4. Mose 33
33
De Städen wua de Israeliten sikj en de Wiltnis loagaden
1Dit sent de Städen wua de Israeliten äare Loagasch hauden, aus see unja Moses un Aaron met äa gaunzet Häa ut Ägipten trocken. 2Moses schreef daut no däm Harn siene Aunordnunk dol, wua see emma äa Loaga, eemol nom aundren, jemoakt hauden. Un dit sent de Loagasch von opp de Reis:
3See trocken aum 15. Dach en de 1. Moonat, däm Dach no däm daut see daut ieeschte Passafast fieeden, ut Ramses rut, derch eene stoakje Macht, ver de Ägipta äare Uagen, #2Mo 1,11; 3,19; 12,2.6 4jrod aus see de Ieeschtjeburten begrowden, dee de Har mank an dootjeschloagen haud. De Har haud aun äare Jetta daut Jerecht derchjefieet. #2Mo 12,12; Jes 19,1 5Aus see ut Ramses rut trocken, loagaden see sikj en Sukkot #2Mo 12,37 6un trocken von Sukkot wieda un loagaden sikj en Etam, waut aum Raunt von de Wiltnis licht. #2Mo 13,20 7Von Etam trocken see wada trigj un bleewen en Piehahirot, waut ver Baal Zefon licht, un stalden äa Loaga dicht bie Migdol opp. #2Mo 14,2 8Von Piehahirot trocken see wieda un jinjen medden derch daut Mäa un reisden eene Reis von dree Doag en de Etam Wiltnis nenn un loagaden sikj en Mara. #2Mo 14,22; 15,23 9Von Mara trocken see wieda un kjeemen no Elim; doa wieren twalf Wotakjwalen un 70 Paulmbeem, un doa loagaden see sikj. #2Mo 15,27 10Von Elim trocken see wieda un loagaden sikj aum Schelpmäa. 11Vom Schelpmäa trocken see wieda un loagaden sikj en de Sin Wiltnis. #2Mo 16,1 12Von de Sin Wiltnis trocken see wieda un loagaden sikj en Dofka. 13Von Dofka trocken see wieda un loagaden sikj en Alusch. 14Von Alusch trocken see wieda un loagaden sikj en Refidim. Dort haud daut Volkj kjeen Wota toom drinkjen. #2Mo 17,1 15Von Refidim trocken see wieda un loagaden sikj en de Sinai Wiltnis. #2Mo 19,1 16Von de Sinai Wiltnis trocken see wieda un loagaden sikj bie de Städ, dee Lost Jräwa heet. #(16 un 17) 4Mo 11,34 17Von de Lost Jräwa trocken see wieda un loagaden sikj en Hazerot. 18Von Hazerot trocken see wieda un loagaden sikj en Ritma. #4Mo 12,16 19Von Ritma trocken see wieda un loagaden sikj en Rimmon Perez. 20Von Rimmon Perez trocken see wieda un loagaden sikj en Libna. 21Von Libna trocken see wieda un loagaden sikj en Rissa. 22Von Rissa trocken see wieda un loagaden sikj en Kehelata. 23Von Kehelata trocken see wieda un loagaden sikj aum Boajch Schefer. 24Vom Boajch Schefer trocken see wieda un loagaden sikj en Harada. 25Von Harada trocken see wieda un loagaden sikj en Makhelot. 26Von Makhelot trocken see wieda un loagaden sikj en Tahat. 27Von Tahat trocken see wieda un loagaden sikj en Tarach. 28Von Tarach trocken see wieda un loagaden sikj en Mitka. 29Von Mitka trocken see wieda un loagaden sikj en Haschmona. 30Von Haschmona trocken see wieda un loagaden sikj en Moserot. 31Von Moserot trocken see wieda un loagaden sikj en Bene Jaakan. #(31-33) 5Mo 10,6-7 32Von Bene Jaakan trocken see wieda un loagaden sikj en Hor Gidgad. 33Von Hor Gidgad trocken see wieda un loagaden sikj en Jotbata. 34Von Jotbata trocken see wieda un loagaden sikj en Abrona. 35Von Abrona trocken see wieda un loagaden sikj en Ezjon Geber. #1Kjen 9,26; 22,49 36Von Ezjon Geber trocken see wieda un loagaden sikj en de Zin Wiltnis, daut es Kadesch. #4Mo 20,1 37Von Kadesch trocken see wieda un loagaden sikj aun däm Boajch Hor, aun de Jrens vom Launt Edom. #(37-39) 4Mo 20,22-29; 5Mo 34,1-12 38Doa jinkj de Priesta Aaron no däm Harn sien Wuat opp dän Boajch Hor nopp. Un doa bowen storf hee aum 1. Dach en de 5. Moonat en daut 40. Joa, von dan aus see ut Ägipten jetrocken wieren. 39Un Aaron wia 123 Joa oolt, aus hee opp däm Boajch Hor storf.
