4. Mose 9
9
Noch mea Aunwiesungen fa daut Passafast
1De Har räd met Moses en de Sinai Wiltnis, em 2. Joa en de 1. Moonat, no däm aus see ut Ägipten jetrocken wieren, un säd: 2Lot de Israeliten daut Passafast fieren en de bestemde Tiet; 3aum 14. Dach en dise Moonat en de bestemde Tiet jäajen Owent sell jie daut Passamol jeneiw no aule Väaschreften un Ordnungen hoolen.
4Un Moses räd met de Israeliten, daut see daut Passafast hoolen sullen. 5Un see hilden daut Passafast aum 14. Dach en de 1. Moonat jäajen Owent en de Sinai Wiltnis; krakjt soo, aus de Har Moses daut väajesajcht haud, soo deeden de Israeliten daut.
6Doa wieren eenje Mana orrein jeworden aun eenen Dooden, soo daut see aun däm Dach nich daut Passamol hoolen kunnen. Dee kjeemen aum selwjen Dach ver Moses un Aaron #4Mo 19,11 7un säden to am: Wie sent orrein jeworden aun eenen Dooden. Wuarom sell wie trigjestalt sennen, daut wie däm Harn onse Gowen nich brinjen derwen en de bestemde Tiet met de aundre Israeliten toop? 8Moses säd to an: Wacht, ekj well hieren, waut de Har von junt velangen woat.
9Un de Har räd met Moses un säd: 10Saj de Israeliten: Wan wäa von junt ooda von june Nokomen orrein jeworden es aun eenen doodjen Mensch ooda opp eene lange Reis es, dan saul hee doawäajen däm Harn sien Passamol hoolen, 11oba ieescht en de 2. Moonat aum 14. Dach jäajen Owent, un hee saul daut met Broot onen Suadieech un betret Krut toop äten. 12Un see sellen nuscht doavon äwaloten bat aum Morjen, uk kjeenen Knoaken doavon tweibräakjen un sellen daut gaunz no de Ordnunk vom Passafast hoolen. 13Wäa rein es un nich opp eene Reis es un daut vesiemt, daut Passafast to hoolen, dee saul ut sien Volkj utjerot woaren, wiels hee siene Gowen nich to de bestemde Tiet däm Harn jebrocht haft. Hee saul siene Sind droagen. 14Un wan een framda bie junt wont un däm Harn uk daut Passafast fieren well, saul hee daut no de Väaschreft un Ordnunk fa daut Passafast fieren. Doa saul eent un de selwje Ordnunk bie junt sennen fa de framde uk fa june Menschen.
De Wolkj aus Tieekjen fa Gott siene Jäajenwuat
15Aun däm Dach, aus de heilje Woninj oppjestalt wort, bedakjt eene Wolkj de Woninj, daut Zelt met dän Bewies von däm Bunt; un vom Owent bat aum Morjen stunt dee bowa de Woninj aus een dacha Schien. #2Mo 40,34-35 16Soo passieed daut de gaunze Tiet, daut de Wolkj dee äwa Dach bedakjen deed, un de Nacht een dacha Schien aufjeef. 17Un emma, wan de Wolkj sikj vom Zelt opphoof, muaken de Israeliten sikj opp un trocken wieda; un wua de Wolkj sikj rauf leet, doa muaken de Israeliten sikj äa Loaga. #2Mo 40,36-38 18No däm Harn sien Wuat reisden see loos, un no däm Harn sien Wuat loagaden see sikj. Soo lang aus de Wolkj opp de heilje Woninj bleef, soo lang bleewen see doa. 19Un wan de Wolkj väle Doag bowa de heilje Woninj stonen bleef, dan jehorchten de Israeliten däm Harn siene Aunwiesunk un trocken nich wieda. 20Un wan de Wolkj mau weinje Doag bowa de heilje Woninj bleef, dan bleewen see no däm Harn siene Aunwiesunk, un doano aus de Harn an wiesen deed, trocken see wieda. 21Wan de Wolkj vom Owent bat aum Morjen doa wia un sikj dan opphoof, dan trocken see wieda; ooda wan dee sikj äwa Dach ooda de Nacht opphoof, dan reisden see loos. 22Wan dee twee Doag ooda eene Moonat ooda noch lenja opp de heilje Woninj bleef, dan bleewen de Israeliten en daut Loaga un trocken nich wieda; un wan dee sikj dan opphoof, dan reisden see loos. 23Soo aus de Har an wiesen deed, loagaden see sikj, un doano aus de Har an wiesen deed, trocken see wieda. Soo jehorchten see waut de Har von an velangd, soo aus hee Moses daut jesajcht haud.
Currently Selected:
4. Mose 9: PB
Highlight
Share
Compare
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.
