2. Mose 29
29
Woo de Priesta enjesäajent saul
(3Mo 8,1-36)
1Om Aaron un siene Säns aus Priesta entosäajnen, saust du eenen jungen Boll un twee Bakj nämen, dee gaunz onen Fäla sent. 2Moak Broot, un Kuaken met Eelj doabennen, un Reeschkje met Eelj beschmäat, dee aula von fienet Weitmäl jemoakt un onen Suastoff aunjereet sent. 3Laj de veschiedne Brood en eenen Korf un brinj dee, toop met dän Boll un twee Bakj, nom Vesaumlungszelt. 4Brinj Aaron un siene Säns no däm Engank von daut Vesaumlungszelt un wausch an met Wota. 5Brinj Aaron de Priesta Kjleeda un kjleed am met dän Mauntel, dän langen jewownen Rock, un däm Efod met daut Broststekj. Binj daut Lintensträmel von dän Mauntel soo toop, daut et nich loos es. 6Sat de Koppbinj opp sien Kopp un moak de heilje Plot aun de Koppbinj aun. #2Mo 28,36; 39,30 7Dan nemm de Saulweelj un jeet daut äwa sien Kopp, om am entosäajnen. #2Mo 30,25 8Dan kjleed Aaron siene Säns met Mauntels, 9un binj de Gorts om an, un sat äare Koppbinjen opp. Dit Priesta Aumt saul opp emma fa Aaron un siene Säns sennen. Soo sellen see enjesäajent woaren. #2Mo 28,41
10Brinj dän Boll, dee fa dit reed es, ver däm Engank vom Zelt. Lot Aaron siene Henj un de Henj von siene Säns oppem Kopp vom Boll lajen. #3Mo 1,4 11Dan schlacht dän Boll en Gott siene Jäajenwuat ver däm Engank von daut Vesaumlungszelt. 12Nemm waut von daut Bloot von däm Boll, un schmäa daut met dien Finja aun de Spetzen aun de Akjen vom Aultoa. Daut äwaje Bloot jeet unjen aum Aultoa. 13Dan nemm de Floomen, un uk de Läwa un de Nieren met daut Fat, waut aun dee es, un vebrenn dee oppem Aultoa. #3Mo 3,16-17 14Daut Fleesch, daut Lada, un de Mest vebrenn buta daut Loaga. Dit es een Sindopfa. #3Mo 4,11-12
15Dan nemm eenen von de Bakj, un lot Aaron un siene Säns de Henj opp däm sien Kopp lajen. 16Schlacht däm Bock un spretz met daut Bloot runtom aun de Sieden vom Aultoa. 17Schnied dän Bock en Stekja. Wausch daut bennaschte von däm Bock un de Been un laj dee bie de Stekja un dän Kopp bie. 18Vebrenn dän gaunzen Bock oppem Aultoa. Dit es een Brauntopfa fa däm Harn, een scheenet Jeroch en een Opfafia fa däm Harn. #1Sam 2,28 19Nemm uk dän aundren Bock un lot Aaron un siene Säns de Henj opp däm sien Kopp lajen. 20Schlacht däm un schmäa von daut Bloot, Aaron un siene Säns aum rajchten Uabommel, aum rajchten Dumen un aun de rajchte groote Tee. Wieda, spretz met daut Bloot runtom aum Aultoa. 21Nemm uk noch waut von daut Bloot vom Aultoa un uk waut Eelj, waut toom ensaulwen es, un spretz daut opp Aaron un siene Kjleeda, un opp siene Säns un äare Kjleeda. Met dit woaren Aaron un siene Säns un äare Kjleeda jeheilicht sennen.
