen, onen daut hee loosjekoft woat. #3Mo 25,39-41; 5Mo 15,12-17; Jer 34,14 3Wan hee nich eene Fru haft, wan hee kjemt, dan saul hee onen eene Fru veloten; wan hee met eene Fru kjemt, dan saul hee met siene Fru veloten. 4Wan de Ieejendeema am eene Fru jeft un see Kjinja haben, dan jehieren de Fru un Kjinja däm Ieejendeema, wan de Sklow wajchjeit. 5Oba wan hee sajcht: Ekj mucht bie mienen Ieejendeema, miene Fru un Kjinja bliewen, wan ekj dan uk nich frie gonen kaun, 6dan saul de Ieejendeema am ver de Rechta brinjen. De Sklow saul dan nom Däarejerecht jenomen woaren, un doa met een Als derch sien Ua jeboat kjrieen. Dan jehieet hee wiedahans dän Ieejendeema. #5Mo 1,17; Psa 82,1
7Wan een Israelit siene Dochta aus Sklow vekjaft, doaf see nich om säwen Joa frie gonen soo aus een Maunsmensch doaf, dee soo vekoft woat. 8Un wan see däm Ieejendeema, dee ar aus Fru haben wull, oba nich jefelt, dan saul doa Jeläajenheit sennen ar frietokjeepen. Hee doaf ar nich aun een framdet Volkj vekjeepen, wiels hee ontru met ar jehaundelt haft. 9Un wan de Ieejendeema ar fa sienen Sän utjeläst haft, dan saul see jrod soo väl rajcht haben aus eene Dochta. 10Un wan hee sikj dan eene aundre Fru friet, saul hee von jane doawäajen nich daut Äten, de Kjleeda, ooda irjent een rajcht aus Fru trigjhoolen. 11Un wan hee ar dise dree Dinja nich jeft, doaf see jrodsoo, un onen betolen, frie gonen.
Äwa Jewault eewen
12Wan een Maun wäm schleit, soo daut dee stoaft, dan saul dee Maun met däm Doot bestroft woaren. #1Mo 9,6; 2Mo 20,13; Mat 5,21-22 13Wan hee oba nich doamet jeplont haud, däm doottoschlonen, oba Gott haft daut toojeloten, dan saul hee derwen no soone Städ ranen aus ekj junt wiesen woa. #4Mo 35,6-29; 5Mo 19,4-13 14Wan de Schildna janem oba met Fliet dootjeschloagen haft, dan sell jie däm von mienem Aultoa nämen un am daut Läwen nämen. #1Kjen 2,29-31
15Eena dee sienen Voda ooda Mutta schleit, saul stoawen.
16Wan wäa eenen aundren Mensch veschlapt, auf hee däm dan vekoft haft, ooda fa sikj jehoolen haft, dee saul stoawen. #5Mo 24,7; 1Tim 1,10
17Wäa sienen Voda ooda Mutta veacht, dee saul stoawen. #5Mo 27,16; Spr 20,20; Mat 15,4
18Un wan een poa sikj zanken, un eena däm aundren met eenen Steen ooda eene Fust schleit, soo daut dee nich stoaft oba em Bad blift, 19dan wan dee ieescht oppsteit un romgonen kaun met eenen Stock, dan es deejanja dee am jeschloagen haft frie. Hee saul bloos janem de Tiet betolen, dee am wajch es, un hee saul doano seenen, daut dee gaunz utjeheelt es.
20Wan een Ieejendeema sienen Sklow, auf Maunsmensch ooda Frumensch, schleit, daut dee doa stoaft, dan saul däm bestroft woaren. 21Wan de Sklow noch eent ooda twee Doag läft, saul däm Ieejendeema nich bestroft; de Sklow jehieet am, un sien Velust es jenuach strof.
22Wan Mana en eene Schläajarie eene schwangare Fru schlonen, soo daut see doaräwa eene Stelp haft, un doa sest kjeen aundra Schoden to finjen es, dan saul de schuldja tolen, waut de Fru äa Maun velangt un daut Jerecht erlaupt.
23Wua doa Schoden es, doa sell jie een Läwen fa een Läwen velangen, #(23 un 24) 3Mo 24,19-20; 5Mo 19,21; Mat 5,38 24een Uag fa een Uag, eene Tän fa eene Tän, eene Haunt fa eene Haunt, een Foot fa een Foot, 25eene Brennwund fa eene Brennwund, een schnieden fa een schnieden, een jestadet fa een jestadet.
26Wan een Ieejendeema sien Sklow, auf Maun ooda Fru, daut Uag schleit soo daut daut Uag vedorwen es, dan saul hee däm friegonen loten, wäajen daut vedorwne Uag. 27Wan eena sienen Sklow, auf Maun ooda Fru, eene Tän rut kjielt, saul dee friejeloten, wäajen de Tän.
