Reema 7
7
Frie vom Jesaz
1Ooda weet jie nich Breeda (wiels ekj räd to soone dee daut Jesaz kjanen), daut daut Jesaz mau soo lang äwa een Mensch to jebeeden haft, aus de Mensch läft. 2Wiels eene befriede Fru es aun äaren Maun mau soo lang jebungen, aus dee Maun läft. Oba wan äa Maun stoaft, es see von daut Jesaz loos, daut ar aun äaren Maun bunk. #1Kor 7,39 3Wan see sikj aun een aundren Maun binjen lat, wäarent äa Maun noch läft, es see de Ehebräakjarin; oba wan äa Maun stoaft es see von daut Jesaz loos, soo daut see nich de Ehebräakjarin es, wan see sikj aun een aundren Maun binjt. 4Miene Breeda, jrod soo wia daut uk, daut jie derch Christus sienen Doot fa daut Jesaz storwen, daut jie aun een aundren kunnen jebungen woaren, daut es aun dän, dee vom Doot oppstunt, daut jie fa Gott Frucht droagen. 5Soolang aus wie onbekjieet em Fleesch wieren, wieren de sintelje Liedenschoften, derch daut Jesaz jereizt, un onse Jläda aun de Oabeit Frucht to droagen, dee toom Doot fieed. #Reema 6,21 6Oba nu sent wie von daut Jesaz loos un doot fa daut, aun daut wie jebungen wieren. Wie haben nu een nieen Deenst em Jeist un nich mea en de oole Buakstow vom Jesaz. #Reema 6,2.4; 8,1-2
De Sind mesbrukt daut Jesaz
7Waut sell wie dan sajen? Es daut Jesaz Sind? Oba niemols! Ekj wudd niemols jewist haben waut Sind wia, wan daut Jesaz nich jekomen wia. Ekj wudd nich weeten waut Lost meend, wan daut Jesaz nich säd: “Lot die nich jankren.” #2Mo 20,17 8Oba de Sind brukt daut Jesaz, aulahaunt Lost en mie to wakjen. Wua kjeen Jesaz es, doa es de Sind doot. #Reema 5,13; 1Kor 15,56 9Ekj läwd to eene Tiet onen daut Jesaz. Oba aus daut Jesaz kjeem, läwd de Sind opp un ekj storf. 10Un daut kjeem soo rom, daut daut Jesaz, daut mie haud sult Läwen brinjen, mie dän Doot brocht. #3Mo 18,5; Jak 1,15 11De Sind neem de Jeläajenheit mie derch daut Jesaz auntoschmäaren un derch daut selwje Jesaz doottomoaken. #Heb 3,13 12Un doch es daut Jesaz heilich un daut Jeboot es heilich, rajcht, un goot. #1Tim 1,8 13Wort daut waut goot es, fa mie eene Uasoak toom Doot? Opp kjeenen Wajch! Daut wia de Sind, daut et verendach komen sull, daut et de Sind wia, dee mie dän Doot brocht, un daut et verendach kjeem woo sindhauft de Sind es. #Reema 5,20
Daut Jesaz kaun nich von Sind raden
14Wie weeten, daut daut Jesaz jeistlich es, oba ekj sie fleeschlich, een Sklow aun de Sind vekoft. #Joh 3,6 15Ekj kaun mie selfst nich vestonen, wiels ekj doo nich waut ekj doonen well, oba doo jrod daut waut mie jäajenaun es. 16Oba wan ekj jrod daut doo, waut ekj wensch nich to doonen, dan stemm ekj met daut Jesaz un sto too, daut daut Jesaz goot es. 17Dan sie ekj daut nich mea, dee daut deit. Dan es daut de Sind dee en mie wont. 18Wiels ekj weet, daut en mie, daut es en mien Fleesch, wont nuscht goodet. Dän Wellen goodet to doonen hab ekj, oba ekj brinj daut nich foadich. #1Mo 6,5; 8,21 19Daut goode, daut ekj doonen mucht, doo ekj nich. Daut beese oba, daut ekj nich doonen mucht, doo ekj. 20Oba wan ekj jrod daut doo, waut ekj nich doonen mucht, dan sie ekj daut nich mea, dee daut deit. Dan es daut de Sind, dee en mie wont. 21Daut es dan nu aul eemol soo: Ekj mucht daut goode doonen oba daut beese es noch en mie. 22Ennalich stemm ekj met Freiden met Gott sien Jesaz. 23Oba en miene Jläda see ekj een aundret Jesaz, daut jäajen daut Jesaz stritt, daut ekj doonen well, un mie aun daut sintelje Jesaz veskloft, daut noch en mie es. #Gal 5,17 24Wäa woat mie älendjet Wrak von dän doodjen Kjarpa friemoaken? 25Gott dank wie doafäa, derch Jesus Christus, onsen Harn! Dan es daut nu soo: Ekj selfst met mienen Wellen deen Gott sien Jesaz, oba mien Fleesch de Sind äa Jesaz. #1Kor 15,57
Currently Selected:
Reema 7: PB
Highlight
Share
Compare
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.