4. Mose 9
9
Noch mea Aunwiesungen fa daut Passafast
1De Har räd met Moses en de Sinai Wiltnis, em 2. Joa en de 1. Moonat, no däm aus see ut Ägipten jetrocken wieren, un säd: 2Lot de Israeliten daut Passafast fieren en de bestemde Tiet; 3aum 14. Dach en dise Moonat en de bestemde Tiet jäajen Owent sell jie daut Passamol jeneiw no aule Väaschreften un Ordnungen hoolen.
4Un Moses räd met de Israeliten, daut see daut Passafast hoolen sullen. 5Un see hilden daut Passafast aum 14. Dach en de 1. Moonat jäajen Owent en de Sinai Wiltnis; krakjt soo, aus de Har Moses daut väajesajcht haud, soo deeden de Israeliten daut.
6Doa wieren eenje Mana orrein jeworden aun eenen Dooden, soo daut see aun däm Dach nich daut Passamol hoolen kunnen. Dee kjeemen aum selwjen Dach ver Moses un Aaron #4Mo 19,11 7un säden to am: Wie sent orrein jeworden aun eenen Dooden. Wuarom sell wie trigjestalt sennen, daut wie däm Harn onse Gowen nich brinjen derwen en de bestemde Tiet met de aundre Israeliten toop? 8Moses säd to an: Wacht, ekj well hieren, waut de Har von junt velangen woat.
9Un de Har räd met Moses un säd: 10Saj de Israeliten: Wan wäa von junt ooda von june Nokomen orrein jeworden es aun eenen doodjen Mensch ooda opp eene lange Reis es, dan saul hee doawäajen däm Harn sien Passamol hoolen, 11oba ieescht en de 2. Moonat aum 14. Dach jäajen Owent, un hee saul daut met Broot onen Suadieech un betret Krut toop äten. 12Un see sellen nuscht doavon äwaloten bat aum Morjen, uk kjeenen Knoaken doavon tweibräakjen un sellen daut gaunz no de Ordnunk vom Passafast hoolen. 13Wäa rein es un nich opp eene Reis es un daut vesiemt, daut Passafast to hoolen, dee saul ut sien Volkj utjerot woaren, wiels hee siene Gowen nich to de bestemde Tiet däm Harn jebrocht haft. Hee saul siene Sind droagen. 14Un wan een framda bie junt wont un däm Harn uk daut Passafast fieren well, saul hee daut no de Väaschreft un Ordnunk fa daut Passafast fieren. Doa saul eent un de selwje Ordnunk bie junt sennen fa de framde uk fa june Menschen.
De Wolkj aus Tieekjen fa Gott siene Jäajenwuat
15Aun däm Dach, aus de heilje Woninj oppjestalt wort, bedakjt eene Wolkj de Woninj, daut Zelt met dän Bewies von däm Bunt; un vom Owent bat aum Morjen stunt dee bowa de Woninj aus een dacha Schien. #2Mo 40,34-35 16Soo passieed daut de gaunze Tiet, daut de Wolkj dee äwa Dach bedakjen deed, un de Nacht een dacha Schien aufjeef. 17Un emma, wan de Wolkj sikj vom Zelt opphoof, muaken de Israeliten sikj opp un trocken wieda; un wua de Wolkj sikj rauf leet, doa muaken de Israeliten sikj äa Loaga. #2Mo 40,36-38 18No däm Harn sien Wuat reisden see loos, un no däm Harn sien Wuat loagaden see sikj. Soo lang aus de Wolkj opp de heilje Woninj bleef, soo lang bleewen see doa. 19Un wan de Wolkj väle Doag bowa de heilje Woninj stonen bleef, dan jehorchten de Israeliten däm Harn siene Aunwiesunk un trocken nich wieda. 20Un wan de Wolkj mau weinje Doag bowa de heilje Woninj bleef, dan bleewen see no däm Harn siene Aunwiesunk, un doano aus de Harn an wiesen deed, trocken see wieda. 21Wan de Wolkj vom Owent bat aum Morjen doa wia un sikj dan opphoof, dan trocken see wieda; ooda wan dee sikj äwa Dach ooda de Nacht opphoof, dan reisden see loos. 22Wan dee twee Doag ooda eene Moonat ooda noch lenja opp de heilje Woninj bleef, dan bleewen de Israeliten en daut Loaga un trocken nich wieda; un wan dee sikj dan opphoof, dan reisden see loos. 23Soo aus de Har an wiesen deed, loagaden see sikj, un doano aus de Har an wiesen deed, trocken see wieda. Soo jehorchten see waut de Har von an velangd, soo aus hee Moses daut jesajcht haud.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.