4. Mose 16
16
Korach un siene Aunhenja stalen sikj jäajen Moses opp
1Korach, Jizhar sien Sän, dee Kehat sien Sän wia, un dee Levi sien Sän wia, un Datan un Abiram, Eliab siene Säns, un On, Pelet sien Sän, un von Ruben sienen Staum, #2Mo 6,16.18.21; 26,7-9; Jud 11 2stalden sikj jäajen Moses, un doatoo noch 250 Mana mank de Israeliten, waut Leida vom Volkj wieren. Daut wieren aunjeseene Mana dee vom Volkj jewält wieren. #4Mo 12,1-2 3Un see vesaumelden sikj jäajen Moses un Aaron un säden to an: Jie gonen too wiet! Wiels de Israeliten jehieren aula däm Harn, see sent aula heilich, un de Har es mank an. Wuarom erhäw jie junt äwa däm Harn siene Jemeent?
4Aus Moses daut hieed, schmeet hee sikj opp sien Jesecht #4Mo 14,5 5un säd to Korach un siene gaunze Baund: Morjen woat de Har daut bewiesen, wäa am jehieet, wäa heilich es un sikj am nodren saul. Wäm hee sikj wält, däm woat hee no sikj komen loten. #2Tim 2,19 6Un morjen doot dit: Nämt junt Gloot Paunen, Korach un siene gaunze Baund, 7un lajcht doa Fia nenn un doot Weiruak doanopp un komt ver däm Harn. Dan woat sikj daut wiesen, wäm de Har sikj jewält haft. Oba jie Leviten gonen too wiet!
8Un Moses säd to Korach: Horcht doch häa, jie Leviten! 9Es junt daut too weinich, daut Israel äa Gott junt aufjesondat haft ut de Jemeent von Israel, un daut jie junt am nodren, wan jie däm Deenst en däm Harn siene Woninj verechten un ver de Vesaumlunk träden, om dee to deenen? #4Mo 3,6-13; 4,4-20 10Hee haft die un aul diene Breeda met die toop, Levi siene Säns, dicht ver sikj komen loten; un nu sieekj jie uk noch daut Priesta Aumt? 11Du un diene gaunze Baund, jie moaken eenen Wadastaunt jäajen dän Harn! Daut es nich Aaron, jäajen däm jie grumsaujen. 12Un Moses schekjt un leet Datan un Abiram roopen, Eliab siene Säns. Dee säden oba: Wie komen nich! 13Es daut nich jenuach, daut du ons ut daut Launt rutjefieet hast, waut von Malkj un Honnich äwarant, un ons enne Wiltnis stoawen latst? Motst du uk noch äwa ons jebeeden? 14Woo fein hast du ons en een Launt jebrocht, waut von Malkj un Honnich äwarant, un hast ons Akalaunt un Wiengoades aus Oafgoot jejäft! West du de Lied uk noch blint moaken? Wie komen emmahan nich! #2Mo 3,8 15Dan wort Moses sea oajalich un säd toom Harn: Nemm von an kjeen Opfa aun. Ekj hab nich eenen Äsel von an jenomen un hab kjeenen von an waut aunjedonen. #1Sam 12,3
Wäa doaf sikj Gott nodren?