Reema 7
7
Frie vom Jesaz
1Ooda weet jie nich Breeda (wiels ekj räd to soone dee daut Jesaz kjanen), daut daut Jesaz mau soo lang äwa een Mensch to jebeeden haft, aus de Mensch läft. 2Wiels eene befriede Fru es aun äaren Maun mau soo lang jebungen, aus dee Maun läft. Oba wan äa Maun stoaft, es see von daut Jesaz loos, daut ar aun äaren Maun bunk. #1Kor 7,39 3Wan see sikj aun een aundren Maun binjen lat, wäarent äa Maun noch läft, es see de Ehebräakjarin; oba wan äa Maun stoaft es see von daut Jesaz loos, soo daut see nich de Ehebräakjarin es, wan see sikj aun een aundren Maun binjt. 4Miene Breeda, jrod soo wia daut uk, daut jie derch Christus sienen Doot fa daut Jesaz storwen, daut jie aun een aundren kunnen jebungen woaren, daut es aun dän, dee vom Doot oppstunt, daut jie fa Gott Frucht droagen. 5Soolang aus wie onbekjieet em Fleesch wieren, wieren de sintelje Liedenschoften, derch daut Jesaz jereizt, un onse Jläda aun de Oabeit Frucht to droagen, dee toom Doot fieed. #Reema 6,21 6Oba nu sent wie von daut Jesaz loos un doot fa daut, aun daut wie jebungen wieren. Wie haben nu een nieen Deenst em Jeist un nich mea en de oole Buakstow vom Jesaz. #Reema 6,2.4; 8,1-2
De Sind mesbrukt daut Jesaz
7Waut sell wie dan sajen? Es daut Jesaz Sind? Oba niemols! Ekj wudd niemols jewist haben waut Sind wia, wan daut Jesaz nich jekomen wia. Ekj wudd nich weeten waut Lost meend, wan daut Jesaz nich säd: “Lot die nich jankren.” #2Mo 20,17 8Oba de Sind brukt daut Jesaz, aulahaunt Lost en mie to wakjen. Wua kjeen Jesaz es, doa es de Sind doot. #Reema 5,13; 1Kor 15,56 9Ekj läwd to eene Tiet onen daut Jesaz. Oba aus daut Jesaz kjeem, läwd de Sind opp un ekj storf. 10Un daut kjeem soo rom, daut daut Jesaz, daut mie haud sult Läwen brinjen, mie dän Doot brocht. #3Mo 18,5; Jak 1,15 11De Sind neem de Jeläajenheit mie derch daut Jesaz auntoschmäaren un derch daut selwje Jesaz doottomoaken. #Heb 3,13 12Un doch es daut Jesaz heilich un daut Jeboot es heilich, rajcht, un goot. #1Tim 1,8 13Wort daut waut goot es, fa mie eene Uasoak toom Doot? Opp kjeenen Wajch! Daut wia de Sind, daut et verendach komen sull, daut et de Sind wia, dee mie dän Doot brocht, un daut et verendach kjeem woo sindhauft de Sind es. #Reema 5,20
Daut Jesaz kaun nich von Sind raden
14Wie weeten, daut daut Jesaz jeistlich es, oba ekj sie fleeschlich, een Sklow aun de Sind vekoft. #Joh 3,6 15Ekj kaun mie selfst nich vestonen, wiels ekj doo nich waut ekj doonen well, oba doo jrod daut waut mie jäajenaun es. 16Oba wan ekj jrod daut doo, waut ekj wensch nich to doonen, dan stemm ekj met daut Jesaz un sto too, daut daut Jesaz goot es. 17Dan sie ekj daut nich mea, dee daut deit. Dan es daut de Sind dee en mie wont. 18Wiels ekj weet, daut en mie, daut es en mien Fleesch, wont nuscht goodet. Dän Wellen goodet to doonen hab ekj, oba ekj brinj daut nich foadich. #1Mo 6,5; 8,21 19Daut goode, daut ekj doonen mucht, doo ekj nich. Daut beese oba, daut ekj nich doonen mucht, doo ekj. 20Oba wan ekj jrod daut doo, waut ekj nich doonen mucht, dan sie ekj daut nich mea, dee daut deit. Dan es daut de Sind, dee en mie wont. 21Daut es dan nu aul eemol soo: Ekj mucht daut goode doonen oba daut beese es noch en mie. 22Ennalich stemm ekj met Freiden met Gott sien Jesaz. 23Oba en miene Jläda see ekj een aundret Jesaz, daut jäajen daut Jesaz stritt, daut ekj doonen well, un mie aun daut sintelje Jesaz veskloft, daut noch en mie es. #Gal 5,17 24Wäa woat mie älendjet Wrak von dän doodjen Kjarpa friemoaken? 25Gott dank wie doafäa, derch Jesus Christus, onsen Harn! Dan es daut nu soo: Ekj selfst met mienen Wellen deen Gott sien Jesaz, oba mien Fleesch de Sind äa Jesaz. #1Kor 15,57
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.