3. Mose 15
15
Väaschreften äwa kjarpaliche Onreinheit
1De Har räd met Moses un Aaron un säd: 2Rät met de Israeliten un sajcht to an: Wan eenen Maun ut sien Jeschlajchtsjlett waut rutkjietat, dan es dee orrein. #4Mo 5,2 3Daut es eendoont auf daut aulentiet kjietat ooda nich, hee es doawäajen orrein. 4Aule Dakjen, wua hee bowen licht, un aules, wua hee bowen sett, woat orrein. 5Un wäa sien Bad aunschieet, dee saul sikj met Wota aufwauschen un siene Kjleeda wauschen un bat aum Owent orrein sennen. 6Un wäa sikj opp waut dolsat, wua jana jesäten haft, dee saul sikj met Wota aufwauschen un siene Kjleeda wauschen un bat aum Owent orrein sennen. 7Un wäa däm sienen Kjarpa aunschieet, dee saul sikj met Wota aufwauschen un siene Kjleeda wauschen un bat aum Owent orrein sennen. 8Un wan de orreina eenen reinen bekjwielen deit, dan saul dee siene Kjleeda wauschen un sikj met Wota aufwauschen un bat aum Owent orrein sennen. 9Uk de Sodel, wua hee bowen rieden deit, woat orrein. 10Un wäa irjentwaut aunschieet, waut dee unja sikj haft, dee woat orrein bat aum Owent. Un wäa soont drajcht, dee saul siene Kjleeda wauschen un sikj met Wota aufwauschen un bat aum Owent orrein sennen. 11Un wäm de kranka aunfot, onen siene Henj ieescht jewoschen to haben, dee saul siene Kjleeda wauschen un sikj met Wota aufwauschen un bat aum Owent orrein sennen. 12Wan de kranka een ieednet Dinkj aunfot, daut saul tweijeschloagen woaren, oba een heltanet Dinkj saul met Wota aufjespeelt woaren. #3Mo 11,33
13Wan de kranka von daut Jekjieta jeheelt woat, dan saul hee säwen Doag talen, von dan wan hee heel jeworden es, un dan siene Kjleeda wauschen un sikj met freschet Wota aufwauschen, dan es hee rein. 14Un aum achten Dach saul hee twee Turtelduwen ooda twee aundre Duwen nämen un dee no däm Engank von daut Vesaumlungszelt ver däm Harn brinjen un däm Priesta dee jäwen. #(14 un 15) 3Mo 5,7 15Un de Priesta saul de eene toom Sindopfa reedmoaken un de aundre toom Brauntopfa un am ver däm Harn veseenen wäajen sien kranket.
16Wan eenen Maun em Schlop de Somen aufjeit, dee saul sienen gaunzen Kjarpa met Wota aufwauschen un orrein sennen bat aum Owent. #3Mo 22,4 17Un jieda Kjleet ooda Schopsfal, wua de Somen noppjekomen es, saul met Wota aufjewoschen woaren, un es bat aum Owent orrein. 18Un wan eene Fru bie eenen Maun licht, däm de Somen aufjeit, dan sellen dee sikj beid met Wota aufwauschen un bat aum Owent orrein sennen.
19Wan eene Fru äare moonatliche Doag haft, saul see säwen Doag fa orrein jehoolen woaren. Wäa ar aunschieet, dee woat orrein bat aum Owent. #3Mo 18,19 20Un aules, wua see bowen licht ooda sett, soolang aus see äare Tiet haft, woat orrein. 21Un wäa äa Bad aunschieet, dee saul siene Kjleeda wauschen un sikj selfst met Wota aufwauschen un bat aum Owent orrein sennen. 22Un wäa irjentwaut aunschieet, wua see bowen jesäten haft, saul siene Kjleeda wauschen un sikj selfst met Wota aufwauschen un bat aum Owent orrein sennen. 23Un wäa irjentwaut aunschieet, waut opp äa Bad jewast es ooda doa, wua see jesäten haft, saul bat aum Owent orrein sennen. 24Un wan een Maun en dee Tiet met ar Jeschlajchtsvekjia haft, woat hee selfst fa säwen Doag orrein. Un daut Bad, wua hee bowen jeläajen haft, woat orrein.