16Un Moses säd to Korach: Du un diene gaunze Baund, jie sellen morjen ver däm Harn komen, un Aaron woat uk doabie sennen. 17Un een jiedra nemt siene Paun un lajcht Weiruak doanopp, un kjemt doamet ver däm Harn, een jiedra met siene Paun, 250 Paunen; uk du un Aaron, beid met june Paunen. 18Un een jiedra neem siene Paun un muak doa Fia nenn un läd doa Weiruak nopp, un kjeem ver däm Engank von daut Vesaumlungszelt, un Moses un Aaron uk. 19Un Korach vesaumeld de gaunze Jemeent jäajen an ver däm Engank von daut Vesaumlungszelt. Dan leet däm Harn siene Harlichkjeit sikj von de gaunze Jemeent seenen. #4Mo 14,10 20Un de Har räd met Moses un Aaron un säd: 21Got von dise Jemeent wajch, om daut ekj dee en eenem Nu venicht. #1Mo 19,14 22See schmeeten sikj beid opp äa Jesecht un säden: Gott, du Gott met däm Läwens Jeist fa aulet Fleesch, wan een eensja Maun jesindicht haft, west du de gaunze Jemeent doawäajen bestrofen? #Hiob 10,12; 12,10; 2Sam 24,17
De Ieed schlukt de Aunstefta opp
23De Har räd met Moses un säd: 24Saj de Jemeent: Trakjt junt runtom trigj von Korach, Datan un Abiram äare Woninjen. 25Un Moses stunt opp un jinkj no Datan un Abiram, un de Leida von Israel kjeemen met am met; 26un hee räd met de Jemeent un säd: Got von dise gottloose Menschen äare Zelten wajch un fot nuscht aun, von daut waut see haben, daut jie nich uk omkomen derch aul äare Sinden. 27Un see jinjen wajch von Korach, Datan un Abiram äare Woninjen. Datan un Abiram jinjen rut bat ver de Däa von äare Zelten met äare Frues un äare Säns un äare kjliene Kjinja toop. 28Un Moses säd: Doaraun sell jie daut moakjen, daut de Har mie jeschekjt haft, aul dise Woakjen to doonen, un daut ekj dee nich ut miene ieejne Interesse doo: 29Wan dise Mana hia eenen natieedeljen Doot stoawen, un soo derchem Läwen komen, aus aule Menschen, dan haft de Har mie nich jeschekjt. 30Wan de Har oba waut butajeweeneljet doonen woat, daut de Ieed sikj opmoaken woat un an met aules toop, waut see haben, oppschlucken woat, soo daut see läwendich rauf foaren no de Doodje, dan woa jie daut enseenen, daut dise Lied däm Harn veacht haben. 31Un aus Moses utjerät haud, vereet de Ieed unja an #(31-33) 5Mo 11,6 32un muak sikj op un schlukt dee opp met äare Famieljes, un met aule Menschen, dee to Korach jehieeden, met äa Hab un Goot toop. 33See fuaren met aules toop, waut see hauden, läwendich rauf no de Doodje, un de Ieed dakjt an too. See worden medden ut de Vesaumlunk wajchjeräten un kjeemen om. 34Un gaunz Israel, waut rom an wia, rand fa äa Jeschrech, un see säden: Wajch hia! Daut de Ieed ons nich uk oppschlukt!
Wäa onen beoppdroacht en Gott siene Jäajenwuat kjemt ...
35Un doa fua Fia vom Harn un vebrend de 250 Mana, waut dän Weiruak opfaden. #3Mo 10,1-2; Psa 106,17-18
Currently Selected:
4. Mose 16: PB
Highlight
Share
Compare
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.
4. Mose 16
16
Korach un siene Aunhenja stalen sikj jäajen Moses opp
1Korach, Jizhar sien Sän, dee Kehat sien Sän wia, un dee Levi sien Sän wia, un Datan un Abiram, Eliab siene Säns, un On, Pelet sien Sän, un von Ruben sienen Staum, #2Mo 6,16.18.21; 26,7-9; Jud 11 2stalden sikj jäajen Moses, un doatoo noch 250 Mana mank de Israeliten, waut Leida vom Volkj wieren. Daut wieren aunjeseene Mana dee vom Volkj jewält wieren. #4Mo 12,1-2 3Un see vesaumelden sikj jäajen Moses un Aaron un säden to an: Jie gonen too wiet! Wiels de Israeliten jehieren aula däm Harn, see sent aula heilich, un de Har es mank an. Wuarom erhäw jie junt äwa däm Harn siene Jemeent?
4Aus Moses daut hieed, schmeet hee sikj opp sien Jesecht #4Mo 14,5 5un säd to Korach un siene gaunze Baund: Morjen woat de Har daut bewiesen, wäa am jehieet, wäa heilich es un sikj am nodren saul. Wäm hee sikj wält, däm woat hee no sikj komen loten. #2Tim 2,19 6Un morjen doot dit: Nämt junt Gloot Paunen, Korach un siene gaunze Baund, 7un lajcht doa Fia nenn un doot Weiruak doanopp un komt ver däm Harn. Dan woat sikj daut wiesen, wäm de Har sikj jewält haft. Oba jie Leviten gonen too wiet!
