Reema 8
8
Läwen derch dän Jeist
1Dan es nu nuscht mea to vedaumen aun dee, dee en Christus Jesus sent, dee nich soo läwen aus daut Fleesch velangt, oba soo aus de Jeist daut velangt. #Reema 8,34 2De Jeist dee derch Christus Jesus Läwen jeft, haft mie derch sien Jesaz von de Sind un dän Doot sien Jesaz friejemoakt. 3Waut daut Jesaz nich doonen kunn, wiels daut derch daut Fleesch jeschwakjt wia, daut deed Gott. Hee schekjt sienen Sän en Menschenjestault aus een Opfa #8,3 Eenje oole Schreften sajen nich aus een Opfa. fa de Sind un vedaumd de Sind em Fleesch, #Apost 13,38; 15,10; Heb 2,17 4daut et en ons kunn foadich jebrocht woaren, waut daut Jesaz velangd, dee wie nich soo läwen aus daut Fleesch velangt, oba soo aus de Jeist daut velangt. #Gal 5,16.25 5Dee, dee noch fleeschlich sent, beschaftjen sikj met daut, daut toom Fleesch jehieet; dee oba, dee dän Jeist haben, met Dinja, dee vom Jeist komen. 6Wäa sikj bloos met daut Fleesch beschafticht, fa däm meent daut de Doot. Wäa oba dän Jeist haft, fa däm meent daut Läwen un Fräd. #Reema 6,21; Gal 6,8 7Wäa fleeschlich jesonnen es, dee es fientlich jäajen Gott, wiels daut Fleesch nich Gott unjadon es, un uk nich kunn, wan daut uk noch wull. #Jak 4,4 8Dee, dee noch em Fleesch sent, kjennen Gott nich jefaulen. 9Oba jie sent nich em Fleesch, jie sent em Jeist, wan Gott sien Jeist werkjlich en junt wont. Wan oba irjentwäa nich Christus sienen Jeist haft, dee es dan uk nich eena von de sienje. 10Un wan Christus en junt es, un de Kjarpa dan uk derch de Sind doot es, soo läft jun Jeist om de Jerajchtichkjeit haulwen. #Gal 2,20 11Oba wan däm sien Jeist en junt wont, dee Jesus vom Doot oppwuak, dan woat dee, dee Christus Jesus vom Doot oppwuak, june stoafliche Kjarpasch uk wada toom Läwen brinjen derch sienen Jeist, dee en junt wont.
Nich mea Sklowen, oba Kjinja
12Breeda, dan es daut nu soo: Schildna sent wie, oba nich aum Fleesch, daut wie doano läwen motten. #Reema 6,7.18 13Wan jie soo läwen aus daut Fleesch velangt, mott jie stoawen. Oba wan jie derch dän Jeist daut Sintelje en junt doot moaken, woa jie läwen. #Reema 7,24; Gal 6,8; Efs 4,22-24 14Dee, dee von Gott sienen Jeist jeleit woaren, sent Gott siene Kjinja. 15Jie haben nich een Sklowenjeist jekjräajen, daut jie junt ferchten motten. Jie haben een Jeist jekjräajen derch dän Gott junt aunnemt aus siene Kjinja, un jie am aunroopen aus Voda, leewa Voda. #Gal 4,5-6; 2Tim 1,7 16De Jeist selfst jeft onsen Jeist daut Zeichnis, daut wie Gott siene Kjinja sent. #2Kor 1,22 17Sent wie oba Kjinja, dan sent wie uk Gott siene Oawen un Christus siene Metoawen, daut es, wan wie met am toop lieden, daut wie uk met am toop veharlicht woaren. #Gal 4,7; Opb 21,7
De komende Harlichkjeit
