2. Mose 26
26
De Heilje Woninj
(2Mo 36,8-19)
1Un dan sell jie een Zelt fa de Heilje Woninj moaken von tieen breede Striepen von goodet jesponnenet Lienzeich un bleiwe, bleiwroode un kloa roode Woll. Lot eenem, dee krakjte Oabeit doonen kaun, doa een Mosta met Cheruben nenn oabeiden. 2Jieda Striep saul vieetieen Meeta lank un twee Meeta breet sennen. 3Dan neit emma fief Striepen toop, toom twee groote Dakjen moaken. 4Delenjd een Enj von de groote Dakj moakt eenen bleiwen Baunt, emma aule soo wiet faust, daut et Eesen jeft. Doo daut krakjt soo aun de aundre Dakj. 5De 50 Eesen opp daut Enj aun de eene Dakj un de 50 Eesen aun de aundre Dakj sellen jäajenäwa von eenaunda sennen. 6Moakt 50 goldne Hoakes, om de 50 Eesen von de beid Sieden toop to hoolen, soo daut daut gaunze eene Zeltdakj es.
7Moakt alw Striepen von Kosenhoa fa eene Dakj äwa daut Zelt. 8Jieda Striep saul feftieen Meeta lank un twee Meeta breet sennen. 9Stekjt de fief Striepen toop fa eene Dakj, un sas Striepen toop fa de aundre. Lajcht de saste Striep dobbelt, väaren aum Zelt. 10Dan moakt 50 Eesen delenjd de Kaunt von de eene Dakj, un 50 Eesen delenjd de Kaunt von de aundre Dakj. 11Moakt 50 Hoakes von Brons un hoakt de twee Dakjen toop, daut et een gaunzet Stekj jeft. 12De haulwe Striep, waut äwa blift, saul hinjen aum Zelt rauf henjen. 13Aun de Kaunten woat dee een haulwet Meeta aun jieda Sied äwa henjen, om de Kaunt to bedakjen. 14Moakt eene Dakj von Bock Ladasch, dee root jejoaft sent, toom äwa daut Zelt, un eene Dakj von Seekoo Ladasch äwa daut ieeschte Lada. #2Mo 36,20-34
15Moakt uk Stendasch von Akozjeholt, toom daut Zelt enne Hecht hoolen. 16Jieda Stenda saul fief Meeta lank un dreevieedel Meeta breet sennen, 17un saul twee äwareene Taupes aun daut eene Enj haben. Aule Stendasch fa daut Zelt sellen äwareen sennen. 18Twintich Stendasch saust du fa de siedne Sied moaken, 19un doatoo 40 selwane Feet. Jieda Stenda kjricht twee Feet, eenen Foot unja jieda Taupen. 20Fa de aundre Sied vom Zelt, de nuadne Sied, moakt uk 20 Stendasch 21un 40 selwane Feet. Jieda Stenda saul twee Feet haben. 22Moakt sas Stendasch fa jan Enj, daut es, daut wastne Enj vom Zelt, 23un twee Stendasch fa de twee Akjen opp jan Enj. 24De Akjstendasch sent dobbelt von unjen bat bowen, un paussen bowen en eenen Rinkj nenn. Beid Akjen sellen soo jemoakt. 25Aules toop haft daut Enj acht Stendasch opp 16 Feet, emma twee Feet fa jieda Stenda.
26Wieda, sell jie Dwäastangen moaken von Akozjeholt. Moakt fief Dwäastangen fa de Stendasch aun eene Sied, 27fief fa dee aun de aundre Sied, un fief fa dee opp jan Enj vom Zelt. 28De meddelste Dwäastang saul gaunz en eent von een Enj bat daut aundre oppe Medd von de Stendasch sennen. 29Aul de Stendasch un de Dwäastangen sellen met Golt belajcht woaren. Moakt goldne Rinj aun de Stendasch fa de Dwäastangen. 30Stalt daut Zelt opp, soo aus die daut oppem Boajch jewäsen wort. #2Mo 36,35-38
31Moakt eene Gardien von bleiwe, bleiwroode un kloa roode Woll un von goodet jesponnenet Lienzeich beoabeit, von soone waut krakjte Oabeit doonen kjennen, soo daut et een Mosta von Cheruben haft. #2Chr 3,14 32Henjt de Gardien met vea goldne Hoakes opp vea Past, dee von Akozjeholt jemoakt sent un met Golt belajcht sent. Sat jieda Post opp eenen selwanen Foot. 33Henjt de Gardien aun de Hoakes, un stalt de Kjist met de Jebooten doahinja. De Gardien woat de Heilje Stow von de Aulaheilichste Stow utenaunda deelen. #2Mo 26,6.11; Mat 27,51; Heb 9,3
34Sat uk daut Veseenungsdakjsel opp de Kjist met de Jebooten enne Aulaheilichste Stow. #2Mo 25,21 35En de Stow jrod buta de Gardien, sat dän Desch aun de nuadne Sied un dän Laumpenhoola aun de siedne Sied. #2Mo 25,23-30; 40,22
36Fa dän Engank von daut Zelt, lot soone waut krakjte Mostasch wäwen kjennen, eene Gardien moaken von bleiwe, bleiwroode un kloa roode Woll un von goodet jesponnenet Lienzeich. 37Hoakt dise Gardien met goldne Hoakes aun fief Past, dee von Akozjeholt jemoakt un dan met Golt belajcht sent. Dise Past sellen jieda eenen Foot von Brons haben.
Currently Selected:
2. Mose 26: PB
Highlight
Share
Compare
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.
