Jona 4
4
Jona woat onmootich un woat belieet
1Dit jefoll Jona rajcht nuscht, un hee wort sea doll. 2Hee bäd toom Harn: Har, es daut nich krakjt soo romjekomen, aus ekj tus aul docht? Krakjt wäajen dit, wia ekj soo leicht reed no Tarsis to foaren. Ekj wist du wieescht sea jenstich un deetst die leicht erboarmen; du best jeduldich un nich leicht doll met Menschen. Du best truhoatich leeftolich, un latst leicht no met strofen. #2Mo 34,6 3Ekj sie saut vom läwen, Har. Lot mie doch stoawen. #1Kjen 19,4 4Un de Har säd: Waut halpt die daut, die soo to oajren?
5Jona jinkj ut de Staut rut nom Oosten opptoo. Doa muak hee sikj een Schauten Dak, un sad sikj unja daut dol. Hee wull emol seenen, waut met Ninive passieren wudd. 6Un Gott de Har leet eene Rank äwa am waussen, daut et noch een bätren Schauten jeef un rajcht jemietlich fa am wia. Jona freid sikj jrintlich to de Rank. 7Oba aus daut dän näakjsten Morjen aunfunk to doagen, leet Gott een Worm komen, un de Worm freet de Rank auf, soo daut dee vedrieejd. 8Dan aus de Sonn opp wia, schekjt Gott eenen drieejen Oostwint. Boolt wia de Sonn soo heet opp Jona sienen Kopp, daut am aunfunk dieslich to woaren. Dan fruach hee no dän Doot un säd: Stoawen wudd bäta fa mie sennen aus dit Läwen onen dise Plaunt.
9Dan säd Gott to Jona: Waut halpt die daut, die soo äwa de Plaunt to oajren? De Oaja halpt mie to stoawen! säd Jona. 10Un de Har säd: Die es daut schod äwa eene Rank, fa dee du nuscht jedonen hast, un dee du nich daut Läwen jeefst; eene Plaunt dee eene Nacht doa wia, un de näakjste wajch wia. 11Ninive es eene Staut wua äwa 120.000 Menschen wonen. Es die daut nich schod om dee? Dee weeten nich soo väl von goot un schlajcht, daut see eene linkje von eene rajchte Haunt unjascheeden kjennen! Un dan es doa uk noch aul daut Vee. Woo sull mie daut nich äwa de Staut schod sennen?
Currently Selected:
Jona 4: PB
Highlight
Copy
Compare
Share
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.