4. Mose 15
15
Aunwiesungen äwa de Gowen waut bie de Opfa von Tieren doabiejehieeden
1De Har räd met Moses un säd: 2Räd met de Israeliten un saj to an: Wan jie en daut Launt komen, waut ekj junt toom wonen jäwen woa, sell jie june Opfa no dise Väaschreften moaken. 3Jie derwen von Rinda ooda Schop Fiaopfa fa däm Harn moaken, auf daut een Brauntopfa ooda een Schlachtopfa es, to een scheenet Jeroch fa däm Harn, ooda een besondret Vespräakjen to erfellen ooda aus friewelje Gow ooda bie june Fasta. 4Wäa siene Gow fa däm Harn opfren well, saul aus Ätesopfa een tieendel Efa wittet Mäl doabie nämen, toopjerieet met eene vieedel Kaun Eelj, #3Mo 2,1-16; 4Mo 28,5 5un uk aus Drinkjopfa eene vieedel Kaun Wien doabie nämen bie daut Brauntopfa ooda Schlachtopfa von een Schop, waut jeopfat woat. #2Mo 29,40; 3Mo 23,13; 4Mo 28,7 6Wan oba een Schopsbock jeopfat woat, saust du aus Ätesopfa twee tieendel Efa wittet Mäl, met een dreddel von eene Kaun Eelj toopjerieet, doabie doonen, 7un aus Drinkjopfa uk een dreddel von eene Kaun Wien. Daut saust du däm Harn to een scheenet Jeroch opfren. 8West du däm Harn een Rint toom Brauntopfa ooda wäajen een besondret Vespräakjen ooda toom Dankopfa brinjen, 9dan saust du aus Ätesopfa bie daut Rint, dree tieendel Efa wittet Mäl, met eene haulwe Kaun Eelj toopjerieet, bie doonen, 10un aus Drinkjopfa uk eene haulwe Kaun Wien. Daut es een Fiaopfa to een scheenet Jeroch fa dän Harn. 11Soo saust du daut doonen met eenen Boll, met eenen Schopsbock, met een Schop ooda met eene Kos. 12Fa sooväl Tieren aus jeopfat woaren, sellen uk de Ätesopfa un Drinkjopfa jejäft woaren. 13Jieda eena von june Menschen saul daut soo hoolen, wan hee däm Harn een Fiaopfa brinjen well to een scheenet Jeroch. 14Un wan een framda bie junt wont ooda mank junt bie june Nokomen läft un well däm Harn een Fiaopfa to een scheenet Jeroch brinjen, dan saul dee daut krakjt soo doonen aus jie. 15Fa de gaunze Vesaumlunk talt bloos eene Räajel, fa junt soo aus fa de framde, dee mank junt wonen. Daut saul eene Ordnunk fa emma sennen fa june Nokomen, daut een framda ver däm Harn met junt jlikj steit. #2Mo 12,48-49 16Eent un daut selwje Jesaz un eent un daut selwje Rajcht talt fa junt uk fa de framde, waut bie junt wonen.
Daut ieeschte Broot jehieet Gott
17Un de Har räd met Moses un säd: 18Räd met de Israeliten un saj to an: Wan jie en daut Launt komen, wua ekj junt nenn brinjen woa, 19un jie von daut Jeträajd von en daut Launt Broot baken, dan sell jie däm Harn eene Opfagow brinjen. 20Von daut ieeschte Jeträajd sell jie eene Kuak aus Opfagow brinjen, aus de Opfagow dee jie vom Draschplauz brinjen. #Neh 10,38; Hes 44,30 21Soo aus dit sell jie däm Harn uk en aule Jennerazionen daut ieeschte von junen Dieech jäwen.
