2. Mose 37
37
De Bundeskjist
(2Mo 25,10-22)
1Bezalel muak de Bundeskjist von Akozjeholt. De Kjist wia een un een vieedel Meeta lank, dreevieedel Meeta breet un dreevieedel Meeta huach. 2Hee un siene Oabeida beläden dee von bennen un von buten met reinet Golt, un see muaken aun de bowakaunt eene goldne Leest. 3Opp jieda Akj wort een goldna Rinkj aunjemoakt, twee aun eene Sied un twee aun de aundre. 4Dan muaken see Droagstangen von Akozjeholt un beläden dee met Golt. 5Eene Droagstang wort aun jieda Sied enne Rinj nenn jepaust, soo daut see de Kjist doamet droagen kunnen. 6See muaken daut Veseenungsdakjsel, uk von reinet Golt, een un een vieedel Meeta lank, un dreevieedel Meeta breet. 7Dan muaken see de twee Cheruben, von jekloptet Golt, eenen opp jieda Enj vom Dakjsel. 8De Cheruben opp de twee Enja wieren en eent met daut Dakjsel jemoakt, 9un äare Flichten wieren oppjehowen un bedakjten daut Dakjsel. De Cheruben stunden eena nom aundren opptoo jerecht, un see kjikjten no daut Dakjsel.
De Desch fa daut jeweide Broot
(2Mo 25,23-30)
10See muaken dan dän Desch von Akozjeholt. Dee wia een Meeta lank, een haulwet Meeta breet un dreevieedel Meeta huach. 11Dee wort gaunz met reinet Golt belajcht. De Desch haud eene straume goldne Leest runtom, 12un dan noch eenen Raunt, aus Hauntbreet huach, met eene straume goldne Leest doaraun. 13Aun beid Kaunten vom Desch wort een goldna Rinkj opp de Akjen aun de Feet naun jemoakt. 14Dee worden ernoa huach, dicht biem Raunt, aunjemoakt un wieren toom dän Desch droagen. 15De Droagstangen toom dän Desch droagen worden von Akozjeholt jemoakt un met Golt belajcht. 16See muaken uk de Kommen un Schiewen un de Kaunen un Läpels fa daut Drinkjopfa, aula von Golt.
De Laumpenhoola
(2Mo 25,31-40)
17See muaken dän Laumpenhoola von reinet jekloptet Golt. Daut Meddelstekj un de Foot, toop met de bloomje Kuffels un äare Knoppes un Blieechsels, wieren aula een Stekj. 18Doa wieren sas Oarms aum Laumpenhoola, dree aun jieda Sied. 19Doa wieren dree bloomje Kuffels, een jiedat met Knoppes un Blieechsels, aun jieda Oarm, 20un vea von dise bloomje Kuffels aum Meddelstekj, 21emma eent jrod unja de Städ wua twee Oarms aum Meddelstekj naun kjeemen. 22De gaunza Laumpenhoola met Meddelstekj, Foot, Oarms, un de bloomje Kuffels wia aula een Stekj jekloptet Golt. 23See muaken uk de säwen Laumpen von Golt, un uk de Scheeren toom de Dochten bekjnipsen, un de Schiewen toom de Scheeren hoolen. 24Bezalel brukt 35 Kilo reinet Golt om däm Laumpenhoola un aul daut Toobehia doatoo to moaken.
De Ruakopfa Aultoa un de Saulw Eelj
(2Mo 30,1-5.22-38)
25See muaken uk dän Ruakopfa Aultoa. Dee wort von Akozjeholt jemoakt met de Mot von een haulwet Meeta bie een haulwet Meeta, un een Meeta huach. De Aultoa wort en eent met de Spetzen opp de Akjen jemoakt. 26Dee wort dan uk met Golt belajcht von bowen, von de Sieden un äwa de Spetzen, un runtom kjrieech dee eene goldne Leest. 27Jrod unja de Leest worden, aun twee Sieden, dee eena jäajenäwa vom aundren wieren, twee goldne Rinj aunjebrocht, wua de Droagstangen nenn pausten toom dän Aultoa droagen. 28De Droagstangen wieren von Akozjeholt jemoakt un met Golt belajcht. 29See muaken uk de heilje Saulweelj un dän reinen scheenrikjenden Weiruak. Dit wort von soone jemoakt dee ea doamet jeoabeit hauden.
Currently Selected:
2. Mose 37: PB
Highlight
Share
Compare
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.
