3. Mose 9
9
De ieeschte Opfa Gottesdeenst
1Aum achten Dach roopt Moses Aaron un siene Säns un de väaschte Mana von Israel no sikj #3Mo 8,33 2un säd to Aaron: Hol die eenen jungen Boll toom Sindopfa un eenen Schopsbock toom Brauntopfa, beides fälaloose Tieren, un brinj dee ver däm Harn. 3Un saj de Israeliten, see sellen uk Opfatieren brinjen: Fa daut Sindopfa eenen Kosenbock un fa daut Brauntopfa eenen Boll un een Schop, waut beid een Joa oolt un onen Fäla sent. 4See sellen uk eenen Boll un eenen Schopsbock toom Dankopfa brinjen, daut wie dee ver däm Harn opfren, un buta däm noch Mäl un Eelj fa daut Ätesopfa. Wiels vondoag well de Har sikj junt wiesen.
Aaron opfat fa sikj selfst
5See brochten aules, waut Moses jesajcht haud, ver däm Engank von daut Vesaumlungszelt, un de gaunze Jemeent vesaumeld sikj dort ver däm Harn. 6Dan säd Moses: Dit es daut, waut de Har jesajcht haft, daut jie daut doonen sellen, om daut de Har junt daut wiesen woat, woo harlich hee es. 7Un Moses säd to Aaron: Go nu nom Aultoa un opfa fa die selfst daut Sindopfa un daut Brauntopfa un doo die un diene Menschen veseenen. Un dan brinj de Opfagowen von daut Volkj un doo daut veseenen, soo aus de Har daut väajesajcht haft. #3Mo 16,6.11.15; Heb 5,3; 7,27
8Dan jinkj Aaron nom Aultoa un schlacht dän jungen Boll, waut hee aus Sindopfa fa sikj selfst metjebrocht haud. 9Un siene Säns brochten daut Bloot no am, un hee dukt met sienen Finja en daut Bloot un strikjt doavon aun de Hieena vom Aultoa; un daut äwaje Bloot goot hee unjen aun däm Aultoa. 10Daut Fat un de beid Nieren un dän Laupen aun de Läwa von daut Sindopfa, leet hee opp däm Aultoa en Ruak oppgonen, soo aus Moses daut väajesajcht haud. #3Mo 4,8-12; 8,14-17 11Daut Fleesch un daut Lada vebrend hee buten ver daut Loaga met Fia.
12No däm schlacht hee daut Brauntopfa; un siene Säns brochten daut Bloot no am, un hee sprezt daut runtom aun dän Aultoa. #3Mo 1,10-13 13Dan deelden see daut Brauntopfa en Stekja un jeewen am de Stekja, un uk dän Kopp. Un hee leet daut opp däm Aultoa en Ruak oppgonen. 14Un hee wosch daut Enjeweide un de unjaschte Enja Been met Wota rein un leet dee opp däm Aultoa met daut Brauntopfa en Ruak oppgonen.
Aaron opfat fa daut Volkj
15No däm brocht Aaron däm Harn de Opfagow von daut Volkj, un neem dän Kosenbock, daut Sindopfa fa daut Volkj, un schlacht däm un muak doarut een Sindopfa soo aus daut väaje. 16Un hee brocht daut Brauntopfa doahan un deed doamet, soo aus daut väajeschräwen wia. 17Un hee brocht daut Ätesopfa doahan un neem doavon eene Hauntvoll un leet daut opp däm Aultoa en Ruak oppgonen, buta daut Brauntopfa aum Morjen.
18No däm schlacht hee dän Boll un dän Schopsbock aus Dankopfa fa daut Volkj. Un siene Säns brochten am daut Bloot, un hee sprezt daut runtom aun dän Aultoa. 19Daut Fat von däm Boll un von däm Bock, daut Fatsträmel biem Zoagel un aun daut Enjeweide un de Nieren un dän Fatlaupen aun de Läwa, 20aul dit Fat läden see opp de Brost Stekja, un hee leet de Fatstekja opp däm Aultoa en Ruak oppgonen. 21De Brost Stekja un dän rajchten Schinkjen hoof Aaron opp aus een Opfa, waut oppjehowen woat ver däm Harn, soo aus de Har Moses daut aunjeordnet haud. #3Mo 7,30-34
22No däm aus Aaron daut Sindopfa, Brauntopfa un Dankopfa jeopfat haud, hoof hee siene Henj opp äwa daut Volkj un säajend an. Un dan stieech hee rauf, von doa wua hee aum Aultoa jeopfat haud. #4Mo 6,22-27 23Un Moses un Aaron jinjen en daut Vesaumlungszelt nenn. Un aus see wada rutkjeemen un daut Volkj säajenden, leet de Har aulet Volkj daut seenen, woo harlich hee wia. #2Mo 16,10; 40,34 24Un doa jinjen Flaumen von däm Harn un vebrenden daut Brauntopfa un daut Fat opp däm Aultoa. Aus daut gaunze Volkj daut sach, schrieejen see fa Freid un schmeeten sikj aunbädent met däm Jesecht oppe Ieed. #Rech 6,21; 1Kjen 18,38; 1Chr 21,26; 2Chr 7,1
Currently Selected:
3. Mose 9: PB
Highlight
Share
Compare
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.
