3. Mose 16
16
Väaschreften fa dän Veseenungsdach
1De Har räd met Moses, no däm aus Aaron siene twee Säns sikj däm Harn jenodat hauden, un jestorwen wieren, #3Mo 10,1-2 2un säd: Saj dienen Brooda Aaron, daut hee nich too foaken en daut Heilichtum hinja de Gardien jeit wua daut Veseenungsdakjsel opp de Kjist es. Hee kunn doaderch stoawen, wiels doa wies ekj mie en de Wolkj bowa daut Dakjsel, waut opp de Bundeskjist licht. #2Mo 26,33-34 3Bloos soo doaf Aaron en daut Heilje nengonen: Met eenen jungen Boll toom Sindopfa un eenen Schopsbock toom Brauntopfa. #3Mo 1,10; 4,3 4Hee saul sikj dän heiljen Rock von Lienzeich auntrakjen, un Bekjsen von Lienzeich sellen siene Schaunden bedakjen, un hee saul sikj eene Binj von Lienzeich ombinjen un de Koppbinj von Lienzeich rom dän Kopp binjen, wiels daut sent de heilje Kjleeda. Un hee saul sienen Kjarpa em Wota boden un dan de Kjleeda auntrakjen. #2Mo 28,39.42; 29,4; 30,19-20 5Un hee saul von de vesaumelde Israeliten twee Kosenbakj nämen toom Sindopfa un eenen Schopsbock toom Brauntopfa. #3Mo 9,3.15-16 6Un Aaron saul eenen Boll, aus sien Sindopfa brinjen, daut hee fa sikj un siene Famielje Veseenunk veschauft. #3Mo 9,2.8-11; Heb 7,27 7Un dan saul hee de beid Kosenbakj nämen un dee ver däm Harn no däm Engank von daut Vesaumlungszelt brinjen 8un saul von de twee Kosenbakj lossen, een Loss fa däm Harn, un een Loss fa Asasel. 9Un dan saul Aaron dän Kosenbock, opp däm daut Loss fa dän Harn jefollen es, aus Sindopfa opfren. 10Oba dän Kosenbock, opp däm daut Loss fa Asasel jefollen es, saul hee läwendich ver däm Harn stalen, un derch Däm daut Volkj veseenen un däm aus Sindenbock no Asasel enne Wiltnis schekjen.
11Dän Boll fa sien Sindopfa saul Aaron doahan brinjen un schlachten un sikj un siene Famielje veseenen. #(11-15) Reema 3,25 12Hee saul eene rieekja Paun voll Gloot vom Aultoa nämen, waut ver däm Harn steit, un beid Henj voll fienet scheenrikjendet Weiruakstoff nämen un daut doa nenn hinja de Gardien brinjen, 13un dän Weiruak ver däm Harn opp daut Gloot streien, daut de Ruakwolkj von dän Weiruak daut Veseenungsdakjsel bedakjt, waut opp de Kjist met dän Bewies von däm Bunt es, om daut de Priesta nich stoaft. #2Mo 25,17-22 14Un hee saul waut von däm Boll sien Bloot nämen un daut fa däm Harn met sienen Finja een mol jäajen daut Veseenungsdakjsel spretzen. Ver daut Veseenungsdakjsel saul hee säwen mol von daut Bloot met sienen Finja spretzen. 15Un no däm saul hee dän Kosenbock schlachten, waut aus Sindopfa fa daut Volkj bestemt es. Hee saul von däm Bock sien Bloot hinja de Gardien brinjen un doavon opp daut Veseenungsdakjsel un ver de Kjist oppe Ieed spretzen, krakjt soo aus hee daut met daut Bloot von däm Boll deed. #Heb 4,16; 9,5 16Soo saul hee daut Heilichtum veseenen wäajen de Israeliten äare Onreinheiten un Veschuldjungen, wuamet see sikj vesindicht haben. Soo saul hee daut Vesaumlungszelt reinjen, waut medden en daut israelitische Loaga steit un derch äare Veschuldjungen veorreinicht woat. 17Kjeen Mensch saul en daut Vesaumlungszelt sennen, von dan wan Aaron en daut Aulaheilichste jeit om fa sikj, siene Famielje, un fa daut gaunze Volkj Israel dise Veseenunk derchtofieren, bat hee doa wada rutkjemt. 18Un no däm saul Aaron rutgonen no däm Aultoa, waut ver däm Harn steit, un uk däm veseenen. Hee saul runtom de Hieena von däm Aultoa met daut Bloot von de beid Opfatieren beschmäaren #2Mo 30,10 19un saul met sienen Finja säwen mol von daut Bloot aun dän Aultoa spretzen, un dän soo reinjen un heiljen von de Israeliten äare Onreinheiten.