28Wan een Boll eenen Maun ooda Fru met de Hieena ombrinjt, saul de Boll jesteenicht, daut dee stoaft, un daut Fleesch sell jie nich äten. Däm Boll sien Ieejendeema es nich stroffalich. #(28 un 29) 1Mo 9,5; 4Mo 35,33 29Wan een Boll meamol eenen Mensch jestachelt haft, un däm Ieejendeema es doawäajen jewoarnt, un hee helt dän Boll nich bemoakt, soo daut dee eenen Mensch ombrinjt, dan saul de Boll jesteenicht, un de Ieejendeema saul uk met däm Doot bestroft woaren. 30Wan see oba Jelt von am velangen, kaun hee sikj frie kjeepen, wan hee daut betolt. 31Dit Jesaz helt uk en däm Faul, wan een Boll een Sän ooda eene Dochta ombrinjt. 32Wan een Boll een Sklow, auf Maun ooda Fru, ombrinjt, dan saul de Ieejendeema 30 Selwastekja tolen aun däm Sklow sien Ieejendeema. Dän Boll sell jie steenjen.
33Wan eena een Loch op lat, ooda hee groft een nieet Loch un stalt doa kjeen Tun rom, un doa dan een Oss ooda Äsel nenn felt un omkjemt, #(33-36) 3Mo 7,24; 17,15 34saul dee, wäm daut Loch jehieet, fa daut Tia betolen, un daut doodje Tia es dan sient. 35Wan eenem sien Rint, eenen aundren sient ombrinjt, dan saul daut läwendje Tia vekoft woaren, un daut Jelt sellen dee twee sikj endeelen. 36Wan daut oba bekaunt jewast es, daut et aundre Rinda stad, un de Ieejendeema hilt daut nich bemoakt, dan saul hee een läwendjet Rint jäwen no däm, dee dän Velust haud, oba daut doodje Rint es sient.
37Wäa een Oss ooda een Schop stälen deit, un vekjaft ooda schlacht daut, dee saul dän Oss met fief Rinda betolen ooda een Schop met vea Schop auftolen. #2Sam 12,6; Spr 6,31; Luk 19,8
Currently Selected:
2. Mose 21: PB
Highlight
Share
Compare
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.
2. Mose 21
21
Äwa Sklowen
(5Mo 15,12-18)
1Dise Jesazen jäw ekj junt: 2Wan eena eenen hebräischen Sklow kjaft, doaf dee sas Joa deenen, oba aun daut säwende Joa saul hee frie sennen, onen daut hee loosjekoft woat. #3Mo 25,39-41; 5Mo 15,12-17; Jer 34,14 3Wan hee nich eene Fru haft, wan hee kjemt, dan saul hee onen eene Fru veloten; wan hee met eene Fru kjemt, dan saul hee met siene Fru veloten. 4Wan de Ieejendeema am eene Fru jeft un see Kjinja haben, dan jehieren de Fru un Kjinja däm Ieejendeema, wan de Sklow wajchjeit. 5Oba wan hee sajcht: Ekj mucht bie mienen Ieejendeema, miene Fru un Kjinja bliewen, wan ekj dan uk nich frie gonen kaun, 6dan saul de Ieejendeema am ver de Rechta brinjen. De Sklow saul dan nom Däarejerecht jenomen woaren, un doa met een Als derch sien Ua jeboat kjrieen. Dan jehieet hee wiedahans dän Ieejendeema. #5Mo 1,17; Psa 82,1
7Wan een Israelit siene Dochta aus Sklow vekjaft, doaf see nich om säwen Joa frie gonen soo aus een Maunsmensch doaf, dee soo vekoft woat. 8Un wan see däm Ieejendeema, dee ar aus Fru haben wull, oba nich jefelt, dan saul doa Jeläajenheit sennen ar frietokjeepen. Hee doaf ar nich aun een framdet Volkj vekjeepen, wiels hee ontru met ar jehaundelt haft. 9Un wan de Ieejendeema ar fa sienen Sän utjeläst haft, dan saul see jrod soo väl rajcht haben aus eene Dochta. 10Un wan hee sikj dan eene aundre Fru friet, saul hee von jane doawäajen nich daut Äten, de Kjleeda, ooda irjent een rajcht aus Fru trigjhoolen. 11Un wan hee ar dise dree Dinja nich jeft, doaf see jrodsoo, un onen betolen, frie gonen.
