2. Mose 28
28
De Kjleeda fa de Priesta
(2Mo 39,1-7)
1Nu lot Aaron, dien Brooda, un siene Säns, Nadab, Abihu, Eleasar en Itamar, ver die jebrocht woaren. Ekj beroop dise von em Volkj, daut see mie sellen aus Priesta deenen. #2Mo 6,23; 1Chr 23,13 2Lot fa Aaron, dienen Brooda, jeheilichte Rakj moaken dee schmock loten, un am aus Priesta ieren. 3Saj aul de konstfäje Oabeida, dee ekj Weisheit jejäft hab fa soone Oabeit, daut see Rakj moaken fa Aaron, dee am oppoat saten, soo daut hee mie kaun aus Priesta deenen. #2Mo 31,3
4Om daut Aaron, dien Brooda, un siene Säns mie aus Priesta deenen, sellen see dise Kjleeda haben, dee an oppoat saten: Een Broststekj, een Efod, eenen langen Rock, een Mauntel, eene Koppbinj un een Gort. 5See sellen goldnen Twierem un bleiwe, bleiwroode un kloa roode Woll un uk goodet Lienzeich doatoo brucken. #2Mo 26,1
6De Efod saul met goldnen Twierem un von bleiwe, bleiwroode un kloa roode Woll, un von goodet jesponnenet Lienzeich jemoakt woaren, von soone waut krakjte Oabeit doonen kjennen. 7Moakt twee Schulla Strämels, eent fa jieda Schulla un moakt dee aum Efod, väaren un hinjen, faust. 8Daut Gortsträmel saul soo krakjt jemoakt woaren aus de Efod, von goldnen Twierem, von bleiwe, bleiwroode un kloa roode Woll un von goodet jesponnenet Lienzeich. 9Dan nämt twee Onniks Steena un lot de Nomes von Israel siene Säns #2Mo 25,7 10no de Rieej nom ella doa nenschnitzen, sas en dän eenen, un dee äwaje sas en dän aundren. 11Dise Oabeit saul von soone Oabeida jedonen woaren, waut diere Steena krakjt schnitzen kjennen, soo daut dee twalw Nomes doa nopp komen, un dan de Steena noch eenen goldnen Raunt kjrieen. 12Dise twee Steena sellen Aundenkjsteena oppe Schulren von Aaron sien Efod sennen, soo daut de Har woat Israel siene Säns em Denkj hoolen. 13Wan jie dän goldnen Raunt moaken, 14dan moakt daut en eent met eene fiene jeflochtne Kjäd von reinet Golt, eene aun jieda Schulla.
Daut Broststekj fa däm Priesta
(2Mo 39,8-21)
15Moakt uk noch een Broststekj toom unjascheeden, daut uk von soone jemoakt woat, waut krakjte Oabeit doonen kjennen. Daut saul krakjt soo aus de Efod, met goldnen Twierem, bleiwe, bleiwroode un kloa roode Woll, un goodet jesponnenet Lienzeich jemoakt woaren. 16Dit Stekj saul em veakaunt sennen, emma 25 Zentimeeta aun jieda Sied, un dobbelt jenomen, soo aus eene Fupp. 17Von väaren sellen doa kostboare Steena naun jesat woaren, en vea Rieej. Enne ieeschte Rieej sellen daut een Sarder, een Topas un een Smaracht sennen; 18en de tweede Rieej sellen daut een Rubin, een Safier un een Diamaunt sennen; 19en de dredde Rieej, een Linkurer, een Achat un een Ametist; 20un en de vieede Rieej, een Turkis, een Onniks un een Jaspies. Een jiedra saul en eenen goldnen Raunt jesat. 21En jieda Steen saul de Nomen von eenen von Israel siene twalw Säns nenn jeschnizt, soo daut de Nomes oppligjent sent.
