Lucas 14
14
Jesupi Coto Dahuë Ju̱'iquëre Jujucaiye
1Huajë mu'se ti̱'aëna, Jesús saji'i, fariseo ëjaë huë'ena, a̱o a̱si'i caquë. Saquëna, fariseohua'ipi huajë mu'se i̱ yo'oquëna, ñañu'u cuasajë cui'ñani ñahuë. 2Ñajëna, i̱ ñaquë ñu'i hue̱'ñare te'i coto dahuë ju̱'iquëpi paji'i. 3Pa'ina, Jesús se̱ji'i, cua̱ñese'e ye'yacohua'ire cui'ne fariseo pa̱ire:
“¿Jujuye de'oquë huajë mu'se pa'ito ju̱'iquëre, mësarupi asato, pa̱nita'a jujuye pa̱ñe?”
4Ja̱je caquëna, coa ai jerepa cama'pë paë'ë. Pa'ijëna, i̱pi ju̱'iquëre jujuni capi, saijë̱'ë. 5Ja̱je se jujuni fariseohua'ire capi:
“¿Nepi mësaru acohua'i burropi pa̱nita'a hue̱quëpi cojena to̱mesiquëre etoma'cohua'i a'ni, huajë mu'se pa'i do'ire?”
6Caquëna, ti sehuoye pa̱huë.
Huejajëna, Soisiquë Yo'oye
7Soisicohua'ipi de'o ñu'i saina co'ejë a̱o a̱i saihuëna ja'rujëna, ñani Jesupi ja̱ohua'ire ñeje yëhuopi, i̱ohua'i asa ja̱'ñere:
8“Më'ëni yecohua'ipi huejajëna, ñaja'quëre soisiquë pani de'o ñu'i saihuëna tëto sani ja'ruma'ë pa'ijë̱'ë. Ja'runi ñu'ina, më'ë jerepa pa'ini dani mësarute soisiquëpi cama'quëni: ‘Më'ë ñu'i saihuëre iquëna i̱sijë̱'ë.’ 9Caquëna, më'ëpi pa̱i ñajëna, huajëya'ye huëni ai jeteyo'jerepa ñu'i saihuëna sani ja'ruma'quëpi ja̱je yo'osi'ni. 10Ja̱je yo'oma'ë, huëosicohua'i pa'ito, jeteyo'je ñu'i saihuëna ja'rujë̱'ë. Ja̱je ja'rusiquëpi ñu'ina, më'ëre huëosiquëpi dani caja̱quë: ‘Yë'ë cajei, i̱ño de'o hue̱'ñana dani ja'rujë̱'ë.’ Ja̱je cato më'ëje sihuaquë i̱ ja̱'re co̱ni a̱o a̱i saihuëna ja'rusicohua'i ñajëna, de'o ñu'i saihuëna ja'ruja̱'quë a'ë. 11Ja̱je pa'ina, yë'ë a'ë jerepa pa'i caquë i̱ja'a yo'osiquëpi coa ai jerepa co'aquë maca po̱nëñe pa'iji. Cui'ne i̱ti co'aquë teaye pa'i pa'isiquëpi jerepa pa'i po̱nëñe pa'iji.”
12Capi, i̱te soisiquëreje̱:
“A̲ore a̱oquë pani, pa̱nita'a na'iquëna, a̱ore a̱oquë pani, soima'ë pa'ijë̱'ë, më'ë cajeohua'ire, cui'ne yo'je tsi̱re cui'ne më'ë do'ijëre cui'ne më quë̱no maca jaiye co'amaña pacohua'ire. Më'ëpi ja̱je soisiquë pa'ito i̱ohua'ije̱ më'ëreje̱ soija̱'cohua'i a'ë, a̱ija'quëre. Ja̱ maca sa̱ise'eje̱ pa'ye pasipi. 13Ja̱je pa'i do'ire më'ëpi a̱ore paquë pani soijë̱'ë, co'amaña peocohua'ini, co'a de'osicohua'i mañani, cu'ima'cohua'ini, cui'ne ñama'cohua'ini. 14Co'ye i̱siye ti pa̱ja'cohua'ini co̱caijë̱'ë. Ja̱je pa̱sicohua'ita'are, nuñe yo'ocohua'i ju̱'isicohua'ipi huëi maca më'ëje huëni sa̱i cua̱ñoja'quë a'ë, Maija'quëni.”
