4. Mose 14
14
Daut Volkj vetrut Gott nich mea
1Dan wia de gaunze Vesaumlunk rutjefoddat un schrieech, un daut Volkj hield de gaunze Nacht äwa. #5Mo 1,26-44 2Un aule Israeliten grumsaujden jäajen Moses un Aaron, un de gaunze Vesaumlunk säd to an: Wan wie doch en Ägipten jestorwen wieren ooda noch en de Wiltnis storwen! 3Wuarom brinjt de Har ons en dit Launt, daut wie em Kaumf omkomen, un onse Frues un kjliene Kjinja de Fiend enne Henj jeroden? Es daut nich bäta, wie trakjen wada trigj no Ägipten? #Psa 106,24-26 4Un dan säd eena toom aundren: Lot ons eenen Leida ensaten äwa ons un wada trigj no Ägipten trakjen! 5Oba Moses un Aaron schmeeten sikj met däm Jesecht oppe Ieed ver de vesaumelde Israeliten. #4Mo 16,4 6Un Josua, Nun sien Sän, un Kaleb, Jefune sien Sän, dee daut Launt uk unjasocht hauden, vereeten äare Kjleeda #4Mo 13,6.8.16.30 7un säden to de gaunze Vesaumlunk von Israeliten: Daut Launt, wua wie derchjegonen sent, om daut to unjasieekjen, es sea goot. 8Wan de Har ons jnädich es, dan woat hee ons en daut Launt brinjen un ons daut jäwen. Daut es een Launt, waut von Malkj un Honnich äwarant! #4Mo 13,27 9Doot bloos nich vom Harn auffaulen un fercht junt nich fa daut Volkj en dit Launt, wiels wie wellen dee soo aus Broot oppfräten. Äa Schutz es von an veschwungen, ons oba steit de Har bie. Fercht junt nich fa an! #4Mo 13,32
10Oba daut gaunze Volkj wull an steenjen. Dan leet däm Harn siene Harlichkjeit sikj bowa daut Vesaumlungszelt ver aule Israeliten seenen. #2Mo 16,10; 17,4
Moses bät fa daut onjehuarsome Volkj
11Un de Har säd to Moses: Woo lang well dit Volkj mie veachten? Un woo lang wellen see sikj wäaren aun mie to jleewen, wan ekj doch aul de Tieekjens mank an jedonen hab? 12Ekj woa dee met eene jefäadelje Krankheit schlonen un dee utroden, un die to een jratret un stoakjret Volkj moaken aus dit. #2Mo 32,10-14 13Moses säd toom Harn: Dan woaren de Ägipta daut to hieren kjrieen. Wiels du hast dit Volkj met diene Krauft ut äare Medd rutjefieet. 14Uk de Enwona von dit Launt woat daut jesajcht woaren, waut daut jehieet haben, daut du, Har, mank dit Volkj best, un daut du von an jeseenen woascht un diene Wolkj äwa an steit un daut du, Har, äwa Dach ver an jeist en däm Wolkjenstenda un de Nacht en däm Fiastenda. #2Mo 13,21-22; 4Mo 9,15-23 15Wurscht du dit Volkj nu met eenen Schlach doot moaken, dan wudden de Velkja, waut soone Jeschichten von die jehieet haben, sajen: 16De Har wia too schwak, om dit Volkj en daut Launt to brinjen, waut hee an met eenen Eit vesproaken haud; doawäajen haft hee an en de Wiltnis utstoawen loten. #5Mo 9,28; Jos 7,8-9 17Har, lot doch diene Macht aun ons openboa woaren, soo aus du jesajcht hast: 18“De Har es jeduldich un siene truhoatje Leew es groot un vejeft schlajchte Doten un Äwaträdungen; oba hee lat kjeenem onjestroft. Hee lat de Strof fa de Vodasch äare Veschuldjungen äwa de Kjinja komen bat en de dredde un vieede Jennerazion.” #2Mo 34,6-7 19Wiels diene truhoatje Leew soo groot es, vejeff dit Volkj äare Schult, soo aus du dit Volkj uk vejäft hast von Ägipten aun bat hia. #2Mo 34,10
20Un de Har säd: Ekj vejäw an, soo aus du doarom jebät hast. 21Oba soo secha aus ekj läw un de gaunze Welt von däm Harn siene Harlichkjeit voll woaren saul: #2Mo 9,16 22Aul dise Mana, waut miene Harlichkjeit un miene Tieekjens jeseenen haben, dee ekj en Ägipten un en de Wiltnis jedonen hab, un dee mie nu aul tieen mol aufjeprooft un miene Stemm nich jehorcht haben, 23von dee saul kjeena daut Launt seenen, waut ekj äare Vodasch vesproaken hab to jäwen; un kjeena von dee, dee mie veacht haben, saul daut seenen. #Psa 95,11; Heb 3,11.17-19 24Bloos mienen Deena Kaleb well ekj en daut Launt brinjen, waut hee unjasocht haft, wiels en am een aundra Jeist es un hee mie tru nojefolcht es, un siene Nokomen sellen daut ennämen. #Jos 14,6.9 25Opp daut jlikje Launt oba bliewen de Amalekita un Kanaanita wonen. Morjen wenjt om un reist derch de Wiltnis nom Schelpmäa opptoo!
