1. Mose 47
47
1Un Josef jinkj no däm Kjennich un säd: Mien Voda un miene Breeda sent von Kanaan jekomen. Dee haben äare Schop un äa Vee, un aules waut see haben, met sikj jebrocht. Nu sent see jrod en Goschen. 2Un hee neem fief von siene Breeda un jinkj met dee nom Kjennich. 3Un de Kjennich säd to an: Waut vonne Oabeit doo jie? Un see säden am: Wie sent Schophoad, krakjt soo aus onse Vodasch ver ons wieren. #1Mo 46,33-34 4Wie sent no dit Launt jekomen, wiels doa nich Weid fa ons Vee en Kanaan es, un de Hungaschnoot soo schlemm es. Wie wenschen daut du ons leetst en Goschen wonen. 5Un de Kjennich säd to Josef: Ekj see daut dien Voda un diene Breeda jekomen sent! 6Du hast de Macht äwa gaunz Ägipten. Lot an opp daut baste Launt aunsiedlen. Lot an wellich en Goschen wonen. Un wan doa waut goode Hoad mank an sent, dan stal dee äwa mien Vee.
7Un Josef brocht sienen Voda Jakob no däm Kjennich un stald am väa. Un Jakob bejreest däm Kjennich met eenen Säajensgruss. 8Un de Kjennich säd to Jakob: Woo oolt best du? 9Un Jakob säd am: Ekj hab aul 130 Joa jepiljat. Daut sent schwoare, un nich sea väl Joaren fa mie jewast. Ekj hab nich soo lang jeläft aus mien Voda un Grootvoda en äare Tiet. #Heb 11,13 10Un Jakob spruak eenen Säajen äwa däm Kjennich un neem Aufscheet von am. 11Un Josef leet sienen Voda un Breeda de baste Jäajent em Launt haben. Hee jeef an Launt bie Ramses, soo aus de Kjennich jesajcht haud. 12Un Josef sach doano, daut sien Voda un siene Breeda jenuach to äten hauden, eenen jiedren doano woo groot siene Famielje wia. #1Mo 45,11
De Hungaschnoot en Ägipten
13Un doa wia nich jenuach to äten en Ägipten un Kanaan wäajen de schlemme Hungaschnoot. De Lied leeden unja de Noot. 14Un doaderch daut hee daut Jeträajd vekoft, saumeld Josef aul daut Jelt, waut see en Ägipten un Kanaan hauden. Un Josef leet daut fa dän Kjennich oppspikjren. 15Un aus daut Jelt aula wort en Ägipten un Kanaan, kjeemen aule Ägipta no Josef un säden: Jeff ons to äten. Wuarom sell wie hia jrodsoo ver die vehungren? Ons Jelt es aula wajch. 16Un Josef säd: Brinjt mie jun Vee un ekj woa junt doafäa Äten jäwen, wan jie nich mea Jelt haben. 17Un dan brochten see äare Pieed, Schop, Vee, un Äsels no Josef. Un daut Joa jeef hee an doafäa äten.
18Un dan daut näakjste Joa kjeemen see no am un säden: Daut es kjeen Jeheemnis daut wie ons Jelt vebrukt haben. Daut es kloa to seenen daut wie nuscht haben aus onse Kjarpasch un ons Launt. 19Lot ons hia nich jrodsoo stoawen un lot ons Launt nich vedoawen. Kjeep ons un ons Launt un jeff ons doafäa Äten. Wie woaren däm Kjennich siene Sklowen sennen un hee kaun daut Launt haben. Un jeff ons uk Sot daut wie de Flekja beakren kjennen, soo daut daut Launt nich wilt bewaussen woat, un daut wie läwen kjennen un nich stoawen brucken. 20Un Josef koft aul daut Launt en Ägipten fa dän Kjennich. Aule Ägipta vekoften äa Launt, wiels de Hungaschnoot soo groot wia, un de Kjennich koft daut aula opp. 21Un de Menschen en Ägipten, von een Enj bat daut aundre Enj, worden däm Kjennich siene Sklowen. 22Daut eensje Launt, waut hee nich oppkoft wia de Priesta äa Launt. De Priesta kjrieejen een Loon vom Kjennich un brukten äa Launt nich vekjeepen. #4Mo 18,20; Jos 13,14; Hes 44,28; 45,1-5
23Un Josef säd to de Menschen: Vondoag hab ekj junt un jun Launt fa däm Kjennich jekoft. Ekj woa junt nu Sot jäwen, daut jie akren kjennen. 24Vonne Arnt sell jie daut fefte Poat däm Kjennich trigj jäwen, un vea feftel kjenn jie hoolen to Sot un toom äten fa junt un june Famieljes. 25Un de Menschen säden: Du hast ons daut Läwen jerat. Wan du envestonen best woa wie däm Kjennich siene Sklowen sennen. 26Un Josef fieed daut em Jesaz en, daut de Kjennich daut fefte Poat von de Arnt kjrieech. Daut Jesaz steit vondoag noch en Ägipten. Bloos de Priesta brukten nich daut fefte Poat aufjäwen.