22Moakt fiene jeflochtne Kjätkjes von reinet Golt. 23Aun de bowaschte Akjen vom Broststekj, sell jie kjliene goldne Rinj naun moaken. 24Moakt twee von de goldne Kjätkjes, jieda aun eenen von dise Rinj, 25un daut aundre Enj von de Kjätkjes aun de Rinj aun de Steena, dee oppe Schulla von Aaron sien Efod sent. 26Moakt uk Rinj aun de unjaschte Akjen von daut Broststekj aun bennakaunt. 27De goldne Kjätkjes aun dise, sell jie opp daut aundre Enj aun goldne Rinj faust moaken, dee doa aum unjaschten Enj vom Schulla Strämel, aum unjaschten Soom vom Efod sent. 28Dan sellen derch de Rinj aum Broststekj een bleiwa Baunt jetrocken, dee aun de Enja derch de Rinj aun de Lint von däm Efod faust sent, soo daut daut Broststekj nich vom Efod wajchschoklen kaun. 29Aaron woat soo emma de Nomes von Israel siene Säns, opp daut Broststekj toom unjascheeden, krakjt äwa sien Hoat droagen, wan hee enne Heilje Stow nenn jeit. Dee woaren emma ver däm Harn toom aundenkjen sennen. 30En daut Broststekj toom unjascheeden sell jie de Lessa, de Urim un de Tummim lajen, soo daut emma wan Aaron ver däm Harn kjemt, hee dan de gaunze Tiet dise Lessa fa de Israeliten ver Gott äwa sien Hoat drajcht. #3Mo 8,8; 4Mo 27,21; 5Mo 33,8
De Kjleeda fa de Priesta
(2Mo 39,22-26.30-31)
31Aaron sien Rock, toom äwa däm Efod, saul gaunz von bleiwe Woll jemoakt, 32met daut Kopploch enne Medd. Soo daut daut Kopploch nich opritt, wäft eenen Raunt runtom daut Kopploch. 33Bowa däm unjaschten Soom, sell jie Apel utneien met bleiwe, bleiwroode un kloa roode Woll. Tweschen de Apel moakt goldne Kjlinjasch aun, 34soo daut doa emma een Kjlinja tweschen twee Apel es. 35Dit saul Aaron soo droagen, wan hee deent. Hee woat dan emma to hieren sennen, wan hee en de Heilje Stow ver däm Harn nenn ooda rut jeit. Onen de Kjlinjasch kunn hee sikj en Doodesjefoa saten. #2Mo 30,21; 3Mo 16,2.13
36Moakt eene goldne Plot met de Wieed doa nenn jeschnizt: “Däm Harn jeweit”. 37Henjt de Plot met eenen bleiwen Baunt väaren aun Aaron siene Koppbinj, 38soo daut de Plot ver sienen Stiern henjt. Aaron woat aul de bekjande un onbekjande Schult droagen, dee de Israeliten derch aul äare Opfa ver däm Harn brinjen. Aaron saul daut bestendich oppem Stiern droagen, soo daut dit Volkj ver däm Harn aunjenomen woat bliewen.
39De Mauntel saul von goodet Lienzeich jewowen woaren, soo aus uk de Koppbinj. De Gort saul schmock jewowen woaren. #2Mo 39,27-29
40Moakt uk lange Mauntels un Gorts un Koppbinjen fa Aaron siene Säns, dee an ieren un wuamet an schmock lat. #2Mo 28,2 41Jäft Aaron, dien Brooda, un siene Säns dise Kjleeda to droagen, un dan saulw dee un bestätij dee un wei dee en, daut see mie aus Priesta deenen. #2Mo 29,9.29-36 42Moakt uk Unjabekjsen von Lienzeich, dee von de Hoften bat de Schinkjes rieekjen, om de kole Hut to bedakjen. 43Aaron un siene Säns sellen dise Bekjsen jiedatsmol droagen, wan see em Vesaumlungszelt nengonen ooda nom Aultoa opptoo gonen, om enne Heilje Stow nenn to gonen to deenen, soo daut see nich schuldich woaren un stoawen motten. Dit sellen hee un siene Nokomen bestendich soo biehoolen.
Currently Selected:
2. Mose 28: PB
Highlight
Share
Compare
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.
