1. Mose 43
43
Jakob lat Benjamin metreisen
1De Hungaschnoot jeef nich no, 2un aus see dän Väarot, dän see von Ägipten jebrocht hauden opp hauden, säd Jakob to an: Got noch wada un kjeept waut Jeträajd. 3Un Juda säd: De Maun wia sea iernst aus hee ons woarnd daut wie am nich wada seenen wudden, wan wie nich onsen Brooda met ons hauden. #1Mo 42,15.34 4Wan du am latst met gonen, dan go wie Äten kjeepen. 5Oba wan du daut nich latst, dan go wie nich. De Maun säd ons: Jie woaren mie nich noch een mol seenen, wan jie nich junen Brooda met haben. 6Un Israel säd: Wuarom behaundel jie mie soo schlajcht, daut jie am säden, daut jie noch eenen Brooda hauden? 7Un see säden: De Maun fruach ons aules ut äwa ons un onse Famielje, un fruach uk: Läft jun Voda noch? un: Hab jie noch eenen Brooda? Waut wie am säden wia bloos no waut hee fruach. Wie kunnen nich weeten, daut hee sajen wudd: Brinjt junen Brooda häa. #1Mo 42,7-13
8Un Juda säd to sienen Voda Jakob: Vetru mie met dän Jung, un dan kjenn wie gonen, daut wie un du un onse Kjinja läwen kjennen un nich vehungren brucken. 9Ekj woa de Birj fa am sennen. Du kaust mie veauntwuatlich hoolen. Wan ekj am nich trigj brinj bat hia ver die, dan woa ekj opp emma schuldich sennen. 10Wan wie nich eegol oppjeschowen hauden, wia wie aul tweemol han en trigj. 11Schlieslich säd äa Voda, Jakob: Wan daut soo mott sennen, dan doot daut. Nämt von daut baste waut wie hia haben aus een Jeschenkj fa däm Gowernia. Nämt een bät Honnich, waut Maundlen un aundre Näten, un uk waut Kjeen, Mirren un Kjriedarie. #Spr 18,16 12Nämt daut dobbelde Jelt met, daut jie von väajemol betolen kjennen. Daut woat veleicht een Fäla jewast sennen. #1Mo 42,27.35 13Moakt junt reed un nämt junen Brooda un got no däm Maun. 14Mucht Gott, dee aule Macht haft, junt halpen, daut de Maun junt woat jenstich sennen un junen aundren Brooda un Benjamin woat trigj schekjen. Wan ekj mott von de Kjinja Aufscheet nämen, dan mott ekj äwent. #1Mo 42,36
15Un de Breeda neemen daut Jeschenkj, daut dobbelde Jelt un Benjamin un reisden auf no Ägipten.
Aus see ver Josef kjeemen, 16un Josef sach daut Benjamin met an wia, säd hee to sienen Deena: Brinj de Mana en mien Hus nenn. Ekj woa vondoag met dise toop Meddach äten. Schlacht een Tia un reed daut fa ons. 17De Deena deed waut Josef säd un neem de Breeda en Josef sien Hus.
18De Breeda enjst daut sea, daut see en Josef sien Hus nenn jebrocht worden. See säden: Dit es woll wäajen daut Jelt, woont daut ieeschtemol trigj en onse Sakj nenn jelajcht wia. See brinjen ons hia nenn, daut see ons faust haben, un ons kjennen to Sklowen moaken un onse Äsels wajchnämen kjennen. #1Mo 42,28 19Un see jinjen no Josef sien Hus un räden doa ver de Däa met däm Huskjnajcht. 20See säden: Wie wieren hia eemol ea toom Jeträajd kjeepen. 21Aus wie dan oppem Trigjwajch to Nacht stell hilden un onse Sakj opmuaken, wia doa en jiedrem sien Sak een Pinjel Jelt, soo väl aus wie jetolt hauden. Wie haben daut nu trigj jebrocht, 22un wie haben aundret Jelt met toom mea Jeträajd kjeepen. Wie weeten nich wäa daut Jelt en onse Sakj nenn jestopt haft. 23Un hee säd: Siet ruich un enjst junt nich. Jun Gott un de Gott fa junen Voda mott doa eenen Schauz en june Sakj nenn jelajcht haben. Ekj kjrieech dan jun Jelt. Dan brochten see Simeon no an. #1Mo 42,24 24Un aus hee an en Josef sien Hus nenn jebrocht haud, jeef hee an Wota daut see sikj kunnen de Feet wauschen, un foodad uk äare Äsels. 25Un de Breeda muaken äa Jeschenkj fa Josef reed, daut see am daut opp Meddach jäwen kunnen. See hauden vestonen, daut see met am äten wudden.