Veseenunk fa onaufsechtliche Vefälungen
22Un wan jie derch eenen Vefäl eent von dise Jebooten nich doonen, waut de Har to Moses jesajcht haft, #(22-26) 3Mo 4,13-21 23irjent eent von aul dee, dee de Har junt derch Moses aunjeordnet haft, von doa aun wua hee junt daut aunordend, un wieda fa aule Jennerazionen, 24wan de Jemeent sikj onen äa weeten veschulcht, saul de gaunze Jemeent eenen jungen Boll aus Brauntopfa brinjen to een scheenet Jeroch fa dän Harn, met daut Ätesopfa un Drinkjopfa toop, soo aus daut väajeschräwen es. Un see sellen eenen Kosenbock aus Sindopfa brinjen. 25Soo saul de Priesta de gaunze Vesaumlunk von Israeliten veseenen, un an woat daut vejäft woaren, wiels daut een Fäla wia. Wan see dise Gow aus Fiaopfa fa dän Harn brinjen, un äa Sindopfa fa äaren Fäla ver däm Harn brinjen, 26dan woat de gaunze Vesaumlunk von de Israeliten de Schult vejäft woaren, un uk dän framden, waut mank junt wont, wiels daut gaunze Volkj aun soone Fäla deel haft.
27Wan bloos eene Persoon derch eenen Vefäl sindjen woat, dan saul hee eene eenjoasche Kos toom Sindopfa brinjen. #3Mo 4,27-28 28Un de Priesta saul fa däm de Veseenunk ver däm Harn derchfieren, dee derch eenen Vefäl jesindicht haft, daut hee veseent es un am daut vejäft woat. 29Un fa dee waut sikj derch eenen Vefäl veschuldjen, saul eent un daut selwje Jesaz jellen, fa dän Enwona von de Israeliten un fa dän framden, waut mank junt wont.
30Wan eene Persoon aufsechtlich jäajen däm Harn sien Jeboot haundelt, auf eena von junt ooda een Framdoabeida, dee haft dän Harn en Veachtunk jebrocht. Un dee saul ut sien Volkj utjerot woaren, #Apost 13,38; Heb 10,26-29 31wiels hee haft däm Harn sien Wuat veacht un sien Jeboot jebroaken. Dise Persoon saul onbedinjt utjerot woaren; siene Schult blift opp am.
Een Faul wua de Sabat veonieet woat
32Aus de Israeliten doa en de Wiltnis wieren, fungen see eenen Maun, waut aum Sabat Holt tooplaus. #2Mo 20,8-10 33Un dee waut am doabie aunjetroffen hauden, woo hee Holt tooplaus, brochten am no Moses un Aaron un ver de gaunze Vesaumlunk. 34Un see stopten am en, wiels daut wia nich gaunz kloa bestemt, waut see met am doonen sullen. #3Mo 24,12 35De Har säd to Moses: De Maun saul stoawen; de gaunze Jemeent saul däm buten ver daut Loaga steenjen. #2Mo 31,14-15; 35,2-3 36Dan brocht de gaunze Jemeent am rut bat ver daut Loaga un deed am steenjen, soo daut hee storf, soo aus de Har Moses daut väajesajcht haud.
Een Tieekjen toom denkjen halpen aun de Kjleeda
37De Har säd to Moses: 38Räd met de Israeliten un saj to an, daut see un äare Nokomen sikj zeichne Zippelkje moaken aun de Akjen von äare Kjleeda un bleiwe Benja aun de Zippelkje oppe Akjen von äare Kjleeda moaken. #2Mo 39,1; 5Mo 22,12; Mat 23,5 39Un de Zippelkje sellen junt doatoo deenen: Daut jie emma wan jie dee seenen, aun aule Jebooten vom Harn denkjen un dee doonen, om daut jie junt nich von jun Hoat ooda von june Uagen veleiden loten un aundre Jetta deenen. 40Jie sellen aun aul miene Jebooten denkjen un dee doonen, daut jie junen Gott heilich sent. 41Ekj sie de Har, jun Gott, dee junt ut Ägipten jefieet haft, daut ekj jun Gott sie, ekj, de Har, jun Gott!
Currently Selected:
4. Mose 15: PB
Highlight
Share
Compare
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.
