Kushangumuka 22
22
Njambi ashika Avilahama kukombelela Isake
1 #
VaHe 11:17-19
Munima ya vyuma evi, Njambi wesekele Avilahama. Wamusanene ngwendi, “Avilahama!” Co Avilahama wamukumbulwile ngwendi, “Ewa, yange uno Shukulu!”
2 #
2 Miz 3:1
Njambi walekele Avilahama ngwendi, “Ambata munove Isake, ou munove umolika iwazema manene. Ya ku lifuti lya Moliya, ukamukombelele kupwa n̄ombelo ya kwenyeka ku munkinda uje unjikakuleka.”
3Alikaki mutondo-tondo, Avilahama wacavele vitale vyakukakombelela navyo, co walemekele cimulu cendi, waile na Isake, amo na vangamba vavali ku mutambela uje wamulekele Njambi ngeci ayeko. 4A litangwa lyamucitatu, Avilahama wandwile mesho endi, co wamwene mutambela uje alyala kamandondo. 5Asinoni wendekele kuli vangamba vendi ngwendi, “Saleni kuno amo na cimulu. Co yange na munange tuya kuje nakulemesa, asinoni tukeluka lalo kuli yeni.”
6Ngecivene, Avilahama watwikile Isake vitale vyakukombelela navyo, oloni ikeye wambatele manungu a tuhya na moko. Co vaile muvuvali vwavo. 7Isake wendekele kuli ishe ngwendi, “Tate!”
Ishe wamukumbulwile ngwendi, “Ewa munange.”
Isake wehwile ngwendi, “Njinamono lika manungu a tuhya na vitale, oloni muna manga wa n̄ombelo ya kwenyeka ali kulijo?”
8Avilahama wamukumbulwile ngwendi, “Njambi ikeye vavenya akaliwanena manga wa n̄ombelo ya kwenyeka munange.” Co muvuvali vwavo vaile amolika.
9 #
Yak 2:21
Omo vetele ku mutambela uje wamulekele Njambi, Avilahama watungile mutula, waakeleo vitale. Co wakutile munendi nakumulangeka a mutula akamwa ya vitale. 10Asinoni wanonele moko ngeci atsiye munendi. 11Oloni kangelo ka Shukulu Kalunga wamusanene oku ali mwilu ngwendi, “Avilahama, Avilahama!” Avilahama wakumbulwile ngwendi, “Ewa, yange uno Shukulu.”
12Co kangelo ka Shukulu Kalunga wendekele ngwendi, “Kesi uvulumune mwanike nameme kulinga cuma cimo kuli ikeye. Ololo njinazivuka ngeci yove ulinakukomoka Njambi, omwo yove unatavele kunjana munove umolika.”
13Avilahama wandukile, co wamwene lijamba lya manga nakwatiwa ku vimbinga mu liputa. Asinoni waileko nakumukwata, co wamukombelelele kupwa mulambu wa kwenyeka mukumwingisa muli munendi Isake. 14Avilahama walukile lizina lya mutambela uje ngwendi “Shukulu Kalunga Aliwanena.” Co nameme ku lelo vene vanu valinakwendeka ngwavo, “A munkinda wa Shukulu Kalunga ikeye vavenya Shukulu Kalunga aliwanena.”
15Co kangelo ka Shukulu Kalunga wasanene Avilahama simbu yamucivali oku ali mwilu ngwendi, 16“Njilisinga a lizina lyange. Yange Kalunga njinendeka ngwange, njikatumisa manene vivezikiso vyove omwo yove unalingi cuma eci, omwo unatavele kunjana munove umolika. 17#VaHe 6:13-14 Njikakuvezikisa nakutumisa vatekulwila vove ngwe vingongonosi vya mwilu, nambe ngwe lishen̄avu. Co vatekulwila vove vakafungulula vitozi vavo. 18Muli vatekulwila vove miyati yoshe ya asi ikavezika, omwo yove unononoka kushika kwange.” 19Ngecivene, Avilahama welukile kuli vangamba vendi amo na Isake, co voshe vaile amolika kwimbo lya Avilahama ku Mbeleshemba.
Vatekulwila va Nahole
20Munima yevi, Avilahama wazivile ngeci Mileka nakiti vana va vanalume vatanu na vatatu kuli ndolome yendi Nahole. 21Ntwatwa wapwile Uza, co kwatele ndolome yendi Mbuze, na Kemwele ikeye ishe ya Alama, 22na Kesende, na Hazo, na Pilendasha, na Njendelafe, na Mbetwele. 23Co Mbetwele ikeye wapwile ishe ya Lembeka. Mileka wakitile ava vana va vanalume vatanu na vatatu kuli Nahole ndolome ya Avilahama. 24Leume lishano lya mbanja munakazi wa Nahole, ikeye lalo wakitile vana va vanalume, Temba, na Ngahame, na Tahashe na Maka.
Currently Selected:
Kushangumuka 22: MBB
Highlight
Share
Copy
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006
