Reema 12
12
Ons Läwen, een Deenst fa Gott
1Breeda, wiels Gott soo väl Jnod un Metleet aun junt bewäsen haft, ermon ekj junt, uk junen Kjarpa Gott to jäwen aus een heiljet, läwendjet Opfa, daut Gott aunnämen kaun. Lot daut jun jeistlicha Gottesdeenst sennen. #Reema 6,13 2Un stalt junt nich soo han aus dise Welt deit. #12,2 Eenje oole Schreften sajen soo han aus daut en onse Tiet woat. Jie sellen derch june niee Jesennunk veendat woaren, daut jie weeten kjennen, waut Gott sien Wellen, waut goot, aunjenäm un volkomen es. #12,2 Eenje oole Schreften sajen daut jie weeten ooda bewiesen kjennen waut Gott sien gooda, aunjenäma un volkomna Wellen es. #Efs 4,23; 5,10.17
Gowen un Deensten en de Jemeent
3Derch de Jnod, dee mie jejäft es, saj ekj junt, een jieda eenem, denkjt von junt nich mea aus jie werkjlich sent, oba schazt junt doano auf, aus Gott junt Gloowen jeschonken haft. #Mat 20,26; 1Kor 4,6; 12,11; Efs 4,7 4Soo aus wie aun eenen Kjarpa väl Jläda haben, un dee Jläda oba nich aula daut selwje to doonen haben, #1Kor 12,12 5soo sent wie väle, een Kjarpa en Christus, un uk unjarenaunda sent wie Jläda aun eenen Kjarpa. #1Kor 12,27; Efs 4,4.25 6Un wiels onse Gowen sikj doano unjascheeden aus ons Jnod jeschonken es, well wie dee een jiedra doano brucken: wan daut prädjen es, dan doano aus ons doatoo Gloowen jeschonken es; #1Kor 4,7; 12,4; 1Pet 4,10 7wan deenen, dan doano deenen; wan lieren dan doano lieren; #1Pet 4,11 8wan ermonen, dan doano ermonen; wan jäwen, dan rikjlich; wan aundre väastonen, dan flietich; wäa doa eeft metliedent to sennen, saul daut met Freid doonen. #Mat 6,3; 2Kor 8,2; 9,7
Daut Läwen enne Jemeent
9Doot june Leew nich heichlen. Habt een Aufschu fa daut, waut schlajcht es, un hoolt faust, waut goot es. #Amos 5,15; 1Tim 1,5 10Aus Breeda sell jie junt unjarenaunda von Hoaten goot sennen. Moakt emma Rum fa dän näakjsten siene Iea. #Joh 13,4-15; Flp 2,3 11Siet nich ful. Wan daut kjemt to doonen waut jie doonen sellen, siet drinjent em Jeist, däm Harn to deenen. #Apost 18,25; Kol 3,23; Opb 3,15 12Siet froo en june Hopninj, jeduldich wan jie lieden, aunhoolent em Jebäd. #Luk 18,1-8; Kol 4,2; 1Tess 5,17 13Halpt jieren wua de heilje daut fält. Siet gaustfrie un oppnäment. #Heb 13,2; 3Joh 1,5-8 14Säajent dee, dee junt vefoljen. Säajent, un lajcht nich een Fluch opp an. #Mat 5,44; Apost 7,59; 1Kor 4,12 15Freit junt met dee met, dee doa froo sent, un hielt met dee met, dee doa hielen. #Psa 35,13-14; 2Kor 11,29 16Läft en Eenichkjeit unjarenaunda. Denkjt von junt selfst nich huach rut. Jäft junt uk met dee auf dee doa läach stonen un hoolt junt nich selfst fa kluak. #Jes 5,21; Reema 15,5; Flp 2,2 17Woat junt schlajchtet aunjedonen? Tolt daut nich met schlajchtet trigj. Sträft to doonen waut ierenhauft es un aule Menschen toom gooden deent. #Spr 20,22; 2Kor 8,21; 1Tess 5,15 18Doot aules waut jie kjennen, wan daut mäajlich es, met aule Menschen Fräd to haben. 19Doot niemols Rach eewen, leewe Frind. Jäft Gott sienen Oaja Rum doatoo; wiels daut steit jeschräwen: “Rach eewen es miene Sach. Ekj woa trigjtolen, sajcht de Har.” #5Mo 32,35; (19-21) 3Mo 19,18; Mat 5,38-44 20“Wan dienen Fient hungat, jeff am to äten. Wan am darscht, jeff am to drinkjen. Wan du daut soo deist, woascht du am doaderch jlieejende Kolen opp däm Kopp lajen”. #2Kjen 6,22; Spr 25,21-22 21Lot junt nich von daut beese unjakjrieen. Doot goodet, om daut beese unjatokjrieen.
Currently Selected:
Reema 12: PB
Highlight
Share
Compare
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.