Äwa Jewault eewen
12Wan een Maun wäm schleit, soo daut dee stoaft, dan saul dee Maun met däm Doot bestroft woaren. #1Mo 9,6; 2Mo 20,13; Mat 5,21-22 13Wan hee oba nich doamet jeplont haud, däm doottoschlonen, oba Gott haft daut toojeloten, dan saul hee derwen no soone Städ ranen aus ekj junt wiesen woa. #4Mo 35,6-29; 5Mo 19,4-13 14Wan de Schildna janem oba met Fliet dootjeschloagen haft, dan sell jie däm von mienem Aultoa nämen un am daut Läwen nämen. #1Kjen 2,29-31
15Eena dee sienen Voda ooda Mutta schleit, saul stoawen.
16Wan wäa eenen aundren Mensch veschlapt, auf hee däm dan vekoft haft, ooda fa sikj jehoolen haft, dee saul stoawen. #5Mo 24,7; 1Tim 1,10
17Wäa sienen Voda ooda Mutta veacht, dee saul stoawen. #5Mo 27,16; Spr 20,20; Mat 15,4
18Un wan een poa sikj zanken, un eena däm aundren met eenen Steen ooda eene Fust schleit, soo daut dee nich stoaft oba em Bad blift, 19dan wan dee ieescht oppsteit un romgonen kaun met eenen Stock, dan es deejanja dee am jeschloagen haft frie. Hee saul bloos janem de Tiet betolen, dee am wajch es, un hee saul doano seenen, daut dee gaunz utjeheelt es.
20Wan een Ieejendeema sienen Sklow, auf Maunsmensch ooda Frumensch, schleit, daut dee doa stoaft, dan saul däm bestroft woaren. 21Wan de Sklow noch eent ooda twee Doag läft, saul däm Ieejendeema nich bestroft; de Sklow jehieet am, un sien Velust es jenuach strof.
22Wan Mana en eene Schläajarie eene schwangare Fru schlonen, soo daut see doaräwa eene Stelp haft, un doa sest kjeen aundra Schoden to finjen es, dan saul de schuldja tolen, waut de Fru äa Maun velangt un daut Jerecht erlaupt.
23Wua doa Schoden es, doa sell jie een Läwen fa een Läwen velangen, #(23 un 24) 3Mo 24,19-20; 5Mo 19,21; Mat 5,38 24een Uag fa een Uag, eene Tän fa eene Tän, eene Haunt fa eene Haunt, een Foot fa een Foot, 25eene Brennwund fa eene Brennwund, een schnieden fa een schnieden, een jestadet fa een jestadet.
26Wan een Ieejendeema sien Sklow, auf Maun ooda Fru, daut Uag schleit soo daut daut Uag vedorwen es, dan saul hee däm friegonen loten, wäajen daut vedorwne Uag. 27Wan eena sienen Sklow, auf Maun ooda Fru, eene Tän rut kjielt, saul dee friejeloten, wäajen de Tän.
28Wan een Boll eenen Maun ooda Fru met de Hieena ombrinjt, saul de Boll jesteenicht, daut dee stoaft, un daut Fleesch sell jie nich äten. Däm Boll sien Ieejendeema es nich stroffalich. #(28 un 29) 1Mo 9,5; 4Mo 35,33 29Wan een Boll meamol eenen Mensch jestachelt haft, un däm Ieejendeema es doawäajen jewoarnt, un hee helt dän Boll nich bemoakt, soo daut dee eenen Mensch ombrinjt, dan saul de Boll jesteenicht, un de Ieejendeema saul uk met däm Doot bestroft woaren. 30Wan see oba Jelt von am velangen, kaun hee sikj frie kjeepen, wan hee daut betolt. 31Dit Jesaz helt uk en däm Faul, wan een Boll een Sän ooda eene Dochta ombrinjt. 32Wan een Boll een Sklow, auf Maun ooda Fru, ombrinjt, dan saul de Ieejendeema 30 Selwastekja tolen aun däm Sklow sien Ieejendeema. Dän Boll sell jie steenjen.
33Wan eena een Loch op lat, ooda hee groft een nieet Loch un stalt doa kjeen Tun rom, un doa dan een Oss ooda Äsel nenn felt un omkjemt, #(33-36) 3Mo 7,24; 17,15 34saul dee, wäm daut Loch jehieet, fa daut Tia betolen, un daut doodje Tia es dan sient. 35Wan eenem sien Rint, eenen aundren sient ombrinjt, dan saul daut läwendje Tia vekoft woaren, un daut Jelt sellen dee twee sikj endeelen. 36Wan daut oba bekaunt jewast es, daut et aundre Rinda stad, un de Ieejendeema hilt daut nich bemoakt, dan saul hee een läwendjet Rint jäwen no däm, dee dän Velust haud, oba daut doodje Rint es sient.
37Wäa een Oss ooda een Schop stälen deit, un vekjaft ooda schlacht daut, dee saul dän Oss met fief Rinda betolen ooda een Schop met vea Schop auftolen. #2Sam 12,6; Spr 6,31; Luk 19,8
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.