Génesis 22
22
Ñandejára oipy'a ra'ã Abrahámpe
1Upe rire, Ñandejára oikuaa porãseve mba'éicha guápa Abraham ha ohenói chupe:
—Abraham, Abraham!
Ha'e he'i:
—Ápe aime!
2Ñandejára he'i chupe:
—Eraha nde ra'y peteĩmi rehayhu etéva Isaac peteĩ hendápe hérava Moria. Upépe, peteĩ yvyty ru'ãme che ahechaukátava ndéve, eikuave'ẽ chéve nde ra'y rejukávo chupe ha rehapývo chéve guarã altar*f** ári.
3Abraham opu'ã ko'ẽ mboyve, ombyape hymba vúrro, ombo'i jepe'a, ogueraha mokõi hembiguái ha ita'ýra Isaac, ha oho Ñandejára he'i hague gotyo chupe. 4Mbohapy ára haguépe Abraham ohecha mombyry guive upe yvyty. 5Upérõ he'i hembiguái kuérape:
—Pepyta ko'ápe peñangareko che rymba vúrrore, che ha che ra'y rojupi aja hu'ãme romomba'e guasu haguã Ñandejárape. Upéi roju jeýta pene rendápe.
6Abraham ohupi jepe'a ita'ýra ati'ýre, ogueraha ipópe tata ha kyse ha ojupi hikuái oñondive. 7Isaac he'i itúvape:
—Taita.
Ha'e he'i:
—Mba'épa che ra'y?
Isaac he'i:
—Jaraha niko tata ha jepe'a, ha mamópa oĩ upe ovecha ra'y mymbahapyrã?*f**
8Abraham he'i chupe:
—Ñandejára voi ome'ẽta ñandéve che ra'y.
Ha oho tenondeve hikuái oñondive. 9Oguahẽvo he'i haguépe chupe Ñandejára, Abraham omopu'ã peteĩ altar#Stg 2.21. ha omoĩ jepe'a hi'ári. Oipokua ita'ýra ha omoĩ chupe altárpe jepe'a ári. 10Upéi oipyso ipo ojuka haguã chupe ikysépe.
11Ñandejára remimbou*f** katu ohenói chupe yvága guive ha he'i:
—Abraham, Abraham!
Ha'e he'i:
—Ápe aime!
12Ñandejára remimbou*f** he'i chupe:
—Ani reikutu nde ra'ýpe térã rejapo hese mba'eve. Aikuaáma rehayhuha Tupãme ha rejeroviaha hese. Nde ra'y peteĩmíre jepe na ne rakate'ỹi.
13Abraham ohecha ovecha mácho hatĩgui opa'ãva javoráire. Oho ipiári ha ogueru oikuave'ẽ Ñandejárape mymbahapy*f** ramo ita'ýra rekovia.#Sab 10.5; 1 Mac 12.52; Heb 11.17-19. 14Abraham ombohéra upe tenda: “Ñandejára ome'ẽ oñekotevẽva.” Upévare ko'ágã peve oje'e: “Yvyty ru'ãme Ñandejára ome'ẽ oñekotevẽva.”
15Ñandejára remimbou ohenói jey Abrahámpe yvágagui, 16ha he'i chupe:
—Che jehe voi añe'ẽ me'ẽ, he'i Ñandejára: Rejapo haguére ha'e vaekue ndéve, ha na ne rakate'ỹigui reme'ẽ haguã chéve nde ra'y, 17amboheta etereíta ndéve ne ñemoñare, mbyja kuéra yvága pegua ha yvyku'i ra'ỹi yguasu rembe'ýpe guáicha.#Heb 6.13-14; 11.12. Ne ñemoñare kuéra ipu'akáta umi hese kuéra ija'e'ỹvare. 18Ha opa tetã ko yvy arigua#Eclo 44.21; Hch 3.25; Gl 3.8. ojehovasáta ne ñemoñare rupi, rejapo haguére ha'éva ndéve.
19Abraham ou jey hembiguái kuéra rendápe. Upégui oho hikuái oñondive ha opyta Beersébape.
Nahor ñemoñare
20Ko'ã mba'e rire, Abraham ohendu Milcá imemby hague 8 mitã kuimba'e ityvýra Nacórgui. 21Us upe ijypykue; ityvýra kuéra katu Buz ha Quemuel; kóva hína Aram túva. 22Upéi ou Quésed, Hazó, Pildas, Idlaf ha Betuel. 23Ko Betuel hína Rebeca#Gn 24.15. ru vaekue. Ko'ã 8 mitã kuimba'e Milcá imemby vaekue Abraham ryvy Nacórgui. 24Nahor oguereko avei ikuña hérava Reumá; ha'e imemby avei chugui ko'ãva: Teba, Gáham, Tahas ha Maacá.
Currently Selected:
Génesis 22: GPC2006
Highlight
Share
Copy
Want to have your highlights saved across all your devices? Sign up or sign in
Guarani DC Bible © Sociedad Bíblica Paraguaya, 1996.
