3. Mose 10
10
Eene schwoare Veschuldjunk jäajen de Opfa Väaschreften
1Twee von Aaron siene Säns, Nadab un Abihu, neemen äare rieekja Paunen, läden Gloot un Weiruak doa nenn un jinjen doamet en daut Vesaumlungszelt. Oba see hauden däm Harn sien Wuat nich beacht un hauden framdet Gloot jenomen. #2Mo 6,23; 28,1; 30,9 2Dan fua een Fia ut von däm Harn un vebrend an, daut see ver däm Harn storwen. #(2 un 3) Jer 25,29; 1Pet 4,17; 4Mo 16,35 3Dan säd Moses to Aaron: Dit es daut, waut de Har jesajcht haft: Ekj bewies mie aus een heilja Gott aun dee, dee sikj mie nodren; un ver aulet Volkj well ekj veharlicht woaren. Un Aaron bleef stell. 4Moses roopt Mischael un Elizafan, de Säns von Aaron sienen Onkel Usiel, un säd to an: Komt häa un droacht june Breeda wajch von daut Heilichtum bat buta daut Loaga. #2Mo 6,22 5Un see kjeemen un druagen de Doodes en äare Priesta Kjleeda rut bat buta daut Loaga, soo aus Moses jesajcht haud. 6Dan säd Moses to Aaron un siene Säns Eleasar un Itamar: Jie sellen de Hoa opp junen Kopp nich vezultat henjen loten un june Kjleeda nich en Trua verieten, daut jie nich stoawen un däm Harn sien Oaja äwa de gaunze Jemeent von Israel kjemt. Lot june Breeda, de aundre Israeliten, äwa dän Braunt hielen, waut de Har aunjerecht haft. #3Mo 21,10 7Jie sellen uk nich von däm Engank von daut Vesaumlungszelt wajchgonen, sest woa jie stoawen, wiels däm Harn siene Saulweelj es opp junt. Un see deeden, soo aus Moses säd.
De Oppgowen fa de Priesta woaren enjepräacht
8De Har räd met Aaron un säd: 9Du un diene Säns, sellen kjeenen Wien ooda stoakje Jedrenkjen drinkjen, wan jie en daut Vesaumlungszelt gonen, sest mott jie stoawen. Daut es eene Ordnunk fa emma fa aul june Nokomen. #Hes 44,21; Hos 4,11; Amos 2,8 10Jie sellen unjascheeden tweschen eene jeweeneljen Städ un miene heilje Woninj, un tweschen orrein un rein. #Hes 22,26; 44,23 11Jie motten de Israeliten aule Jesazen enpräajen un an dee erkjläaren, waut ekj derch Moses aunjeordnet hab.
12Moses säd to Aaron un de beid Säns Eleasar un Itamar, waut am noch jebläwen wieren: Nämt daut Ätesopfa, waut von däm Harn sien Fiaopfa äwajebläwen es, un doot daut onen Suadieech bie däm Aultoa äten, wiels daut sent heilje Gowen. #3Mo 9,17-18 13Jie sellen daut opp eene jeweide Städ äten, wiels daut es dien un diene Säns äa Poat aun däm Harn siene Fiaopfa; soo es mie daut väajesajcht. #3Mo 2,3 14Uk de Brost, daut Opfa waut oppjehowen woat, un de Schinkjen, daut Aufgowopfa, saust du met diene Säns un Dajchta toop opp eene reine Städ äten; soon Poat es die un diene Kjinja von de Israeliten äare Dankopfa jejäft. #3Mo 7,34 15Disen Schinkjen un dise Brost sell jie met de Fatstekja toop nom Aultoa brinjen, daut see aus Opfa ver däm Harn oppjehowen woaren. Un dan jehieren die un diene Säns dee aus een Poat vom Opfa fa emma. Soo haft de Har daut väajesajcht. #3Mo 9,20-21
16Aus Moses no däm Kosenbock socht, waut aus Sindopfa wia jebrocht worden, kjeem daut rut, daut dee wia vebrent worden. Dan wort Moses doll äwa Eleasar un Itamar, Aaron siene Säns, dee am noch jebläwen wieren, un säd: #3Mo 9,15 17Wuarom hab jie daut jedonen? Jie hauden daut Fleesch von daut Sindopfa opp eene jeweide Städ äten sult, wiels daut es eene heilje Gow. De Har haft junt daut jejäft, wiels jie fa de Jemeent de Schult droagen sellen, daut jie an ver däm Harn veseenen. 18Kjikjt, sien Bloot es nich en daut Heilje nenjebrocht worden; jie hauden daut Fleesch onbedinjt en daut Heilje äten sult, soo aus ekj daut väajesajcht haud. #3Mo 6,19.22 19Aaron säd to Moses: Du weetst doch, daut miene Säns äa Sindopfa un äa Brauntopfa däm Harn vondoag no de Väaschreft jebrocht haben, un mie es daut passieet, soo aus du seenen kaust. Wudd däm Harn daut jefaulen, wan ekj vondoag daut Sindopfa jejäten haud? 20Aus Moses daut hieed, leet hee sikj daut jefaulen.
Currently Selected:
3. Mose 10: PB
Highlight
Share
Compare
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.
