Reema 11
11
Gott siene Jnod met Israel
1Ekj saj dan: Gott haft sien Volkj nich vestat, haft hee? Oba niemols! Wiels ekj sie uk een Israelit un staum von Abraham, von Benjamin sien Staum. #Psa 94,14; Jer 31,37; Flp 3,5 2Gott haft sien Volkj nich vestat, daut hee sikj verhäa jewält haud. Ooda weet jie nich, waut de Schreft von Elia sajcht, woo dee ver Gott kjeem, jäajen Israel to räden: #1Kjen 19,10 3“Har, dee haben diene Profeeten dootjemoakt un diene Aultoaren doljeräten, un ekj sie auleen äwajebläwen, un see stonen mie uk nom Läwen.” 4Oba waut wia Gott siene Auntwuat?: “Ekj hab fa mie selfst 7.000 Maun jehoolen, dee äare Kjneeen nich ver Baal jeboagen haben?” #1Kjen 19,18 5Jrod soo haft sikj daut uk nu romjenomen, daut derch Gott siene Jnodenwol, eenje äwajebläwen sent. #Reema 9,27 6Oba wan daut ut Jnoden es, dan es daut nich mea derch Woakjen vedeent; sest wia Jnod nich mea Jnod. 7Woo es daut dan nu? Daut, wuano Israel sieekjt, haben see nich jekjräajen, buta de utjewälde. Dee haben daut jekjräajen un de äwaje worden vehoat, #Reema 9,31 8jrod soo aus jeschräwen steit:
“Gott jeef an een bedoodjenden Jeist,
Uagen, dee nich seenen un Uaren, dee nich hieren;
un soo es daut noch vondoag dän dach.” #5Mo 29,3; Jes 29,10
9Un David säd:
“Lot äaren Desch fa an eene Schlenj un eene Faul woaren,
daut see faulen un jestroft woaren. #Psa 69,23-24
10Lot an daut ver de Uagen diesta woaren,
daut see nich seenen kjennen.
Un bieej an dän Rigjen opp emma.”
Juden un Nichjuden sellen jemeensom toom Ziel komen
11Ekj saj dan von Israel: See staden sikj nich soo väl daut see follen, deeden see? Gaunz un goa nich! Doaderch daut see follen es de Velkja daut Evangelium jeprädicht worden. Daut sull Israel aufjenstich moaken. #Apost 13,46; Reema 10,19 12Wan de Welt doaderch rikj wort, daut Israel foll, un äa fälen de Velkja togood kjemt, wooväl jrata woat dan äa Jewenst sennen, wan see aula komen woaren!
13Ekj räd nu to junt Velkja: Wiels ekj de Velkja äa Apostel sie, hool ekj mien Aumt huach, 14daut ekj irjentwoo mien ieejen Volkj reizen kunn, un soo eenje von an uk raden kunn. #1Kor 9,20-22; 1Tim 4,16 15Wan daut de Veseenunk fa de Welt meend, aus Gott an tosied sad, waut woat daut dan sest sennen aus vom Doot to Läwen komen, wan Gott an aunnämen woat?
Daut Bilt vom Oliewenboom: Woarnunk aun de Nichjuden
16Wan daut ieeschte Stekj Dieech heilich es, es de gaunza Klompen heilich; un wan de Wartel heilich es, sent de Asta uk heilich. #4Mo 15,20
17Oba wan von de Asta eenje aufjebroaken worden un du, vom willen Oliewenboom mank jane nenn jepropt worscht, daut du met an toop een Poat aun de rikje Wartel #11,17 Eenje oole Schreften sajen aun daut Rikjtum. aum Oliewenboom hautst, #Efs 2,11-14 18denkj nich, daut du hecha steist aus de aundre Asta. Sie nich stolt, oba denkj doaraun, du helst nich de Wartel opp, de Wartel drajcht die. #Joh 4,22 19Du wurscht dan sajen: Doa worden Asta rut jebroaken, daut ekj doa kunn nenn jepropt woaren. 20Gaunz rajcht! Dee worden aufjebroaken wiels see nich jleewden, un du steist bloos derch dienen Gloowen. Doawäajen sie nich stolt, fercht die leewa! #1Kor 10,12 21Wan Gott dee Asta nich veschoond dee von Natua jewossen wieren, dan wudd hee die uk nich veschoonen. 22Dan see nu emol, woo leeftolich uk woo iernst Gott es; iernst to dee, dee jefollen sent, oba to die es hee leeftolich wan du bie am blifst; wan oba nich, woascht du uk rut jebroaken woaren. #Joh 15,2.4; Heb 3,14 23Un jane uk, wan dee nich en äaren Ongloowen bliewen, woaren trigj nenn jepropt woaren. Gott kaun dee wada trigj nenn proppen. 24Wan du von een willen Oliewenboom aufjebroaken un jäajen daut Natuajesaz best en een tomen Oliewenboom nenn jepropt worden, wooväl mea sellen dan nich dise tome Asta trigj en äaren ieejnen Oliewenboom nenn jepropt woaren!
