4. Mose 19
19
Woo daut Reinjungs Wota jemoakt saul
1De Har räd met Moses un Aaron un säd: 2Dit es de jesazliche Ordnunk, waut de Har aunjeordnet haft: Saj de Israeliten, daut see eene roode fälaloose Koo no die brinjen, waut kjeenen Schoden haft un dee noch niemols unja een Joch jespaunt es. #3Mo 22,20; 5Mo 21,3; Heb 9,13 3Un jeff däm Priesta Eleasar dee, daut hee dee rut ver daut Loaga brinjt un dort ver siene Uagen schlachten lat. 4Un de Priesta Eleasar saul waut von daut Bloot met sienen Finja nämen un säwenmol en de Rechtunk von daut Vesaumlungszelt spretzen. #3Mo 4,6.17 5Un dan saul hee de Koo ver siene Uagen vebrennen loten, met äa Lada, äa Fleesch, un äa Bloot un daut Enjeweide toop. #3Mo 4,11-12; 7,8 6Un de Priesta saul Zeedaholt un Iessopp un scharlachroode Woll nämen un opp de brennende Koo schmieten. #3Mo 14,6 7Un dan saul hee siene Kjleeda wauschen un sienen Kjarpa met Wota aufwauschen un dan en daut Loaga gonen un bat aum Owent orrein sennen. #3Mo 16,28 8Un dee, dee de Koo vebrent haft, saul uk siene Kjleeda met Wota wauschen un sienen Kjarpa met Wota aufwauschen un bat aum Owent orrein sennen. 9Un een Maun, dee rein es, saul daut Ausch von de Koo oppropen un daut buta daut Loaga opp eene reine Städ hanschedden, om daut et oppbewoat blift fa de Jemeent en Israel to een Reinjungs Wota, wiels daut es een Sindopfa. 10Un deejanja, waut daut Ausch von de Koo toopjeropt haft, saul siene Kjleeda wauschen un bat aum Owent orrein sennen.
Dit saul fa junt eene Ordnunk sennen dee jie Israeliten un de framde, dee bie junt wonen, emma hoolen. 11Wäa irjent eenen Dooden aunschieet, woat fa säwen Doag orrein. 12Dee saul sikj aum dredden un aum säwenden Dach met daut Reinjungs Wota bespretzen loten; dan woat hee rein. Wan hee sikj oba nich aum dredden un aum säwenden Dach bespretzen lat, blift hee orrein. 13Wan wäa irjent eenen Dooden aunschieet un sikj nich bespretzen loten well, dan moakt hee däm Harn siene Woninj orrein, un soon Mensch saul ut Israel utjerot woaren. Wiels daut Reinjungs Wota nich es äwa am jesprezt worden, es hee orrein; un siene Onreinheit blift aun am. #3Mo 15,31
14Dit es daut Jesaz: Wan een Mensch en sien Zelt stoaft, saul jieda eena wäa en daut Zelt es, ooda en daut Zelt nenjeit, säwen Doag orrein sennen. 15Uk jieda opnet Dinkj, wua kjeen faustet Dakjsel bowen es, woat orrein. 16Uk wäa oppe friee Stap eenen aunschieet, waut met een Schwieet omjebrocht es, ooda eenen, waut aundasch jestorwen es, ooda Menschen Knoakes ooda een Grauf aunschieet, dee es säwen Doag orrein. 17Doa saul fa dän orreinen Ausch jenomen von dee aus Sindopfa vebrende Koo un daut en een Dinkj met freschet Wota jemoakt. 18Un een Maun, dee rein es, saul een Wesch Iessopp nämen un daut en daut Wota enducken un doamet daut Zelt bespretzen un aule Dinja un aule Menschen, waut doabennen sent; un soo uk däm, dee eenen doot jemoakten Mensch ooda eenen jestorwnen ooda Knoakes ooda een Grauf aunjeschieet haft. 19De reina Maun saul däm orreinen aum dredden un aum säwenden Dach bespretzen, un däm aum säwenden Dach reinjen, un dee saul siene Kjleeda wauschen un sikj met Wota aufwauschen, dan woat hee aum Owent rein. #4Mo 19,12.13 20Wäa orrein woat un dise Veseenunk nich aun sikj derchfieren loten well, dee saul ut de Jemeent utjerot woaren, wiels hee däm Harn sien Heilichtum orrein jemoakt haft un nich met Reinjungs Wota besprezt es; doawäajen es hee orrein. 21Dit saul fa junt eene Ordnunk fa emma sennen. Un uk dee, dee met daut Reinjungs Wota jesprezt haft, saul siene Kjleeda wauschen, un wäa daut Reinjungs Wota aunschieet, dee saul bat aum Owent orrein sennen. 22Un aules, waut de orreina aunschieet, woat orrein, un wäa am aunschieet, es bat aum Owent orrein.
Currently Selected:
4. Mose 19: PB
Highlight
Share
Compare
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.