22Dan nemm daut Fat vom Bock un daut Zoagel Fat, de Floomen, dän Laupen aun de Läwa un de beid Nieren un daut Fat aun dee, un uk dän rajchten Schinkjen von däm Bock, dee toom Priesta ensäajnen es. #3Mo 3,3-4 23Nemm uk een Broot, eene Kuak met Eelj doabennen un eene Reeschkje, von däm Korf met de onjesuade Brood ver däm Harn. 24Aul dit saust du Aaron un siene Säns enne Henj jäwen, daut see dee han un trigj ver däm Harn opphäwen aus een Opfa. 25Dan nemm dee von äare Henj un vebrenn dee oppem Aultoa met däm Brauntopfa. Soon Opfafia jeft een scheenet Jeroch fa däm Harn. 26Nemm daut Broststekj von däm Bock, dee fa Aaron sien ensäajnen es, un häw daut han un trigj opp ver däm Harn aus een Opfa. Dit es dien Poat. 27Säajen daut Broststekj vom Häwopfa en, un uk dän Schinkjen vom Häwopfa, daut Aaron un siene Säns moaken. #4Mo 18,18 28Dise Stekja sellen de Israeliten emma Aaron un siene Säns jäwen. De Israeliten sellen dit von äa Dankopfa jäwen, aus äare Gow fa däm Harn.
29Aaron siene jeheilichte Kjleeda sellen siene Säns no am droagen, wan see enjesaulft un bestäticht woaren. #2Mo 28,40-41 30De Priesta, dee no am kjemt, eena von siene Säns, saul de Kjleeda säwen Doag droagen, wan hee em Vesaumlungszelt kjemt, om enne Heilje Stow to deenen. 31Nemm daut Fleesch vom Ensäajnungsbock un koak daut opp eene heilje Städ. 32Aaron un siene Säns sellen daut Fleesch, vom Ensäajnungsbock, un de Brood, von däm Korf em Engank von daut Vesaumlungszelt, äten. 33See sellen doavon äten, wuaderch see Veseenunk kjrieen, daut see bestäticht un jeheilicht woaren. Oba aundre derwen doa nich von äten, wiels de Stekja uk jeheilicht sent. #3Mo 10,17 34Wan doa von daut Fleesch ooda Broot von daut Ensäajnungsopfa äwa blift bat aum näakjsten Morjen, dan sell jie daut em Fia vebrennen. Dan doaf daut aul nich jejäten, wiels daut heilich es. 35No dise Väaschreften saust du Aaron un siene Säns ensäajnen. Daut saul säwen Doag nämen. 36Jieda Dach saust du eenen Boll opfren, aus een Sindopfa om aules to veseenen fa de Priesta. Reinj dän Aultoa uk doamet, daut du een Sindopfa moakst, om däm to veseenen, un saulw däm en, om dän to heiljen. 37Fa säwen Doag saust du däm Aultoa veseenen un däm enweien. Soo woat de Aultoa utnoms heilich sennen; waut dän dan noch aunschieet, woat doaderch jeheilicht sennen. #2Mo 30,29
De Opfa fa jieda Dach
(4Mo 28,1-8)
38Opp disen Aultoa saust du jieda Dach, emma wajch, twee eenjoasche Lama opfren. 39Opfa daut eene zemorjes, un daut aundre zeowes bie tweediesta. #2Kjen 16,15; Psa 141,2 40Met daut ieeschte Laum saust du aundathaulw Kilo Mäl, daut met een Lieta Olieweneelj un een Lieta Wien toopjerieet es, oppem Fia jeeten fa een Drinkjopfa. #2Mo 27,20 41Daut aundre Laum saust du zeowes opfren, un uk met krakjt soon Ätesopfa un Drinkjopfa aus zemorjes. Daut es een scheenet Jeroch, een Opfafia fa däm Harn.
42Dise Opfa fa däm Harn, ver däm Engank von daut Vesaumlungszelt, sellen en aul june Tieden biejehoolen woaren. Hia woa ekj junt trafen un met die räden, #2Mo 33,7; 25,2 43un hia woa ekj de Israeliten trafen. Dise Städ woat heilich sennen, wiels ekj soo harlich sie. #2Mo 33,10; 40,34 44Daut Vesaumlungszelt un dän Aultoa woa ekj heiljen. Un Aaron un siene Säns woa ekj heiljen, daut see mie aus Priesta deenen. 45Ekj woa met de Israeliten wonen, un woa äa Gott sennen, #2Mo 25,8; 3Mo 26,12; Sach 2,14 46un see woaren weeten, daut ekj de Har Gott sie, dee an ut Ägipten jebrocht hab, doaropp daut ekj mank an wonen woa. Ekj sie de Har, äa Gott. #2Mo 20,2
Currently Selected:
2. Mose 29: PB
Highlight
Share
Compare
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.
