Génesis 21
21
Yalubꞌal Naj Isaac
1Jaxca yutenaj yalon can Jehová tet ix Sara, tol oj aloj jun yuneꞌ, queyton tuꞌ jix yun yeloc tzet yalnaj canoj. 2Yu jun tuꞌ, jix yijoc yuneꞌ ix, jix ali jun yuneꞌ ix yet caw icham winajxa naj Abraham tuꞌ. Jix ali naj unin jaxca jix yun yalon can Jehová. 3Isaac jix yij sbꞌi naj unin tuꞌ yu Abraham. 4Jujubꞌixi ali naj unin tuꞌ, catuꞌ jix ale oc jun yechel swa kꞌane Jehová yetoj sconobꞌ, jun chi yij circuncisión* yin swinajil naj unin tuꞌ yu Abraham. 5Jaꞌ Abraham ey 100 abꞌil skꞌinal yet jix ali Isaac. 6Yu jun tuꞌ jix yalon ix Sara jaxca tiꞌ: Jix jin yakꞌ tzeewoj Jehová; masanil ebꞌ chi abꞌen tol eyxa wuneꞌ, oj tzeewoj ebꞌ wetoj, ẍi ix. 7Jix yalon pax ix jaxca tiꞌ: ¿Tumi ey ebꞌ ánima jix alon tet Abraham, ta tol oj to wakꞌ txutxwoj unin? caxcꞌal yel icham winajxa naj, jix too ali wuneꞌ, jix too jul yuninal naj wetoj, ẍi ix Sara.
Jix Ujtele El Ix Agar Yetoj Ismael
8Jaꞌ yet jix chꞌibꞌa naj Isaac, jix iꞌle el naj yin yim. Jaꞌ yet tuꞌ jix yaoc jun miman kꞌin naj Abraham. 9Jaꞌ yet jix yilon ix Sara tol jaꞌ naj scꞌaal Abraham yetoj ix Agar, ix a Egipto, tol chi bꞌuchwa ebꞌ yin naj Isaac. 10Yu jun tuꞌ, jix oc ix Sara akꞌo cꞌule tet naj Abraham, jix yaloni: Watxꞌ chi too ix wakꞌomal servil tiꞌ yetoj jun yuneꞌ tiꞌ; yutol cꞌam yalon yet naj yin cu tzetyetal tiꞌ, yetoj naj wuneꞌ Isaac tiꞌ, ẍi ix Sara tuꞌ.
11Jaꞌ jun kꞌane tuꞌ, caw wal yaꞌ jix yabꞌ Abraham, yutol caw scꞌaal naj Abraham tuꞌ yeoc naj Ismael. 12Jix yalon Jehová tet naj Abraham jaxca tiꞌ: Manche tac ja cꞌul yu naj unin tiꞌ, cꞌal yu ix ja wakꞌomal servil tiꞌ. Jije masanil tzet chi yal ix Sara tiꞌ, yutol jaꞌ yin naj Isaac, jatuꞌ oj bꞌey cꞌal stit ja wicꞌaal, jaxca jix yun walon ey jaach. 13Jal pax naj yuneꞌ ix ja wakꞌomal servil tiꞌ, jain oj jin waꞌne jun miman conobꞌ yin ebꞌ yicꞌaal naj, yutol ja cꞌaal naj.
14Jaꞌ yet jix sajbꞌi el yet junxa cꞌu, yet caw skꞌinibꞌto jix akꞌle sloꞌbꞌe ix Agar yu naj Abraham tuꞌ, nonaj jun neet yu jaꞌ. Jix yijontoj ix, catuꞌ jix aletoj naj unin tet ix. Jix too ix xin, yin tol man txequeloj bꞌey chi kaꞌ stooc bꞌey cusiltaj txꞌotxꞌ yul yet Beerseba. 15Jaꞌ yet jix lawi a jaꞌ yul sneet ix tuꞌ, catuꞌ jix yakꞌon can naj unin tuꞌ ix yich jun teꞌ yaliẍ teꞌ. 16Naat ta jix too ey chotan ix, yet watxꞌ cꞌam chi yil scam naj unin tuꞌ ix yaloni; jaꞌ yet jix ey chotan ix, catuꞌ jix okꞌa naj unin tuꞌ.