40Un de Kanaanita Kjennich von Arad, dee em Sieden en daut Launt Kanaan wond, hieed daut, daut de Israeliten kjeemen. #4Mo 21,1 41Un von däm Boajch Hor trocken see wieda un loagaden sikj en Zalmona. 42Von Zalmona trocken see wieda un loagaden sikj en Punon. 43Von Punon trocken see wieda un loagaden sikj en Obot. #(43 un 44) 4Mo 21,10-11 44Von Obot trocken see wieda un loagaden sikj en Ije Abarim, en de Jäajent, wua de Moabita wonen. 45Von Ije Abarim trocken see wieda un loagaden sikj en Dibon Gad. #4Mo 32,34 46Von Dibon Gad trocken see wieda un loagaden sikj en Almon Diblatajim. 47Von Almon Diblatajim trocken see wieda un loagaden sikj bie de Boaj Abarim dicht bie Nebo. #4Mo 21,20 48Von de Boaj Abarim trocken see wieda un loagaden sikj en daut moabitische Jordantol jäajen Jericho. #4Mo 22,1; 5Mo 32,49 49En daut Jordantol stalden see äa Loaga aum Jordan opp von Bet Jeschimot bat Abel Schittim. #4Mo 25,1
De Enwona em Launt Kanaan sellen gaunz venicht woaren
50De Har räd doa en daut moabitische Jordantol jäajen Jericho met Moses un säd: 51Räd met de Israeliten un saj to an: Wan jie äwa dän Jordan en daut Launt Kanaan jegonen sent, #(51 un 52) 2Mo 23,23-24; 34,12-14 52dan sell jie aule Enwona ver junt vedriewen un aule Jettabilda un aul äare jegotne Bilda vestieren un aul äare huage Opfastäden venichten. 53Nämt daut Launt en un besiedelt daut; junt hab ekj daut Launt jejäft, daut jie daut aus jun ieejnet Launt haben. 54Un jie sellen daut Launt derchem Loss mank june Stam vedeelen. Däm Staum, dee groot es, sell jie een grootet Oafgoot jäwen, un däm Staum, dee kjlien es, sell jie een kjlienet Oafgoot jäwen. Wäm daut derch daut Loss traft, dee saul daut haben. No de Stam von june Vodasch sell jie daut vedeelen. #4Mo 26,54-55 55Wan jie de Enwona von daut Launt nich vedriewen, dan woaren junt dee, dee jie äwaloten, to Spekjasch en june Uagen un to Spekjapitschen opp junen Rigjen woaren, un woaren junt en daut Launt, wua jie bennen wonen, unjadrekjen. #2Mo 23,31-33; Jos 23,12-13 56Dan woat daut passieren, daut ekj junt daut aundoonen woa, waut ekj docht an auntodoonen.
Currently Selected:
4. Mose 33: PB
Highlight
Share
Compare
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.
4. Mose 33
33
De Städen wua de Israeliten sikj en de Wiltnis loagaden
1Dit sent de Städen wua de Israeliten äare Loagasch hauden, aus see unja Moses un Aaron met äa gaunzet Häa ut Ägipten trocken. 2Moses schreef daut no däm Harn siene Aunordnunk dol, wua see emma äa Loaga, eemol nom aundren, jemoakt hauden. Un dit sent de Loagasch von opp de Reis:
3See trocken aum 15. Dach en de 1. Moonat, däm Dach no däm daut see daut ieeschte Passafast fieeden, ut Ramses rut, derch eene stoakje Macht, ver de Ägipta äare Uagen, #2Mo 1,11; 3,19; 12,2.6 4jrod aus see de Ieeschtjeburten begrowden, dee de Har mank an dootjeschloagen haud. De Har haud aun äare Jetta daut Jerecht derchjefieet. #2Mo 12,12; Jes 19,1 5Aus see ut Ramses rut trocken, loagaden see sikj en Sukkot #2Mo 12,37 6un trocken von Sukkot wieda un loagaden sikj en Etam, waut aum Raunt von de Wiltnis licht. #2Mo 13,20 7Von Etam trocken see wada trigj un bleewen en Piehahirot, waut ver Baal Zefon licht, un stalden äa Loaga dicht bie Migdol opp. #2Mo 14,2 8Von Piehahirot trocken see wieda un jinjen medden derch daut Mäa un reisden eene Reis von dree Doag en de Etam Wiltnis nenn un loagaden sikj en Mara. #2Mo 14,22; 15,23 9Von Mara trocken see wieda un kjeemen no Elim; doa wieren twalf Wotakjwalen un 70 Paulmbeem, un doa loagaden see sikj. #2Mo 15,27 10Von Elim trocken see wieda un loagaden sikj aum Schelpmäa. 11Vom Schelpmäa trocken see wieda un loagaden sikj en de Sin Wiltnis. #2Mo 16,1 12Von de Sin Wiltnis trocken see wieda un loagaden sikj en Dofka. 13Von Dofka trocken see wieda un loagaden sikj en Alusch. 14Von Alusch trocken see wieda un loagaden sikj en Refidim. Dort haud daut Volkj kjeen Wota toom drinkjen. #2Mo 17,1 15Von Refidim trocken see wieda un loagaden sikj en de Sinai Wiltnis. #2Mo 19,1 16Von de Sinai Wiltnis trocken see wieda un loagaden sikj bie de Städ, dee Lost Jräwa heet. #(16 un 17) 4Mo 11,34 17Von de Lost Jräwa trocken see wieda un loagaden sikj en Hazerot. 