Gaunz Israel woat tolatst jerat woaren
25Breeda, ekj well nich, daut jie om dit Jeheemnis nich omweeten, daut jie nich noch stolt woaren. Israel es toom Deel met Blintheit jeschloagen, oba mau soo lang bat de Velkja en volle Zol nenn jegonen sent, #Joh 10,16 26un dan woat gaunz Israel seelich woaren soo aus jeschräwen steit:
“Von Zion woat dee komen dee an raden woat.
Hee woat Jakob siene Gottloosichkjeit auntsied schaufen. #Psa 14,7; Jes 59,20; Jer 31,33; Mat 23,39
27Un dit es mien Tastament met an,
wan ekj met äare Sinden oppriemen woa.”
28Vom Evangelium ut jeseenen sent see Fiend om junt haulwen, oba von de Wol utjeseenen, sent see beleeft om äare Vodasch äat haulwen. 29Wiels waut Gott jejäft un beroopen haft, jeit nich trigjtonämen. #4Mo 23,19 30Jrod soo aus jie Gott to eene Tiet onjehuarsom wieren, un nu oba sent bejnodichte jeworden, wiels Israel onjehuarsom es, 31jrod soo sent see nu onjehuarsom, daut see derch dee Jnod dee junt bewäsen wort, uk #11,31 Eenje oole Schreften sajen wort, nu uk. kjennen bejnodichte woaren. 32Gott haft aule aus onjleewent jestampelt, daut hee aulem Metleet bewiesen kaun. #Gal 3,22; 1Tim 2,4
Gott siene wundaboare Weisheit woat jepriesen
33Oo, woo rikj es doch ons Gott aun beides, Weisheit uk Erkjantnis!
Woo ommäajlich es daut doch, siene Jerechten to bejriepen, un siene Wäaj to vestonen! #Jes 45,15; 55,8-9
34Wiels “wäa haft jewist waut Gott em Senn haud,
ooda wäa wia sien Rotjäwa?” #Jes 40,13; Jer 23,18; 1Kor 2,16
35Ooda “wäa haft am ieescht waut jejäft, daut am daut kunn trigjetolt woaren?” #Hiob 41,3
36Aules waut doa es, kjemt von am un es derch am un es fa am.
Hee saul en aule Eewichkjeit doafäa jeieet woaren! Amen.
Currently Selected:
Reema 11: PB
Highlight
Share
Compare
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.
Reema 11
11
Gott siene Jnod met Israel
1Ekj saj dan: Gott haft sien Volkj nich vestat, haft hee? Oba niemols! Wiels ekj sie uk een Israelit un staum von Abraham, von Benjamin sien Staum. #Psa 94,14; Jer 31,37; Flp 3,5 2Gott haft sien Volkj nich vestat, daut hee sikj verhäa jewält haud. Ooda weet jie nich, waut de Schreft von Elia sajcht, woo dee ver Gott kjeem, jäajen Israel to räden: #1Kjen 19,10 3“Har, dee haben diene Profeeten dootjemoakt un diene Aultoaren doljeräten, un ekj sie auleen äwajebläwen, un see stonen mie uk nom Läwen.” 4Oba waut wia Gott siene Auntwuat?: “Ekj hab fa mie selfst 7.000 Maun jehoolen, dee äare Kjneeen nich ver Baal jeboagen haben?” #1Kjen 19,18 5Jrod soo haft sikj daut uk nu romjenomen, daut derch Gott siene Jnodenwol, eenje äwajebläwen sent. #Reema 9,27 6Oba wan daut ut Jnoden es, dan es daut nich mea derch Woakjen vedeent; sest wia Jnod nich mea Jnod. 7Woo es daut dan nu? Daut, wuano Israel sieekjt, haben see nich jekjräajen, buta de utjewälde. Dee haben daut jekjräajen un de äwaje worden vehoat, #Reema 9,31 8jrod soo aus jeschräwen steit:
“Gott jeef an een bedoodjenden Jeist,
Uagen, dee nich seenen un Uaren, dee nich hieren;
un soo es daut noch vondoag dän dach.” #5Mo 29,3; Jes 29,10
9Un David säd:
“Lot äaren Desch fa an eene Schlenj un eene Faul woaren,
daut see faulen un jestroft woaren. #Psa 69,23-24
10Lot an daut ver de Uagen diesta woaren,
daut see nich seenen kjennen.
Un bieej an dän Rigjen opp emma.”
Juden un Nichjuden sellen jemeensom toom Ziel komen
11Ekj saj dan von Israel: See staden sikj nich soo väl daut see follen, deeden see? Gaunz un goa nich! Doaderch daut see follen es de Velkja daut Evangelium jeprädicht worden. Daut sull Israel aufjenstich moaken. #Apost 13,46; Reema 10,19 12Wan de Welt doaderch rikj wort, daut Israel foll, un äa fälen de Velkja togood kjemt, wooväl jrata woat dan äa Jewenst sennen, wan see aula komen woaren!