8Un Moses säd to Korach: Horcht doch häa, jie Leviten! 9Es junt daut too weinich, daut Israel äa Gott junt aufjesondat haft ut de Jemeent von Israel, un daut jie junt am nodren, wan jie däm Deenst en däm Harn siene Woninj verechten un ver de Vesaumlunk träden, om dee to deenen? #4Mo 3,6-13; 4,4-20 10Hee haft die un aul diene Breeda met die toop, Levi siene Säns, dicht ver sikj komen loten; un nu sieekj jie uk noch daut Priesta Aumt? 11Du un diene gaunze Baund, jie moaken eenen Wadastaunt jäajen dän Harn! Daut es nich Aaron, jäajen däm jie grumsaujen. 12Un Moses schekjt un leet Datan un Abiram roopen, Eliab siene Säns. Dee säden oba: Wie komen nich! 13Es daut nich jenuach, daut du ons ut daut Launt rutjefieet hast, waut von Malkj un Honnich äwarant, un ons enne Wiltnis stoawen latst? Motst du uk noch äwa ons jebeeden? 14Woo fein hast du ons en een Launt jebrocht, waut von Malkj un Honnich äwarant, un hast ons Akalaunt un Wiengoades aus Oafgoot jejäft! West du de Lied uk noch blint moaken? Wie komen emmahan nich! #2Mo 3,8 15Dan wort Moses sea oajalich un säd toom Harn: Nemm von an kjeen Opfa aun. Ekj hab nich eenen Äsel von an jenomen un hab kjeenen von an waut aunjedonen. #1Sam 12,3
Wäa doaf sikj Gott nodren?
16Un Moses säd to Korach: Du un diene gaunze Baund, jie sellen morjen ver däm Harn komen, un Aaron woat uk doabie sennen. 17Un een jiedra nemt siene Paun un lajcht Weiruak doanopp, un kjemt doamet ver däm Harn, een jiedra met siene Paun, 250 Paunen; uk du un Aaron, beid met june Paunen. 18Un een jiedra neem siene Paun un muak doa Fia nenn un läd doa Weiruak nopp, un kjeem ver däm Engank von daut Vesaumlungszelt, un Moses un Aaron uk. 19Un Korach vesaumeld de gaunze Jemeent jäajen an ver däm Engank von daut Vesaumlungszelt. Dan leet däm Harn siene Harlichkjeit sikj von de gaunze Jemeent seenen. #4Mo 14,10 20Un de Har räd met Moses un Aaron un säd: 21Got von dise Jemeent wajch, om daut ekj dee en eenem Nu venicht. #1Mo 19,14 22See schmeeten sikj beid opp äa Jesecht un säden: Gott, du Gott met däm Läwens Jeist fa aulet Fleesch, wan een eensja Maun jesindicht haft, west du de gaunze Jemeent doawäajen bestrofen? #Hiob 10,12; 12,10; 2Sam 24,17
De Ieed schlukt de Aunstefta opp
23De Har räd met Moses un säd: 24Saj de Jemeent: Trakjt junt runtom trigj von Korach, Datan un Abiram äare Woninjen. 25Un Moses stunt opp un jinkj no Datan un Abiram, un de Leida von Israel kjeemen met am met; 26un hee räd met de Jemeent un säd: Got von dise gottloose Menschen äare Zelten wajch un fot nuscht aun, von daut waut see haben, daut jie nich uk omkomen derch aul äare Sinden. 27Un see jinjen wajch von Korach, Datan un Abiram äare Woninjen. Datan un Abiram jinjen rut bat ver de Däa von äare Zelten met äare Frues un äare Säns un äare kjliene Kjinja toop. 28Un Moses säd: Doaraun sell jie daut moakjen, daut de Har mie jeschekjt haft, aul dise Woakjen to doonen, un daut ekj dee nich ut miene ieejne Interesse doo: 29Wan dise Mana hia eenen natieedeljen Doot stoawen, un soo derchem Läwen komen, aus aule Menschen, dan haft de Har mie nich jeschekjt. 30Wan de Har oba waut butajeweeneljet doonen woat, daut de Ieed sikj opmoaken woat un an met aules toop, waut see haben, oppschlucken woat, soo daut see läwendich rauf foaren no de Doodje, dan woa jie daut enseenen, daut dise Lied däm Harn veacht haben. 31Un aus Moses utjerät haud, vereet de Ieed unja an #(31-33) 5Mo 11,6 32un muak sikj op un schlukt dee opp met äare Famieljes, un met aule Menschen, dee to Korach jehieeden, met äa Hab un Goot toop. 33See fuaren met aules toop, waut see hauden, läwendich rauf no de Doodje, un de Ieed dakjt an too. See worden medden ut de Vesaumlunk wajchjeräten un kjeemen om. 34Un gaunz Israel, waut rom an wia, rand fa äa Jeschrech, un see säden: Wajch hia! Daut de Ieed ons nich uk oppschlukt!
Wäa onen beoppdroacht en Gott siene Jäajenwuat kjemt ...
35Un doa fua Fia vom Harn un vebrend de 250 Mana, waut dän Weiruak opfaden. #3Mo 10,1-2; Psa 106,17-18
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.