25Wan bie eene Fru de moonatliche Räajel oba lenja aunhelt aus säwen Doag ooda see buta äare Räajel Bloot velist, dan es see en dee Tiet wua see krank es soo goot orrein, aus bie äare moonatliche Räajel. 26Aule Baden, wua see en de gaunze Tiet bowen licht, un aules, wua see bowen jesäten haft, woat orrein soo aus bie de moonatlich Räajel. 27Wäa von daut waut aunschieet, dee woat orrein un saul siene Kjleeda wauschen un sikj selfst met Wota aufwauschen un bat aum Owent orrein sennen. 28Woat see jeheelt von daut bleeden, dan saul see säwen Doag talen, un no däm saul see rein sennen. 29Un aum achten Dach saul see twee Turtelduwen ooda twee aundre Duwen nämen un dee nom Priesta brinjen ver däm Engank von daut Vesaumlungszelt. 30Un de Priesta saul dee eene aus Sindopfa un de aundre aus Brauntopfa opfren un de Fru ver däm Harn veseenen wäajen äaren Blootvelust, waut ar orrein muak.
31Jie sellen de Israeliten wäajen äare Onreinheit woarnen, om daut see nich doawäajen stoawen, wan see en äare Onreinheit en miene Woninj, waut en äare Medd es, nengonen un dee orrein moaken.
32Dit es daut Jesaz äwa dee, dee aum Jeschlajchtsjlett waut haben, waut doa kjietat ooda wäm de Somen em Schlop aufjeit, un doavon orrein woat. 33Ooda äwa eene Fru, dee äare moonatliche Räajel haft, un wäm sest irjent waut orreinet ut daut Jeschlajchtsjlett kjemt, aus biem Maun ooda bie de Fru, un wan een Maun bie eene orreine Fru licht.
Currently Selected:
3. Mose 15: PB
Highlight
Share
Compare
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.
3. Mose 15
15
Väaschreften äwa kjarpaliche Onreinheit
1De Har räd met Moses un Aaron un säd: 2Rät met de Israeliten un sajcht to an: Wan eenen Maun ut sien Jeschlajchtsjlett waut rutkjietat, dan es dee orrein. #4Mo 5,2 3Daut es eendoont auf daut aulentiet kjietat ooda nich, hee es doawäajen orrein. 4Aule Dakjen, wua hee bowen licht, un aules, wua hee bowen sett, woat orrein. 5Un wäa sien Bad aunschieet, dee saul sikj met Wota aufwauschen un siene Kjleeda wauschen un bat aum Owent orrein sennen. 6Un wäa sikj opp waut dolsat, wua jana jesäten haft, dee saul sikj met Wota aufwauschen un siene Kjleeda wauschen un bat aum Owent orrein sennen. 7Un wäa däm sienen Kjarpa aunschieet, dee saul sikj met Wota aufwauschen un siene Kjleeda wauschen un bat aum Owent orrein sennen. 8Un wan de orreina eenen reinen bekjwielen deit, dan saul dee siene Kjleeda wauschen un sikj met Wota aufwauschen un bat aum Owent orrein sennen. 9Uk de Sodel, wua hee bowen rieden deit, woat orrein. 10Un wäa irjentwaut aunschieet, waut dee unja sikj haft, dee woat orrein bat aum Owent. Un wäa soont drajcht, dee saul siene Kjleeda wauschen un sikj met Wota aufwauschen un bat aum Owent orrein sennen. 11Un wäm de kranka aunfot, onen siene Henj ieescht jewoschen to haben, dee saul siene Kjleeda wauschen un sikj met Wota aufwauschen un bat aum Owent orrein sennen. 12Wan de kranka een ieednet Dinkj aunfot, daut saul tweijeschloagen woaren, oba een heltanet Dinkj saul met Wota aufjespeelt woaren. #3Mo 11,33
13Wan de kranka von daut Jekjieta jeheelt woat, dan saul hee säwen Doag talen, von dan wan hee heel jeworden es, un dan siene Kjleeda wauschen un sikj met freschet Wota aufwauschen, dan es hee rein. 14Un aum achten Dach saul hee twee Turtelduwen ooda twee aundre Duwen nämen un dee no däm Engank von daut Vesaumlungszelt ver däm Harn brinjen un däm Priesta dee jäwen. #(14 un 15) 3Mo 5,7 15Un de Priesta saul de eene toom Sindopfa reedmoaken un de aundre toom Brauntopfa un am ver däm Harn veseenen wäajen sien kranket.