A̲ojajë Caquë Jai Pa̱ire Soiye
(Mt 22.1-10)
15Ja̱je iyere caquëna, asani a̱o a̱i saihuë ñu'icohua'i aquëpi capi, Jesure:
“De'hue Maija'quë te̱'tere pa'i a̱o a̱ija'quëpi sihuaquë pa'iji.”
16Caquëna, Jesupi capi, i̱te:
“Jai pa̱i tsi'sirena, a̱osi'i caquë jai pa̱ire huëopi. 17Huëosiquëpi a̱o a̱i macarepa ti̱'aëna, i̱ jo'yaëre capi: ‘Quërëja̱ijë'ë, huëosicohua'ire si'aye ne saohuë’ capi. 18Ja̱je casiquëta'are si'aohua'i pa̱ja'quë pa'ini ca huëohuë. Du'ru macarepa aquëpi capi: ‘Ja̱'arepa yejare huerohuë. Ja̱ote sani ñañeque pa'iji. Care payë, yë'ëre oi cuasama'ë.’ 19Yequëpi capi: ‘Diez duruhue̱quëre huerohuë, yeja a̱'jiñe necohua'ire ja̱ohua'ire neñañeque pa'iji. Yë'ëre ai cuasama'ë, pa'ijë̱'ë.’ 20Yequëpi capi: ‘Ja̱'arepa huejahuë. Ja̱je pa'ina, saiye pa̱ñë.’ 21Ja̱ maca i̱ jo'yaë co'ini i̱ asase'ere si'aye quëapi. Quëaquëna, Ëjaëpi asani pë̱i i̱ jo'yaëre capi: ‘Esa sani ja̱je pa'ito co'amaña peocohua'ini, cu'ima'cohua'ini cui'ne ñama'cohua'ini, si'aye ai yo'ojë pa'icohua'ini ti̱'ani dajë̱'ë, jai daripë cu'i ma'ña pa'icohua'ini.’ 22Ai tsoe pa'i maca dani i̱ jo'yaëpi capi: Ëjaë më'ë cua̱ñese'eje̱ yo'ohuë. Ja̱je pa'iquëta'are ja̱ yë'ta'a peo sa'noa pa'iji, ti̱mëñe peoye. 23Ja̱je caquëna, ëjaëpi i̱ jo'yaëre capi: ‘Sani iye daripëpi sai ma'aña pa'icohua'ini cua̱ñejë'ë, dani yë'ë huë'e ti̱mëjajë.’ 24Care payë, yë'ë du'ru huëosicohua'i aquë te'ije̱ a̱iñe peoji, yë'ë a̱o macarepa.”