4. Mose 15
15
Aunwiesungen äwa de Gowen waut bie de Opfa von Tieren doabiejehieeden
1De Har räd met Moses un säd: 2Räd met de Israeliten un saj to an: Wan jie en daut Launt komen, waut ekj junt toom wonen jäwen woa, sell jie june Opfa no dise Väaschreften moaken. 3Jie derwen von Rinda ooda Schop Fiaopfa fa däm Harn moaken, auf daut een Brauntopfa ooda een Schlachtopfa es, to een scheenet Jeroch fa däm Harn, ooda een besondret Vespräakjen to erfellen ooda aus friewelje Gow ooda bie june Fasta. 4Wäa siene Gow fa däm Harn opfren well, saul aus Ätesopfa een tieendel Efa wittet Mäl doabie nämen, toopjerieet met eene vieedel Kaun Eelj, #3Mo 2,1-16; 4Mo 28,5 5un uk aus Drinkjopfa eene vieedel Kaun Wien doabie nämen bie daut Brauntopfa ooda Schlachtopfa von een Schop, waut jeopfat woat. #2Mo 29,40; 3Mo 23,13; 4Mo 28,7 6Wan oba een Schopsbock jeopfat woat, saust du aus Ätesopfa twee tieendel Efa wittet Mäl, met een dreddel von eene Kaun Eelj toopjerieet, doabie doonen, 7un aus Drinkjopfa uk een dreddel von eene Kaun Wien. Daut saust du däm Harn to een scheenet Jeroch opfren. 8West du däm Harn een Rint toom Brauntopfa ooda wäajen een besondret Vespräakjen ooda toom Dankopfa brinjen, 9dan saust du aus Ätesopfa bie daut Rint, dree tieendel Efa wittet Mäl, met eene haulwe Kaun Eelj toopjerieet, bie doonen, 10un aus Drinkjopfa uk eene haulwe Kaun Wien. Daut es een Fiaopfa to een scheenet Jeroch fa dän Harn. 11Soo saust du daut doonen met eenen Boll, met eenen Schopsbock, met een Schop ooda met eene Kos. 12Fa sooväl Tieren aus jeopfat woaren, sellen uk de Ätesopfa un Drinkjopfa jejäft woaren. 13Jieda eena von june Menschen saul daut soo hoolen, wan hee däm Harn een Fiaopfa brinjen well to een scheenet Jeroch. 14Un wan een framda bie junt wont ooda mank junt bie june Nokomen läft un well däm Harn een Fiaopfa to een scheenet Jeroch brinjen, dan saul dee daut krakjt soo doonen aus jie. 15Fa de gaunze Vesaumlunk talt bloos eene Räajel, fa junt soo aus fa de framde, dee mank junt wonen. Daut saul eene Ordnunk fa emma sennen fa june Nokomen, daut een framda ver däm Harn met junt jlikj steit. #2Mo 12,48-49 16Eent un daut selwje Jesaz un eent un daut selwje Rajcht talt fa junt uk fa de framde, waut bie junt wonen.
Daut ieeschte Broot jehieet Gott
17Un de Har räd met Moses un säd: 18Räd met de Israeliten un saj to an: Wan jie en daut Launt komen, wua ekj junt nenn brinjen woa, 19un jie von daut Jeträajd von en daut Launt Broot baken, dan sell jie däm Harn eene Opfagow brinjen. 20Von daut ieeschte Jeträajd sell jie eene Kuak aus Opfagow brinjen, aus de Opfagow dee jie vom Draschplauz brinjen. #Neh 10,38; Hes 44,30 21Soo aus dit sell jie däm Harn uk en aule Jennerazionen daut ieeschte von junen Dieech jäwen.