De Strof: 40 Joa en de Wiltnis
26De Har räd met Moses un Aaron un säd: 27Woo lang saul daut met dit beese Volkj noch wieda gonen, daut see jäajen mie grumsaujen? Ekj hab daut jehieet, woo de Israeliten jäajen mie grumsaujden. #(27-30) 2Mo 32,34-35 28Doawäajen saj to an: Soo secha aus ekj läw, sajcht de Har, ekj woa met junt doonen, soo aus jie ver miene Uaren jesajcht haben. 29June Kjarpasch sellen en dise Wiltnis vewäsen. Jie aula, waut jetalt sent von 20 Joa un doaräwa, waut jäajen mie grumsaujden. #1Kor 10,10 30Kjeena von junt saul en daut Launt komen, wua äwa ekj miene Haunt oppjehowen hab toom schwieren, junt doabennen wonen to loten, buta Kaleb, Jefune sien Sän, un Josua, Nun sien Sän. 31June Kjinja, von dee jie säden: See woaren de Fiend enne Henj faulen, dee well ekj doa nenn brinjen, daut see daut Launt kjanen lieren, waut jie veacht haben. 32Oba june ieejne Kjarpasch sellen en dise Wiltnis vewäsen. 33Un june Kjinja sellen 40 Joa Vee heeden en de Wiltnis, wäajen jun ontruet, bat june Kjarpasch en de Wiltnis omjekomen sent. #2Mo 16,35; 5Mo 2,7; 8,4 34No de Zol von de 40 Doag, en dee jie daut Launt unjasocht haben, sell jie nu 40 Joa lank, fa jieda Dach een Joa, june Schult droagen, om daut jie enwoaren, waut daut es, wan ekj de Haunt trigjtrakj. #4Mo 32,13; Jer 2,19 35Ekj, de Har, hab daut jesajcht, un woa daut uk secha hoolen met dise gaunze beese Vesaumlunk, dee sikj jäajen mie vesaumelt haft. En dise Wiltnis sellen see omkomen un utstoawen.
36Soo storwen ver däm Harn derch eene Ploag aul de Mana, waut Moses utjeschekjt haud, om daut Launt to unjasieekjen, un trigjekomen wieren. See hauden de gaunze Vesaumlunk to Ontofrädenheit jäajen am veleit, #1Kor 10,5.10; Jud 5 37doaderch, daut see een beeset Jeräd äwa daut Launt vebreet hauden. 38Oba Josua, Nun sien Sän, un Kaleb, Jefune sien Sän, bleewen aum läwen von de Mana, waut jegonen wieren, om daut Launt to unjasieekjen.
Daut Leet doonen kjemt to lot
39Aus Moses dise Wieed to aule Israeliten säd, dan truad daut Volkj sea. 40Aum näakjsten Morjen muaken see sikj tiedich opp un jinjen opp daut Boajlaunt nopp un säden: Wie sent nu reed! Wie wellen däm Harn jehorchen un en daut Launt trakjen, wiels wie haben jesindicht. #5Mo 1,41 41Moses säd to an: Wuarom well jie däm Harn sien Wuat äwaträden? Daut woat junt nich jlekjen. 42Got nich loos, de Har woat nich met junt metgonen, daut jie nich jeschloagen woaren von june Fiend. 43De Amalekita un Kanaanita stonen junt dort jäajenäwa, un jie woaren derch daut Schwieet omkomen, wiels jie junt vom Harn wajchjedreit haben, un de Har junt nich biestonen woat! 44Oba see wieren soo ieejenkoppich un trocken loos opp daut huage Boajlaunt nopp. Oba Moses un de Kjist met däm Harn sienen Bunt bleewen em Loaga. 45Dan kjeemen de Amalekita un Kanaanita, waut opp daut Boajlaunt wonden, un schluagen an trigj un sprenjden an bat Horma. #4Mo 21,3; 5Mo 1,44
Currently Selected:
4. Mose 14: PB
Highlight
Share
Compare
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.