13Ekj räd nu to junt Velkja: Wiels ekj de Velkja äa Apostel sie, hool ekj mien Aumt huach, 14daut ekj irjentwoo mien ieejen Volkj reizen kunn, un soo eenje von an uk raden kunn. #1Kor 9,20-22; 1Tim 4,16 15Wan daut de Veseenunk fa de Welt meend, aus Gott an tosied sad, waut woat daut dan sest sennen aus vom Doot to Läwen komen, wan Gott an aunnämen woat?
Daut Bilt vom Oliewenboom: Woarnunk aun de Nichjuden
16Wan daut ieeschte Stekj Dieech heilich es, es de gaunza Klompen heilich; un wan de Wartel heilich es, sent de Asta uk heilich. #4Mo 15,20
17Oba wan von de Asta eenje aufjebroaken worden un du, vom willen Oliewenboom mank jane nenn jepropt worscht, daut du met an toop een Poat aun de rikje Wartel #11,17 Eenje oole Schreften sajen aun daut Rikjtum. aum Oliewenboom hautst, #Efs 2,11-14 18denkj nich, daut du hecha steist aus de aundre Asta. Sie nich stolt, oba denkj doaraun, du helst nich de Wartel opp, de Wartel drajcht die. #Joh 4,22 19Du wurscht dan sajen: Doa worden Asta rut jebroaken, daut ekj doa kunn nenn jepropt woaren. 20Gaunz rajcht! Dee worden aufjebroaken wiels see nich jleewden, un du steist bloos derch dienen Gloowen. Doawäajen sie nich stolt, fercht die leewa! #1Kor 10,12 21Wan Gott dee Asta nich veschoond dee von Natua jewossen wieren, dan wudd hee die uk nich veschoonen. 22Dan see nu emol, woo leeftolich uk woo iernst Gott es; iernst to dee, dee jefollen sent, oba to die es hee leeftolich wan du bie am blifst; wan oba nich, woascht du uk rut jebroaken woaren. #Joh 15,2.4; Heb 3,14 23Un jane uk, wan dee nich en äaren Ongloowen bliewen, woaren trigj nenn jepropt woaren. Gott kaun dee wada trigj nenn proppen. 24Wan du von een willen Oliewenboom aufjebroaken un jäajen daut Natuajesaz best en een tomen Oliewenboom nenn jepropt worden, wooväl mea sellen dan nich dise tome Asta trigj en äaren ieejnen Oliewenboom nenn jepropt woaren!
Gaunz Israel woat tolatst jerat woaren
25Breeda, ekj well nich, daut jie om dit Jeheemnis nich omweeten, daut jie nich noch stolt woaren. Israel es toom Deel met Blintheit jeschloagen, oba mau soo lang bat de Velkja en volle Zol nenn jegonen sent, #Joh 10,16 26un dan woat gaunz Israel seelich woaren soo aus jeschräwen steit:
“Von Zion woat dee komen dee an raden woat.
Hee woat Jakob siene Gottloosichkjeit auntsied schaufen. #Psa 14,7; Jes 59,20; Jer 31,33; Mat 23,39
27Un dit es mien Tastament met an,
wan ekj met äare Sinden oppriemen woa.”
28Vom Evangelium ut jeseenen sent see Fiend om junt haulwen, oba von de Wol utjeseenen, sent see beleeft om äare Vodasch äat haulwen. 29Wiels waut Gott jejäft un beroopen haft, jeit nich trigjtonämen. #4Mo 23,19 30Jrod soo aus jie Gott to eene Tiet onjehuarsom wieren, un nu oba sent bejnodichte jeworden, wiels Israel onjehuarsom es, 31jrod soo sent see nu onjehuarsom, daut see derch dee Jnod dee junt bewäsen wort, uk #11,31 Eenje oole Schreften sajen wort, nu uk. kjennen bejnodichte woaren. 32Gott haft aule aus onjleewent jestampelt, daut hee aulem Metleet bewiesen kaun. #Gal 3,22; 1Tim 2,4
Gott siene wundaboare Weisheit woat jepriesen
33Oo, woo rikj es doch ons Gott aun beides, Weisheit uk Erkjantnis!
Woo ommäajlich es daut doch, siene Jerechten to bejriepen, un siene Wäaj to vestonen! #Jes 45,15; 55,8-9
34Wiels “wäa haft jewist waut Gott em Senn haud,
ooda wäa wia sien Rotjäwa?” #Jes 40,13; Jer 23,18; 1Kor 2,16
35Ooda “wäa haft am ieescht waut jejäft, daut am daut kunn trigjetolt woaren?” #Hiob 41,3
36Aules waut doa es, kjemt von am un es derch am un es fa am.
Hee saul en aule Eewichkjeit doafäa jeieet woaren! Amen.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.