4. Mose 8
8
Vom goldnen Laumpenhoola un woo de Leviten enjeweit worden
1De Har räd to Moses un säd: 2Saj Aaron, daut wan hee dän Laumpenhoola met de säwen Laumpen oppstalt, dan sellen aule Laumpen no väaren dachen. #(2-4) 2Mo 25,9.31-40 3Un Aaron deed daut soo. Hee sad de Laumpen soo daut dee no väaren vom Laumpenhoola dachten, soo aus de Har Moses jesajcht haud. 4De Laumpenhoola wia von jeprastet Golt jemoakt vom Foot bat de Bloomen, waut doaraun wieren. Dee wort krakjt no daut Moddel jemoakt, soo aus de Har Moses daut wees.
5De Har räd met Moses un säd: 6Nemm de Leviten oppoat von mank de Israeliten un moak dee ver Gott rein derch eene Zeremonie. 7Dit es waut du doonen saust en de Zeremonie toom dee ver Gott reinjen. Du saust jeweidet Wota, met woont jie Sinden aufwauschen, äwa an spretzen, un dan sellen see sikj aule Hoa aun äaren gaunzen Kjarpa met een Putzmassa aufschäaren un sikj de Kjleeda wauschen, un sikj soo aus daut rein moaken. #3Mo 14,8; 4Mo 19,9.17 8Dan sellen see eenen jungen Boll nämen un een Ätesopfa von wittet Mäl met Eelj enjerieet, un noch eenen jungen Boll fa daut Sindopfa. 9Dan brinj de Leviten ver daut Vesaumlungszelt un lot de gaunze Jemeent von Israeliten sikj doa vesaumlen. 10Un du saust de Leviten ver däm Harn brinjen, un de Israeliten sellen de Henj opp de Leviten lajen. 11Un Aaron saul de Leviten ver däm Harn stalen, daut see am deenen, soo aus een Opfa von de Israeliten, daut ver däm Harn oppjehowen woat. #2Mo 29,24 12Un de Leviten sellen äare Henj opp de Kjap von de Bolles lajen, un dan saul de een Boll aus een Sindopfa un de aundra aus een Brauntopfa fa däm Harn jebrocht woaren, toom de Leviten veseenen. 13Un du saust de Leviten ver Aaron un siene Säns stalen un aus een Opfa, daut ver däm Harn oppjehowen woat, brinjen. 14Soo saust du de Leviten von de aundre Israeliten oppoat stalen, daut see mie jehieren. #4Mo 3,45 15Wan jie de Leviten soo ver Gott rein jemoakt haben un aus een Opfa, daut oppjehowen woat, jebrocht haben, sellen see gonen un äare Oabeit en daut Vesaumlungszelt doonen. 16Dee sent gaunz mie jejäft un ekj hab mie dee toojeieejent von mank de Israeliten. Ekj hab mie dee jenomen en de Städ de Ieeschtjebuarne von aule Israeliten. #4Mo 3,12-13 17Jieda Ieeschtjebuarnet von de Israeliten jehieet mie, von Menschen un uk von daut Vee. Ekj weid mie dee aus ekj aul de Ieeschtjebuarne en Ägipten ombrocht, #2Mo 13,2 18oba ekj hab mie de Leviten jenomen en de Städ von aule Ieeschtjebuarne en Israel. 19Un nu hab ekj de Leviten von mank aule Israeliten jenomen un Aaron un siene Säns dee jejäft, daut see de Oabeit em Vesaumlungszelt fa de Israeliten doonen sellen un daut see de Israeliten veseenen, soo daut nich eene Ploag opp de Israeliten kjemt, wan see dicht bie daut Heilichtum komen. #4Mo 1,53; 3,9
20Moses un Aaron un de gaunze Jemeenschoft von Israeliten deeden daut soo met de Leviten aus de Har Moses daut oppjejäft haud. 21De Leviten muaken sikj ver Gott rein un woschen äare Kjleeda, un Aaron brocht de Leviten ver däm Harn, soo aus een Opfa daut ver däm Harn oppjehowen woat, un hee veseend an, daut see ver Gott rein wieren. 22Aus see daut jedonen hauden, neemen de Leviten äare Oabeit unja Aaron un siene Säns em Vesaumlungszelt opp. Un soo aus de Har Moses daut jesajcht haud wäajen de Leviten, soo deeden see daut.
23De Har räd to Moses un säd: 24Dit es woo jie daut met de Leviten doonen sellen. Aule Mana 25 Joa oolt un ella sellen em Vesaumlungszelt deenen un doa äare Oabeit doonen, #4Mo 4,3.23.30.47; 1Chr 23,3.24 25un wan see 50 Joa oolt woaren sellen see frie sennen von äare Oabeit un doa nich mea deenen. 26Dan derwen see äare Breeda bie äare Oabeit aum Vesaumlungszelt halpen, oba sellen nich veauntwuatlich sennen bie de Oabeit. Dit es woo jie daut met die Leviten doonen sellen, daut een jiedra siene Oabeit deit.
Currently Selected:
4. Mose 8: PB
Highlight
Share
Compare
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.