2. Mose 29
29
Woo de Priesta enjesäajent saul
(3Mo 8,1-36)
1Om Aaron un siene Säns aus Priesta entosäajnen, saust du eenen jungen Boll un twee Bakj nämen, dee gaunz onen Fäla sent. 2Moak Broot, un Kuaken met Eelj doabennen, un Reeschkje met Eelj beschmäat, dee aula von fienet Weitmäl jemoakt un onen Suastoff aunjereet sent. 3Laj de veschiedne Brood en eenen Korf un brinj dee, toop met dän Boll un twee Bakj, nom Vesaumlungszelt. 4Brinj Aaron un siene Säns no däm Engank von daut Vesaumlungszelt un wausch an met Wota. 5Brinj Aaron de Priesta Kjleeda un kjleed am met dän Mauntel, dän langen jewownen Rock, un däm Efod met daut Broststekj. Binj daut Lintensträmel von dän Mauntel soo toop, daut et nich loos es. 6Sat de Koppbinj opp sien Kopp un moak de heilje Plot aun de Koppbinj aun. #2Mo 28,36; 39,30 7Dan nemm de Saulweelj un jeet daut äwa sien Kopp, om am entosäajnen. #2Mo 30,25 8Dan kjleed Aaron siene Säns met Mauntels, 9un binj de Gorts om an, un sat äare Koppbinjen opp. Dit Priesta Aumt saul opp emma fa Aaron un siene Säns sennen. Soo sellen see enjesäajent woaren. #2Mo 28,41
10Brinj dän Boll, dee fa dit reed es, ver däm Engank vom Zelt. Lot Aaron siene Henj un de Henj von siene Säns oppem Kopp vom Boll lajen. #3Mo 1,4 11Dan schlacht dän Boll en Gott siene Jäajenwuat ver däm Engank von daut Vesaumlungszelt. 12Nemm waut von daut Bloot von däm Boll, un schmäa daut met dien Finja aun de Spetzen aun de Akjen vom Aultoa. Daut äwaje Bloot jeet unjen aum Aultoa. 13Dan nemm de Floomen, un uk de Läwa un de Nieren met daut Fat, waut aun dee es, un vebrenn dee oppem Aultoa. #3Mo 3,16-17 14Daut Fleesch, daut Lada, un de Mest vebrenn buta daut Loaga. Dit es een Sindopfa. #3Mo 4,11-12
15Dan nemm eenen von de Bakj, un lot Aaron un siene Säns de Henj opp däm sien Kopp lajen. 16Schlacht däm Bock un spretz met daut Bloot runtom aun de Sieden vom Aultoa. 17Schnied dän Bock en Stekja. Wausch daut bennaschte von däm Bock un de Been un laj dee bie de Stekja un dän Kopp bie. 18Vebrenn dän gaunzen Bock oppem Aultoa. Dit es een Brauntopfa fa däm Harn, een scheenet Jeroch en een Opfafia fa däm Harn. #1Sam 2,28 19Nemm uk dän aundren Bock un lot Aaron un siene Säns de Henj opp däm sien Kopp lajen. 20Schlacht däm un schmäa von daut Bloot, Aaron un siene Säns aum rajchten Uabommel, aum rajchten Dumen un aun de rajchte groote Tee. Wieda, spretz met daut Bloot runtom aum Aultoa. 21Nemm uk noch waut von daut Bloot vom Aultoa un uk waut Eelj, waut toom ensaulwen es, un spretz daut opp Aaron un siene Kjleeda, un opp siene Säns un äare Kjleeda. Met dit woaren Aaron un siene Säns un äare Kjleeda jeheilicht sennen.