Veseenunk fa onaufsechtliche Vefälungen
22Un wan jie derch eenen Vefäl eent von dise Jebooten nich doonen, waut de Har to Moses jesajcht haft, #(22-26) 3Mo 4,13-21 23irjent eent von aul dee, dee de Har junt derch Moses aunjeordnet haft, von doa aun wua hee junt daut aunordend, un wieda fa aule Jennerazionen, 24wan de Jemeent sikj onen äa weeten veschulcht, saul de gaunze Jemeent eenen jungen Boll aus Brauntopfa brinjen to een scheenet Jeroch fa dän Harn, met daut Ätesopfa un Drinkjopfa toop, soo aus daut väajeschräwen es. Un see sellen eenen Kosenbock aus Sindopfa brinjen. 25Soo saul de Priesta de gaunze Vesaumlunk von Israeliten veseenen, un an woat daut vejäft woaren, wiels daut een Fäla wia. Wan see dise Gow aus Fiaopfa fa dän Harn brinjen, un äa Sindopfa fa äaren Fäla ver däm Harn brinjen, 26dan woat de gaunze Vesaumlunk von de Israeliten de Schult vejäft woaren, un uk dän framden, waut mank junt wont, wiels daut gaunze Volkj aun soone Fäla deel haft.
27Wan bloos eene Persoon derch eenen Vefäl sindjen woat, dan saul hee eene eenjoasche Kos toom Sindopfa brinjen. #3Mo 4,27-28 28Un de Priesta saul fa däm de Veseenunk ver däm Harn derchfieren, dee derch eenen Vefäl jesindicht haft, daut hee veseent es un am daut vejäft woat. 29Un fa dee waut sikj derch eenen Vefäl veschuldjen, saul eent un daut selwje Jesaz jellen, fa dän Enwona von de Israeliten un fa dän framden, waut mank junt wont.
30Wan eene Persoon aufsechtlich jäajen däm Harn sien Jeboot haundelt, auf eena von junt ooda een Framdoabeida, dee haft dän Harn en Veachtunk jebrocht. Un dee saul ut sien Volkj utjerot woaren, #Apost 13,38; Heb 10,26-29 31wiels hee haft däm Harn sien Wuat veacht un sien Jeboot jebroaken. Dise Persoon saul onbedinjt utjerot woaren; siene Schult blift opp am.
Een Faul wua de Sabat veonieet woat
32Aus de Israeliten doa en de Wiltnis wieren, fungen see eenen Maun, waut aum Sabat Holt tooplaus. #2Mo 20,8-10 33Un dee waut am doabie aunjetroffen hauden, woo hee Holt tooplaus, brochten am no Moses un Aaron un ver de gaunze Vesaumlunk. 34Un see stopten am en, wiels daut wia nich gaunz kloa bestemt, waut see met am doonen sullen. #3Mo 24,12 35De Har säd to Moses: De Maun saul stoawen; de gaunze Jemeent saul däm buten ver daut Loaga steenjen. #2Mo 31,14-15; 35,2-3 36Dan brocht de gaunze Jemeent am rut bat ver daut Loaga un deed am steenjen, soo daut hee storf, soo aus de Har Moses daut väajesajcht haud.
Een Tieekjen toom denkjen halpen aun de Kjleeda
37De Har säd to Moses: 38Räd met de Israeliten un saj to an, daut see un äare Nokomen sikj zeichne Zippelkje moaken aun de Akjen von äare Kjleeda un bleiwe Benja aun de Zippelkje oppe Akjen von äare Kjleeda moaken. #2Mo 39,1; 5Mo 22,12; Mat 23,5 39Un de Zippelkje sellen junt doatoo deenen: Daut jie emma wan jie dee seenen, aun aule Jebooten vom Harn denkjen un dee doonen, om daut jie junt nich von jun Hoat ooda von june Uagen veleiden loten un aundre Jetta deenen. 40Jie sellen aun aul miene Jebooten denkjen un dee doonen, daut jie junen Gott heilich sent. 41Ekj sie de Har, jun Gott, dee junt ut Ägipten jefieet haft, daut ekj jun Gott sie, ekj, de Har, jun Gott!
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.