18Fa mie to beseenen, sent dise lieden nich wieet met de Harlichkjeit to vejlikjen, dee ons saul openboat woaren. #2Kor 4,17 19Aules waut jemoakt es, luat ut ojjedult, daut Gott siene Kjinja verendach komen. #Kol 3,4; 1Joh 3,2 20De Kjreatua wort jäajen äaren Wellen, von Gott bestemt to vegonen, wiels Gott daut soo wull, en de Hopninj, #Liera 1,4 21daut de Kjreatua selfst von äare Sklowarie, dee daut vedoawen äwa an brinjt, wudd looskomen, un en de Gotteskjinja äare Frieheit un Harlichkjeit nenn komen. #2Pet 3,13 22Wie weeten daut de gaunze Kjreatua noch emma stänent en Jeburtsweedoag lieden deit. 23Un nich bloos de Kjreatua, oba wie selfst, dee Gott aul sienen Jeist jeschonken haft, luaren doano, daut Gott ons aus siene Säns oppnämen un von onsen vejenjklichen Kjarpa friemoaken saul. #2Kor 5,2 24En Hopninj word wie jerat. Oba eene Hopninj dee eena seenen kaun, es kjeene Hopninj. Wuarom sull eena opp waut hopen, daut eena sitt? 25Oba wan wie opp waut hopen, daut wie nich seenen, dan lua wie jeduldich doano. #Gal 5,5
De Biestaunt vom Jeist un de Vesechrunk jerat to sennen
26Un jrod soo halpt de Jeist ons en onse Schwakheiten, wiels wie weeten nich emol, woo wie soorajcht bäden sullen. Oba de Jeist bät fa ons met soone Jefeelen, daut wie nich Wieed doafäa haben. 27Un hee, dee onse Hoaten unjasieekjt, weet waut de Jeist em Senn haft; wiels de Jeist bät fa de heilje, doano aus Gott daut jefelt. 28Wie weeten, daut Gott en aule Dinja emma daut baste wirkjt fa dee, dee am #8,28 Griechisch dee Gott goot sent: Daut sent dee, dee hee jeroopt haft, soo aus hee daut wull. #Efs 1,11 29Dee, dee hee verhäa jewält haud, haud hee bestemt sienen Sän to likjnen, daut dee von väle Breeda mucht de Ieeschtjebuarna sennen. #Kol 1,18; Heb 1,6 30Un dee, dee hee em verut bestemt haud, dee haft hee uk jeroopt; un dee, dee hee jeroopt haft, haft hee uk jerajchtfoadicht; un wäm hee rajchtfoadijd, dee veholp hee daut see harlich worden. #Reema 3,26; 2Tess 2,13-14
Gott siene eewje Leew
31Waut sell wie hiatoo sajen? Wan Gott opp onse Sied es, wäa kaun dan jäajen ons sennen? #Psa 118,6 32Wudd dee, dee sienen ieejnen Sän fa ons aula hanjeef, ons dan nich aules met am schenkjen? #Joh 3,16 33Wäa well Gott siene utjewälde beschuljen? Gott es daut dee an jerajcht moakt. 34Wäa well vedaumen? Christus Jesus es hia, dee jestorwen es. Un mea aus daut, hee wort vom Doot oppjewakjt, un es nu bie Gott to rajchte Haunt un bät fa ons. #Heb 7,25; 1Joh 2,1 35Waut kaun ons Christus siene Leew wajchnämen? Sullen Lieden ooda Angst ooda Vefoljunk ooda Hunga ooda Oamoot ooda Jefoa ooda daut Schwieet? #(35-39) Psa 73,23-26 36Soo aus jeschräwen steit:
“Om dient haulwen woa wie dän dachäwa hanjeschlacht.
Wie woaren aus Schlachtschop aunjeseenen.” #Psa 44,23; 2Kor 4,11
37Oba en aul dit hab wie de äwahaunt, om däm sient haulwen, dee ons goot es. #1Joh 5,4 38Ekj sie mie secha, daut nich Doot ooda daut Läwen, nich Enjel ooda Jewaulten, nich Jäajenwuat ooda Tookunft, #Efs 6,12 39nich de Welt äwa ons, ooda de Welt unja ons, ooda irjent eene aundre Kjreatua ons von Gott siene Leew scheeden kaun, dee en Christus Jesus, onsen Harn es.
Currently Selected:
Reema 8: PB
Highlight
Share
Compare
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.