17Jix yabꞌen Jehová yokꞌa naj unin tuꞌ; jix kꞌanabꞌ eytej jun yángel Jehová bꞌey satcan tet ix Agar, jix yaloni: ¿Jaach Agar, tzet chach ioni? Cꞌam chach xiwi, jaꞌ Jehová jix abꞌen yel yaw naj unin bꞌey jix ja wakꞌcan naj tuꞌ. 18Asiꞌ il naj unin tuꞌ, cha wiꞌon a naj, catuꞌ cha monteni, yutol jaꞌ yin yicꞌaal naj oj pitzcꞌu a jun miman conobꞌ yu Jehová, ẍi jun ángel tuꞌ.
19Jaꞌ Dios jix txꞌoxon jun jaꞌ jaꞌ tet ix Agar tuꞌ. Jix too ix, jix yakꞌon no sneet ix yu jaꞌ tuꞌ, jix yakꞌon yucꞌ naj Ismael tuꞌ. 20Jaꞌ Jehová jix colwa cꞌal yetoj naj unin tuꞌ, catuꞌ jix chꞌibꞌ cꞌal a naj. Jix eecꞌal ecꞌ naj bꞌey cusiltaj txꞌotxꞌ, julom noꞌ jix eloc naj. 21Catuꞌ jix caey ecꞌ naj bꞌey cusiltaj txꞌotxꞌ yul yet Parán, jaxa jix yunne jix oc jun ix a Egipto yistiloj naj yu xutx.
Swa kꞌane Naj Abraham Yetoj Naj Abimélec
22Jaꞌ yet caan ecꞌ Abraham yul yet Négueb, jix bꞌetecꞌ Abimélec kꞌanabꞌ yetoj naj, jaꞌjun naj Ficol yetoj naj, sat yaaw yeoc naj xol ebꞌ soldado. Jix yalon Abimélec tet naj Abraham jaxca tiꞌ:
—Jix wilaꞌ tol jaꞌ Jehová ey cꞌal oc ja wetoj yin masanil tzet cha wunne. 23Yu jun tuꞌ, akꞌ ja tiꞌ ey jin sattaj Jehová, yet watxꞌ cꞌam chin ja wetne yetoj ebꞌ wuninal tiꞌ, yetoj cꞌal ebꞌ wicꞌaal; cha wakꞌon pax ja tiꞌ ey jin, tol watxꞌ oj ja wute ja naꞌbꞌal win, jaxca jix jaach wute, jaxca tuꞌ oj ja wute ja naꞌbꞌal yin ebꞌ ánima caan yul jun conobꞌ tiꞌ, bꞌey jix jaach jul caey ecꞌ tiꞌ, ẍi naj.
24—Chi wakꞌcan jin tiꞌ ey jaach, ẍi Abraham.
25Catuꞌ jix yalontej Abraham tet Abimélec yu jun jaꞌ ucꞌbꞌal jaꞌ, tol jaꞌ ebꞌ yakꞌomal servil Abimélec tuꞌ jix iꞌon ecꞌ jaꞌ. 26Catuꞌ jix yalontej Abraham jaxca tiꞌ:
—Tol jaꞌ ebꞌ yakꞌomal servil Abimélec tuꞌ jix iꞌon ecꞌ jun jaꞌ ucꞌbꞌal jaꞌ tet ebꞌ yakꞌomal servil Abraham, catuꞌ jix takꞌwi Abimélec jaxca tiꞌ: Caw man wotaj oj tzet yeoc jun kꞌane tiꞌ, yutol jaach cꞌam cha wal ey jin, yutol jato wal tinaniꞌ chi wotajne eloj, man wotaj oj mactxequel jix uten jun tuꞌ, ẍi naj.