16Wan eenen Maun em Schlop de Somen aufjeit, dee saul sienen gaunzen Kjarpa met Wota aufwauschen un orrein sennen bat aum Owent. #3Mo 22,4 17Un jieda Kjleet ooda Schopsfal, wua de Somen noppjekomen es, saul met Wota aufjewoschen woaren, un es bat aum Owent orrein. 18Un wan eene Fru bie eenen Maun licht, däm de Somen aufjeit, dan sellen dee sikj beid met Wota aufwauschen un bat aum Owent orrein sennen.
19Wan eene Fru äare moonatliche Doag haft, saul see säwen Doag fa orrein jehoolen woaren. Wäa ar aunschieet, dee woat orrein bat aum Owent. #3Mo 18,19 20Un aules, wua see bowen licht ooda sett, soolang aus see äare Tiet haft, woat orrein. 21Un wäa äa Bad aunschieet, dee saul siene Kjleeda wauschen un sikj selfst met Wota aufwauschen un bat aum Owent orrein sennen. 22Un wäa irjentwaut aunschieet, wua see bowen jesäten haft, saul siene Kjleeda wauschen un sikj selfst met Wota aufwauschen un bat aum Owent orrein sennen. 23Un wäa irjentwaut aunschieet, waut opp äa Bad jewast es ooda doa, wua see jesäten haft, saul bat aum Owent orrein sennen. 24Un wan een Maun en dee Tiet met ar Jeschlajchtsvekjia haft, woat hee selfst fa säwen Doag orrein. Un daut Bad, wua hee bowen jeläajen haft, woat orrein.
25Wan bie eene Fru de moonatliche Räajel oba lenja aunhelt aus säwen Doag ooda see buta äare Räajel Bloot velist, dan es see en dee Tiet wua see krank es soo goot orrein, aus bie äare moonatliche Räajel. 26Aule Baden, wua see en de gaunze Tiet bowen licht, un aules, wua see bowen jesäten haft, woat orrein soo aus bie de moonatlich Räajel. 27Wäa von daut waut aunschieet, dee woat orrein un saul siene Kjleeda wauschen un sikj selfst met Wota aufwauschen un bat aum Owent orrein sennen. 28Woat see jeheelt von daut bleeden, dan saul see säwen Doag talen, un no däm saul see rein sennen. 29Un aum achten Dach saul see twee Turtelduwen ooda twee aundre Duwen nämen un dee nom Priesta brinjen ver däm Engank von daut Vesaumlungszelt. 30Un de Priesta saul dee eene aus Sindopfa un de aundre aus Brauntopfa opfren un de Fru ver däm Harn veseenen wäajen äaren Blootvelust, waut ar orrein muak.
31Jie sellen de Israeliten wäajen äare Onreinheit woarnen, om daut see nich doawäajen stoawen, wan see en äare Onreinheit en miene Woninj, waut en äare Medd es, nengonen un dee orrein moaken.
32Dit es daut Jesaz äwa dee, dee aum Jeschlajchtsjlett waut haben, waut doa kjietat ooda wäm de Somen em Schlop aufjeit, un doavon orrein woat. 33Ooda äwa eene Fru, dee äare moonatliche Räajel haft, un wäm sest irjent waut orreinet ut daut Jeschlajchtsjlett kjemt, aus biem Maun ooda bie de Fru, un wan een Maun bie eene orreine Fru licht.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.