4. Mose 14
14
Daut Volkj vetrut Gott nich mea
1Dan wia de gaunze Vesaumlunk rutjefoddat un schrieech, un daut Volkj hield de gaunze Nacht äwa. #5Mo 1,26-44 2Un aule Israeliten grumsaujden jäajen Moses un Aaron, un de gaunze Vesaumlunk säd to an: Wan wie doch en Ägipten jestorwen wieren ooda noch en de Wiltnis storwen! 3Wuarom brinjt de Har ons en dit Launt, daut wie em Kaumf omkomen, un onse Frues un kjliene Kjinja de Fiend enne Henj jeroden? Es daut nich bäta, wie trakjen wada trigj no Ägipten? #Psa 106,24-26 4Un dan säd eena toom aundren: Lot ons eenen Leida ensaten äwa ons un wada trigj no Ägipten trakjen! 5Oba Moses un Aaron schmeeten sikj met däm Jesecht oppe Ieed ver de vesaumelde Israeliten. #4Mo 16,4 6Un Josua, Nun sien Sän, un Kaleb, Jefune sien Sän, dee daut Launt uk unjasocht hauden, vereeten äare Kjleeda #4Mo 13,6.8.16.30 7un säden to de gaunze Vesaumlunk von Israeliten: Daut Launt, wua wie derchjegonen sent, om daut to unjasieekjen, es sea goot. 8Wan de Har ons jnädich es, dan woat hee ons en daut Launt brinjen un ons daut jäwen. Daut es een Launt, waut von Malkj un Honnich äwarant! #4Mo 13,27 9Doot bloos nich vom Harn auffaulen un fercht junt nich fa daut Volkj en dit Launt, wiels wie wellen dee soo aus Broot oppfräten. Äa Schutz es von an veschwungen, ons oba steit de Har bie. Fercht junt nich fa an! #4Mo 13,32
10Oba daut gaunze Volkj wull an steenjen. Dan leet däm Harn siene Harlichkjeit sikj bowa daut Vesaumlungszelt ver aule Israeliten seenen. #2Mo 16,10; 17,4
Moses bät fa daut onjehuarsome Volkj
11Un de Har säd to Moses: Woo lang well dit Volkj mie veachten? Un woo lang wellen see sikj wäaren aun mie to jleewen, wan ekj doch aul de Tieekjens mank an jedonen hab? 12Ekj woa dee met eene jefäadelje Krankheit schlonen un dee utroden, un die to een jratret un stoakjret Volkj moaken aus dit. #2Mo 32,10-14 13Moses säd toom Harn: Dan woaren de Ägipta daut to hieren kjrieen. Wiels du hast dit Volkj met diene Krauft ut äare Medd rutjefieet. 14Uk de Enwona von dit Launt woat daut jesajcht woaren, waut daut jehieet haben, daut du, Har, mank dit Volkj best, un daut du von an jeseenen woascht un diene Wolkj äwa an steit un daut du, Har, äwa Dach ver an jeist en däm Wolkjenstenda un de Nacht en däm Fiastenda. #2Mo 13,21-22; 4Mo 9,15-23 15Wurscht du dit Volkj nu met eenen Schlach doot moaken, dan wudden de Velkja, waut soone Jeschichten von die jehieet haben, sajen: 16De Har wia too schwak, om dit Volkj en daut Launt to brinjen, waut hee an met eenen Eit vesproaken haud; doawäajen haft hee an en de Wiltnis utstoawen loten. #5Mo 9,28; Jos 7,8-9 17Har, lot doch diene Macht aun ons openboa woaren, soo aus du jesajcht hast: 18“De Har es jeduldich un siene truhoatje Leew es groot un vejeft schlajchte Doten un Äwaträdungen; oba hee lat kjeenem onjestroft. Hee lat de Strof fa de Vodasch äare Veschuldjungen äwa de Kjinja komen bat en de dredde un vieede Jennerazion.” #2Mo 34,6-7 19Wiels diene truhoatje Leew soo groot es, vejeff dit Volkj äare Schult, soo aus du dit Volkj uk vejäft hast von Ägipten aun bat hia. #2Mo 34,10
20Un de Har säd: Ekj vejäw an, soo aus du doarom jebät hast. 21Oba soo secha aus ekj läw un de gaunze Welt von däm Harn siene Harlichkjeit voll woaren saul: #2Mo 9,16 22Aul dise Mana, waut miene Harlichkjeit un miene Tieekjens jeseenen haben, dee ekj en Ägipten un en de Wiltnis jedonen hab, un dee mie nu aul tieen mol aufjeprooft un miene Stemm nich jehorcht haben, 23von dee saul kjeena daut Launt seenen, waut ekj äare Vodasch vesproaken hab to jäwen; un kjeena von dee, dee mie veacht haben, saul daut seenen. #Psa 95,11; Heb 3,11.17-19 24Bloos mienen Deena Kaleb well ekj en daut Launt brinjen, waut hee unjasocht haft, wiels en am een aundra Jeist es un hee mie tru nojefolcht es, un siene Nokomen sellen daut ennämen. #Jos 14,6.9 25Opp daut jlikje Launt oba bliewen de Amalekita un Kanaanita wonen. Morjen wenjt om un reist derch de Wiltnis nom Schelpmäa opptoo!
