4. Mose 32
32
De Stam Ruben un Gad froagen no daut Launt aun de oostne Sied Jordan
1De Stam Ruben un Gad hauden sea väl Vee un sagen daut Launt Jaser un Gilead aus goodet Weidlaunt aun fa äa Vee. 2Un see kjeemen un säden to Moses un däm Priesta Eleasar un to de Staumleida: 3Daut Launt Atarot, Dibon, Jaser, Nimra, Heschbon, Elale, Sibma, Nebo un Beon, 4waut de Har ver de Israeliten doljeschloagen haft, haft goode Weid, un wie, diene Deena, haben väl Vee. 5Un wieda säden see to Moses: Wan wie Jnod jefungen haben ver die, dan lot ons diene Deena doch dit Launt, daut wie nich äwa dän Jordan trakjen brucken.
6Dan säd Moses to an: June Breeda sellen toom Kaumf gonen, un jie wellen hia bliewen? 7Wuarom well jie de Israeliten äare Hoaten auflenkjen, äwa dän Jordan en daut Launt to gonen, waut de Har an jäwen woat? 8Soo muaken june Vodasch daut uk, aus ekj an von Kadesch Barnea rutschekjt, om daut Launt to unjasieekjen. #(8 un 9) 4Mo 13,1—14,4 9Un aus see doaderch jinjen bat aun daut Wiendruwen Tol un besagen sikj daut Launt, un aus see trigjkjeemen, dreiden see de Israeliten äare Hoaten doavon auf, daut dee nich no daut Launt wullen, waut de Har an jäwen wull. 10Dan brend däm Harn sien Oaja opp, soo daut hee schwieren deed: 11Ekj saj junt, doawäajen daut see miene Aunleidunk nich vetrut haben, woat von de Mana, waut 20 Joa un doaräwa ut Ägipten jetrocken sent, kjeena daut Launt seenen, waut ekj Abraham, Isaak un Jakob met eenen Eit vesproaken hab to jäwen. #4Mo 14,22-38; 26,65 12Bloos Kaleb, Jefune sien Sän von Kenas siene Nokomen, un Josua, Nun sien Sän, woat daut Launt seenen, wiels see däm Harn tru nojefolcht sent. #4Mo 14,7-9; Jos 14,6-15 13Soo troff däm Harn sien Oaja de Israeliten, un hee leet an 40 Joa enne Wiltnis romreisen, bat dee aula utjestorwen wieren, waut am toom Oaja jereizt hauden. 14Un kjikjt, jie komen hia opp aus een Broodsel en june Vodasch äare Städ, daut et noch emma mea Sinda jeft un däm Harn sien Oaja noch vejratat woat. 15Dan wan jie junt von am wajchdreien, woat hee daut Volkj noch lenja enne Wiltnis loten, un jie woaren daut gaunz enne Grunt brinjen!
16Dan prachaden see Moses un säden: Wie wellen bloos Schophocks fa ons Vee un Städa fa onse Frues un Kjinja buen; 17wie oba wellen bewaufnet daut väaschte ver Israel gonen, bat wie an no äa Launt jebrocht haben. Oba onse Kjinja sellen, wäajen de Enwona em Launt, en de fauste Städa bliewen. 18Wie woaren nich omwenjen, bat jieda eena von de Israeliten sien Oafgoot enjenomen haft. 19Wiels wie wellen nich met an toop aun jantsied Jordan Launt oawen; ons Oafgoot saul ons aun ditsied, vom Jordan nom Oosten han, toojedeelt woaren. #Jos 13,8
Moses jeft met Bedinjungen siene Enweljunk
20Dan säd Moses to an: Wan jie daut soo doonen wellen, dan rest junt ut toom Kaumf fa däm Harn. #Jos 1,12-15 21Wäa von junt reed toom kjriejen es, dee jeit ver däm Harn siene Uagen äwa dän Jordan, bat hee siene Fiend ver sikj vedräwen haft 22un daut Launt däm Harn unjadon woat. No däm derw jie omwenjen un woaren onen Schult sennen ver däm Harn un ver Israel un sellen dit Launt aus Oafgoot haben ver däm Harn siene Uagen. 23Wan jie daut nich doonen wellen, dan horcht häa, dan woa jie junt aun däm Harn vesindjen, un jie woaren daut enwoaren, daut de Sind trigj opp junt felt. 24Dan but nu Städa fa june Kjinja un Hocks fa june Veehäaden, un dan doot, waut jie vesproaken haben.
25De Mana von Gad un Ruben säden to Moses: Wie sent diene Deena, wie woaren daut gaunz secha doonen, waut du velangst. 26Onse Frues un Kjinja, onse Häaden un aul ons Vee saul en de Städa en Gilead bliewen; 27wie oba, diene Deena, wellen aula ver däm Harn siene Uagen bewaufnet em Häa toom Kaumf gonen, soo aus du ons Leida jesajcht hast.
