Levítico 19
19
Teko marã'ỹ rehegua
1Ñandejára he'i Moiséspe:
2—Ere Israel guápe ko'ã mba'e ha'ekáva chupe kuéra:
Ta pende reko marã'ỹ. Che hína opa mba'e Jára ha che reko marã'ỹ.#Lv 11.44-45; Mt 5.48; 1 P 1.16.
3Pehayhu pende ru ha pende sýpe.#Ex 20.12; Dt 5.16.
Pembyarete pytu'uha ára.#Ex 20.8; Dt 5.12. Che hína opa mba'e Jára.
4Ani pemomba'e guasu tupã gua'u kuéra#Lv 26.1. térã pejapo ha'ãnga óro térã pláta ñemboyku pyrégui.#Ex 20.23; 34.17; Lv 26.1. Che hína opa mba'e Jára.
5Peikuave'ẽ ramo chéve mymbajuka*f** joajurã, pejapo hekópe ikatu haguã che mbovy'a. 6Pe'u ho'o pe árape voi térã ára ambuépe. Hembýva pehapy mbohapy ára haguépe. 7Ho'úva mbohapy ára haguépe, tojerereko ijaheipy ramo ha che ndarohory mo'ãi imba'e kuave'ẽ. 8Pe ho'úva rehe toja ñañangue ha toñemosẽ Israelgua apytégui omomarã haguére mba'e oñemboykéva chéve guarã.
9Pemono'õvo trígo pende kokuégui ani peikytĩ hembe'y peve, térã pehupi hi'a ho'a vaekue. 10Pemono'õvo pende parral'a pejapo péicha avei: ani pehupi hi'a ho'a vaekue. Peheja mboriahúpe ha mombyry guápe. Che hína opa mba'e Jára.#Lv 23.22; Dt 24.19-22.
11Ani pemonda.#Ex 20.15; Dt 5.19. Ani pende japu térã peñombotavy ojupe.#Ex 20.16; Dt 5.20.
12Ani peme'ẽ pene ñe'ẽ che rérape japu reheve,#Ex 20.7; Dt 5.11; Mt 5.33. péicha pemomarã peína che réra. Che hína pende Jára.
13Ani rejopy nde rapicha ndive térã reipe'a imba'éva. Ani reheja ko'ẽrõ guarã ñehepy me'ẽ hembiapokuére.#Dt 24.14-15; Tob 4.13.
14Ani reñe'ẽ vai ohendu'ỹvare.
Ani remoñepysãnga ohecha'ỹvape.#Dt 27.18. Ehechauka rejapoha che rembipota. Che hína pende Jára.
15Ta pende reko joja peporombojovake ramo. Ani pembojeroviave imboriahúvape térã pekyhyje imba'e rereko hetávagui.#Ex 23.6-8; Dt 16.19.
16Ani pemosarambi japu pene retã guáre. Ha ani peñemoĩ peteĩ ñe'ẽme pende rapichápe ojukáva ndive. Che hína pende Jára.
17Ani pende py'aro pende rapicha ndive, ha oimérõ ojavy, peje chupe upéva, ani oja pende rehe iñangaipa.#Mt 18.15.
18Ani pejapo ivaíva pene retãgua rehe ojapo vaekue ivaíva pende rehe, térã pende py'aro hendive. Pehayhu pende rapichápe pende jupéicha.#Mt 5.43; 19.19; 22.39; Mc 12.31,33; Lc 10.27; Ro 13.9; Gl 5.14; Stg 2.8. Che hína pende Jára.
19Pejapo che rembiapoukapy.
Ani pembojapyhy oñondive mymba ndaha'éiva ojuehegua.
Ani pembojehe'a pene ñemitỹ pende kokuépe.
Ani pemonde ao ojejapóva opaichagua poyvígui.#Dt 22.9-11.
20Kuimba'e oñenóva kuñataĩ ndive ha'éva ambue rembiguairã térã ne'ĩrava ojejogua, térã ojepoi tembiguái rekógui, tohepy me'ẽ hese hepykue ha ani ojejuka, pe kuñataĩ niko tembiguái. 21Pe kuimba'e toikuave'ẽ Ñandejárape kavara mácho mymbajuka*f** ramo iñangaipáre ha togueraha Jotopa Róga rokẽme. 22Pa'i tojerure Ñandejárape ojeheja rei haguã iñangaipa pe kuimba'épe ha ojeheja reíta chupe.
23Peike rire Canaán retãme ha peñotỹ opaichagua yva máta, oja hi'a rehe potĩ'ỹ umi mbohapy áño tenondegua ha ani pe'u chugui. 24Irundy áño haguépe opa yva tojereru chéve mba'e kuave'ẽ*f** ramo ha tuicha tojevy'a. 25Áño 5hápe, ikatúma pe'u hi'a ha peñongatu kuaa pe'u haguã. Che hína opa mba'e Jára.
26Ani pe'u so'o huguy reheve.#Gn 9.4; Lv 7.26-27; 17.10-14; Dt 12.16,23; 15.23. Ani pejapo paje,#Dt 18.10. térã peñeha'ã peikuaa pe ojehútava.
27Peikytĩvo pene akã rague, ani peheja ijapu'a, ha ani avei peikytĩ pene rendyva rembe'y.
28Ani peikutupa pende rete pembyasy ramo peteĩ omanóvape, ha ani pejapo mba'eveichagua ta'ãnga pende pirére.#Lv 21.5; Dt 14.1. Che hína opa mba'e Jára.
29Ani pemomarã pende rajýpe pejapóvo chugui kuña reko vai.#Dt 23.17. Pejapo ramo péicha, pemyenyhẽta pe tetã teko ky'águi.
30Pembyaje pytu'uha ára ha pejapo mba'e ramo che Rekoha. Che hína opa mba'e Jára.#Lv 26.2.
31Ani peporandu omanóva ãnguépe térã peho umi chupe kuéra ohenóiva rendápe.#Dt 18.11; 1 S 28.3; 2 R 23.4; Is 8.19. Peho ramo oja pende rehe potĩ'ỹ. Che hína opa mba'e Jára.
32Itujávape ejapo mba'e ramo ha embyaje chupe. Che momba'e ha ehendu che ñe'ẽ. Che hína opa mba'e Jára.
33Ani pembohasa asy mombyry guápe oikóva pende apytépe. 34Pehayhu chupe, peẽichagua avei niko. Peẽ mombyrygua vaekue avei Egíptope.#Ex 22.21; Dt 24.17-18; 27.19. Che hína opa mba'e Jára.
35Pende reko jojápe peñombojovakévo 36Oimeraẽ mba'e peha'ãva, peha'ã hekópe.#Dt 25.13-16; Pr 20.10; Ez 45.10; Am 8.5; Miq 6.11.
37Pejapo che rembipota ha che rembiapoukapy. Che hína Tupã pende Jára poguenohẽ vaekue Egíptogui.”
Currently Selected:
Levítico 19: GPC2006
Highlight
Share
Compare
Copy
Want to have your highlights saved across all your devices? Sign up or sign in
Guarani DC Bible © Sociedad Bíblica Paraguaya, 1996.