27Catuꞌ jix yiꞌontej noꞌ meꞌ cꞌal noꞌ wacax naj Abraham, catuꞌ jix yakꞌon tet Abimélec. Jaꞌ yet jun cꞌu tuꞌ, jix swaꞌne jun swa kꞌane ebꞌ scawanil. 28Jaꞌ naj Abraham jix iꞌon el jujcꞌon noꞌ kꞌopo meꞌ xol smeꞌ tuꞌ. 29Jix skꞌanlen Abimélec tet Abraham tuꞌ:
—¿Tzet yuxan cha poꞌoel jujcꞌon noꞌ meꞌ tuꞌ? ẍi naj.
30Catuꞌ jix yalon Abraham jaxca tiꞌ:
—Jaꞌ jujcꞌon meꞌ tiꞌ chi wakꞌ ey jaach, yin jin txꞌoxon eloj tol yel jain jix jin waꞌne jun ja ucꞌbꞌal jaꞌ tiꞌ, ẍi naj.
31Yu jun tuꞌ, yuxan jix yij can sbꞌi jun txꞌotxꞌ tuꞌ yin Beerseba,#21:31 Beerseba chi yal yeloc apnoj “ucꞌbꞌal jaꞌ bꞌey yakꞌnaj can stiꞌ,” ma xin “jaꞌ ucꞌbꞌal jaꞌ yet ebꞌ jujwan”. yutol jaꞌ tituꞌ jix yakꞌ stiꞌ ebꞌ tet junjun.
32Junelne jix swaꞌne can yeoc jun swa kꞌane ebꞌ tuꞌ, catuꞌ jix meltzo Abimélec yetoj Ficol bꞌey sconobꞌ ebꞌ naj Filisteo, yutol Filisteo ebꞌ naj. 33Jaꞌ bꞌey Beerseba tuꞌ, jatuꞌ jix awle jun teꞌ teꞌ chi yij tamarisco yu naj Abraham. Jaꞌ tituꞌ jix oc naj yin eyilal tet Jehová, Naj tol ey cꞌal ecꞌ yin tobꞌalkꞌinal. 34Naatil jix caey ecꞌ naj Abraham bꞌey xꞌotxꞌal ebꞌ naj Filisteo tuꞌ.
Currently Selected:
Génesis 21: knj
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
Génesis 21
21
Yalubꞌal Naj Isaac
1Jaxca yutenaj yalon can Jehová tet ix Sara, tol oj aloj jun yuneꞌ, queyton tuꞌ jix yun yeloc tzet yalnaj canoj. 2Yu jun tuꞌ, jix yijoc yuneꞌ ix, jix ali jun yuneꞌ ix yet caw icham winajxa naj Abraham tuꞌ. Jix ali naj unin jaxca jix yun yalon can Jehová. 3Isaac jix yij sbꞌi naj unin tuꞌ yu Abraham. 4Jujubꞌixi ali naj unin tuꞌ, catuꞌ jix ale oc jun yechel swa kꞌane Jehová yetoj sconobꞌ, jun chi yij circuncisión* yin swinajil naj unin tuꞌ yu Abraham. 5Jaꞌ Abraham ey 100 abꞌil skꞌinal yet jix ali Isaac. 6Yu jun tuꞌ jix yalon ix Sara jaxca tiꞌ: Jix jin yakꞌ tzeewoj Jehová; masanil ebꞌ chi abꞌen tol eyxa wuneꞌ, oj tzeewoj ebꞌ wetoj, ẍi ix. 7Jix yalon pax ix jaxca tiꞌ: ¿Tumi ey ebꞌ ánima jix alon tet Abraham, ta tol oj to wakꞌ txutxwoj unin? caxcꞌal yel icham winajxa naj, jix too ali wuneꞌ, jix too jul yuninal naj wetoj, ẍi ix Sara.
Jix Ujtele El Ix Agar Yetoj Ismael
8Jaꞌ yet jix chꞌibꞌa naj Isaac, jix iꞌle el naj yin yim. Jaꞌ yet tuꞌ jix yaoc jun miman kꞌin naj Abraham. 9Jaꞌ yet jix yilon ix Sara tol jaꞌ naj scꞌaal Abraham yetoj ix Agar, ix a Egipto, tol chi bꞌuchwa ebꞌ yin naj Isaac. 10Yu jun tuꞌ, jix oc ix Sara akꞌo cꞌule tet naj Abraham, jix yaloni: Watxꞌ chi too ix wakꞌomal servil tiꞌ yetoj jun yuneꞌ tiꞌ; yutol cꞌam yalon yet naj yin cu tzetyetal tiꞌ, yetoj naj wuneꞌ Isaac tiꞌ, ẍi ix Sara tuꞌ.