2. Mose 37
37
De Bundeskjist
(2Mo 25,10-22)
1Bezalel muak de Bundeskjist von Akozjeholt. De Kjist wia een un een vieedel Meeta lank, dreevieedel Meeta breet un dreevieedel Meeta huach. 2Hee un siene Oabeida beläden dee von bennen un von buten met reinet Golt, un see muaken aun de bowakaunt eene goldne Leest. 3Opp jieda Akj wort een goldna Rinkj aunjemoakt, twee aun eene Sied un twee aun de aundre. 4Dan muaken see Droagstangen von Akozjeholt un beläden dee met Golt. 5Eene Droagstang wort aun jieda Sied enne Rinj nenn jepaust, soo daut see de Kjist doamet droagen kunnen. 6See muaken daut Veseenungsdakjsel, uk von reinet Golt, een un een vieedel Meeta lank, un dreevieedel Meeta breet. 7Dan muaken see de twee Cheruben, von jekloptet Golt, eenen opp jieda Enj vom Dakjsel. 8De Cheruben opp de twee Enja wieren en eent met daut Dakjsel jemoakt, 9un äare Flichten wieren oppjehowen un bedakjten daut Dakjsel. De Cheruben stunden eena nom aundren opptoo jerecht, un see kjikjten no daut Dakjsel.
De Desch fa daut jeweide Broot
(2Mo 25,23-30)
10See muaken dan dän Desch von Akozjeholt. Dee wia een Meeta lank, een haulwet Meeta breet un dreevieedel Meeta huach. 11Dee wort gaunz met reinet Golt belajcht. De Desch haud eene straume goldne Leest runtom, 12un dan noch eenen Raunt, aus Hauntbreet huach, met eene straume goldne Leest doaraun. 13Aun beid Kaunten vom Desch wort een goldna Rinkj opp de Akjen aun de Feet naun jemoakt. 14Dee worden ernoa huach, dicht biem Raunt, aunjemoakt un wieren toom dän Desch droagen. 15De Droagstangen toom dän Desch droagen worden von Akozjeholt jemoakt un met Golt belajcht. 16See muaken uk de Kommen un Schiewen un de Kaunen un Läpels fa daut Drinkjopfa, aula von Golt.
De Laumpenhoola
(2Mo 25,31-40)
17See muaken dän Laumpenhoola von reinet jekloptet Golt. Daut Meddelstekj un de Foot, toop met de bloomje Kuffels un äare Knoppes un Blieechsels, wieren aula een Stekj. 18Doa wieren sas Oarms aum Laumpenhoola, dree aun jieda Sied. 19Doa wieren dree bloomje Kuffels, een jiedat met Knoppes un Blieechsels, aun jieda Oarm, 20un vea von dise bloomje Kuffels aum Meddelstekj, 21emma eent jrod unja de Städ wua twee Oarms aum Meddelstekj naun kjeemen. 22De gaunza Laumpenhoola met Meddelstekj, Foot, Oarms, un de bloomje Kuffels wia aula een Stekj jekloptet Golt. 23See muaken uk de säwen Laumpen von Golt, un uk de Scheeren toom de Dochten bekjnipsen, un de Schiewen toom de Scheeren hoolen. 24Bezalel brukt 35 Kilo reinet Golt om däm Laumpenhoola un aul daut Toobehia doatoo to moaken.
De Ruakopfa Aultoa un de Saulw Eelj
(2Mo 30,1-5.22-38)
25See muaken uk dän Ruakopfa Aultoa. Dee wort von Akozjeholt jemoakt met de Mot von een haulwet Meeta bie een haulwet Meeta, un een Meeta huach. De Aultoa wort en eent met de Spetzen opp de Akjen jemoakt. 26Dee wort dan uk met Golt belajcht von bowen, von de Sieden un äwa de Spetzen, un runtom kjrieech dee eene goldne Leest. 27Jrod unja de Leest worden, aun twee Sieden, dee eena jäajenäwa vom aundren wieren, twee goldne Rinj aunjebrocht, wua de Droagstangen nenn pausten toom dän Aultoa droagen. 28De Droagstangen wieren von Akozjeholt jemoakt un met Golt belajcht. 29See muaken uk de heilje Saulweelj un dän reinen scheenrikjenden Weiruak. Dit wort von soone jemoakt dee ea doamet jeoabeit hauden.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.