4. Mose 8
8
Vom goldnen Laumpenhoola un woo de Leviten enjeweit worden
1De Har räd to Moses un säd: 2Saj Aaron, daut wan hee dän Laumpenhoola met de säwen Laumpen oppstalt, dan sellen aule Laumpen no väaren dachen. #(2-4) 2Mo 25,9.31-40 3Un Aaron deed daut soo. Hee sad de Laumpen soo daut dee no väaren vom Laumpenhoola dachten, soo aus de Har Moses jesajcht haud. 4De Laumpenhoola wia von jeprastet Golt jemoakt vom Foot bat de Bloomen, waut doaraun wieren. Dee wort krakjt no daut Moddel jemoakt, soo aus de Har Moses daut wees.
5De Har räd met Moses un säd: 6Nemm de Leviten oppoat von mank de Israeliten un moak dee ver Gott rein derch eene Zeremonie. 7Dit es waut du doonen saust en de Zeremonie toom dee ver Gott reinjen. Du saust jeweidet Wota, met woont jie Sinden aufwauschen, äwa an spretzen, un dan sellen see sikj aule Hoa aun äaren gaunzen Kjarpa met een Putzmassa aufschäaren un sikj de Kjleeda wauschen, un sikj soo aus daut rein moaken. #3Mo 14,8; 4Mo 19,9.17 8Dan sellen see eenen jungen Boll nämen un een Ätesopfa von wittet Mäl met Eelj enjerieet, un noch eenen jungen Boll fa daut Sindopfa. 9Dan brinj de Leviten ver daut Vesaumlungszelt un lot de gaunze Jemeent von Israeliten sikj doa vesaumlen. 10Un du saust de Leviten ver däm Harn brinjen, un de Israeliten sellen de Henj opp de Leviten lajen. 11Un Aaron saul de Leviten ver däm Harn stalen, daut see am deenen, soo aus een Opfa von de Israeliten, daut ver däm Harn oppjehowen woat. #2Mo 29,24 12Un de Leviten sellen äare Henj opp de Kjap von de Bolles lajen, un dan saul de een Boll aus een Sindopfa un de aundra aus een Brauntopfa fa däm Harn jebrocht woaren, toom de Leviten veseenen. 13Un du saust de Leviten ver Aaron un siene Säns stalen un aus een Opfa, daut ver däm Harn oppjehowen woat, brinjen. 14Soo saust du de Leviten von de aundre Israeliten oppoat stalen, daut see mie jehieren. #4Mo 3,45 15Wan jie de Leviten soo ver Gott rein jemoakt haben un aus een Opfa, daut oppjehowen woat, jebrocht haben, sellen see gonen un äare Oabeit en daut Vesaumlungszelt doonen. 16Dee sent gaunz mie jejäft un ekj hab mie dee toojeieejent von mank de Israeliten. Ekj hab mie dee jenomen en de Städ de Ieeschtjebuarne von aule Israeliten. #4Mo 3,12-13 17Jieda Ieeschtjebuarnet von de Israeliten jehieet mie, von Menschen un uk von daut Vee. Ekj weid mie dee aus ekj aul de Ieeschtjebuarne en Ägipten ombrocht, #2Mo 13,2 18oba ekj hab mie de Leviten jenomen en de Städ von aule Ieeschtjebuarne en Israel. 19Un nu hab ekj de Leviten von mank aule Israeliten jenomen un Aaron un siene Säns dee jejäft, daut see de Oabeit em Vesaumlungszelt fa de Israeliten doonen sellen un daut see de Israeliten veseenen, soo daut nich eene Ploag opp de Israeliten kjemt, wan see dicht bie daut Heilichtum komen. #4Mo 1,53; 3,9
20Moses un Aaron un de gaunze Jemeenschoft von Israeliten deeden daut soo met de Leviten aus de Har Moses daut oppjejäft haud. 21De Leviten muaken sikj ver Gott rein un woschen äare Kjleeda, un Aaron brocht de Leviten ver däm Harn, soo aus een Opfa daut ver däm Harn oppjehowen woat, un hee veseend an, daut see ver Gott rein wieren. 22Aus see daut jedonen hauden, neemen de Leviten äare Oabeit unja Aaron un siene Säns em Vesaumlungszelt opp. Un soo aus de Har Moses daut jesajcht haud wäajen de Leviten, soo deeden see daut.
23De Har räd to Moses un säd: 24Dit es woo jie daut met de Leviten doonen sellen. Aule Mana 25 Joa oolt un ella sellen em Vesaumlungszelt deenen un doa äare Oabeit doonen, #4Mo 4,3.23.30.47; 1Chr 23,3.24 25un wan see 50 Joa oolt woaren sellen see frie sennen von äare Oabeit un doa nich mea deenen. 26Dan derwen see äare Breeda bie äare Oabeit aum Vesaumlungszelt halpen, oba sellen nich veauntwuatlich sennen bie de Oabeit. Dit es woo jie daut met die Leviten doonen sellen, daut een jiedra siene Oabeit deit.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.