Numera 2
2
O Tofiga o Toagalauapi a Isaraelu
1‘Ua fetalai mai fo‘i le ALI‘I ‘iā Mose ma Arona, ‘ua fa‘apea mai: 2E tolauapi le fānauga Isaraelu o le tagata i le mea e i ai lona tagāvai ma le fa‘ailoga o le ‘āiga o lona tamā; latou te tolauapi fa‘afesaga‘i e fa‘ata‘ali‘oli‘o i le fale fetāfa‘i o le fa‘apotopotoga.#Nume 1.52
3-9O le itū i sasa‘e, o le mea e alu a‘e ai le lā e tolauapi ai i latou o i ai le tagāvai a Iuta ‘iā latou ‘au:
| Itū‘āiga | Ali‘i Sili | Aofa‘iga |
|---|---|---|
| O Iuta, | o Naasona o le atali‘i o Aminatapu | 74,600 |
| O Isakara, | o Natanielu o le atali‘i o Suaro | 54,400 |
| O Sepulona, | o Eliapo o le atali‘i o Holona | 57,400 |
| O lo latou aofa‘iga: | 186,400 |
O le vaega o Iuta e muā malaga i latou.#Nume 10.14-16
10-16O le itū i saute o itū‘āiga uma i lalo o le tagāvai o le toagalauapi a Reupena ‘iā latou ‘au:
| Itū‘āiga | Ali‘i Sili | Aofa‘iga |
|---|---|---|
| O Reupena, | o Elisara o le atali‘i o Seturo | 46,500 |
| O Simeona, | o Selumielu o le atali‘i o Surisatai | 59,300 |
| Kato, | o Eliasafo o le atali‘i o Ruelu | 45,650 |
| O lo latou aofa‘iga: | 151,450 |
O le vaega o Reupena e pito atu i le muā malaga.#Nume 10.18-20
17O le totonugalemū fo‘i o isi toagalauapi e ō ai le toagalauapi a sa Levī ma le fale fetāfa‘i o le fa‘apotopotoga; e pei ‘ona latou tolauapi e fa‘apea fo‘i ‘ona latou ō, o le tagata i le mea ‘ua tofia i ai ma le mea e i ai o latou tagāvai.
18-24O i le itū i sisifo o itū‘āiga uma i lalo o le tagāvai o le toagalauapi a Efaraima ‘iā latou ‘au:
| Itū‘āiga | Ali‘i Sili | Aofa‘iga |
|---|---|---|
| O Efaraima, | o Elisama lea o le atali‘i o Ameuta | 40,500 |
| O Manase, | o Kamalielu o le atali‘i o Petasura | 32,200 |
| O Peniamina, | o Apitano o le atali‘i o Kitione | 35,400 |
| O lo latou aofa‘iga: | 108,100 |
O le vaega o Efaraima e lona tolu lo latou vaega pe a ō.#Nume 10.22-24
25-31O i le itū i matū o itū‘āiga uma i lalo o le tagāvai o le toagalauapi a Tanu ‘iā latou ‘au:
| Itū‘āiga | Ali‘i Sili | Aofa‘iga |
|---|---|---|
| O Tanu, | o Aisera o le atali‘i o Amisatai | 62,700 |
| O Asera, | o Pagielu o le atali‘i o Okirano | 41,500 |
| O Nafatali, | o Akira o le atali‘i o Enano | 53,400 |
| O lo latou aofa‘iga: | 157,600 |
O le vaega o Tanu e muli malaga i latou pe a ō.#Nume 10.25-27
32O i latou lava ia na faitaulia o le fānauga a Isaraelu, i ‘āiga o latou tamā; o i latou uma lava na faitaulia i o latou toagalauapi, ‘iā latou ‘au, e 603,550 33A o sa Levī e le‘i faitaulia i latou fa‘atasi ma le fānauga a Isaraelu, e pei ‘ona poloa‘i mai ai o le ALI‘I ‘iā Mose.#Nume 1.47
34‘Ua faia lava o le fānauga a Isaraelu e tusa ma mea uma na poloa‘i mai ai le ALI‘I ‘iā Mose; e fa‘apea ‘ona latou tolauapi, i o latou tagāvai, e fa‘apea fo‘i ‘ona latou ō, o le tagata ma lona lava ‘āiga, i le ‘āiga lava o lona tamā.
Currently Selected:
Numera 2: RSCB
Highlight
Copy
Compare
Share
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.