2. Mose 28
28
De Kjleeda fa de Priesta
(2Mo 39,1-7)
1Nu lot Aaron, dien Brooda, un siene Säns, Nadab, Abihu, Eleasar en Itamar, ver die jebrocht woaren. Ekj beroop dise von em Volkj, daut see mie sellen aus Priesta deenen. #2Mo 6,23; 1Chr 23,13 2Lot fa Aaron, dienen Brooda, jeheilichte Rakj moaken dee schmock loten, un am aus Priesta ieren. 3Saj aul de konstfäje Oabeida, dee ekj Weisheit jejäft hab fa soone Oabeit, daut see Rakj moaken fa Aaron, dee am oppoat saten, soo daut hee mie kaun aus Priesta deenen. #2Mo 31,3
4Om daut Aaron, dien Brooda, un siene Säns mie aus Priesta deenen, sellen see dise Kjleeda haben, dee an oppoat saten: Een Broststekj, een Efod, eenen langen Rock, een Mauntel, eene Koppbinj un een Gort. 5See sellen goldnen Twierem un bleiwe, bleiwroode un kloa roode Woll un uk goodet Lienzeich doatoo brucken. #2Mo 26,1
6De Efod saul met goldnen Twierem un von bleiwe, bleiwroode un kloa roode Woll, un von goodet jesponnenet Lienzeich jemoakt woaren, von soone waut krakjte Oabeit doonen kjennen. 7Moakt twee Schulla Strämels, eent fa jieda Schulla un moakt dee aum Efod, väaren un hinjen, faust. 8Daut Gortsträmel saul soo krakjt jemoakt woaren aus de Efod, von goldnen Twierem, von bleiwe, bleiwroode un kloa roode Woll un von goodet jesponnenet Lienzeich. 9Dan nämt twee Onniks Steena un lot de Nomes von Israel siene Säns #2Mo 25,7 10no de Rieej nom ella doa nenschnitzen, sas en dän eenen, un dee äwaje sas en dän aundren. 11Dise Oabeit saul von soone Oabeida jedonen woaren, waut diere Steena krakjt schnitzen kjennen, soo daut dee twalw Nomes doa nopp komen, un dan de Steena noch eenen goldnen Raunt kjrieen. 12Dise twee Steena sellen Aundenkjsteena oppe Schulren von Aaron sien Efod sennen, soo daut de Har woat Israel siene Säns em Denkj hoolen. 13Wan jie dän goldnen Raunt moaken, 14dan moakt daut en eent met eene fiene jeflochtne Kjäd von reinet Golt, eene aun jieda Schulla.
Daut Broststekj fa däm Priesta
(2Mo 39,8-21)
15Moakt uk noch een Broststekj toom unjascheeden, daut uk von soone jemoakt woat, waut krakjte Oabeit doonen kjennen. Daut saul krakjt soo aus de Efod, met goldnen Twierem, bleiwe, bleiwroode un kloa roode Woll, un goodet jesponnenet Lienzeich jemoakt woaren. 16Dit Stekj saul em veakaunt sennen, emma 25 Zentimeeta aun jieda Sied, un dobbelt jenomen, soo aus eene Fupp. 17Von väaren sellen doa kostboare Steena naun jesat woaren, en vea Rieej. Enne ieeschte Rieej sellen daut een Sarder, een Topas un een Smaracht sennen; 18en de tweede Rieej sellen daut een Rubin, een Safier un een Diamaunt sennen; 19en de dredde Rieej, een Linkurer, een Achat un een Ametist; 20un en de vieede Rieej, een Turkis, een Onniks un een Jaspies. Een jiedra saul en eenen goldnen Raunt jesat. 21En jieda Steen saul de Nomen von eenen von Israel siene twalw Säns nenn jeschnizt, soo daut de Nomes oppligjent sent.