Jesús Tui Do'ire
25Jai pa̱i Jesure tuijëna, i̱pi co'ye po̱nëni i̱ohua'ire capi:
26“Yë'ëre tuiye yëni ai yë'ëni oiye pa'iji, ja'quëre, ja'core, nëjore, mamajëre, yo'jeire, yo'jeore cui'ne co'ye pa'iye oiye jerepa. Ja̱je yë'ëni oima'quë pani yë'ëre ye'yequë pa'iye peoji. 27Cui'ne yë'ë do'ire i̱ pa'iye ai yo'oye pa'itoje̱ ja̱re tusi'i cuasama'ë, coa tusi'i caquë yo'oquë pani yë'ëre ye'yequë peoji. 28Cui'ne mësaru acohua'ipi jai huë'e neñu'u cajë huëocohua'i pani du'ru ja'runi dujë cuasacohua'i a'ni ¿Je ja'yepi curiquë neja'cohua'i a'ni cajë? 29Ja̱je de'oye cuasama'pë, coa ja̱'a huëo macase'e neni, cui'ne jeteyo'je ne saoye pa̱to, si'aohua'i i̱ti ñasicohua'ipi cue'cue huëoja̱'cohua'i pa'ini, yo'o jujayere ñani. 30Ja̱ maca cue'cuejë caja̱'cohua'i a'ë: ‘Nesi'i caquë huëosiquëta'a ne sao ti̱'ama'ë pa'iji.’ 31Ja̱je pa'ina, cui'ne pa̱i ëjaë yequë yeja ëjaë ja̱'re uihuasi'i cani, ne ti̱'añe pa'iquë caquë ja'runi cuasani, i̱ soldado pa̱ire cue̱cue ñaquëna, diez mil pa̱i pa'iyë. Pa'ijëna, i̱te huajo daquëpi paji veinte mil soldado pa̱ire. 32Paquëna, neña jujani, ja̱ yë'ta'a yequë ëjaë so'ore pa'ina, uihuaye pa̱ñu'u ca de'huaja̱'cohua'ire jëjo saoja̱'quë api. 33Ja̱je cui'ne mësaru acohua'ipi si'aye ja̱'rë pa'ise'ere je̱oñe coecohua'i pani, yë'ë yo'oye ye'yecohua'i peoyë.
A̲sije̱ Pa'i Ayere
(Mt 5.13; Mr 9.50)
34A̲si de'oye a'ë, sa̱ija'iñe pani. Ja̱je pa'iquëta'are sa̱i ja̱'ñere caraja̱isico pani ¿me cui'naopi sa̱i ja̱'ñe de'o co̱co'ni? 35Cui'ne me co̱caico'ni pu̱'cani nea ya'o neina, ta̱ñu'u cajë nesi tsu̱'supëje̱, co'a de'ose'e pani. Ja̱je pa'ina, coa je̱ocoye pa'iji, yeja ne de'huaye co̱cai ma'ñe pa'ito. Ca̱joro quë'iohua'i sëte cuasajë asajë̱'ë.”
Currently Selected:
Lucas 14: sey
Highlight
Share
Copy
Want to have your highlights saved across all your devices? Sign up or sign in
© 2012, Wycliffe Bible Translators, Inc. All rights reserved.
Lucas 14
14
Jesupi Coto Dahuë Ju̱'iquëre Jujucaiye
1Huajë mu'se ti̱'aëna, Jesús saji'i, fariseo ëjaë huë'ena, a̱o a̱si'i caquë. Saquëna, fariseohua'ipi huajë mu'se i̱ yo'oquëna, ñañu'u cuasajë cui'ñani ñahuë. 2Ñajëna, i̱ ñaquë ñu'i hue̱'ñare te'i coto dahuë ju̱'iquëpi paji'i. 3Pa'ina, Jesús se̱ji'i, cua̱ñese'e ye'yacohua'ire cui'ne fariseo pa̱ire:
“¿Jujuye de'oquë huajë mu'se pa'ito ju̱'iquëre, mësarupi asato, pa̱nita'a jujuye pa̱ñe?”
4Ja̱je caquëna, coa ai jerepa cama'pë paë'ë. Pa'ijëna, i̱pi ju̱'iquëre jujuni capi, saijë̱'ë. 5Ja̱je se jujuni fariseohua'ire capi:
“¿Nepi mësaru acohua'i burropi pa̱nita'a hue̱quëpi cojena to̱mesiquëre etoma'cohua'i a'ni, huajë mu'se pa'i do'ire?”
6Caquëna, ti sehuoye pa̱huë.
