Génesis 20
20
Abraham Yetoj Naj Abimélec
1Jaꞌ Abraham jix el bꞌey txꞌotxꞌ yet naj Mamré, jatuꞌ jix too caan bꞌey yul yet Négueb, bꞌey jun conobꞌ chi yij Guerar, snan xol conobꞌ Cadés yetoj conobꞌ Sur. 2Jaꞌ yet eyecꞌ naj Abraham tituꞌ, jix yaloni tol jaꞌ ix Sara man yistiloj, yutol yanabꞌ chi yute yaloni. Jaꞌ naj Abimélec sreyal Guerar, jix bꞌet yakꞌ iꞌletej ix Sara tuꞌ, yet chi oc yistiloj yaloni. 3Jaꞌ yet jun akꞌbꞌal jix oc jun sweyich naj Abimélec, jix yalon Jehová tet naj jaxca tiꞌ: Oj jaach camoj, yutol jaꞌ ix ix jix bꞌet ja wakꞌ iꞌletej tuꞌ yet chi oc ix ja wistiloj ja waloni, ey yichamil ix, ẍi Jehová tet naj.
4Yutol jaꞌ naj Abimélec tuꞌ, cꞌamto chi wey naj yetoj ix Sara, jix yalon jaxca tiꞌ: Jaach Waawil, cꞌam jin mul, ¿tumi oj jin ja qꞌueyel yetoj jin conobꞌ tiꞌ? 5Yutol jaꞌ Abraham jix alon ey jin, tol wanabꞌ ix, ẍi naj; queytuꞌ jix yun yalon pax ix, jin noo naj an, yu jaxca tuꞌ yuxan queytuꞌ jix wute jin bꞌa. Cꞌam tocꞌal spenail chi wunne, ẍi naj rey tuꞌ.
6Jix takꞌwi Jehová tet naj rey tuꞌ yin weyicheal: Wotaj tol yin cꞌal sjichanil jix ja wute, yuxan ma jaach jin chaꞌ wey yetoj ix, yet watxꞌ cꞌam chi oc ja mul jin sattaj. 7Jaꞌ tinaniꞌ, akꞌ meltzo ix yul skꞌabꞌ yichamil, yutol jin chejabꞌ yeoc naj, chi skeꞌ xali naj ja wu yet cꞌam chach cami. Ta tol cꞌam cha wakꞌ meltzo ix xin, wal yel oj jaach camoj, yetoj jantaj mactxequel eyecꞌ ja wetoj, masanil oj camoj, ẍi Jehová tet naj.
8Jaꞌ yet junxa cꞌual yet jix kꞌinibꞌi eloj, jix a waan naj rey Abimélec, jix yawten ebꞌ eyoc yin yopiso yetoj naj, jix yalon tet ebꞌ, tol ey jun sweyich jix yilaꞌ; jaꞌ yet jix yabꞌen ebꞌ, caw jix xiwa ebꞌ yu. 9Jix lawi tuꞌ, jix awteletej naj Abraham yu Abimélec tuꞌ, jix yalon tet naj:
—¿Tzet yuxan queytuꞌ chin ja wute? ¿Tzet jin mul ey jaach yuxan ian wal chi tit jun miman spenail tiꞌ wibꞌan ja wu, cꞌal yibꞌan jantaj ebꞌ jin chejabꞌ? Man watxꞌoj tzet jix ja wunne. 10¿Tzet cha naꞌ yuxan queytuꞌ jix ja wute jun tiꞌ kin? ẍi Abimélec tet Abraham.
11Jix takꞌwi Abraham jaxca tiꞌ:
—Jaꞌ jix wute jin naꞌoni tol jaꞌ titiꞌ cꞌam junoj mactxequel chi xiw tet Jehová, yuxan tala chin makꞌle cam yu cꞌal ix wistil tiꞌ waloni. 12Yin yel wanabꞌ ix, scutzꞌin jin mam ix, asan tol txꞌoj xutx ix, yuxan chi skeꞌ wiꞌon ix wistiloj. 13Jaꞌ yet jix yalon Jehová tol chin el bꞌey sna jin mam, yet chin ecꞌabꞌ cꞌal bꞌey wanxa conobꞌ, jix wal tet ix, yal cꞌal bꞌeytuꞌ chi cu apni ocoj cha wal wu an tol wanabꞌ jaach an, ẍi naj Abraham tuꞌ.