3. Mose 10
10
Eene schwoare Veschuldjunk jäajen de Opfa Väaschreften
1Twee von Aaron siene Säns, Nadab un Abihu, neemen äare rieekja Paunen, läden Gloot un Weiruak doa nenn un jinjen doamet en daut Vesaumlungszelt. Oba see hauden däm Harn sien Wuat nich beacht un hauden framdet Gloot jenomen. #2Mo 6,23; 28,1; 30,9 2Dan fua een Fia ut von däm Harn un vebrend an, daut see ver däm Harn storwen. #(2 un 3) Jer 25,29; 1Pet 4,17; 4Mo 16,35 3Dan säd Moses to Aaron: Dit es daut, waut de Har jesajcht haft: Ekj bewies mie aus een heilja Gott aun dee, dee sikj mie nodren; un ver aulet Volkj well ekj veharlicht woaren. Un Aaron bleef stell. 4Moses roopt Mischael un Elizafan, de Säns von Aaron sienen Onkel Usiel, un säd to an: Komt häa un droacht june Breeda wajch von daut Heilichtum bat buta daut Loaga. #2Mo 6,22 5Un see kjeemen un druagen de Doodes en äare Priesta Kjleeda rut bat buta daut Loaga, soo aus Moses jesajcht haud. 6Dan säd Moses to Aaron un siene Säns Eleasar un Itamar: Jie sellen de Hoa opp junen Kopp nich vezultat henjen loten un june Kjleeda nich en Trua verieten, daut jie nich stoawen un däm Harn sien Oaja äwa de gaunze Jemeent von Israel kjemt. Lot june Breeda, de aundre Israeliten, äwa dän Braunt hielen, waut de Har aunjerecht haft. #3Mo 21,10 7Jie sellen uk nich von däm Engank von daut Vesaumlungszelt wajchgonen, sest woa jie stoawen, wiels däm Harn siene Saulweelj es opp junt. Un see deeden, soo aus Moses säd.
De Oppgowen fa de Priesta woaren enjepräacht
8De Har räd met Aaron un säd: 9Du un diene Säns, sellen kjeenen Wien ooda stoakje Jedrenkjen drinkjen, wan jie en daut Vesaumlungszelt gonen, sest mott jie stoawen. Daut es eene Ordnunk fa emma fa aul june Nokomen. #Hes 44,21; Hos 4,11; Amos 2,8 10Jie sellen unjascheeden tweschen eene jeweeneljen Städ un miene heilje Woninj, un tweschen orrein un rein. #Hes 22,26; 44,23 11Jie motten de Israeliten aule Jesazen enpräajen un an dee erkjläaren, waut ekj derch Moses aunjeordnet hab.
12Moses säd to Aaron un de beid Säns Eleasar un Itamar, waut am noch jebläwen wieren: Nämt daut Ätesopfa, waut von däm Harn sien Fiaopfa äwajebläwen es, un doot daut onen Suadieech bie däm Aultoa äten, wiels daut sent heilje Gowen. #3Mo 9,17-18 13Jie sellen daut opp eene jeweide Städ äten, wiels daut es dien un diene Säns äa Poat aun däm Harn siene Fiaopfa; soo es mie daut väajesajcht. #3Mo 2,3 14Uk de Brost, daut Opfa waut oppjehowen woat, un de Schinkjen, daut Aufgowopfa, saust du met diene Säns un Dajchta toop opp eene reine Städ äten; soon Poat es die un diene Kjinja von de Israeliten äare Dankopfa jejäft. #3Mo 7,34 15Disen Schinkjen un dise Brost sell jie met de Fatstekja toop nom Aultoa brinjen, daut see aus Opfa ver däm Harn oppjehowen woaren. Un dan jehieren die un diene Säns dee aus een Poat vom Opfa fa emma. Soo haft de Har daut väajesajcht. #3Mo 9,20-21
16Aus Moses no däm Kosenbock socht, waut aus Sindopfa wia jebrocht worden, kjeem daut rut, daut dee wia vebrent worden. Dan wort Moses doll äwa Eleasar un Itamar, Aaron siene Säns, dee am noch jebläwen wieren, un säd: #3Mo 9,15 17Wuarom hab jie daut jedonen? Jie hauden daut Fleesch von daut Sindopfa opp eene jeweide Städ äten sult, wiels daut es eene heilje Gow. De Har haft junt daut jejäft, wiels jie fa de Jemeent de Schult droagen sellen, daut jie an ver däm Harn veseenen. 18Kjikjt, sien Bloot es nich en daut Heilje nenjebrocht worden; jie hauden daut Fleesch onbedinjt en daut Heilje äten sult, soo aus ekj daut väajesajcht haud. #3Mo 6,19.22 19Aaron säd to Moses: Du weetst doch, daut miene Säns äa Sindopfa un äa Brauntopfa däm Harn vondoag no de Väaschreft jebrocht haben, un mie es daut passieet, soo aus du seenen kaust. Wudd däm Harn daut jefaulen, wan ekj vondoag daut Sindopfa jejäten haud? 20Aus Moses daut hieed, leet hee sikj daut jefaulen.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.