27Un de Israeliten wonden en Ägipten en de Goschen Jäajent. See buaden goot un vemieeden sikj sea. #1Mo 46,3; 2Mo 1,7.12 28Un Jakob läwd noch 17 Joa en Ägipten. Aules toop wort hee 147 Joa oolt. 29Aus Israel meend daut hee stoawen kunn, roopt hee Josef, un säd to am: Wan ekj goot aunjeseenen sie ver die, dan laj diene Haunt unja miene Hoft un jeff mie dien vollet Vespräakjen, daut du tru woascht sennen un daut du mie truhoatje Leew bewiesen woascht, un daut du mie nich woascht en Ägipten begrowen. #(29 un 30) 1Mo 50,5 30Ekj well met miene Väavodasch begroft woaren. Nemm mie trigj no Kanaan un begrow mie wua dee begroft sent. #1Mo 23,20 31Vespräakj mie dit met eenen Eit. Un Josef vespruak am daut met eenen Eit. Un Israel kjneed sikj em Jebäd. #Heb 11,21
Currently Selected:
1. Mose 47: PB
Highlight
Share
Compare
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.
1. Mose 47
47
1Un Josef jinkj no däm Kjennich un säd: Mien Voda un miene Breeda sent von Kanaan jekomen. Dee haben äare Schop un äa Vee, un aules waut see haben, met sikj jebrocht. Nu sent see jrod en Goschen. 2Un hee neem fief von siene Breeda un jinkj met dee nom Kjennich. 3Un de Kjennich säd to an: Waut vonne Oabeit doo jie? Un see säden am: Wie sent Schophoad, krakjt soo aus onse Vodasch ver ons wieren. #1Mo 46,33-34 4Wie sent no dit Launt jekomen, wiels doa nich Weid fa ons Vee en Kanaan es, un de Hungaschnoot soo schlemm es. Wie wenschen daut du ons leetst en Goschen wonen. 5Un de Kjennich säd to Josef: Ekj see daut dien Voda un diene Breeda jekomen sent! 6Du hast de Macht äwa gaunz Ägipten. Lot an opp daut baste Launt aunsiedlen. Lot an wellich en Goschen wonen. Un wan doa waut goode Hoad mank an sent, dan stal dee äwa mien Vee.