14Catuꞌ jix akꞌle meltzo ix Sara tet naj Abraham yu Abimélec. Jix saꞌle smeꞌ ebꞌ, swacax ebꞌ cꞌal ebꞌ naj ẍejabꞌ ebꞌ, cꞌal ebꞌ ix ẍejabꞌ ebꞌ. 15Catuꞌ jix yalon Abimélec:
—Il ton abꞌi, tiꞌ ey txꞌotxꞌ jin txꞌotxꞌ tiꞌ, bꞌejan yel txꞌotxꞌ wu an, yet cha sicꞌle bꞌey chach caeyi, ẍi naj rey tet Abraham.
16Jix yalon naj rey tet ix Sara jaxca tiꞌ:
—Jix wakꞌ jun mil tumin chꞌen plata tet naj ja noo tuꞌ, yet chi oc spajtzebꞌaloj ey jaach cꞌal yetoj tet ebꞌ eyecꞌ ja wetoj, yu tzet jix ecꞌtoj cu xol je yetoj tiꞌ, yet watxꞌ cꞌam chach can yin penail sattaj ánima yu jun tiꞌ, ẍi naj rey tet ix.
17Jaꞌ Abraham jix txali tet Jehová, yu jun tuꞌ, jaꞌ Jehová jix akꞌon pax tzalacꞌulal tet naj Abimélec junelxa yetoj yistil, cꞌal yetoj ebꞌ ix yakꞌomal servil naj, yet watxꞌ chi ali pax yuneꞌ ebꞌ ix. 18Syaꞌiloj ix Sara, yistil Abraham tuꞌ, yuxan jaꞌ Jehová jix yute tol cꞌam yuneꞌ ebꞌ ix ix eyecꞌ bꞌey sna naj Abimélec, cꞌam junoj ebꞌ ix chi skeꞌ yali yuneꞌ.
Currently Selected:
Génesis 20: knj
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
Génesis 20
20
Abraham Yetoj Naj Abimélec
1Jaꞌ Abraham jix el bꞌey txꞌotxꞌ yet naj Mamré, jatuꞌ jix too caan bꞌey yul yet Négueb, bꞌey jun conobꞌ chi yij Guerar, snan xol conobꞌ Cadés yetoj conobꞌ Sur. 2Jaꞌ yet eyecꞌ naj Abraham tituꞌ, jix yaloni tol jaꞌ ix Sara man yistiloj, yutol yanabꞌ chi yute yaloni. Jaꞌ naj Abimélec sreyal Guerar, jix bꞌet yakꞌ iꞌletej ix Sara tuꞌ, yet chi oc yistiloj yaloni. 3Jaꞌ yet jun akꞌbꞌal jix oc jun sweyich naj Abimélec, jix yalon Jehová tet naj jaxca tiꞌ: Oj jaach camoj, yutol jaꞌ ix ix jix bꞌet ja wakꞌ iꞌletej tuꞌ yet chi oc ix ja wistiloj ja waloni, ey yichamil ix, ẍi Jehová tet naj.
4Yutol jaꞌ naj Abimélec tuꞌ, cꞌamto chi wey naj yetoj ix Sara, jix yalon jaxca tiꞌ: Jaach Waawil, cꞌam jin mul, ¿tumi oj jin ja qꞌueyel yetoj jin conobꞌ tiꞌ? 5Yutol jaꞌ Abraham jix alon ey jin, tol wanabꞌ ix, ẍi naj; queytuꞌ jix yun yalon pax ix, jin noo naj an, yu jaxca tuꞌ yuxan queytuꞌ jix wute jin bꞌa. Cꞌam tocꞌal spenail chi wunne, ẍi naj rey tuꞌ.