De Sindenbock
20Wan Aaron de Veseenunk fa daut Heilichtum, daut Vesaumlungszelt un dän Aultoa, derchjefieet haft, dan saul hee dän läwendjen Kosenbock doahan brinjen. 21Dan saul Aaron siene beid Henj opp däm sienen Kopp lajen un äwa däm aule Vefälungen un Veschuldjungen von de Israeliten bekjanen, wua see sikj met vesindicht haben, un dän Bock dee opp sienen Kopp lajen un däm von eenen Maun, waut reedsteit, en de Wiltnis brinjen loten, 22soo daut de Bock aule Veschuldjungen opp sikj nemt un en de Wiltnis drajcht. Un dee woat en de Wiltnis jeloten.
23Dan saul Aaron en daut Vesaumlungszelt gonen un sikj de Kjleeda von Lienzeich uttrakjen, waut hee sikj to de Haundlunk aunjetrocken haft, un dee doa wajchlajen. 24Un hee saul sienen Kjarpa opp eene jeweide Städ met Wota aufwauschen un sikj wada siene ieejne Kjleeda auntrakjen. Un dan wada rutgonen un fa sikj un fa daut Volkj de beid Schopsbakj aus Brauntopfa opfren, un sikj un daut Volkj veseenen, 25un daut Fat vom Sindopfa opp däm Aultoa en Ruak oppgonen loten. 26De Maun, dee dän Kosenbock fa Asasel rutjebrocht haft, saul siene Kjleeda wauschen un sikj selfst met Wota aufwauschen un mau ieescht no däm en daut Loaga komen. 27Un dän jungen Boll un dän Kosenbock von de Sindopfa, dee äa Bloot to de Veseenunk en daut Heilichtum jebrocht wort, sellen see rutdroagen bat buta daut Loaga un daut doa aula vebrennen, daut Lada, daut Fleesch un daut Enjeweide. #3Mo 4,12; 6,23; 13,11 28Un dee waut daut vebrent, saul siene Kjleeda wauschen un sikj met Wota aufwauschen un mau ieescht no däm en daut Loaga komen.
Wiedre Väaschreften fa dän Veseenungsdach
29Uk dit saul junt eene Ordnunk fa emma sennen: Aum 10. Dach en de 7. Moonat sell jie fausten un kjeene Oabeit doonen, nich june Menschen, uk nich de framde waut mank junt wonen. #3Mo 23,27-32; 4Mo 29,7 30Aun disen Dach passieet june Veseenunk, daut jie jereinicht woaren; von aul june Sinden woa jie ver däm Harn jereinicht. 31Doawäajen sell jie dän Dach aus eenen besonda heiljen Sabat hoolen, un jie sellen fausten. Dise Ordnunk jelt fa aule Tieden. 32Soone Veseenunk derchfieren saul een Priesta, dee jesaulft un aus Priesta enjesat es, daut hee en sienen Voda siene Städ Priesta es. Un hee saul sikj de heilje Deenstkjleeda auntrakjen, #2Mo 28,41-42 33un saul soo daut Aulaheilichste, daut gaunze Vesaumlungszelt un dän Aultoa veseenen. Un uk de Priesta un de gaunze Volkjs Vesaumlunk saul hee veseenen. 34Daut saul junt eene Ordnunk fa emma sennen, daut jie Israel een mol em Joa veseenen wäajen aul äare Sinden. Un daut wort soo jedonen, aus de Har Moses daut aunjeordnet haud. #2Mo 30,10; Heb 10,3
Currently Selected:
3. Mose 16: PB
Highlight
Share
Compare
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.
