Reema 16
16
Paulus jreest de Christen en Room
1Ekj laj noch een goodet Wuat en fa onse Sesta Feebe, dee en de Jemeent en Kenchreä deent, 2daut jie ar em Harn oppnämen, soo aus daut de heilje tookjemt, un daut jie ar en aul äare Jeschaften biestonen, wua ar daut fält. See haft väl aundre, un mie selfst uk, jeholpen.
3Jreest Priszilla un Aquilla, miene Metoabeida en Christus Jesus. #Apost 18,2.18.26 4Dee saden äa Läwen fa mie opp Spell. Nich bloos ekj, oba aule nichjudsche Jemeenten sent an sea dankboa. 5Jreest uk de Jemeent, dee sikj bie an em Hus vesaumelt. Jreest mien leewen Frint, Epänetus, dee sikj en Asien daut ieeschte to Christus bekjieed. 6Jreest Maria, dee sea schwoa fa junt jeoabeit haft. 7Jreest mien Frintschoft, Andronikus un Junias, dee met mie toop ensetten musten. Dee tieekjnen ut mank de Apostel, un dee wieren en Christus ea aus ekj. 8Jreest Ampliatus, dän ekj em Harn goot sie. 9Jreest Urbanus, onsen Metoabeida en Christus, un uk mien leewen Frint, Stachies. 10Jreest Apelles, dee sikj aus Christ bewäsen haft. Jreest uk dee, dee met Aristobul toop sent. 11Jreest Herodion, mien Frintschoft. Jreest uk dee, von Narzissus siene Famielje, dee em Harn sent. 12Jreest Trifäna un Trifosa, dee schwoa fa dän Harn oabeiden. Jreest uk de leewe Persis, dee sea schwoa fa dän Harn jeoabeit haft. 13Jreest Rufus, dän de Har jewält haft, un uk siene Mutta, dee uk fa mie eene Mutta jeworden es. #Mrk 15,21 14Jreest Asinkritus, Flegon, Hermas, Patrobas, Hermes un de Breeda bie an. 15Jreest Filologus un Julia, Nereus un siene Sesta un Oliempas, un aul de heilje, dee bie an sent. 16Jreest junt unjarenaunda met een heiljen Kuss. Aule christelje Jemeenten bestalen junt to jreessen. #1Kor 16,20
Paulus siene latste Aunwiesungen
17Breeda, wäat junt fa dee, dee Striet un Spoolungen aunstalen, un jäajen de Lia gonen dee jie jelieet haben. Jäft junt nich auf met dee. #Mat 7,15; 2Tess 3,6; Tit 3,10 18Soone Menschen sent nich aun Christus onsen Harn, oba aun sikj selfst #16,18 Griechisch aun äaren ieejnen Buck. veskloft; un derch glaute Wieed un Schmeichelräden veleiden see oschuldje Hoaten. #Flp 3,19; Kol 2,4 19Woo jehuarsom jie sent, haft aulemaun jehieet. Doawäajen frei ekj mie äwa junt, oba ekj mucht, daut jie weis sent daut goode to seenen, un oschuldich to bliewen, wan daut to daut schlajchte kjemt. #Reema 1,8; 1Kor 14,20 20De Frädensgott woat dän Soton boolt toopkjnedren, daut jie dän unja de Feet haben. Onsen Harn Jesus Christus siene Jnod met junt! #16,20 Eenje oole Schreften haben nich Onsen Harn Jesus Christus siene Jnod met junt!
Aundre jreessen uk
21Timotäus, mien Metoabeida, schekjt junt uk sien Gruss, soo uk Luzius, Jason un Sosipater, mien Frintschoft. #Apost 16,1-3; 17,6; 19,22; 20,4; Flp 2,19-22 22Ekj, Tertius, dee disen Breef schreef, jrees junt em christeljen Senn. 23Gajus, to däm siene Oppnom ekj un de gaunze Jemeent ons freien, schekjt junt sien Gruss. Erastus, de Stautskaussenfiera, un ons Brooda Kwartus bestalen junt uk to jreessen. #1Kor 1,14 24(Mucht onsen Harn Jesus Christus siene Jnod met junt aula sennen!) #16,24 De oole Schreften haben nich aula disen Varsch.
Säajen un Dankjebäd
25Däm, dee junt bat doa brinjen kaun, daut jie secha stonen, soo aus daut Evangelium un de Prädicht von Jesus Christus lieet, wuaderch daut Jeheemnis openboat es, daut doa wia steljehoolen worden, soolang aus dise Welt jestonen haft, #1Kor 2,7; Efs 1,9; 3,4-9 26daut nu oba jeopenboat un derch de Profeeten Schreften verendach jekomen es, soo aus de eewja Gott daut befolen haud, soo daut aule Velkja aun am jleewen un jehorchen kunnen, #Reema 1,5 27am, de eensich weisa Gott, saul en Eewichkjeit derch Jesus Christus jeieet woaren! Amen.
Currently Selected:
Reema 16: PB
Highlight
Share
Compare
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.