6Jix takꞌwi Jehová tet naj rey tuꞌ yin weyicheal: Wotaj tol yin cꞌal sjichanil jix ja wute, yuxan ma jaach jin chaꞌ wey yetoj ix, yet watxꞌ cꞌam chi oc ja mul jin sattaj. 7Jaꞌ tinaniꞌ, akꞌ meltzo ix yul skꞌabꞌ yichamil, yutol jin chejabꞌ yeoc naj, chi skeꞌ xali naj ja wu yet cꞌam chach cami. Ta tol cꞌam cha wakꞌ meltzo ix xin, wal yel oj jaach camoj, yetoj jantaj mactxequel eyecꞌ ja wetoj, masanil oj camoj, ẍi Jehová tet naj.
8Jaꞌ yet junxa cꞌual yet jix kꞌinibꞌi eloj, jix a waan naj rey Abimélec, jix yawten ebꞌ eyoc yin yopiso yetoj naj, jix yalon tet ebꞌ, tol ey jun sweyich jix yilaꞌ; jaꞌ yet jix yabꞌen ebꞌ, caw jix xiwa ebꞌ yu. 9Jix lawi tuꞌ, jix awteletej naj Abraham yu Abimélec tuꞌ, jix yalon tet naj:
—¿Tzet yuxan queytuꞌ chin ja wute? ¿Tzet jin mul ey jaach yuxan ian wal chi tit jun miman spenail tiꞌ wibꞌan ja wu, cꞌal yibꞌan jantaj ebꞌ jin chejabꞌ? Man watxꞌoj tzet jix ja wunne. 10¿Tzet cha naꞌ yuxan queytuꞌ jix ja wute jun tiꞌ kin? ẍi Abimélec tet Abraham.
11Jix takꞌwi Abraham jaxca tiꞌ:
—Jaꞌ jix wute jin naꞌoni tol jaꞌ titiꞌ cꞌam junoj mactxequel chi xiw tet Jehová, yuxan tala chin makꞌle cam yu cꞌal ix wistil tiꞌ waloni. 12Yin yel wanabꞌ ix, scutzꞌin jin mam ix, asan tol txꞌoj xutx ix, yuxan chi skeꞌ wiꞌon ix wistiloj. 13Jaꞌ yet jix yalon Jehová tol chin el bꞌey sna jin mam, yet chin ecꞌabꞌ cꞌal bꞌey wanxa conobꞌ, jix wal tet ix, yal cꞌal bꞌeytuꞌ chi cu apni ocoj cha wal wu an tol wanabꞌ jaach an, ẍi naj Abraham tuꞌ.
14Catuꞌ jix akꞌle meltzo ix Sara tet naj Abraham yu Abimélec. Jix saꞌle smeꞌ ebꞌ, swacax ebꞌ cꞌal ebꞌ naj ẍejabꞌ ebꞌ, cꞌal ebꞌ ix ẍejabꞌ ebꞌ. 15Catuꞌ jix yalon Abimélec:
—Il ton abꞌi, tiꞌ ey txꞌotxꞌ jin txꞌotxꞌ tiꞌ, bꞌejan yel txꞌotxꞌ wu an, yet cha sicꞌle bꞌey chach caeyi, ẍi naj rey tet Abraham.
16Jix yalon naj rey tet ix Sara jaxca tiꞌ:
—Jix wakꞌ jun mil tumin chꞌen plata tet naj ja noo tuꞌ, yet chi oc spajtzebꞌaloj ey jaach cꞌal yetoj tet ebꞌ eyecꞌ ja wetoj, yu tzet jix ecꞌtoj cu xol je yetoj tiꞌ, yet watxꞌ cꞌam chach can yin penail sattaj ánima yu jun tiꞌ, ẍi naj rey tet ix.
17Jaꞌ Abraham jix txali tet Jehová, yu jun tuꞌ, jaꞌ Jehová jix akꞌon pax tzalacꞌulal tet naj Abimélec junelxa yetoj yistil, cꞌal yetoj ebꞌ ix yakꞌomal servil naj, yet watxꞌ chi ali pax yuneꞌ ebꞌ ix. 18Syaꞌiloj ix Sara, yistil Abraham tuꞌ, yuxan jaꞌ Jehová jix yute tol cꞌam yuneꞌ ebꞌ ix ix eyecꞌ bꞌey sna naj Abimélec, cꞌam junoj ebꞌ ix chi skeꞌ yali yuneꞌ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.