Levitiko O Le Fa‘atomuaga
O Le Fa‘atomuaga
O le tusi o le Levitiko e talanoa i tulafono ma sauniga lotu o tagata Isaraelu ‘ae maise lava e patino tonu i le ‘au ositaulaga. O le ‘au ositaulaga ‘ua filifilia e le Atua ‘ina ‘ia latou fa‘atinoina nei sauniga fa‘atapua‘iga.
O se tasi o vaega tāua tele e fa‘amatalaina i le tusi lenei, o le pa‘ia o le Atua ma le ola e tatau i tagata Isaraelu ‘ona latou ola ai ‘ina ‘ia talafeagai ma le mamalu o le Atua. O se tasi o fa‘a‘upuga aloa‘ia i totonu o lenei tusi e maua lea i le matā‘upu 19.18, ‘Alofa atu i lē lua te tuā‘oi ‘ia pei o oe ‘iā te oe lava.’ E masani Iesu i le Feagaiga Fou ‘ona fa‘aaogāina lenei fa‘a‘upuga.
O le Fa‘asologa o Matā‘upu:
O tulafono e tusa ai ma moliga ma taulaga 1.1—7.38
O le fa‘au‘uga o Arona ma ona atali‘i e ‘avea ma ositaulaga 8.1—10.20
O tulafono o sauniga fa‘amamā ma sauniga ‘ele‘elea 11.1—15.33
O le aso e fa‘amāgalo ai agasala 16.1-34
O tulafono e tusa ma le ola pa‘ia ma le ola tapua‘i i le Atua 17.1—27.34
Currently Selected:
Levitiko O Le Fa‘atomuaga: RSCB
Highlight
Copy
Compare
Share
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.