Huejajëna, Soisiquë Yo'oye
7Soisicohua'ipi de'o ñu'i saina co'ejë a̱o a̱i saihuëna ja'rujëna, ñani Jesupi ja̱ohua'ire ñeje yëhuopi, i̱ohua'i asa ja̱'ñere:
8“Më'ëni yecohua'ipi huejajëna, ñaja'quëre soisiquë pani de'o ñu'i saihuëna tëto sani ja'ruma'ë pa'ijë̱'ë. Ja'runi ñu'ina, më'ë jerepa pa'ini dani mësarute soisiquëpi cama'quëni: ‘Më'ë ñu'i saihuëre iquëna i̱sijë̱'ë.’ 9Caquëna, më'ëpi pa̱i ñajëna, huajëya'ye huëni ai jeteyo'jerepa ñu'i saihuëna sani ja'ruma'quëpi ja̱je yo'osi'ni. 10Ja̱je yo'oma'ë, huëosicohua'i pa'ito, jeteyo'je ñu'i saihuëna ja'rujë̱'ë. Ja̱je ja'rusiquëpi ñu'ina, më'ëre huëosiquëpi dani caja̱quë: ‘Yë'ë cajei, i̱ño de'o hue̱'ñana dani ja'rujë̱'ë.’ Ja̱je cato më'ëje sihuaquë i̱ ja̱'re co̱ni a̱o a̱i saihuëna ja'rusicohua'i ñajëna, de'o ñu'i saihuëna ja'ruja̱'quë a'ë. 11Ja̱je pa'ina, yë'ë a'ë jerepa pa'i caquë i̱ja'a yo'osiquëpi coa ai jerepa co'aquë maca po̱nëñe pa'iji. Cui'ne i̱ti co'aquë teaye pa'i pa'isiquëpi jerepa pa'i po̱nëñe pa'iji.”
12Capi, i̱te soisiquëreje̱:
“A̲ore a̱oquë pani, pa̱nita'a na'iquëna, a̱ore a̱oquë pani, soima'ë pa'ijë̱'ë, më'ë cajeohua'ire, cui'ne yo'je tsi̱re cui'ne më'ë do'ijëre cui'ne më quë̱no maca jaiye co'amaña pacohua'ire. Më'ëpi ja̱je soisiquë pa'ito i̱ohua'ije̱ më'ëreje̱ soija̱'cohua'i a'ë, a̱ija'quëre. Ja̱ maca sa̱ise'eje̱ pa'ye pasipi. 13Ja̱je pa'i do'ire më'ëpi a̱ore paquë pani soijë̱'ë, co'amaña peocohua'ini, co'a de'osicohua'i mañani, cu'ima'cohua'ini, cui'ne ñama'cohua'ini. 14Co'ye i̱siye ti pa̱ja'cohua'ini co̱caijë̱'ë. Ja̱je pa̱sicohua'ita'are, nuñe yo'ocohua'i ju̱'isicohua'ipi huëi maca më'ëje huëni sa̱i cua̱ñoja'quë a'ë, Maija'quëni.”
A̲ojajë Caquë Jai Pa̱ire Soiye
(Mt 22.1-10)
15Ja̱je iyere caquëna, asani a̱o a̱i saihuë ñu'icohua'i aquëpi capi, Jesure:
“De'hue Maija'quë te̱'tere pa'i a̱o a̱ija'quëpi sihuaquë pa'iji.”
16Caquëna, Jesupi capi, i̱te:
“Jai pa̱i tsi'sirena, a̱osi'i caquë jai pa̱ire huëopi. 17Huëosiquëpi a̱o a̱i macarepa ti̱'aëna, i̱ jo'yaëre capi: ‘Quërëja̱ijë'ë, huëosicohua'ire si'aye ne saohuë’ capi. 18Ja̱je casiquëta'are si'aohua'i pa̱ja'quë pa'ini ca huëohuë. Du'ru macarepa aquëpi capi: ‘Ja̱'arepa yejare huerohuë. Ja̱ote sani ñañeque pa'iji. Care payë, yë'ëre oi cuasama'ë.’ 19Yequëpi capi: ‘Diez duruhue̱quëre huerohuë, yeja a̱'jiñe necohua'ire ja̱ohua'ire neñañeque pa'iji. Yë'ëre ai cuasama'ë, pa'ijë̱'ë.’ 20Yequëpi capi: ‘Ja̱'arepa huejahuë. Ja̱je pa'ina, saiye pa̱ñë.’ 21Ja̱ maca i̱ jo'yaë co'ini i̱ asase'ere si'aye quëapi. Quëaquëna, Ëjaëpi asani pë̱i i̱ jo'yaëre capi: ‘Esa sani ja̱je pa'ito co'amaña peocohua'ini, cu'ima'cohua'ini cui'ne ñama'cohua'ini, si'aye ai yo'ojë pa'icohua'ini ti̱'ani dajë̱'ë, jai daripë cu'i ma'ña pa'icohua'ini.’ 22Ai tsoe pa'i maca dani i̱ jo'yaëpi capi: Ëjaë më'ë cua̱ñese'eje̱ yo'ohuë. Ja̱je pa'iquëta'are ja̱ yë'ta'a peo sa'noa pa'iji, ti̱mëñe peoye. 23Ja̱je caquëna, ëjaëpi i̱ jo'yaëre capi: ‘Sani iye daripëpi sai ma'aña pa'icohua'ini cua̱ñejë'ë, dani yë'ë huë'e ti̱mëjajë.’ 24Care payë, yë'ë du'ru huëosicohua'i aquë te'ije̱ a̱iñe peoji, yë'ë a̱o macarepa.”