22Dan nemm daut Fat vom Bock un daut Zoagel Fat, de Floomen, dän Laupen aun de Läwa un de beid Nieren un daut Fat aun dee, un uk dän rajchten Schinkjen von däm Bock, dee toom Priesta ensäajnen es. #3Mo 3,3-4 23Nemm uk een Broot, eene Kuak met Eelj doabennen un eene Reeschkje, von däm Korf met de onjesuade Brood ver däm Harn. 24Aul dit saust du Aaron un siene Säns enne Henj jäwen, daut see dee han un trigj ver däm Harn opphäwen aus een Opfa. 25Dan nemm dee von äare Henj un vebrenn dee oppem Aultoa met däm Brauntopfa. Soon Opfafia jeft een scheenet Jeroch fa däm Harn. 26Nemm daut Broststekj von däm Bock, dee fa Aaron sien ensäajnen es, un häw daut han un trigj opp ver däm Harn aus een Opfa. Dit es dien Poat. 27Säajen daut Broststekj vom Häwopfa en, un uk dän Schinkjen vom Häwopfa, daut Aaron un siene Säns moaken. #4Mo 18,18 28Dise Stekja sellen de Israeliten emma Aaron un siene Säns jäwen. De Israeliten sellen dit von äa Dankopfa jäwen, aus äare Gow fa däm Harn.
29Aaron siene jeheilichte Kjleeda sellen siene Säns no am droagen, wan see enjesaulft un bestäticht woaren. #2Mo 28,40-41 30De Priesta, dee no am kjemt, eena von siene Säns, saul de Kjleeda säwen Doag droagen, wan hee em Vesaumlungszelt kjemt, om enne Heilje Stow to deenen. 31Nemm daut Fleesch vom Ensäajnungsbock un koak daut opp eene heilje Städ. 32Aaron un siene Säns sellen daut Fleesch, vom Ensäajnungsbock, un de Brood, von däm Korf em Engank von daut Vesaumlungszelt, äten. 33See sellen doavon äten, wuaderch see Veseenunk kjrieen, daut see bestäticht un jeheilicht woaren. Oba aundre derwen doa nich von äten, wiels de Stekja uk jeheilicht sent. #3Mo 10,17 34Wan doa von daut Fleesch ooda Broot von daut Ensäajnungsopfa äwa blift bat aum näakjsten Morjen, dan sell jie daut em Fia vebrennen. Dan doaf daut aul nich jejäten, wiels daut heilich es. 35No dise Väaschreften saust du Aaron un siene Säns ensäajnen. Daut saul säwen Doag nämen. 36Jieda Dach saust du eenen Boll opfren, aus een Sindopfa om aules to veseenen fa de Priesta. Reinj dän Aultoa uk doamet, daut du een Sindopfa moakst, om däm to veseenen, un saulw däm en, om dän to heiljen. 37Fa säwen Doag saust du däm Aultoa veseenen un däm enweien. Soo woat de Aultoa utnoms heilich sennen; waut dän dan noch aunschieet, woat doaderch jeheilicht sennen. #2Mo 30,29
De Opfa fa jieda Dach
(4Mo 28,1-8)
38Opp disen Aultoa saust du jieda Dach, emma wajch, twee eenjoasche Lama opfren. 39Opfa daut eene zemorjes, un daut aundre zeowes bie tweediesta. #2Kjen 16,15; Psa 141,2 40Met daut ieeschte Laum saust du aundathaulw Kilo Mäl, daut met een Lieta Olieweneelj un een Lieta Wien toopjerieet es, oppem Fia jeeten fa een Drinkjopfa. #2Mo 27,20 41Daut aundre Laum saust du zeowes opfren, un uk met krakjt soon Ätesopfa un Drinkjopfa aus zemorjes. Daut es een scheenet Jeroch, een Opfafia fa däm Harn.
42Dise Opfa fa däm Harn, ver däm Engank von daut Vesaumlungszelt, sellen en aul june Tieden biejehoolen woaren. Hia woa ekj junt trafen un met die räden, #2Mo 33,7; 25,2 43un hia woa ekj de Israeliten trafen. Dise Städ woat heilich sennen, wiels ekj soo harlich sie. #2Mo 33,10; 40,34 44Daut Vesaumlungszelt un dän Aultoa woa ekj heiljen. Un Aaron un siene Säns woa ekj heiljen, daut see mie aus Priesta deenen. 45Ekj woa met de Israeliten wonen, un woa äa Gott sennen, #2Mo 25,8; 3Mo 26,12; Sach 2,14 46un see woaren weeten, daut ekj de Har Gott sie, dee an ut Ägipten jebrocht hab, doaropp daut ekj mank an wonen woa. Ekj sie de Har, äa Gott. #2Mo 20,2
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.