26Un aus Josef nenn kjeem, brochten de Breeda sien Jeschenkj nenn no am un kjneeden sikj bat de Ieed ver am. 27Dan fruach hee woo daut met an jinkj un säd: Es jun Voda koasch, de Oola Maun von wäm jie väajemol räden? Läft dee noch? 28Un see säden: Dien Kjnajcht, ons Voda, es jesunt, un hee läft noch. Dan kjneeden see sikj wada bat de Ieed ver am. #1Mo 37,7.9 29Un hee kjikjt an delenjd un sach sienen Brooda Benjamin, dee siene Mutta äa Sän wia, un hee säd: Es dit jun jinjsta Brooda, von däm jie väajemol räden? Mucht Gott goot to die sennen, mien Jung. 30Un Josef jinkj schwind enne aundre Stow un hield doa, wiels hee sikj soo to sienen Brooda freid. 31Oba dan wosch hee sien Jesecht un kjeem trigj. Hee hilt sikj stiew un säd: Well wie äten. 32Josef saut aun eenen Desch un de Breeda aun eenen aundren. De Ägipta dee doa met an eeten, eeten oppoat aun eenen Desch, wiels an wia daut too jemeen met de Hebräa to äten. #1Mo 39,6; 46,34; 2Mo 8,22 33De Breeda sauten ver Josef un sauten nom ella vom elsten bat däm jinjsten. De Breeda kjikjten sikj unja eenaunda aun un wundaden sikj. 34Un de Breeda wort Äten jebrocht von Josef sienen Desch. Un Benjamin siene Schiew haud fiewmol soo väl aus de aundre. See drunken un eeten sikj saut.
Currently Selected:
1. Mose 43: PB
Highlight
Share
Compare
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.
1. Mose 43
43
Jakob lat Benjamin metreisen
1De Hungaschnoot jeef nich no, 2un aus see dän Väarot, dän see von Ägipten jebrocht hauden opp hauden, säd Jakob to an: Got noch wada un kjeept waut Jeträajd. 3Un Juda säd: De Maun wia sea iernst aus hee ons woarnd daut wie am nich wada seenen wudden, wan wie nich onsen Brooda met ons hauden. #1Mo 42,15.34 4Wan du am latst met gonen, dan go wie Äten kjeepen. 5Oba wan du daut nich latst, dan go wie nich. De Maun säd ons: Jie woaren mie nich noch een mol seenen, wan jie nich junen Brooda met haben. 6Un Israel säd: Wuarom behaundel jie mie soo schlajcht, daut jie am säden, daut jie noch eenen Brooda hauden? 7Un see säden: De Maun fruach ons aules ut äwa ons un onse Famielje, un fruach uk: Läft jun Voda noch? un: Hab jie noch eenen Brooda? Waut wie am säden wia bloos no waut hee fruach. Wie kunnen nich weeten, daut hee sajen wudd: Brinjt junen Brooda häa. #1Mo 42,7-13
8Un Juda säd to sienen Voda Jakob: Vetru mie met dän Jung, un dan kjenn wie gonen, daut wie un du un onse Kjinja läwen kjennen un nich vehungren brucken. 9Ekj woa de Birj fa am sennen. Du kaust mie veauntwuatlich hoolen. Wan ekj am nich trigj brinj bat hia ver die, dan woa ekj opp emma schuldich sennen. 10Wan wie nich eegol oppjeschowen hauden, wia wie aul tweemol han en trigj. 11Schlieslich säd äa Voda, Jakob: Wan daut soo mott sennen, dan doot daut. Nämt von daut baste waut wie hia haben aus een Jeschenkj fa däm Gowernia. Nämt een bät Honnich, waut Maundlen un aundre Näten, un uk waut Kjeen, Mirren un Kjriedarie. #Spr 18,16 12Nämt daut dobbelde Jelt met, daut jie von väajemol betolen kjennen. Daut woat veleicht een Fäla jewast sennen. #1Mo 42,27.35 13Moakt junt reed un nämt junen Brooda un got no däm Maun. 14Mucht Gott, dee aule Macht haft, junt halpen, daut de Maun junt woat jenstich sennen un junen aundren Brooda un Benjamin woat trigj schekjen. Wan ekj mott von de Kjinja Aufscheet nämen, dan mott ekj äwent. #1Mo 42,36
15Un de Breeda neemen daut Jeschenkj, daut dobbelde Jelt un Benjamin un reisden auf no Ägipten.