Jesús Tui Do'ire
25Jai pa̱i Jesure tuijëna, i̱pi co'ye po̱nëni i̱ohua'ire capi:
26“Yë'ëre tuiye yëni ai yë'ëni oiye pa'iji, ja'quëre, ja'core, nëjore, mamajëre, yo'jeire, yo'jeore cui'ne co'ye pa'iye oiye jerepa. Ja̱je yë'ëni oima'quë pani yë'ëre ye'yequë pa'iye peoji. 27Cui'ne yë'ë do'ire i̱ pa'iye ai yo'oye pa'itoje̱ ja̱re tusi'i cuasama'ë, coa tusi'i caquë yo'oquë pani yë'ëre ye'yequë peoji. 28Cui'ne mësaru acohua'ipi jai huë'e neñu'u cajë huëocohua'i pani du'ru ja'runi dujë cuasacohua'i a'ni ¿Je ja'yepi curiquë neja'cohua'i a'ni cajë? 29Ja̱je de'oye cuasama'pë, coa ja̱'a huëo macase'e neni, cui'ne jeteyo'je ne saoye pa̱to, si'aohua'i i̱ti ñasicohua'ipi cue'cue huëoja̱'cohua'i pa'ini, yo'o jujayere ñani. 30Ja̱ maca cue'cuejë caja̱'cohua'i a'ë: ‘Nesi'i caquë huëosiquëta'a ne sao ti̱'ama'ë pa'iji.’ 31Ja̱je pa'ina, cui'ne pa̱i ëjaë yequë yeja ëjaë ja̱'re uihuasi'i cani, ne ti̱'añe pa'iquë caquë ja'runi cuasani, i̱ soldado pa̱ire cue̱cue ñaquëna, diez mil pa̱i pa'iyë. Pa'ijëna, i̱te huajo daquëpi paji veinte mil soldado pa̱ire. 32Paquëna, neña jujani, ja̱ yë'ta'a yequë ëjaë so'ore pa'ina, uihuaye pa̱ñu'u ca de'huaja̱'cohua'ire jëjo saoja̱'quë api. 33Ja̱je cui'ne mësaru acohua'ipi si'aye ja̱'rë pa'ise'ere je̱oñe coecohua'i pani, yë'ë yo'oye ye'yecohua'i peoyë.
A̲sije̱ Pa'i Ayere
(Mt 5.13; Mr 9.50)
34A̲si de'oye a'ë, sa̱ija'iñe pani. Ja̱je pa'iquëta'are sa̱i ja̱'ñere caraja̱isico pani ¿me cui'naopi sa̱i ja̱'ñe de'o co̱co'ni? 35Cui'ne me co̱caico'ni pu̱'cani nea ya'o neina, ta̱ñu'u cajë nesi tsu̱'supëje̱, co'a de'ose'e pani. Ja̱je pa'ina, coa je̱ocoye pa'iji, yeja ne de'huaye co̱cai ma'ñe pa'ito. Ca̱joro quë'iohua'i sëte cuasajë asajë̱'ë.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2012, Wycliffe Bible Translators, Inc. All rights reserved.