2. Mose 26
26
De Heilje Woninj
(2Mo 36,8-19)
1Un dan sell jie een Zelt fa de Heilje Woninj moaken von tieen breede Striepen von goodet jesponnenet Lienzeich un bleiwe, bleiwroode un kloa roode Woll. Lot eenem, dee krakjte Oabeit doonen kaun, doa een Mosta met Cheruben nenn oabeiden. 2Jieda Striep saul vieetieen Meeta lank un twee Meeta breet sennen. 3Dan neit emma fief Striepen toop, toom twee groote Dakjen moaken. 4Delenjd een Enj von de groote Dakj moakt eenen bleiwen Baunt, emma aule soo wiet faust, daut et Eesen jeft. Doo daut krakjt soo aun de aundre Dakj. 5De 50 Eesen opp daut Enj aun de eene Dakj un de 50 Eesen aun de aundre Dakj sellen jäajenäwa von eenaunda sennen. 6Moakt 50 goldne Hoakes, om de 50 Eesen von de beid Sieden toop to hoolen, soo daut daut gaunze eene Zeltdakj es.
7Moakt alw Striepen von Kosenhoa fa eene Dakj äwa daut Zelt. 8Jieda Striep saul feftieen Meeta lank un twee Meeta breet sennen. 9Stekjt de fief Striepen toop fa eene Dakj, un sas Striepen toop fa de aundre. Lajcht de saste Striep dobbelt, väaren aum Zelt. 10Dan moakt 50 Eesen delenjd de Kaunt von de eene Dakj, un 50 Eesen delenjd de Kaunt von de aundre Dakj. 11Moakt 50 Hoakes von Brons un hoakt de twee Dakjen toop, daut et een gaunzet Stekj jeft. 12De haulwe Striep, waut äwa blift, saul hinjen aum Zelt rauf henjen. 13Aun de Kaunten woat dee een haulwet Meeta aun jieda Sied äwa henjen, om de Kaunt to bedakjen. 14Moakt eene Dakj von Bock Ladasch, dee root jejoaft sent, toom äwa daut Zelt, un eene Dakj von Seekoo Ladasch äwa daut ieeschte Lada. #2Mo 36,20-34
15Moakt uk Stendasch von Akozjeholt, toom daut Zelt enne Hecht hoolen. 16Jieda Stenda saul fief Meeta lank un dreevieedel Meeta breet sennen, 17un saul twee äwareene Taupes aun daut eene Enj haben. Aule Stendasch fa daut Zelt sellen äwareen sennen. 18Twintich Stendasch saust du fa de siedne Sied moaken, 19un doatoo 40 selwane Feet. Jieda Stenda kjricht twee Feet, eenen Foot unja jieda Taupen. 20Fa de aundre Sied vom Zelt, de nuadne Sied, moakt uk 20 Stendasch 21un 40 selwane Feet. Jieda Stenda saul twee Feet haben. 22Moakt sas Stendasch fa jan Enj, daut es, daut wastne Enj vom Zelt, 23un twee Stendasch fa de twee Akjen opp jan Enj. 24De Akjstendasch sent dobbelt von unjen bat bowen, un paussen bowen en eenen Rinkj nenn. Beid Akjen sellen soo jemoakt. 25Aules toop haft daut Enj acht Stendasch opp 16 Feet, emma twee Feet fa jieda Stenda.
26Wieda, sell jie Dwäastangen moaken von Akozjeholt. Moakt fief Dwäastangen fa de Stendasch aun eene Sied, 27fief fa dee aun de aundre Sied, un fief fa dee opp jan Enj vom Zelt. 28De meddelste Dwäastang saul gaunz en eent von een Enj bat daut aundre oppe Medd von de Stendasch sennen. 29Aul de Stendasch un de Dwäastangen sellen met Golt belajcht woaren. Moakt goldne Rinj aun de Stendasch fa de Dwäastangen. 30Stalt daut Zelt opp, soo aus die daut oppem Boajch jewäsen wort. #2Mo 36,35-38
31Moakt eene Gardien von bleiwe, bleiwroode un kloa roode Woll un von goodet jesponnenet Lienzeich beoabeit, von soone waut krakjte Oabeit doonen kjennen, soo daut et een Mosta von Cheruben haft. #2Chr 3,14 32Henjt de Gardien met vea goldne Hoakes opp vea Past, dee von Akozjeholt jemoakt sent un met Golt belajcht sent. Sat jieda Post opp eenen selwanen Foot. 33Henjt de Gardien aun de Hoakes, un stalt de Kjist met de Jebooten doahinja. De Gardien woat de Heilje Stow von de Aulaheilichste Stow utenaunda deelen. #2Mo 26,6.11; Mat 27,51; Heb 9,3
34Sat uk daut Veseenungsdakjsel opp de Kjist met de Jebooten enne Aulaheilichste Stow. #2Mo 25,21 35En de Stow jrod buta de Gardien, sat dän Desch aun de nuadne Sied un dän Laumpenhoola aun de siedne Sied. #2Mo 25,23-30; 40,22
36Fa dän Engank von daut Zelt, lot soone waut krakjte Mostasch wäwen kjennen, eene Gardien moaken von bleiwe, bleiwroode un kloa roode Woll un von goodet jesponnenet Lienzeich. 37Hoakt dise Gardien met goldne Hoakes aun fief Past, dee von Akozjeholt jemoakt un dan met Golt belajcht sent. Dise Past sellen jieda eenen Foot von Brons haben.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.