7Un Josef brocht sienen Voda Jakob no däm Kjennich un stald am väa. Un Jakob bejreest däm Kjennich met eenen Säajensgruss. 8Un de Kjennich säd to Jakob: Woo oolt best du? 9Un Jakob säd am: Ekj hab aul 130 Joa jepiljat. Daut sent schwoare, un nich sea väl Joaren fa mie jewast. Ekj hab nich soo lang jeläft aus mien Voda un Grootvoda en äare Tiet. #Heb 11,13 10Un Jakob spruak eenen Säajen äwa däm Kjennich un neem Aufscheet von am. 11Un Josef leet sienen Voda un Breeda de baste Jäajent em Launt haben. Hee jeef an Launt bie Ramses, soo aus de Kjennich jesajcht haud. 12Un Josef sach doano, daut sien Voda un siene Breeda jenuach to äten hauden, eenen jiedren doano woo groot siene Famielje wia. #1Mo 45,11
De Hungaschnoot en Ägipten
13Un doa wia nich jenuach to äten en Ägipten un Kanaan wäajen de schlemme Hungaschnoot. De Lied leeden unja de Noot. 14Un doaderch daut hee daut Jeträajd vekoft, saumeld Josef aul daut Jelt, waut see en Ägipten un Kanaan hauden. Un Josef leet daut fa dän Kjennich oppspikjren. 15Un aus daut Jelt aula wort en Ägipten un Kanaan, kjeemen aule Ägipta no Josef un säden: Jeff ons to äten. Wuarom sell wie hia jrodsoo ver die vehungren? Ons Jelt es aula wajch. 16Un Josef säd: Brinjt mie jun Vee un ekj woa junt doafäa Äten jäwen, wan jie nich mea Jelt haben. 17Un dan brochten see äare Pieed, Schop, Vee, un Äsels no Josef. Un daut Joa jeef hee an doafäa äten.
18Un dan daut näakjste Joa kjeemen see no am un säden: Daut es kjeen Jeheemnis daut wie ons Jelt vebrukt haben. Daut es kloa to seenen daut wie nuscht haben aus onse Kjarpasch un ons Launt. 19Lot ons hia nich jrodsoo stoawen un lot ons Launt nich vedoawen. Kjeep ons un ons Launt un jeff ons doafäa Äten. Wie woaren däm Kjennich siene Sklowen sennen un hee kaun daut Launt haben. Un jeff ons uk Sot daut wie de Flekja beakren kjennen, soo daut daut Launt nich wilt bewaussen woat, un daut wie läwen kjennen un nich stoawen brucken. 20Un Josef koft aul daut Launt en Ägipten fa dän Kjennich. Aule Ägipta vekoften äa Launt, wiels de Hungaschnoot soo groot wia, un de Kjennich koft daut aula opp. 21Un de Menschen en Ägipten, von een Enj bat daut aundre Enj, worden däm Kjennich siene Sklowen. 22Daut eensje Launt, waut hee nich oppkoft wia de Priesta äa Launt. De Priesta kjrieejen een Loon vom Kjennich un brukten äa Launt nich vekjeepen. #4Mo 18,20; Jos 13,14; Hes 44,28; 45,1-5
23Un Josef säd to de Menschen: Vondoag hab ekj junt un jun Launt fa däm Kjennich jekoft. Ekj woa junt nu Sot jäwen, daut jie akren kjennen. 24Vonne Arnt sell jie daut fefte Poat däm Kjennich trigj jäwen, un vea feftel kjenn jie hoolen to Sot un toom äten fa junt un june Famieljes. 25Un de Menschen säden: Du hast ons daut Läwen jerat. Wan du envestonen best woa wie däm Kjennich siene Sklowen sennen. 26Un Josef fieed daut em Jesaz en, daut de Kjennich daut fefte Poat von de Arnt kjrieech. Daut Jesaz steit vondoag noch en Ägipten. Bloos de Priesta brukten nich daut fefte Poat aufjäwen.
27Un de Israeliten wonden en Ägipten en de Goschen Jäajent. See buaden goot un vemieeden sikj sea. #1Mo 46,3; 2Mo 1,7.12 28Un Jakob läwd noch 17 Joa en Ägipten. Aules toop wort hee 147 Joa oolt. 29Aus Israel meend daut hee stoawen kunn, roopt hee Josef, un säd to am: Wan ekj goot aunjeseenen sie ver die, dan laj diene Haunt unja miene Hoft un jeff mie dien vollet Vespräakjen, daut du tru woascht sennen un daut du mie truhoatje Leew bewiesen woascht, un daut du mie nich woascht en Ägipten begrowen. #(29 un 30) 1Mo 50,5 30Ekj well met miene Väavodasch begroft woaren. Nemm mie trigj no Kanaan un begrow mie wua dee begroft sent. #1Mo 23,20 31Vespräakj mie dit met eenen Eit. Un Josef vespruak am daut met eenen Eit. Un Israel kjneed sikj em Jebäd. #Heb 11,21
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.