3. Mose 16
16
Väaschreften fa dän Veseenungsdach
1De Har räd met Moses, no däm aus Aaron siene twee Säns sikj däm Harn jenodat hauden, un jestorwen wieren, #3Mo 10,1-2 2un säd: Saj dienen Brooda Aaron, daut hee nich too foaken en daut Heilichtum hinja de Gardien jeit wua daut Veseenungsdakjsel opp de Kjist es. Hee kunn doaderch stoawen, wiels doa wies ekj mie en de Wolkj bowa daut Dakjsel, waut opp de Bundeskjist licht. #2Mo 26,33-34 3Bloos soo doaf Aaron en daut Heilje nengonen: Met eenen jungen Boll toom Sindopfa un eenen Schopsbock toom Brauntopfa. #3Mo 1,10; 4,3 4Hee saul sikj dän heiljen Rock von Lienzeich auntrakjen, un Bekjsen von Lienzeich sellen siene Schaunden bedakjen, un hee saul sikj eene Binj von Lienzeich ombinjen un de Koppbinj von Lienzeich rom dän Kopp binjen, wiels daut sent de heilje Kjleeda. Un hee saul sienen Kjarpa em Wota boden un dan de Kjleeda auntrakjen. #2Mo 28,39.42; 29,4; 30,19-20 5Un hee saul von de vesaumelde Israeliten twee Kosenbakj nämen toom Sindopfa un eenen Schopsbock toom Brauntopfa. #3Mo 9,3.15-16 6Un Aaron saul eenen Boll, aus sien Sindopfa brinjen, daut hee fa sikj un siene Famielje Veseenunk veschauft. #3Mo 9,2.8-11; Heb 7,27 7Un dan saul hee de beid Kosenbakj nämen un dee ver däm Harn no däm Engank von daut Vesaumlungszelt brinjen 8un saul von de twee Kosenbakj lossen, een Loss fa däm Harn, un een Loss fa Asasel. 9Un dan saul Aaron dän Kosenbock, opp däm daut Loss fa dän Harn jefollen es, aus Sindopfa opfren. 10Oba dän Kosenbock, opp däm daut Loss fa Asasel jefollen es, saul hee läwendich ver däm Harn stalen, un derch Däm daut Volkj veseenen un däm aus Sindenbock no Asasel enne Wiltnis schekjen.
11Dän Boll fa sien Sindopfa saul Aaron doahan brinjen un schlachten un sikj un siene Famielje veseenen. #(11-15) Reema 3,25 12Hee saul eene rieekja Paun voll Gloot vom Aultoa nämen, waut ver däm Harn steit, un beid Henj voll fienet scheenrikjendet Weiruakstoff nämen un daut doa nenn hinja de Gardien brinjen, 13un dän Weiruak ver däm Harn opp daut Gloot streien, daut de Ruakwolkj von dän Weiruak daut Veseenungsdakjsel bedakjt, waut opp de Kjist met dän Bewies von däm Bunt es, om daut de Priesta nich stoaft. #2Mo 25,17-22 14Un hee saul waut von däm Boll sien Bloot nämen un daut fa däm Harn met sienen Finja een mol jäajen daut Veseenungsdakjsel spretzen. Ver daut Veseenungsdakjsel saul hee säwen mol von daut Bloot met sienen Finja spretzen. 15Un no däm saul hee dän Kosenbock schlachten, waut aus Sindopfa fa daut Volkj bestemt es. Hee saul von däm Bock sien Bloot hinja de Gardien brinjen un doavon opp daut Veseenungsdakjsel un ver de Kjist oppe Ieed spretzen, krakjt soo aus hee daut met daut Bloot von däm Boll deed. #Heb 4,16; 9,5 16Soo saul hee daut Heilichtum veseenen wäajen de Israeliten äare Onreinheiten un Veschuldjungen, wuamet see sikj vesindicht haben. Soo saul hee daut Vesaumlungszelt reinjen, waut medden en daut israelitische Loaga steit un derch äare Veschuldjungen veorreinicht woat. 17Kjeen Mensch saul en daut Vesaumlungszelt sennen, von dan wan Aaron en daut Aulaheilichste jeit om fa sikj, siene Famielje, un fa daut gaunze Volkj Israel dise Veseenunk derchtofieren, bat hee doa wada rutkjemt. 18Un no däm saul Aaron rutgonen no däm Aultoa, waut ver däm Harn steit, un uk däm veseenen. Hee saul runtom de Hieena von däm Aultoa met daut Bloot von de beid Opfatieren beschmäaren #2Mo 30,10 19un saul met sienen Finja säwen mol von daut Bloot aun dän Aultoa spretzen, un dän soo reinjen un heiljen von de Israeliten äare Onreinheiten.