Reema 8
8
Läwen derch dän Jeist
1Dan es nu nuscht mea to vedaumen aun dee, dee en Christus Jesus sent, dee nich soo läwen aus daut Fleesch velangt, oba soo aus de Jeist daut velangt. #Reema 8,34 2De Jeist dee derch Christus Jesus Läwen jeft, haft mie derch sien Jesaz von de Sind un dän Doot sien Jesaz friejemoakt. 3Waut daut Jesaz nich doonen kunn, wiels daut derch daut Fleesch jeschwakjt wia, daut deed Gott. Hee schekjt sienen Sän en Menschenjestault aus een Opfa #8,3 Eenje oole Schreften sajen nich aus een Opfa. fa de Sind un vedaumd de Sind em Fleesch, #Apost 13,38; 15,10; Heb 2,17 4daut et en ons kunn foadich jebrocht woaren, waut daut Jesaz velangd, dee wie nich soo läwen aus daut Fleesch velangt, oba soo aus de Jeist daut velangt. #Gal 5,16.25 5Dee, dee noch fleeschlich sent, beschaftjen sikj met daut, daut toom Fleesch jehieet; dee oba, dee dän Jeist haben, met Dinja, dee vom Jeist komen. 6Wäa sikj bloos met daut Fleesch beschafticht, fa däm meent daut de Doot. Wäa oba dän Jeist haft, fa däm meent daut Läwen un Fräd. #Reema 6,21; Gal 6,8 7Wäa fleeschlich jesonnen es, dee es fientlich jäajen Gott, wiels daut Fleesch nich Gott unjadon es, un uk nich kunn, wan daut uk noch wull. #Jak 4,4 8Dee, dee noch em Fleesch sent, kjennen Gott nich jefaulen. 9Oba jie sent nich em Fleesch, jie sent em Jeist, wan Gott sien Jeist werkjlich en junt wont. Wan oba irjentwäa nich Christus sienen Jeist haft, dee es dan uk nich eena von de sienje. 10Un wan Christus en junt es, un de Kjarpa dan uk derch de Sind doot es, soo läft jun Jeist om de Jerajchtichkjeit haulwen. #Gal 2,20 11Oba wan däm sien Jeist en junt wont, dee Jesus vom Doot oppwuak, dan woat dee, dee Christus Jesus vom Doot oppwuak, june stoafliche Kjarpasch uk wada toom Läwen brinjen derch sienen Jeist, dee en junt wont.
Nich mea Sklowen, oba Kjinja
12Breeda, dan es daut nu soo: Schildna sent wie, oba nich aum Fleesch, daut wie doano läwen motten. #Reema 6,7.18 13Wan jie soo läwen aus daut Fleesch velangt, mott jie stoawen. Oba wan jie derch dän Jeist daut Sintelje en junt doot moaken, woa jie läwen. #Reema 7,24; Gal 6,8; Efs 4,22-24 14Dee, dee von Gott sienen Jeist jeleit woaren, sent Gott siene Kjinja. 15Jie haben nich een Sklowenjeist jekjräajen, daut jie junt ferchten motten. Jie haben een Jeist jekjräajen derch dän Gott junt aunnemt aus siene Kjinja, un jie am aunroopen aus Voda, leewa Voda. #Gal 4,5-6; 2Tim 1,7 16De Jeist selfst jeft onsen Jeist daut Zeichnis, daut wie Gott siene Kjinja sent. #2Kor 1,22 17Sent wie oba Kjinja, dan sent wie uk Gott siene Oawen un Christus siene Metoawen, daut es, wan wie met am toop lieden, daut wie uk met am toop veharlicht woaren. #Gal 4,7; Opb 21,7
De komende Harlichkjeit