4. Mose 19
19
Woo daut Reinjungs Wota jemoakt saul
1De Har räd met Moses un Aaron un säd: 2Dit es de jesazliche Ordnunk, waut de Har aunjeordnet haft: Saj de Israeliten, daut see eene roode fälaloose Koo no die brinjen, waut kjeenen Schoden haft un dee noch niemols unja een Joch jespaunt es. #3Mo 22,20; 5Mo 21,3; Heb 9,13 3Un jeff däm Priesta Eleasar dee, daut hee dee rut ver daut Loaga brinjt un dort ver siene Uagen schlachten lat. 4Un de Priesta Eleasar saul waut von daut Bloot met sienen Finja nämen un säwenmol en de Rechtunk von daut Vesaumlungszelt spretzen. #3Mo 4,6.17 5Un dan saul hee de Koo ver siene Uagen vebrennen loten, met äa Lada, äa Fleesch, un äa Bloot un daut Enjeweide toop. #3Mo 4,11-12; 7,8 6Un de Priesta saul Zeedaholt un Iessopp un scharlachroode Woll nämen un opp de brennende Koo schmieten. #3Mo 14,6 7Un dan saul hee siene Kjleeda wauschen un sienen Kjarpa met Wota aufwauschen un dan en daut Loaga gonen un bat aum Owent orrein sennen. #3Mo 16,28 8Un dee, dee de Koo vebrent haft, saul uk siene Kjleeda met Wota wauschen un sienen Kjarpa met Wota aufwauschen un bat aum Owent orrein sennen. 9Un een Maun, dee rein es, saul daut Ausch von de Koo oppropen un daut buta daut Loaga opp eene reine Städ hanschedden, om daut et oppbewoat blift fa de Jemeent en Israel to een Reinjungs Wota, wiels daut es een Sindopfa. 10Un deejanja, waut daut Ausch von de Koo toopjeropt haft, saul siene Kjleeda wauschen un bat aum Owent orrein sennen.
Dit saul fa junt eene Ordnunk sennen dee jie Israeliten un de framde, dee bie junt wonen, emma hoolen. 11Wäa irjent eenen Dooden aunschieet, woat fa säwen Doag orrein. 12Dee saul sikj aum dredden un aum säwenden Dach met daut Reinjungs Wota bespretzen loten; dan woat hee rein. Wan hee sikj oba nich aum dredden un aum säwenden Dach bespretzen lat, blift hee orrein. 13Wan wäa irjent eenen Dooden aunschieet un sikj nich bespretzen loten well, dan moakt hee däm Harn siene Woninj orrein, un soon Mensch saul ut Israel utjerot woaren. Wiels daut Reinjungs Wota nich es äwa am jesprezt worden, es hee orrein; un siene Onreinheit blift aun am. #3Mo 15,31
14Dit es daut Jesaz: Wan een Mensch en sien Zelt stoaft, saul jieda eena wäa en daut Zelt es, ooda en daut Zelt nenjeit, säwen Doag orrein sennen. 15Uk jieda opnet Dinkj, wua kjeen faustet Dakjsel bowen es, woat orrein. 16Uk wäa oppe friee Stap eenen aunschieet, waut met een Schwieet omjebrocht es, ooda eenen, waut aundasch jestorwen es, ooda Menschen Knoakes ooda een Grauf aunschieet, dee es säwen Doag orrein. 17Doa saul fa dän orreinen Ausch jenomen von dee aus Sindopfa vebrende Koo un daut en een Dinkj met freschet Wota jemoakt. 18Un een Maun, dee rein es, saul een Wesch Iessopp nämen un daut en daut Wota enducken un doamet daut Zelt bespretzen un aule Dinja un aule Menschen, waut doabennen sent; un soo uk däm, dee eenen doot jemoakten Mensch ooda eenen jestorwnen ooda Knoakes ooda een Grauf aunjeschieet haft. 19De reina Maun saul däm orreinen aum dredden un aum säwenden Dach bespretzen, un däm aum säwenden Dach reinjen, un dee saul siene Kjleeda wauschen un sikj met Wota aufwauschen, dan woat hee aum Owent rein. #4Mo 19,12.13 20Wäa orrein woat un dise Veseenunk nich aun sikj derchfieren loten well, dee saul ut de Jemeent utjerot woaren, wiels hee däm Harn sien Heilichtum orrein jemoakt haft un nich met Reinjungs Wota besprezt es; doawäajen es hee orrein. 21Dit saul fa junt eene Ordnunk fa emma sennen. Un uk dee, dee met daut Reinjungs Wota jesprezt haft, saul siene Kjleeda wauschen, un wäa daut Reinjungs Wota aunschieet, dee saul bat aum Owent orrein sennen. 22Un aules, waut de orreina aunschieet, woat orrein, un wäa am aunschieet, es bat aum Owent orrein.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.