22Moakt fiene jeflochtne Kjätkjes von reinet Golt. 23Aun de bowaschte Akjen vom Broststekj, sell jie kjliene goldne Rinj naun moaken. 24Moakt twee von de goldne Kjätkjes, jieda aun eenen von dise Rinj, 25un daut aundre Enj von de Kjätkjes aun de Rinj aun de Steena, dee oppe Schulla von Aaron sien Efod sent. 26Moakt uk Rinj aun de unjaschte Akjen von daut Broststekj aun bennakaunt. 27De goldne Kjätkjes aun dise, sell jie opp daut aundre Enj aun goldne Rinj faust moaken, dee doa aum unjaschten Enj vom Schulla Strämel, aum unjaschten Soom vom Efod sent. 28Dan sellen derch de Rinj aum Broststekj een bleiwa Baunt jetrocken, dee aun de Enja derch de Rinj aun de Lint von däm Efod faust sent, soo daut daut Broststekj nich vom Efod wajchschoklen kaun. 29Aaron woat soo emma de Nomes von Israel siene Säns, opp daut Broststekj toom unjascheeden, krakjt äwa sien Hoat droagen, wan hee enne Heilje Stow nenn jeit. Dee woaren emma ver däm Harn toom aundenkjen sennen. 30En daut Broststekj toom unjascheeden sell jie de Lessa, de Urim un de Tummim lajen, soo daut emma wan Aaron ver däm Harn kjemt, hee dan de gaunze Tiet dise Lessa fa de Israeliten ver Gott äwa sien Hoat drajcht. #3Mo 8,8; 4Mo 27,21; 5Mo 33,8
De Kjleeda fa de Priesta
(2Mo 39,22-26.30-31)
31Aaron sien Rock, toom äwa däm Efod, saul gaunz von bleiwe Woll jemoakt, 32met daut Kopploch enne Medd. Soo daut daut Kopploch nich opritt, wäft eenen Raunt runtom daut Kopploch. 33Bowa däm unjaschten Soom, sell jie Apel utneien met bleiwe, bleiwroode un kloa roode Woll. Tweschen de Apel moakt goldne Kjlinjasch aun, 34soo daut doa emma een Kjlinja tweschen twee Apel es. 35Dit saul Aaron soo droagen, wan hee deent. Hee woat dan emma to hieren sennen, wan hee en de Heilje Stow ver däm Harn nenn ooda rut jeit. Onen de Kjlinjasch kunn hee sikj en Doodesjefoa saten. #2Mo 30,21; 3Mo 16,2.13
36Moakt eene goldne Plot met de Wieed doa nenn jeschnizt: “Däm Harn jeweit”. 37Henjt de Plot met eenen bleiwen Baunt väaren aun Aaron siene Koppbinj, 38soo daut de Plot ver sienen Stiern henjt. Aaron woat aul de bekjande un onbekjande Schult droagen, dee de Israeliten derch aul äare Opfa ver däm Harn brinjen. Aaron saul daut bestendich oppem Stiern droagen, soo daut dit Volkj ver däm Harn aunjenomen woat bliewen.
39De Mauntel saul von goodet Lienzeich jewowen woaren, soo aus uk de Koppbinj. De Gort saul schmock jewowen woaren. #2Mo 39,27-29
40Moakt uk lange Mauntels un Gorts un Koppbinjen fa Aaron siene Säns, dee an ieren un wuamet an schmock lat. #2Mo 28,2 41Jäft Aaron, dien Brooda, un siene Säns dise Kjleeda to droagen, un dan saulw dee un bestätij dee un wei dee en, daut see mie aus Priesta deenen. #2Mo 29,9.29-36 42Moakt uk Unjabekjsen von Lienzeich, dee von de Hoften bat de Schinkjes rieekjen, om de kole Hut to bedakjen. 43Aaron un siene Säns sellen dise Bekjsen jiedatsmol droagen, wan see em Vesaumlungszelt nengonen ooda nom Aultoa opptoo gonen, om enne Heilje Stow nenn to gonen to deenen, soo daut see nich schuldich woaren un stoawen motten. Dit sellen hee un siene Nokomen bestendich soo biehoolen.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.