11Jaꞌ jun kꞌane tuꞌ, caw wal yaꞌ jix yabꞌ Abraham, yutol caw scꞌaal naj Abraham tuꞌ yeoc naj Ismael. 12Jix yalon Jehová tet naj Abraham jaxca tiꞌ: Manche tac ja cꞌul yu naj unin tiꞌ, cꞌal yu ix ja wakꞌomal servil tiꞌ. Jije masanil tzet chi yal ix Sara tiꞌ, yutol jaꞌ yin naj Isaac, jatuꞌ oj bꞌey cꞌal stit ja wicꞌaal, jaxca jix yun walon ey jaach. 13Jal pax naj yuneꞌ ix ja wakꞌomal servil tiꞌ, jain oj jin waꞌne jun miman conobꞌ yin ebꞌ yicꞌaal naj, yutol ja cꞌaal naj.
14Jaꞌ yet jix sajbꞌi el yet junxa cꞌu, yet caw skꞌinibꞌto jix akꞌle sloꞌbꞌe ix Agar yu naj Abraham tuꞌ, nonaj jun neet yu jaꞌ. Jix yijontoj ix, catuꞌ jix aletoj naj unin tet ix. Jix too ix xin, yin tol man txequeloj bꞌey chi kaꞌ stooc bꞌey cusiltaj txꞌotxꞌ yul yet Beerseba. 15Jaꞌ yet jix lawi a jaꞌ yul sneet ix tuꞌ, catuꞌ jix yakꞌon can naj unin tuꞌ ix yich jun teꞌ yaliẍ teꞌ. 16Naat ta jix too ey chotan ix, yet watxꞌ cꞌam chi yil scam naj unin tuꞌ ix yaloni; jaꞌ yet jix ey chotan ix, catuꞌ jix okꞌa naj unin tuꞌ.
17Jix yabꞌen Jehová yokꞌa naj unin tuꞌ; jix kꞌanabꞌ eytej jun yángel Jehová bꞌey satcan tet ix Agar, jix yaloni: ¿Jaach Agar, tzet chach ioni? Cꞌam chach xiwi, jaꞌ Jehová jix abꞌen yel yaw naj unin bꞌey jix ja wakꞌcan naj tuꞌ. 18Asiꞌ il naj unin tuꞌ, cha wiꞌon a naj, catuꞌ cha monteni, yutol jaꞌ yin yicꞌaal naj oj pitzcꞌu a jun miman conobꞌ yu Jehová, ẍi jun ángel tuꞌ.
19Jaꞌ Dios jix txꞌoxon jun jaꞌ jaꞌ tet ix Agar tuꞌ. Jix too ix, jix yakꞌon no sneet ix yu jaꞌ tuꞌ, jix yakꞌon yucꞌ naj Ismael tuꞌ. 20Jaꞌ Jehová jix colwa cꞌal yetoj naj unin tuꞌ, catuꞌ jix chꞌibꞌ cꞌal a naj. Jix eecꞌal ecꞌ naj bꞌey cusiltaj txꞌotxꞌ, julom noꞌ jix eloc naj. 21Catuꞌ jix caey ecꞌ naj bꞌey cusiltaj txꞌotxꞌ yul yet Parán, jaxa jix yunne jix oc jun ix a Egipto yistiloj naj yu xutx.