18Von Hazerot trocken see wieda un loagaden sikj en Ritma. #4Mo 12,16 19Von Ritma trocken see wieda un loagaden sikj en Rimmon Perez. 20Von Rimmon Perez trocken see wieda un loagaden sikj en Libna. 21Von Libna trocken see wieda un loagaden sikj en Rissa. 22Von Rissa trocken see wieda un loagaden sikj en Kehelata. 23Von Kehelata trocken see wieda un loagaden sikj aum Boajch Schefer. 24Vom Boajch Schefer trocken see wieda un loagaden sikj en Harada. 25Von Harada trocken see wieda un loagaden sikj en Makhelot. 26Von Makhelot trocken see wieda un loagaden sikj en Tahat. 27Von Tahat trocken see wieda un loagaden sikj en Tarach. 28Von Tarach trocken see wieda un loagaden sikj en Mitka. 29Von Mitka trocken see wieda un loagaden sikj en Haschmona. 30Von Haschmona trocken see wieda un loagaden sikj en Moserot. 31Von Moserot trocken see wieda un loagaden sikj en Bene Jaakan. #(31-33) 5Mo 10,6-7 32Von Bene Jaakan trocken see wieda un loagaden sikj en Hor Gidgad. 33Von Hor Gidgad trocken see wieda un loagaden sikj en Jotbata. 34Von Jotbata trocken see wieda un loagaden sikj en Abrona. 35Von Abrona trocken see wieda un loagaden sikj en Ezjon Geber. #1Kjen 9,26; 22,49 36Von Ezjon Geber trocken see wieda un loagaden sikj en de Zin Wiltnis, daut es Kadesch. #4Mo 20,1 37Von Kadesch trocken see wieda un loagaden sikj aun däm Boajch Hor, aun de Jrens vom Launt Edom. #(37-39) 4Mo 20,22-29; 5Mo 34,1-12 38Doa jinkj de Priesta Aaron no däm Harn sien Wuat opp dän Boajch Hor nopp. Un doa bowen storf hee aum 1. Dach en de 5. Moonat en daut 40. Joa, von dan aus see ut Ägipten jetrocken wieren. 39Un Aaron wia 123 Joa oolt, aus hee opp däm Boajch Hor storf.
40Un de Kanaanita Kjennich von Arad, dee em Sieden en daut Launt Kanaan wond, hieed daut, daut de Israeliten kjeemen. #4Mo 21,1 41Un von däm Boajch Hor trocken see wieda un loagaden sikj en Zalmona. 42Von Zalmona trocken see wieda un loagaden sikj en Punon. 43Von Punon trocken see wieda un loagaden sikj en Obot. #(43 un 44) 4Mo 21,10-11 44Von Obot trocken see wieda un loagaden sikj en Ije Abarim, en de Jäajent, wua de Moabita wonen. 45Von Ije Abarim trocken see wieda un loagaden sikj en Dibon Gad. #4Mo 32,34 46Von Dibon Gad trocken see wieda un loagaden sikj en Almon Diblatajim. 47Von Almon Diblatajim trocken see wieda un loagaden sikj bie de Boaj Abarim dicht bie Nebo. #4Mo 21,20 48Von de Boaj Abarim trocken see wieda un loagaden sikj en daut moabitische Jordantol jäajen Jericho. #4Mo 22,1; 5Mo 32,49 49En daut Jordantol stalden see äa Loaga aum Jordan opp von Bet Jeschimot bat Abel Schittim. #4Mo 25,1
De Enwona em Launt Kanaan sellen gaunz venicht woaren
50De Har räd doa en daut moabitische Jordantol jäajen Jericho met Moses un säd: 51Räd met de Israeliten un saj to an: Wan jie äwa dän Jordan en daut Launt Kanaan jegonen sent, #(51 un 52) 2Mo 23,23-24; 34,12-14 52dan sell jie aule Enwona ver junt vedriewen un aule Jettabilda un aul äare jegotne Bilda vestieren un aul äare huage Opfastäden venichten. 53Nämt daut Launt en un besiedelt daut; junt hab ekj daut Launt jejäft, daut jie daut aus jun ieejnet Launt haben. 54Un jie sellen daut Launt derchem Loss mank june Stam vedeelen. Däm Staum, dee groot es, sell jie een grootet Oafgoot jäwen, un däm Staum, dee kjlien es, sell jie een kjlienet Oafgoot jäwen. Wäm daut derch daut Loss traft, dee saul daut haben. No de Stam von june Vodasch sell jie daut vedeelen. #4Mo 26,54-55 55Wan jie de Enwona von daut Launt nich vedriewen, dan woaren junt dee, dee jie äwaloten, to Spekjasch en june Uagen un to Spekjapitschen opp junen Rigjen woaren, un woaren junt en daut Launt, wua jie bennen wonen, unjadrekjen. #2Mo 23,31-33; Jos 23,12-13 56Dan woat daut passieren, daut ekj junt daut aundoonen woa, waut ekj docht an auntodoonen.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.