De Sindenbock
20Wan Aaron de Veseenunk fa daut Heilichtum, daut Vesaumlungszelt un dän Aultoa, derchjefieet haft, dan saul hee dän läwendjen Kosenbock doahan brinjen. 21Dan saul Aaron siene beid Henj opp däm sienen Kopp lajen un äwa däm aule Vefälungen un Veschuldjungen von de Israeliten bekjanen, wua see sikj met vesindicht haben, un dän Bock dee opp sienen Kopp lajen un däm von eenen Maun, waut reedsteit, en de Wiltnis brinjen loten, 22soo daut de Bock aule Veschuldjungen opp sikj nemt un en de Wiltnis drajcht. Un dee woat en de Wiltnis jeloten.
23Dan saul Aaron en daut Vesaumlungszelt gonen un sikj de Kjleeda von Lienzeich uttrakjen, waut hee sikj to de Haundlunk aunjetrocken haft, un dee doa wajchlajen. 24Un hee saul sienen Kjarpa opp eene jeweide Städ met Wota aufwauschen un sikj wada siene ieejne Kjleeda auntrakjen. Un dan wada rutgonen un fa sikj un fa daut Volkj de beid Schopsbakj aus Brauntopfa opfren, un sikj un daut Volkj veseenen, 25un daut Fat vom Sindopfa opp däm Aultoa en Ruak oppgonen loten. 26De Maun, dee dän Kosenbock fa Asasel rutjebrocht haft, saul siene Kjleeda wauschen un sikj selfst met Wota aufwauschen un mau ieescht no däm en daut Loaga komen. 27Un dän jungen Boll un dän Kosenbock von de Sindopfa, dee äa Bloot to de Veseenunk en daut Heilichtum jebrocht wort, sellen see rutdroagen bat buta daut Loaga un daut doa aula vebrennen, daut Lada, daut Fleesch un daut Enjeweide. #3Mo 4,12; 6,23; 13,11 28Un dee waut daut vebrent, saul siene Kjleeda wauschen un sikj met Wota aufwauschen un mau ieescht no däm en daut Loaga komen.
Wiedre Väaschreften fa dän Veseenungsdach
29Uk dit saul junt eene Ordnunk fa emma sennen: Aum 10. Dach en de 7. Moonat sell jie fausten un kjeene Oabeit doonen, nich june Menschen, uk nich de framde waut mank junt wonen. #3Mo 23,27-32; 4Mo 29,7 30Aun disen Dach passieet june Veseenunk, daut jie jereinicht woaren; von aul june Sinden woa jie ver däm Harn jereinicht. 31Doawäajen sell jie dän Dach aus eenen besonda heiljen Sabat hoolen, un jie sellen fausten. Dise Ordnunk jelt fa aule Tieden. 32Soone Veseenunk derchfieren saul een Priesta, dee jesaulft un aus Priesta enjesat es, daut hee en sienen Voda siene Städ Priesta es. Un hee saul sikj de heilje Deenstkjleeda auntrakjen, #2Mo 28,41-42 33un saul soo daut Aulaheilichste, daut gaunze Vesaumlungszelt un dän Aultoa veseenen. Un uk de Priesta un de gaunze Volkjs Vesaumlunk saul hee veseenen. 34Daut saul junt eene Ordnunk fa emma sennen, daut jie Israel een mol em Joa veseenen wäajen aul äare Sinden. Un daut wort soo jedonen, aus de Har Moses daut aunjeordnet haud. #2Mo 30,10; Heb 10,3
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.