Swa kꞌane Naj Abraham Yetoj Naj Abimélec
22Jaꞌ yet caan ecꞌ Abraham yul yet Négueb, jix bꞌetecꞌ Abimélec kꞌanabꞌ yetoj naj, jaꞌjun naj Ficol yetoj naj, sat yaaw yeoc naj xol ebꞌ soldado. Jix yalon Abimélec tet naj Abraham jaxca tiꞌ:
—Jix wilaꞌ tol jaꞌ Jehová ey cꞌal oc ja wetoj yin masanil tzet cha wunne. 23Yu jun tuꞌ, akꞌ ja tiꞌ ey jin sattaj Jehová, yet watxꞌ cꞌam chin ja wetne yetoj ebꞌ wuninal tiꞌ, yetoj cꞌal ebꞌ wicꞌaal; cha wakꞌon pax ja tiꞌ ey jin, tol watxꞌ oj ja wute ja naꞌbꞌal win, jaxca jix jaach wute, jaxca tuꞌ oj ja wute ja naꞌbꞌal yin ebꞌ ánima caan yul jun conobꞌ tiꞌ, bꞌey jix jaach jul caey ecꞌ tiꞌ, ẍi naj.
24—Chi wakꞌcan jin tiꞌ ey jaach, ẍi Abraham.
25Catuꞌ jix yalontej Abraham tet Abimélec yu jun jaꞌ ucꞌbꞌal jaꞌ, tol jaꞌ ebꞌ yakꞌomal servil Abimélec tuꞌ jix iꞌon ecꞌ jaꞌ. 26Catuꞌ jix yalontej Abraham jaxca tiꞌ:
—Tol jaꞌ ebꞌ yakꞌomal servil Abimélec tuꞌ jix iꞌon ecꞌ jun jaꞌ ucꞌbꞌal jaꞌ tet ebꞌ yakꞌomal servil Abraham, catuꞌ jix takꞌwi Abimélec jaxca tiꞌ: Caw man wotaj oj tzet yeoc jun kꞌane tiꞌ, yutol jaach cꞌam cha wal ey jin, yutol jato wal tinaniꞌ chi wotajne eloj, man wotaj oj mactxequel jix uten jun tuꞌ, ẍi naj.
27Catuꞌ jix yiꞌontej noꞌ meꞌ cꞌal noꞌ wacax naj Abraham, catuꞌ jix yakꞌon tet Abimélec. Jaꞌ yet jun cꞌu tuꞌ, jix swaꞌne jun swa kꞌane ebꞌ scawanil. 28Jaꞌ naj Abraham jix iꞌon el jujcꞌon noꞌ kꞌopo meꞌ xol smeꞌ tuꞌ. 29Jix skꞌanlen Abimélec tet Abraham tuꞌ:
—¿Tzet yuxan cha poꞌoel jujcꞌon noꞌ meꞌ tuꞌ? ẍi naj.
30Catuꞌ jix yalon Abraham jaxca tiꞌ:
—Jaꞌ jujcꞌon meꞌ tiꞌ chi wakꞌ ey jaach, yin jin txꞌoxon eloj tol yel jain jix jin waꞌne jun ja ucꞌbꞌal jaꞌ tiꞌ, ẍi naj.
31Yu jun tuꞌ, yuxan jix yij can sbꞌi jun txꞌotxꞌ tuꞌ yin Beerseba,#21:31 Beerseba chi yal yeloc apnoj “ucꞌbꞌal jaꞌ bꞌey yakꞌnaj can stiꞌ,” ma xin “jaꞌ ucꞌbꞌal jaꞌ yet ebꞌ jujwan”. yutol jaꞌ tituꞌ jix yakꞌ stiꞌ ebꞌ tet junjun.
32Junelne jix swaꞌne can yeoc jun swa kꞌane ebꞌ tuꞌ, catuꞌ jix meltzo Abimélec yetoj Ficol bꞌey sconobꞌ ebꞌ naj Filisteo, yutol Filisteo ebꞌ naj. 33Jaꞌ bꞌey Beerseba tuꞌ, jatuꞌ jix awle jun teꞌ teꞌ chi yij tamarisco yu naj Abraham. Jaꞌ tituꞌ jix oc naj yin eyilal tet Jehová, Naj tol ey cꞌal ecꞌ yin tobꞌalkꞌinal. 34Naatil jix caey ecꞌ naj Abraham bꞌey xꞌotxꞌal ebꞌ naj Filisteo tuꞌ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.