Reema 12
12
Ons Läwen, een Deenst fa Gott
1Breeda, wiels Gott soo väl Jnod un Metleet aun junt bewäsen haft, ermon ekj junt, uk junen Kjarpa Gott to jäwen aus een heiljet, läwendjet Opfa, daut Gott aunnämen kaun. Lot daut jun jeistlicha Gottesdeenst sennen. #Reema 6,13 2Un stalt junt nich soo han aus dise Welt deit. #12,2 Eenje oole Schreften sajen soo han aus daut en onse Tiet woat. Jie sellen derch june niee Jesennunk veendat woaren, daut jie weeten kjennen, waut Gott sien Wellen, waut goot, aunjenäm un volkomen es. #12,2 Eenje oole Schreften sajen daut jie weeten ooda bewiesen kjennen waut Gott sien gooda, aunjenäma un volkomna Wellen es. #Efs 4,23; 5,10.17
Gowen un Deensten en de Jemeent
3Derch de Jnod, dee mie jejäft es, saj ekj junt, een jieda eenem, denkjt von junt nich mea aus jie werkjlich sent, oba schazt junt doano auf, aus Gott junt Gloowen jeschonken haft. #Mat 20,26; 1Kor 4,6; 12,11; Efs 4,7 4Soo aus wie aun eenen Kjarpa väl Jläda haben, un dee Jläda oba nich aula daut selwje to doonen haben, #1Kor 12,12 5soo sent wie väle, een Kjarpa en Christus, un uk unjarenaunda sent wie Jläda aun eenen Kjarpa. #1Kor 12,27; Efs 4,4.25 6Un wiels onse Gowen sikj doano unjascheeden aus ons Jnod jeschonken es, well wie dee een jiedra doano brucken: wan daut prädjen es, dan doano aus ons doatoo Gloowen jeschonken es; #1Kor 4,7; 12,4; 1Pet 4,10 7wan deenen, dan doano deenen; wan lieren dan doano lieren; #1Pet 4,11 8wan ermonen, dan doano ermonen; wan jäwen, dan rikjlich; wan aundre väastonen, dan flietich; wäa doa eeft metliedent to sennen, saul daut met Freid doonen. #Mat 6,3; 2Kor 8,2; 9,7
Daut Läwen enne Jemeent
9Doot june Leew nich heichlen. Habt een Aufschu fa daut, waut schlajcht es, un hoolt faust, waut goot es. #Amos 5,15; 1Tim 1,5 10Aus Breeda sell jie junt unjarenaunda von Hoaten goot sennen. Moakt emma Rum fa dän näakjsten siene Iea. #Joh 13,4-15; Flp 2,3 11Siet nich ful. Wan daut kjemt to doonen waut jie doonen sellen, siet drinjent em Jeist, däm Harn to deenen. #Apost 18,25; Kol 3,23; Opb 3,15 12Siet froo en june Hopninj, jeduldich wan jie lieden, aunhoolent em Jebäd. #Luk 18,1-8; Kol 4,2; 1Tess 5,17 13Halpt jieren wua de heilje daut fält. Siet gaustfrie un oppnäment. #Heb 13,2; 3Joh 1,5-8 14Säajent dee, dee junt vefoljen. Säajent, un lajcht nich een Fluch opp an. #Mat 5,44; Apost 7,59; 1Kor 4,12 15Freit junt met dee met, dee doa froo sent, un hielt met dee met, dee doa hielen. #Psa 35,13-14; 2Kor 11,29 16Läft en Eenichkjeit unjarenaunda. Denkjt von junt selfst nich huach rut. Jäft junt uk met dee auf dee doa läach stonen un hoolt junt nich selfst fa kluak. #Jes 5,21; Reema 15,5; Flp 2,2 17Woat junt schlajchtet aunjedonen? Tolt daut nich met schlajchtet trigj. Sträft to doonen waut ierenhauft es un aule Menschen toom gooden deent. #Spr 20,22; 2Kor 8,21; 1Tess 5,15 18Doot aules waut jie kjennen, wan daut mäajlich es, met aule Menschen Fräd to haben. 19Doot niemols Rach eewen, leewe Frind. Jäft Gott sienen Oaja Rum doatoo; wiels daut steit jeschräwen: “Rach eewen es miene Sach. Ekj woa trigjtolen, sajcht de Har.” #5Mo 32,35; (19-21) 3Mo 19,18; Mat 5,38-44 20“Wan dienen Fient hungat, jeff am to äten. Wan am darscht, jeff am to drinkjen. Wan du daut soo deist, woascht du am doaderch jlieejende Kolen opp däm Kopp lajen”. #2Kjen 6,22; Spr 25,21-22 21Lot junt nich von daut beese unjakjrieen. Doot goodet, om daut beese unjatokjrieen.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.