De Strof: 40 Joa en de Wiltnis
26De Har räd met Moses un Aaron un säd: 27Woo lang saul daut met dit beese Volkj noch wieda gonen, daut see jäajen mie grumsaujen? Ekj hab daut jehieet, woo de Israeliten jäajen mie grumsaujden. #(27-30) 2Mo 32,34-35 28Doawäajen saj to an: Soo secha aus ekj läw, sajcht de Har, ekj woa met junt doonen, soo aus jie ver miene Uaren jesajcht haben. 29June Kjarpasch sellen en dise Wiltnis vewäsen. Jie aula, waut jetalt sent von 20 Joa un doaräwa, waut jäajen mie grumsaujden. #1Kor 10,10 30Kjeena von junt saul en daut Launt komen, wua äwa ekj miene Haunt oppjehowen hab toom schwieren, junt doabennen wonen to loten, buta Kaleb, Jefune sien Sän, un Josua, Nun sien Sän. 31June Kjinja, von dee jie säden: See woaren de Fiend enne Henj faulen, dee well ekj doa nenn brinjen, daut see daut Launt kjanen lieren, waut jie veacht haben. 32Oba june ieejne Kjarpasch sellen en dise Wiltnis vewäsen. 33Un june Kjinja sellen 40 Joa Vee heeden en de Wiltnis, wäajen jun ontruet, bat june Kjarpasch en de Wiltnis omjekomen sent. #2Mo 16,35; 5Mo 2,7; 8,4 34No de Zol von de 40 Doag, en dee jie daut Launt unjasocht haben, sell jie nu 40 Joa lank, fa jieda Dach een Joa, june Schult droagen, om daut jie enwoaren, waut daut es, wan ekj de Haunt trigjtrakj. #4Mo 32,13; Jer 2,19 35Ekj, de Har, hab daut jesajcht, un woa daut uk secha hoolen met dise gaunze beese Vesaumlunk, dee sikj jäajen mie vesaumelt haft. En dise Wiltnis sellen see omkomen un utstoawen.
36Soo storwen ver däm Harn derch eene Ploag aul de Mana, waut Moses utjeschekjt haud, om daut Launt to unjasieekjen, un trigjekomen wieren. See hauden de gaunze Vesaumlunk to Ontofrädenheit jäajen am veleit, #1Kor 10,5.10; Jud 5 37doaderch, daut see een beeset Jeräd äwa daut Launt vebreet hauden. 38Oba Josua, Nun sien Sän, un Kaleb, Jefune sien Sän, bleewen aum läwen von de Mana, waut jegonen wieren, om daut Launt to unjasieekjen.
Daut Leet doonen kjemt to lot
39Aus Moses dise Wieed to aule Israeliten säd, dan truad daut Volkj sea. 40Aum näakjsten Morjen muaken see sikj tiedich opp un jinjen opp daut Boajlaunt nopp un säden: Wie sent nu reed! Wie wellen däm Harn jehorchen un en daut Launt trakjen, wiels wie haben jesindicht. #5Mo 1,41 41Moses säd to an: Wuarom well jie däm Harn sien Wuat äwaträden? Daut woat junt nich jlekjen. 42Got nich loos, de Har woat nich met junt metgonen, daut jie nich jeschloagen woaren von june Fiend. 43De Amalekita un Kanaanita stonen junt dort jäajenäwa, un jie woaren derch daut Schwieet omkomen, wiels jie junt vom Harn wajchjedreit haben, un de Har junt nich biestonen woat! 44Oba see wieren soo ieejenkoppich un trocken loos opp daut huage Boajlaunt nopp. Oba Moses un de Kjist met däm Harn sienen Bunt bleewen em Loaga. 45Dan kjeemen de Amalekita un Kanaanita, waut opp daut Boajlaunt wonden, un schluagen an trigj un sprenjden an bat Horma. #4Mo 21,3; 5Mo 1,44
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.