28Dan foddad Moses om äat haulwen däm Priesta Eleasar un Josua, Nun sienen Sän, un de Leida von de Volkjsgruppen en de Stam en Israel 29un säd to an: Wan de Mana von Gad un Ruben, reed toom kjriejen met junt toop äwa dän Jordan gonen un soolang kjamfen bat daut Launt junt unjadon es, dan jäft an daut Launt Gilead aus Oafgoot. 30Gonen see nich met junt toop toom Kaumf, dan motten see met een Stekj Launt en june Medd en Kanaan tofräd sennen. 31De Mana von Gad un Ruben säden: Wie sent diene Deena, wie woaren doonen, waut de Har jesajcht haft. 32Wie wellen bewaufnet ver däm Harn siene Uagen äwa dän Jordan toom Kaumf gonen, om daut wie daut Launt aun ditsied Jordan aus Oafgoot hoolen derwen.
33Soo jeef Moses de Stam Gad un Ruben un dän haulwen Staum von Josef sienen Sän Manasse, dän Amorita Kjennich Sihon sien Kjennichrikj, un Og sien Kjennichrikj, dee de Kjennich en Baschan wia, de gaunze Jäajent met Launt un Städa toop, waut doatoo jehieeden. #Jos 13,15-32 34Un de Mana von Gad buden un vesechaden de Städa Dibon, Atarot, Aroer, 35Atrot Schofan, Jaser, Jogboha, 36Bet Nimra un Bet Haram, un rechten Hocks en fa äare Häaden. 37De Mana von Ruben buden de Städa Heschbon, Elale, Kirjatajim, 38Nebo, Baal Meon un Sibma un jeewen dee niee Nomes, soo aus dee nu sent.
Daut Launtstekj fa dän haulwen Staum Manasse
39De Nokomen von Manasse sienen Sän Machir, jinjen no Gilead un neemen daut en un vedreewen de Amorita, waut doa bennen wieren. 40Dan jeef Moses Manasse sienen Sän Machir, siene Nokomen, Gilead aus Oafgoot, un see siedelden doa aun. 41Un Jair, een Nokomen von Manasse, jinkj loos un neem eene Rieej Darpa en un nand dee “Jair Darpa”. #5Mo 3,14; Rech 10,3-4 42Un Nobach jinkj un neem Kenat met de Siedlungen toop en un nand daut Stekj Launt no sienen ieejnen Nomen Nobach.
Currently Selected:
4. Mose 32: PB
Highlight
Share
Compare
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.
4. Mose 32
32
De Stam Ruben un Gad froagen no daut Launt aun de oostne Sied Jordan
1De Stam Ruben un Gad hauden sea väl Vee un sagen daut Launt Jaser un Gilead aus goodet Weidlaunt aun fa äa Vee. 2Un see kjeemen un säden to Moses un däm Priesta Eleasar un to de Staumleida: 3Daut Launt Atarot, Dibon, Jaser, Nimra, Heschbon, Elale, Sibma, Nebo un Beon, 4waut de Har ver de Israeliten doljeschloagen haft, haft goode Weid, un wie, diene Deena, haben väl Vee. 5Un wieda säden see to Moses: Wan wie Jnod jefungen haben ver die, dan lot ons diene Deena doch dit Launt, daut wie nich äwa dän Jordan trakjen brucken.
6Dan säd Moses to an: June Breeda sellen toom Kaumf gonen, un jie wellen hia bliewen? 7Wuarom well jie de Israeliten äare Hoaten auflenkjen, äwa dän Jordan en daut Launt to gonen, waut de Har an jäwen woat? 8Soo muaken june Vodasch daut uk, aus ekj an von Kadesch Barnea rutschekjt, om daut Launt to unjasieekjen. #(8 un 9) 4Mo 13,1—14,4 9Un aus see doaderch jinjen bat aun daut Wiendruwen Tol un besagen sikj daut Launt, un aus see trigjkjeemen, dreiden see de Israeliten äare Hoaten doavon auf, daut dee nich no daut Launt wullen, waut de Har an jäwen wull. 10Dan brend däm Harn sien Oaja opp, soo daut hee schwieren deed: 11Ekj saj junt, doawäajen daut see miene Aunleidunk nich vetrut haben, woat von de Mana, waut 20 Joa un doaräwa ut Ägipten jetrocken sent, kjeena daut Launt seenen, waut ekj Abraham, Isaak un Jakob met eenen Eit vesproaken hab to jäwen. #4Mo 14,22-38; 26,65 12Bloos Kaleb, Jefune sien Sän von Kenas siene Nokomen, un Josua, Nun sien Sän, woat daut Launt seenen, wiels see däm Harn tru nojefolcht sent. #4Mo 14,7-9; Jos 14,6-15 13Soo troff däm Harn sien Oaja de Israeliten, un hee leet an 40 Joa enne Wiltnis romreisen, bat dee aula utjestorwen wieren, waut am toom Oaja jereizt hauden. 14Un kjikjt, jie komen hia opp aus een Broodsel en june Vodasch äare Städ, daut et noch emma mea Sinda jeft un däm Harn sien Oaja noch vejratat woat. 15Dan wan jie junt von am wajchdreien, woat hee daut Volkj noch lenja enne Wiltnis loten, un jie woaren daut gaunz enne Grunt brinjen!
