Yowano Cizivukiso
Cizivukiso
Vin̄anda Vyavivwa vyasonekele Yowano vituleka ngeci Yesu ikeye Lijwi lya Njambi lya myaka yoshe, “Lije lyapwile munu, co wakele akati ketu.” Ngwe muje mulyendeka livulu, evi Vin̄anda Vyavivwa vavisonekele ngeci vaje vavilava vakulaele ngeci Yesu ikeye Muyoyesi wa cikulaeso, Muna Njambi, co akukulaela kuli ikeye, vanu vakale na mwonyo (20:31).
Munima yakulumbununa kuje kusholola Lijwi lya Njambi lya myaka yoshe amo na Yesu, mutambela wakulivanga wa Vin̄anda Vyavivwa unapu wa vizivukiso vyakuliseza-seza vije vimwesa ngeci Yesu ikeye Muyoyesi wa cikulaeso Muna Njambi. Evi vinalikavasana na majwi aje alumbununa vije visholola vizivukiso. Mutambela wamucivali wa livulu eli wendeka ali vanu vamo omo vakulaelele kuli Yesu nakupwa miluwa vendi. Vamo vamuyeluwisile kujeneka kukulaela. Maangununo 13–17 endeka a vusamba vwakama vwa Yesu na vandongisi vendi a vutsiki vuje vamukwatele, na majwi endi akulivwaesela na awa akuvasimpisa a litangwa lyakumushukika. Maangununo akumanesela endeka akukwata Yesu nakumusompa nakumushukika nakusanguka nakusholoka kwendi kuli miluwa vendi omo nasanguka laja. Vin̄anda vya munakazi uje uvakwatele alinga vupangala (8:1-11) vili mukati ka vyuma evi [ ] omwo mu mavulu amangi namukunungulula kwalaja vanaviseza, co vamo vanavisoneka mu mitambela imo.
Yowano asindakana mukwendeka kwendi a vwana vwa myaka yoshe muli Kilistu, vwana vuje vushangumuka ololo nakweta kuli vaje vatava Yesu kupwa ikeye Ngila na Vushunga na Mwonyo. Cuma cakukomokesa capangesele Yowano capwile cimweso ca vyuma vije visholoka a litangwa na litangwa vije vimanena vyuma vya Munzinzime ngwe mema na likende na ceke na kanyungi na vimanga vendi na mikolovozi ya vushuka vwa vinyu na vushuka vwawo.
Kulumbununa vyuma vili mu livulu
Vushangumukilo 1:8-18
Yowano Muka-kumbwitika na vandongisi va Yesu vakulivanga 1:19-51
Vipangi vya Yesu 2:1–12:50
Simano yakumanesela mu Yelusalema 13:1–19:42
Kusanguka nakusholoka kwa Mwene 20:1-31
Majwi akumanesela, Yesu alisholola lalo mu Ngalileya 21:1-25
Currently Selected:
Yowano Cizivukiso: MBB
Highlight
Share
Copy
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006