3. Mose 9
9
De ieeschte Opfa Gottesdeenst
1Aum achten Dach roopt Moses Aaron un siene Säns un de väaschte Mana von Israel no sikj #3Mo 8,33 2un säd to Aaron: Hol die eenen jungen Boll toom Sindopfa un eenen Schopsbock toom Brauntopfa, beides fälaloose Tieren, un brinj dee ver däm Harn. 3Un saj de Israeliten, see sellen uk Opfatieren brinjen: Fa daut Sindopfa eenen Kosenbock un fa daut Brauntopfa eenen Boll un een Schop, waut beid een Joa oolt un onen Fäla sent. 4See sellen uk eenen Boll un eenen Schopsbock toom Dankopfa brinjen, daut wie dee ver däm Harn opfren, un buta däm noch Mäl un Eelj fa daut Ätesopfa. Wiels vondoag well de Har sikj junt wiesen.
Aaron opfat fa sikj selfst
5See brochten aules, waut Moses jesajcht haud, ver däm Engank von daut Vesaumlungszelt, un de gaunze Jemeent vesaumeld sikj dort ver däm Harn. 6Dan säd Moses: Dit es daut, waut de Har jesajcht haft, daut jie daut doonen sellen, om daut de Har junt daut wiesen woat, woo harlich hee es. 7Un Moses säd to Aaron: Go nu nom Aultoa un opfa fa die selfst daut Sindopfa un daut Brauntopfa un doo die un diene Menschen veseenen. Un dan brinj de Opfagowen von daut Volkj un doo daut veseenen, soo aus de Har daut väajesajcht haft. #3Mo 16,6.11.15; Heb 5,3; 7,27
8Dan jinkj Aaron nom Aultoa un schlacht dän jungen Boll, waut hee aus Sindopfa fa sikj selfst metjebrocht haud. 9Un siene Säns brochten daut Bloot no am, un hee dukt met sienen Finja en daut Bloot un strikjt doavon aun de Hieena vom Aultoa; un daut äwaje Bloot goot hee unjen aun däm Aultoa. 10Daut Fat un de beid Nieren un dän Laupen aun de Läwa von daut Sindopfa, leet hee opp däm Aultoa en Ruak oppgonen, soo aus Moses daut väajesajcht haud. #3Mo 4,8-12; 8,14-17 11Daut Fleesch un daut Lada vebrend hee buten ver daut Loaga met Fia.
12No däm schlacht hee daut Brauntopfa; un siene Säns brochten daut Bloot no am, un hee sprezt daut runtom aun dän Aultoa. #3Mo 1,10-13 13Dan deelden see daut Brauntopfa en Stekja un jeewen am de Stekja, un uk dän Kopp. Un hee leet daut opp däm Aultoa en Ruak oppgonen. 14Un hee wosch daut Enjeweide un de unjaschte Enja Been met Wota rein un leet dee opp däm Aultoa met daut Brauntopfa en Ruak oppgonen.
Aaron opfat fa daut Volkj
15No däm brocht Aaron däm Harn de Opfagow von daut Volkj, un neem dän Kosenbock, daut Sindopfa fa daut Volkj, un schlacht däm un muak doarut een Sindopfa soo aus daut väaje. 16Un hee brocht daut Brauntopfa doahan un deed doamet, soo aus daut väajeschräwen wia. 17Un hee brocht daut Ätesopfa doahan un neem doavon eene Hauntvoll un leet daut opp däm Aultoa en Ruak oppgonen, buta daut Brauntopfa aum Morjen.
18No däm schlacht hee dän Boll un dän Schopsbock aus Dankopfa fa daut Volkj. Un siene Säns brochten am daut Bloot, un hee sprezt daut runtom aun dän Aultoa. 19Daut Fat von däm Boll un von däm Bock, daut Fatsträmel biem Zoagel un aun daut Enjeweide un de Nieren un dän Fatlaupen aun de Läwa, 20aul dit Fat läden see opp de Brost Stekja, un hee leet de Fatstekja opp däm Aultoa en Ruak oppgonen. 21De Brost Stekja un dän rajchten Schinkjen hoof Aaron opp aus een Opfa, waut oppjehowen woat ver däm Harn, soo aus de Har Moses daut aunjeordnet haud. #3Mo 7,30-34
22No däm aus Aaron daut Sindopfa, Brauntopfa un Dankopfa jeopfat haud, hoof hee siene Henj opp äwa daut Volkj un säajend an. Un dan stieech hee rauf, von doa wua hee aum Aultoa jeopfat haud. #4Mo 6,22-27 23Un Moses un Aaron jinjen en daut Vesaumlungszelt nenn. Un aus see wada rutkjeemen un daut Volkj säajenden, leet de Har aulet Volkj daut seenen, woo harlich hee wia. #2Mo 16,10; 40,34 24Un doa jinjen Flaumen von däm Harn un vebrenden daut Brauntopfa un daut Fat opp däm Aultoa. Aus daut gaunze Volkj daut sach, schrieejen see fa Freid un schmeeten sikj aunbädent met däm Jesecht oppe Ieed. #Rech 6,21; 1Kjen 18,38; 1Chr 21,26; 2Chr 7,1
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.