16Dan prachaden see Moses un säden: Wie wellen bloos Schophocks fa ons Vee un Städa fa onse Frues un Kjinja buen; 17wie oba wellen bewaufnet daut väaschte ver Israel gonen, bat wie an no äa Launt jebrocht haben. Oba onse Kjinja sellen, wäajen de Enwona em Launt, en de fauste Städa bliewen. 18Wie woaren nich omwenjen, bat jieda eena von de Israeliten sien Oafgoot enjenomen haft. 19Wiels wie wellen nich met an toop aun jantsied Jordan Launt oawen; ons Oafgoot saul ons aun ditsied, vom Jordan nom Oosten han, toojedeelt woaren. #Jos 13,8
Moses jeft met Bedinjungen siene Enweljunk
20Dan säd Moses to an: Wan jie daut soo doonen wellen, dan rest junt ut toom Kaumf fa däm Harn. #Jos 1,12-15 21Wäa von junt reed toom kjriejen es, dee jeit ver däm Harn siene Uagen äwa dän Jordan, bat hee siene Fiend ver sikj vedräwen haft 22un daut Launt däm Harn unjadon woat. No däm derw jie omwenjen un woaren onen Schult sennen ver däm Harn un ver Israel un sellen dit Launt aus Oafgoot haben ver däm Harn siene Uagen. 23Wan jie daut nich doonen wellen, dan horcht häa, dan woa jie junt aun däm Harn vesindjen, un jie woaren daut enwoaren, daut de Sind trigj opp junt felt. 24Dan but nu Städa fa june Kjinja un Hocks fa june Veehäaden, un dan doot, waut jie vesproaken haben.
25De Mana von Gad un Ruben säden to Moses: Wie sent diene Deena, wie woaren daut gaunz secha doonen, waut du velangst. 26Onse Frues un Kjinja, onse Häaden un aul ons Vee saul en de Städa en Gilead bliewen; 27wie oba, diene Deena, wellen aula ver däm Harn siene Uagen bewaufnet em Häa toom Kaumf gonen, soo aus du ons Leida jesajcht hast.
28Dan foddad Moses om äat haulwen däm Priesta Eleasar un Josua, Nun sienen Sän, un de Leida von de Volkjsgruppen en de Stam en Israel 29un säd to an: Wan de Mana von Gad un Ruben, reed toom kjriejen met junt toop äwa dän Jordan gonen un soolang kjamfen bat daut Launt junt unjadon es, dan jäft an daut Launt Gilead aus Oafgoot. 30Gonen see nich met junt toop toom Kaumf, dan motten see met een Stekj Launt en june Medd en Kanaan tofräd sennen. 31De Mana von Gad un Ruben säden: Wie sent diene Deena, wie woaren doonen, waut de Har jesajcht haft. 32Wie wellen bewaufnet ver däm Harn siene Uagen äwa dän Jordan toom Kaumf gonen, om daut wie daut Launt aun ditsied Jordan aus Oafgoot hoolen derwen.
33Soo jeef Moses de Stam Gad un Ruben un dän haulwen Staum von Josef sienen Sän Manasse, dän Amorita Kjennich Sihon sien Kjennichrikj, un Og sien Kjennichrikj, dee de Kjennich en Baschan wia, de gaunze Jäajent met Launt un Städa toop, waut doatoo jehieeden. #Jos 13,15-32 34Un de Mana von Gad buden un vesechaden de Städa Dibon, Atarot, Aroer, 35Atrot Schofan, Jaser, Jogboha, 36Bet Nimra un Bet Haram, un rechten Hocks en fa äare Häaden. 37De Mana von Ruben buden de Städa Heschbon, Elale, Kirjatajim, 38Nebo, Baal Meon un Sibma un jeewen dee niee Nomes, soo aus dee nu sent.
Daut Launtstekj fa dän haulwen Staum Manasse
39De Nokomen von Manasse sienen Sän Machir, jinjen no Gilead un neemen daut en un vedreewen de Amorita, waut doa bennen wieren. 40Dan jeef Moses Manasse sienen Sän Machir, siene Nokomen, Gilead aus Oafgoot, un see siedelden doa aun. 41Un Jair, een Nokomen von Manasse, jinkj loos un neem eene Rieej Darpa en un nand dee “Jair Darpa”. #5Mo 3,14; Rech 10,3-4 42Un Nobach jinkj un neem Kenat met de Siedlungen toop en un nand daut Stekj Launt no sienen ieejnen Nomen Nobach.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.