18Fa mie to beseenen, sent dise lieden nich wieet met de Harlichkjeit to vejlikjen, dee ons saul openboat woaren. #2Kor 4,17 19Aules waut jemoakt es, luat ut ojjedult, daut Gott siene Kjinja verendach komen. #Kol 3,4; 1Joh 3,2 20De Kjreatua wort jäajen äaren Wellen, von Gott bestemt to vegonen, wiels Gott daut soo wull, en de Hopninj, #Liera 1,4 21daut de Kjreatua selfst von äare Sklowarie, dee daut vedoawen äwa an brinjt, wudd looskomen, un en de Gotteskjinja äare Frieheit un Harlichkjeit nenn komen. #2Pet 3,13 22Wie weeten daut de gaunze Kjreatua noch emma stänent en Jeburtsweedoag lieden deit. 23Un nich bloos de Kjreatua, oba wie selfst, dee Gott aul sienen Jeist jeschonken haft, luaren doano, daut Gott ons aus siene Säns oppnämen un von onsen vejenjklichen Kjarpa friemoaken saul. #2Kor 5,2 24En Hopninj word wie jerat. Oba eene Hopninj dee eena seenen kaun, es kjeene Hopninj. Wuarom sull eena opp waut hopen, daut eena sitt? 25Oba wan wie opp waut hopen, daut wie nich seenen, dan lua wie jeduldich doano. #Gal 5,5
De Biestaunt vom Jeist un de Vesechrunk jerat to sennen
26Un jrod soo halpt de Jeist ons en onse Schwakheiten, wiels wie weeten nich emol, woo wie soorajcht bäden sullen. Oba de Jeist bät fa ons met soone Jefeelen, daut wie nich Wieed doafäa haben. 27Un hee, dee onse Hoaten unjasieekjt, weet waut de Jeist em Senn haft; wiels de Jeist bät fa de heilje, doano aus Gott daut jefelt. 28Wie weeten, daut Gott en aule Dinja emma daut baste wirkjt fa dee, dee am #8,28 Griechisch dee Gott goot sent: Daut sent dee, dee hee jeroopt haft, soo aus hee daut wull. #Efs 1,11 29Dee, dee hee verhäa jewält haud, haud hee bestemt sienen Sän to likjnen, daut dee von väle Breeda mucht de Ieeschtjebuarna sennen. #Kol 1,18; Heb 1,6 30Un dee, dee hee em verut bestemt haud, dee haft hee uk jeroopt; un dee, dee hee jeroopt haft, haft hee uk jerajchtfoadicht; un wäm hee rajchtfoadijd, dee veholp hee daut see harlich worden. #Reema 3,26; 2Tess 2,13-14
Gott siene eewje Leew
31Waut sell wie hiatoo sajen? Wan Gott opp onse Sied es, wäa kaun dan jäajen ons sennen? #Psa 118,6 32Wudd dee, dee sienen ieejnen Sän fa ons aula hanjeef, ons dan nich aules met am schenkjen? #Joh 3,16 33Wäa well Gott siene utjewälde beschuljen? Gott es daut dee an jerajcht moakt. 34Wäa well vedaumen? Christus Jesus es hia, dee jestorwen es. Un mea aus daut, hee wort vom Doot oppjewakjt, un es nu bie Gott to rajchte Haunt un bät fa ons. #Heb 7,25; 1Joh 2,1 35Waut kaun ons Christus siene Leew wajchnämen? Sullen Lieden ooda Angst ooda Vefoljunk ooda Hunga ooda Oamoot ooda Jefoa ooda daut Schwieet? #(35-39) Psa 73,23-26 36Soo aus jeschräwen steit:
“Om dient haulwen woa wie dän dachäwa hanjeschlacht.
Wie woaren aus Schlachtschop aunjeseenen.” #Psa 44,23; 2Kor 4,11
37Oba en aul dit hab wie de äwahaunt, om däm sient haulwen, dee ons goot es. #1Joh 5,4 38Ekj sie mie secha, daut nich Doot ooda daut Läwen, nich Enjel ooda Jewaulten, nich Jäajenwuat ooda Tookunft, #Efs 6,12 39nich de Welt äwa ons, ooda de Welt unja ons, ooda irjent eene aundre Kjreatua ons von Gott siene Leew scheeden kaun, dee en Christus Jesus, onsen Harn es.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.