Aus see ver Josef kjeemen, 16un Josef sach daut Benjamin met an wia, säd hee to sienen Deena: Brinj de Mana en mien Hus nenn. Ekj woa vondoag met dise toop Meddach äten. Schlacht een Tia un reed daut fa ons. 17De Deena deed waut Josef säd un neem de Breeda en Josef sien Hus.
18De Breeda enjst daut sea, daut see en Josef sien Hus nenn jebrocht worden. See säden: Dit es woll wäajen daut Jelt, woont daut ieeschtemol trigj en onse Sakj nenn jelajcht wia. See brinjen ons hia nenn, daut see ons faust haben, un ons kjennen to Sklowen moaken un onse Äsels wajchnämen kjennen. #1Mo 42,28 19Un see jinjen no Josef sien Hus un räden doa ver de Däa met däm Huskjnajcht. 20See säden: Wie wieren hia eemol ea toom Jeträajd kjeepen. 21Aus wie dan oppem Trigjwajch to Nacht stell hilden un onse Sakj opmuaken, wia doa en jiedrem sien Sak een Pinjel Jelt, soo väl aus wie jetolt hauden. Wie haben daut nu trigj jebrocht, 22un wie haben aundret Jelt met toom mea Jeträajd kjeepen. Wie weeten nich wäa daut Jelt en onse Sakj nenn jestopt haft. 23Un hee säd: Siet ruich un enjst junt nich. Jun Gott un de Gott fa junen Voda mott doa eenen Schauz en june Sakj nenn jelajcht haben. Ekj kjrieech dan jun Jelt. Dan brochten see Simeon no an. #1Mo 42,24 24Un aus hee an en Josef sien Hus nenn jebrocht haud, jeef hee an Wota daut see sikj kunnen de Feet wauschen, un foodad uk äare Äsels. 25Un de Breeda muaken äa Jeschenkj fa Josef reed, daut see am daut opp Meddach jäwen kunnen. See hauden vestonen, daut see met am äten wudden.
26Un aus Josef nenn kjeem, brochten de Breeda sien Jeschenkj nenn no am un kjneeden sikj bat de Ieed ver am. 27Dan fruach hee woo daut met an jinkj un säd: Es jun Voda koasch, de Oola Maun von wäm jie väajemol räden? Läft dee noch? 28Un see säden: Dien Kjnajcht, ons Voda, es jesunt, un hee läft noch. Dan kjneeden see sikj wada bat de Ieed ver am. #1Mo 37,7.9 29Un hee kjikjt an delenjd un sach sienen Brooda Benjamin, dee siene Mutta äa Sän wia, un hee säd: Es dit jun jinjsta Brooda, von däm jie väajemol räden? Mucht Gott goot to die sennen, mien Jung. 30Un Josef jinkj schwind enne aundre Stow un hield doa, wiels hee sikj soo to sienen Brooda freid. 31Oba dan wosch hee sien Jesecht un kjeem trigj. Hee hilt sikj stiew un säd: Well wie äten. 32Josef saut aun eenen Desch un de Breeda aun eenen aundren. De Ägipta dee doa met an eeten, eeten oppoat aun eenen Desch, wiels an wia daut too jemeen met de Hebräa to äten. #1Mo 39,6; 46,34; 2Mo 8,22 33De Breeda sauten ver Josef un sauten nom ella vom elsten bat däm jinjsten. De Breeda kjikjten sikj unja eenaunda aun un wundaden sikj. 34Un de Breeda wort Äten jebrocht von Josef sienen Desch. Un Benjamin siene Schiew haud fiewmol soo väl aus de aundre. See drunken un eeten sikj saut.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.